牛天宮

Open Now

Now Closed

今次同朋友兩個人，一口氣試咗兩款主打麵，再加埋小食，飽到上心口首先必試嘅係「沙嗲手切牛肉牛筋丸麵」。一上枱，個沙嗲湯底好濃郁，佢唔係得個鹹字，而係充滿層次感嘅香辣，仲帶住好濃郁嘅花生醬香，飲落順滑得嚟又唔會漿住個口。重點係個湯掛麵能力極強，每啖麵都沾滿濃湯！手切牛肉果然名不虛傳，油脂分布靚，淥得剛好微微粉嫩，入口軟淋得嚟仲有咬口，牛味香濃。牛筋丸絕對係驚喜位，彈牙多汁配料都絕唔馬虎，麻辣雲耳爽脆酸辣好過癮，溏心蛋流心效果完美，蛋黃香滑帶酒香，涼拌大豆芽清新解膩。飲品配咗杯冬瓜茶，清甜冰涼，正好平衡返個濃味。另一碗「鮮蕃茄湯手切牛肉麵」就係清新之選！個湯一飲就知落足料，用新鮮蕃茄熬製而成，天然酸甜開胃，仲飲到微微嘅果肉蓉，絕對唔係茄膏開出嚟嘅假味道。手切牛肉吸晒番茄精華，味道更鮮。配嘅台灣幼麵比較幼身，口感軟滑，同濃稠嘅番茄湯好夾。小食方面，「蔥油厚切香茅豬扒」係必叫之選！豬扒真係厚切，煎得外皮香脆，內裡肉質鬆化唔乾柴。香茅味醃得好入味，加上爆香嘅蔥油，非常惹味「台式鹽酥雞」即叫即炸，熱辣辣上枱，外皮酥脆到不得了，入面肉汁鎖得住，醃味鹹香帶微微椒鹽辣

依間餐廳食到我同朋友都超！滿！足！$68就有個手切牛肉配埋個單人火鍋俾你自己淥肥牛！小食都只係加$10唔使，大大碟！唔覺意嗌咗勁多嘢食！嗌到成枱賣單都只係$220！連埋加一服務費！職員親切有禮貌，忍唔住讚叔叔你哋嘅沙嗲湯底真係好正！叔叔都好proud of佢哋自家製嘅沙嗲湯底！手工沙嗲手切牛肉火鍋沾麵 $68用個日式盤裝住手切肥牛、日本拉麵、火鍋同埋前菜，$68真係好有心！手切肥牛份量亦多，沙嗲湯底香濃惹味！再落埋日本拉麵，因應自己鍾意嘅軟硬程度，煮一陣都已經吸晒沙嗲湯底！認真不得了！望吓隔籬枱，每兩人都一定會嗌一個火鍋，你就知係必食item!餐飲加$7就有自家製無糖白桃烏龍茶，食咗熱辣辣嘅火鍋再飲一啖凍嘅白桃烏龍茶，爽呀！沙嗲手切牛肉牛筋丸麵 $68原碗上嘅沙嗲湯底係同火鍋嘅沙嗲湯底一樣都咁濃味，不過火鍋就好滾熱辣辣咁食正啲，牛筋丸係勁多筋係中間，同埋好濃牛味！成碗份量又係勁多，多到食唔晒！跟餐加小食 - 炸花枝丸4大粒 $20咁大粒真係嚇親！驚食唔晒！薄薄地炸咗一層嘅花枝丸，咬入口有好足料嘅魷魚！真係好食唔想浪費，就算幾飽都好同朋友點都要食晒佢🤣跟餐加蠔油生菜 $9生菜🥬新鮮咬落脆

作為沙嗲控嘅我誠心推薦各位都中意沙嗲嘅人必須要嚟試下﹗﹗牛肉亦絕對對得上牛天宮嘅名外觀裝修得好靚職員都好nice已經比我mark入必須再回訪嘅餐廳手工沙嗲手切牛肉沾麵(火鍋)肉質望落勁靚又新鮮厚薄切得恰到好處落鍋度快速淥幾下變色就食得牛肉嫩滑嘅口感配上沙嗲湯係天作之合沙嗲湯足滿濃郁花生味而且湯底會越煮越濃食到中尾段變成沾麵湯厚實濃郁嘅感覺作為超中意沙嗲湯嘅我嚟講依度嘅沙嗲係超出色﹗招牌沙嗲手切牛肉麵可以自選麵底，有拉麵、出前一丁、台式麵揀揀咗拉麵麵質有咬口又掛汁牛肉同樣嫩滑台灣鹽酥雞外脆內嫩調味恰到好處細細粒果啲食落好似爆谷好開心麻辣貓耳朵超出色，中意麻辣嘅人必點麻香味好出，唔會得個辣字真係feel到麻味係舌尖上面跳舞炸花枝丸、炸花之蝦扒兩樣都好好食外面酥脆內裡好彈牙蠔油生菜食太多炸野辣野想食返小小菜清下而且因為白灼仲好健康跟餐可以加配跟餐配餐飲凍冬瓜茶、白桃烏龍(無糖)好解膩白桃烏龍無糖夠晒清新茶香

見到呢間新開嘅小店主打沙嗲牛肉🐮 用上手切牛肉咁有誠意真係好有特色❤️一試之下牛肉果然有返咁上下水準而且CP值非常高🥹 呢個價錢識到私房菜打邊爐嘅牛肉質素真係好有驚喜呀🤩⭐️ 手工沙嗲手切牛肉沾麵 🥩不得不讚手切牛肉十分新鮮充滿濃郁肉味🤪咬落去好有口感唔會過韌🩷 沙嗲湯底嘅濃度恰到好處🌶️沙嗲味同花生香平衡🥜作為沾麵嘅食法香濃掛湯又不會太膩⭐️ 鮮蕃茄湯手切牛肉牛筋丸麵 🍅除咗沙嗲牛之外私心推薦蕃茄湯🥫用上新鮮蕃茄比一般嘅更加濃郁同鮮甜🌱同樣有手切牛肉配上彈牙嘅牛筋丸💫另外再追加滷水蛋整體好開胃🥚⭐️ 炸花枝蝦扒 🦐酥脆得來保留咗花枝Q彈的口感🦑係小食的好選擇⭐️ 台式鹽酥雞 🍗⭐️ 瑞士汁雞中翼 🐔另外點咗鹽酥雞真係好香口🇹🇼調味啱啱好有夜市風味🧂瑞士雞翼同樣入味🇨🇭⭐️ 冬瓜茶 🥤⭐️ 白桃烏龍 🍑冬瓜茶清甜啱啱好解渴🍉 白桃烏龍就不加糖充滿清新感🍵

公司附近發現咗間新開嘅餐廳，主打食牛麵，本身我心諗特登開一間做沙嗲牛肉麵嘅餐廳，明明係港式個喎，但係個裝修一啲都唔似，入到去有少少台灣風格，一場嚟到梗係要試吓啲牛肉啦沙嗲肥牛麵沙嗲肥牛麵可以揀唔同靚底，有日本拉麵，出前一丁同台灣幼麵，先試下日本拉麵，吸汁正d, 每款主菜都可以揀啲小食，平啲加錢，所以我加咗避風塘炸雞中翼（2隻）同溏心蛋，下午茶時間仲送嘢飲，揀左薑母茶，嘢食份量唔錯，原本個面都有半隻蛋，不過糖心蛋襯返日式拉麵正啲，雞中翼脆皮，明明係港式嘅沙嗲牛麵都有啲日式風味另外一個餐牌推薦手工沙嗲手切牛肉沾麵（火鍋） , 沾麵本身已經幾特別，仲要係火鍋模式，真係要試吓，湯底濃郁得來又唔會死鹹，仲可以有得再加牛肉，對於食肉獸嚟講啱晒，嘢飲揀咗桂花茶，茶入面仲有啲杞子，清香嘅桂花味好啱食完咁濃味嘅湯底解膩，當然仲要加啲小食啦，涼拌台灣百頁豆腐，溏心蛋同炸花枝丸（4粒）想特別講吓個百頁豆腐，平時對呢個豆腐冇乜感覺都係係咁意食吓，不過呢度嘅百頁豆腐口感Q彈，配上嘅醬汁微辣，勁好食，大推，真係食完忍唔住再叫多一份另外見佢咁多小食就再叫咗 鹽酥雞同麻辣貓耳朵（雲耳），嚟呢度簡直好似去咗台灣夜市，咁

作為一名沙嗲控，每次聞到濃郁花生香氣就忍不住尋找源頭！今日嚟到呢間隱藏於尖沙咀的小店，正是為了可試試那碗可以自己涮牛肉的沙嗲沾麵。小店空間雖不大，但環境乾淨溫馨，服務態度親切，絕對係值得支持。手工沙嗲手切牛肉沾麵（火鍋） $68呢個餐係必點之選，最大賣點是可以親手涮牛肉！店家採用本地潮汕黃牛的牛頸脊，手切厚度恰到好處，油花分布均匀。將牛肉片放入滾熱的沙嗲湯中輕輕涮8秒，肉色由紅轉粉即可撈起入口，確實鮮嫩多汁。沙嗲湯底越煮越濃，更有花生碎增添口感，湯汁可掛在麵條上，完美演繹沾麵精髓。麻辣蔥油肥牛拌台灣幼麵 $65喜歡乾拌麵的食客可選，蔥油香氣突出，與麻辣醬汁平衡得宜，不過幼麵口感稍軟，麻辣度較溫和，嗜辣者可能需要額外添加辣醬。肥牛片軟嫩，整體調味清爽不膩。跟餐更可加多款小食：麻辣美國肥牛片 $30 醬汁濃郁，牛肉肥瘦適中，辣度輕微，屬入門級麻辣風味；炸花枝丸（4粒）$20 外皮薄脆，內裡彈牙且魷魚粒清晰可見，誠意十足；涼拌台灣百頁豆腐 $9 清爽開胃，醬油辣椒調配平衡；風沙雞翼（2隻）$14 炸蒜酥香惹味，炸功控制得宜，食落非常香口；麻辣貓耳朵 $9 麻香突出，口感爽彈，值得一試！飲品推

今日朋友話想食牛，我地便來了這餐廳吃飯。沙嗲手切牛肉，牛筋丸拉麵（$68）：沙嗲味的湯底帶有濃郁的香料味，讓人感覺到獨特的東南亞風味。湯頭濃厚卻不油膩，適合喜愛濃味的食客。手切牛肉口感非常優秀，肉質鮮嫩，牛肉的鮮美與沙嗲的香氣相融合，令人回味。牛筋丸的口感彈牙，咬下去時會有些許的彈性，搭配湯頭十分合適。牛筋的味道不會壓過其他食材，反而增加了整體的層次感。跟餐加了個麻辣美國肥牛片（$30）：麻辣美國肥牛片使用新鮮的美國牛肉，肉質鮮嫩，配以麻辣的醬汁，使其在口感上既有牛肉的鮮美，又有香辣的刺激。手工沙嗲手切牛肉沾麵（$68）：手切牛肉選用上等部位，烹調後保持了肉質的鮮嫩，咀嚼時汁液充盈，讓人感受到每一口的滿足感。沙嗲醬由花生、香料和椰漿等製成的醬料，其獨特的香氣和味道為牛肉增添了層次感，讓整道菜在口中形成一種濃郁的香氣。選用的麵條口感滑順，能很好地吸附沙嗲醬，讓每一口都能品味到醬汁的美味。而且，麵條與牛肉的搭配，不僅口感上互補，也讓整體的營養更加均衡。跟餐加了個醬油生菜，都幾清甜美味。還加了一個溏心蛋，都幾好食。風沙雞翼：風沙雞翼外皮脆口，咬下去會發出清脆的聲音，裡面的雞肉則鮮嫩多汁，保持

今次我去咗一間位於尖沙咀嘅餐廳，聽講佢哋嘅手工沙嗲手切牛肉沾麵（火鍋）係招牌，所以我好期待。手工沙嗲手切牛肉沾麵（火鍋）首先，呢個牛肉真係一流！佢哋用新鮮嘅牛肉，切得好薄，入口即溶，肉質嫩滑。沙嗲醬味道濃郁，帶有一啲微辣，令牛肉更加出味，配搭啲手工沾麵，真係一流！再加埋火鍋嘅熱氣，整個人都暖暖地，食完真係心滿意足。番茄大滿貫湯麵跟住我試咗番茄大滿貫湯麵，湯底好特別，酸酸甜甜，番茄味超濃，飲落去好開胃。麵條滑順，吸收咗湯汁，食落去非常滿足。呢個湯麵好適合炎熱嘅天氣，飲完之後心情都好好。鹵水蛋再講講鹵水蛋，呢個簡單但好味。蛋白緊實，而蛋黃就剛好流心，鹵水味道入味，唔會太鹹，食嘅時候可以搭配啲飯或者麵，味道更佳。每一口都好享受。桂花茶飲品方面，我選擇咗桂花茶，茶香撲鼻，味道清新，唔會太甜，飲落去特別舒服，仲可以消暑，真係一個好選擇。涼拌台灣百頁豆腐涼拌台灣百頁豆腐都好正，豆腐爽口，配合啲醬油同香油，味道恰到好處，食落去好清爽，係開胃菜嘅最佳選擇。台式鹽酥雞最後，台式鹽酥雞真係唔可以錯過！外脆內嫩，炸得金黃，配上特製醬汁，真係好入味。每一口都充滿香脆感，特別係搭配一啲蒜蓉醬，味道更加提升，令人

今日去尖沙咀行街~經過呢間金牌沙嗲湯底既小店好似幾吸引! 招牌沙嗲手切牛肉麵(拉麵) /沙嗲手切牛肉牛筋丸麵 (台灣幼麵)沙嗲湯底好惹味~味道濃郁, 同牛肉味道好夾!手切牛肉都幾新鮮, 幾重牛味! 🤤牛筋丸爽口彈牙, 唔會係好多粉嗰啲～炸花枝蝦扒蝦味比較突出! 幾好食😋現炸口感酥脆, 外皮唔會好厚~台式鹽酥雞份量都幾多, 雞肉肉質嫩滑~外皮炸到好香脆!涼拌台灣百頁豆腐百葉豆腐比較彈牙, 味道主要係涼拌醬帶出~第一次食涼拌嘅百葉豆腐, 感覺好特別!好有台式風味～感覺小店都幾用心經營~ 招牌既手切牛肉同沙嗲湯都幾好食, 而且喺尖沙咀地段嚟講定價合理! 都好值得去試下😝

最近我同朋友去咗一間叫「牛天宮」嘅小店，只有六七張枱，最近我去咗一間叫「牛天宮」嘅小店，環境十分簡單，只有六七張枱，非常適合三五好友聚餐。雖然地方唔大，但感覺好溫馨，服務人員態度亦非常友善😌我哋首先試咗手工沙嗲手切牛肉沾麵🐮🐮呢道菜真係令人驚喜。牛肉切得厚薄適中，超級新鮮係真正嘅手切牛，鮮嫩多汁，沾上沙嗲醬後更加香濃。面條吸收咗牛肉嘅鮮味，每一口都充滿肉香，真係好味！😋接住上嘅係蔥油厚切香茅豬扒大碗飯🐽真係大大碗，豬扒份量足，蔥油嘅香味搭配白飯，正👍🏽份量亦相當足夠，食完令人感到滿足😌然後，我哋又試咗沙嗲炸花枝蝦扒麵🦑🦐炸花枝外脆內嫩，蝦扒亦好鮮甜，搭配沙嗲醬，味道非常獨特。麵條同樣吸收咗醬汁，食起來口感豐富，絕對係一個好選擇。飲品方面，我哋選咗白蜜桃烏龍茶（冇糖）。呢款茶清新可口，蜜桃香氣濃郁，但唔會過甜，適合解膩，令整個用餐體驗更加清爽。最後，我哋仲加咗一份台式鹽酥雞作為小食。鹽酥雞外脆內嫩👍🏽😊整體而言，「牛天宮」係一間性價比高嘅小店，每個餐品平均都係$70左右，真係非常親民。值得一試。😋😋😋

又係午餐時間，今日想食牛肉既野，經過牛天宮冇人等位，就再食佢😆今次食佢嘅沙嗲手切牛肉牛筋丸麵$71 同埋叫咗個炸雞翼沙嗲湯底幾香幾濃味 牛肉覺得佢幾濃牛肉味 牛筋丸不過不失 不過食咗一半覺得太漏食唔晒反而佢個炸雞翼好好味，又香又脆，必定要食！下次會想試佢嘅蕃茄湯底😁

**🔥 手工沙嗲手切牛肉沾麵（火鍋）$68** • 濃郁沙嗲湯底含花生碎 • 手切牛頸脊肥瘦相間，涮8秒最佳 • 跟餐追加牛肉份量+50% ($48) **🍗 風沙雞翼（2隻）$14** • 避風塘炒蒜+炸芋絲 • 雞翼預先滷製再炸 **🐷 蔥油厚切香茅豬扒大碗飯 $62** • 2cm厚豬扒用香茅+魚露醃24小時 • 蔥油用紅蔥頭• 可選少飯 **🍢 跟餐小食** • 溏心蛋 $9：醬油醃足12小時 • 炸花枝丸 $20：台灣直送，爆汁口感 super big and tasty ! Highly recommended • 瑞士汁雞翼 $14：甜鹹適中 • 蠔油生菜 $9：菜心嫩尖部位 Xxl large portion ! Good value of money 🙌🏻🙌🏻🙌🏻**🍹 飲品組合** • 冬瓜茶 $7（少冰）：台灣古早味 • 白桃烏龍 $7（無糖少冰）：日本白桃香 📍人均$100｜火鍋湯底可免費續加 #港式火鍋 #沙嗲控 #港女食記

亞士厘道喺尖沙咀嚟講都真係算旺中帶靜不嬲都鍾意呢度食嘢，基本上每間餐廳都試過咁滯，今次終於輪到呢間牛天宮約咗個friend兩個人食，一於試吓佢.招牌👉🏻手切牛肉牛筋丸麵一碗沙嗲湯底 一碗蕃茄湯底兩碗都係揀咗日本拉麵手切牛肉厚薄適中，有牛味全部都咬得開，唔會有筋牛筋丸 爽彈得黎大大粒咬開仲好Juicy 得兩粒真係有啲唔夠喉.蠔油生菜🥬跟餐加嘅生菜都幾大碟，有啲驚喜，因為沙嗲同埋蕃茄湯都係偏濃厚口感，所以加返個清脆嘅生菜可以間開食吓🤤.見佢小食唔係好貴又口痕嘅關係一次過都叫咗幾樣嘢嚟食😂花枝丸夠香口大大粒 麻辣雲耳小辣清爽蘿蔔肥牛都入味又夠大份咁樣平平哋兩個人可以試多幾樣嘢食都幾開心.整體嚟講坐得都算舒服，舖頭位置方便就腳面食湯底正，手切牛肉同埋牛筋丸都有誠意下次想食湯麵都應該會再返嚟幫襯

次次去尖沙咀都食泰國嘢、韓國嘢、又或者日本嘢，諗住有啲新意思咁啱俾我哋搵到咗呢一間專賣首設手切牛肉麵嘅特色舖！🐮手工沙嗲手切牛肉沾麵（火鍋）($68)望到餐牌嘅Menu，見到個名就好吸引！咁平嘅價錢竟然有得打邊爐！一上到枱果然冇令到我哋失望！人人一板手切牛肉，望落好新鮮~ 仲有三樣前菜 (番茄仔、滷水蛋、芽菜)送！！ 啲肉淥落沙嗲湯，食落都仲係非常嫩滑！！忍唔住另外再加咗啲手打牛肉😚另外個麵底都好好食，做到沾麵掛湯嘅效果，每一條都掛滿晒濃郁嘅沙嗲湯汁！由於太平嘅關係，忍唔住瘋狂叫小食🤩風沙雞翼 （2隻）($14)見到呢個名風沙雞翼，作為雞翼愛好者嘅我硬係即刻要試吓先啦！呢個雞翼食落非常香口！表面面鋪咗炸蒜，勁惹味！！台式鹽酥雞 ($38)鹽酥雞就不過不失啦！同平時食到嘅差唔多~不過佢勝在份量都幾多又夠脆口~麻辣美國肥牛片 ($30)係一款辣辣地嘅小食，鋪滿咗好多醬汁，不過肉質就相對上「鞋」🫣涼拌台灣百葉豆腐 ($9)溏心蛋 ($9)蠔油生菜 ($9)冬瓜茶 凍 (+$3)薑母茶 熱 (+$3)整體嚟講，食材足料又高質，價錢亦都非常合理！100分推薦大家去試吓！！🤤

位於尖沙咀宜昌街的牛天宮，以道地的台灣菜聞名。這裡的裝潢簡約而有風格，讓人一進門便感受到濃厚的台灣氛圍。這次的用餐體驗，讓我驚喜不已。首先，前菜部分的涼拌台灣百頁豆腐，口感滑嫩，搭配香醇的醬汁，清新可口，令人一試成主顧。接著，炸花之蝦扒外脆內嫩，蝦肉鮮美，令人回味無窮。金牌沙嗲蘿蔔則是另類的驚喜，沙嗲醬的香氣與蘿蔔的清甜相得益彰，完美的開胃菜。最後，蠔油生菜清爽可口，為整體的前菜增添了一抹綠意。主食方面，鮮蕃茄湯手切牛肉牛筋丸麵，湯底酸爽可口，牛肉和牛筋丸的搭配更是柔嫩多汁，讓人一口接一口。招牌沙嗲手切牛肉麵則是食客必試，沙嗲的香氣與手切牛肉的鮮味相互融合，麵條Q彈，實在令人滿足。飲品方面，凍冬瓜茶清甜消暑，熱薑母茶則溫暖身心，特別適合寒冷的天氣。總體來看，牛天宮的菜式既美味又具台灣特色，非常值得一試。無論是與朋友聚會還是家庭聚餐，這裡都能帶來愉快的用餐體驗。