爆辣冷麵

Open Now

Now Closed

呢排天氣實在太熱，決定星期五晚休息一晚唔煮飯，買外賣返黎開住冷氣慢慢嘆。見咁熱，梗係食啲凍野，就揀試下爆辣冷麵！爆多蟹籽冷麵係呢度嘅招牌，果然名不虛傳！真係勁爆多蟹籽，每一啖都有蟹籽。揀左小辣，都幾辣🥵不過辣得黎好好味，超香蒜味，會keep住想食落去，好過癮🤣🤣賽磅蟹杯麵先將麵放底，再放賽磅蟹、蟹柳、蟹籽、粟米同西蘭花，麵嘅味道同爆多蟹籽冷麵一樣，只係多啲唔同嘅配料同少啲蟹籽。賽磅蟹味道較淡，配爆辣冷麵就啱晒。經典膠袋撈麵係以前中學成日食，好有回憶！味道都係同上面兩個都爆辣冷麵一樣味道，用膠袋食真係別有一番風味！爆辣哥斯拉雞翼辣過小辣嘅爆辣冷麵，辣得黎好香好惹味！面頭鋪左啲蟹籽，食落口感更豐富。蟹籽沙律係咁多樣野入面唯一唔辣🤣🤣變左用黎解辣，一辣就食返啖中和下。入面有青瓜、粟米、帶子裙邊、 蟹柳同蟹籽，個汁甜甜地，帶子裙邊爽滑帶點脆脆地，好正！而且重超大份！抵食！爆辣雞軟骨睇見就覺得有鑊氣，用佢地嘅秘製爆辣生蒜油炒，配埋青瓜同蟹籽一齊食，送酒一流🍺！重買左樽爆辣生蒜油看門口，啱晒打邊爐煮餸BBQ！

我見過元朗~ “爆辣冷麵”的介紹。位置係千色店對面嘅西菁街富盛大廈地下。位置都算容易搵到，方便！年青時流行食撈麵，$3包任你配，成日都會食。宜家到D囝囡鐘意食。旺角藍田都仲有得食。今次經過元朗，順便去買來試試。成家人食，緊要買多D。不過今次真係玩大左，點食得哂呢？😄唔係講笑，份份都大大份，真係食飽飽。有賽磅蟹杯麵，爆多蟹籽青瓜冷麵，爆辣蟹子撈麵，爆辣雞軟骨，爆辣雞翼。有相為證，爆滿蟹子，辣味吸引，任你簡咩辣度。我當然無試爆辣啦！ 😄值得支持！喜歡小店！年少回憶！

店鋪：爆辣冷麵 (元朗)地址：元朗西菁街9號富盛大廈地下89號舖難得入到元朗，緊係要搵啲又黃又出名嘅餐廳小店幫襯吓啦💛，呢間爆辣冷麵喺元朗響噹噹，皆因佢哋嘅「辣🌶」做得幾出色，吸引咗唔少鍾意食辣嘅人去幫襯，佢哋同樣迎合到唔食辣嘅人，只要嗌唔辣/走辣一樣試到佢哋嘅招牌冷麵爆辣賽磅蟹杯麵 $30呢個杯麵唔同我哋平時食開嘅杯麵🤪，喺用咗一隻平時裝飲品嘅杯作為器皿，底層有冷麵，中間喺用咗炒蛋白同蟹柳去整嘅賽磅蟹，面頭就有蟹籽，撈勻嚟食又真喺幾似食緊杯麵😂，辣辣哋幾惹味爆多蟹籽冷麵 $40有六款辣可以揀，我就揀咗最細嘅蚊仔辣🌶，唔喺講笑，啲蟹籽真係多到爆🙈，直頭同麵嘅份量一樣咁濟，鍾意食蟹籽嘅人就啱晒😎爆辣雞軟骨 $38用秘製生蒜油炒香咗嘅雞軟骨，食落唔會好油，不過啲軟骨就有少少硬🤏，蒜香唔會好濃🧄，唔會蓋過咗雞軟骨本身嘅酥香爆辣哥斯拉雞翼 $12/2雞翼同樣加咗秘製辣汁同蟹籽，雞翼炆得幾腍👍，都喺以招牌嘅辣為主導，入口香辣，麻麻嘅口感慢慢滲出，好過癮🤩招牌蟹籽沙律 $48呢個沙律有蟹籽、青瓜🥒、帶子裙邊、粟米🌽、蟹柳同紫菜，另外加咗沙律醬，撈勻嚟食爽口而且好甜，食完辣嘢食返呢個沙律就可以中和返

冷麵，其實真係穿插住我整個中學時代lol 仲要係公園開餐，啲記憶仲唔夾埋汗水出晒黎？呢間朋友推介嘅爆辣冷麵真係令我印象深刻。<賽螃蟹杯麵 ($30)>杯麵賣相不俗，而且夠有玩味。清楚見到大大舊激似蟹肉嘅蛋白，又有卜卜蟹籽，仲有veg🥦 中和一下強勁嘅咸味，我地又可以繼續戰鬥🤣.<爆辣哥斯拉雞翼 ($12/2隻)>食辣對我黎講不嬲都係種challenge 🌶️😆🤣 真係朋友大推，至咁俾面give it a try😎 呢份雞翼真係唔惹小🦖 真係，媽，好辣啊~~~🔥我懷疑啲辣係入味到，入埋啲骨度@@.<雞軟骨 ($38)>🍻醉愛雞軟骨🤤 朋友好識及時行樂啊..🍺一啖啤，一啖酥炸雞軟骨..可能岩岩打完大佬，呢隻我感覺只係微辣，惹味得令人一口接一口，如果係熱辣辣一定更正🔥😆.<爆多蟹籽冷麵 ($35)>排緊隊等落order嘅時候，已經見到凡有蟹籽嘅菜式， 都係被毫不吝嗇地鋪上大量蟹籽😍 所以呢個係必點。蒜味非常濃郁，重口味之選😂😆 朋友怕芫茜，所以今次冇點，佢食得非常開心🤪啖啖卜卜蟹籽，滿足。下次返啅我必定會加芫茜，感覺味道會再多個層

上網見好似幾多人Like, 行過試下啦……用杯裝好過用袋……食得方便。食左1啖，大x獲……咸到吞唔到……我叫左2份，1份小辣1份中辣……d豆瓣醬好似唔洗錢咁……豆瓣醬除左辣仲好x咸小辣 中辣都係咁咸……唉～其實呢d街頭小食好易整我要求都唔高……食得落口就得……但遺憾嘅係呢2杯野食都食唔到落口。

哇~~~癡線~~ 好多囉~~~~ 今日想買d野外賣回家食,甘岩見到呢間小店, 好似好正咁!就決定要試下啦 (.____.)一去到d店員都好Nice,又有禮貌帶住小狗去, 佢地仲同我地小狗一齊玩下!❤️❤️❤️❤️❤️❤️❤️❤️今次叫左幾樣野番屋企食1.爆多蟹籽冷麵⊂( *･ω･ )⊃呢個我簡左中辣, 如果怕辣既,建議您地可以叫番小辣阿,因為佢地呢隻辣係 “香辣”真係會辣到你流哂口水, 好過引個麵一打開, 真係忍唔住講左句:“ 哇~~癡線~~~好多囉~~~”D 蟹籽多到就快掉落檯!!!真係食哂佢地成個家族入肚!!!冷麵最重要係隻汁夠蒜, 佢真真正正做到真係入口啖啖都有蒜香同埋辣椒既香蟹籽食入口卜卜聲爆開>w<正( ｡ˆωˆ｡ )♪2. 賽磅蟹杯麵(*’∪’*) 男朋友話怕一個麵麵唔太夠所以叫多一個, 估唔到佢d份量都好大 呢個麵有賽磅蟹, 粒粒CORNS, 蟹籽, 西蘭花麵底同埋撈麵個味同頭先果個一樣但呢個就再多左賽磅蟹呢樣野佢好多送, 撈埋左之後, 啖啖麵都有送食好滿足阿, D賽磅蟹都好好味, 甜甜地有點蟹柳絲3. 生蒜油 ( ◌•ω•◌ )♩.◦呢個係忍不住見到買回家,

一路都知元朗多嘢食，不過係元朗國要搵間黃店，其實唔容易！要喺元朗做一間好嘅食店已經好難，做一間好食嘅黃店更加難。今次介紹嘅爆辣冷麵喺其中一間性價比同質素都好好嘅鋪頭。 🐔爆辣哥斯拉雞翼($12/隻)唔好睇少佢嘅辣度，食完一隻爆辣哥斯拉雞翼後啲辣味慢慢由食道湧返上個口度再傳到個咀唇度。辣到講唔到野🔥🥗爆茜蟹籽撈麵($40)一打開個盒，喺滿滿嘅蟹籽同芫茜，蟹籽咬落啪啪聲，芫茜就多到見唔到啲麵，芫茜控必食😋🍝香港經典透明袋裝撈麵($15/3包)我想信80，90後對袋裝撈麵一啲都唔陌生，以前學生時代放學必叫2麵3餸。喺呢度有成20種不同嘅配搭任君選擇。 我今次就食左牛肚，栗米，蟹柳同魷魚🦑 。冷麵彈牙，配料唔會有雪味，每包份量都大大份，夠食飽！🦀爆辣賽螃蟹杯麵($30)話說我好鍾意食上海野，其中一定會食賽螃蟹，因為喺考驗廚師嘅功力，估唔到一間小小食店都做到！真喺估你唔到PS雖然叫做爆辣冷麵，但都都有7種唔同辣度俾各位選擇，由最勁嘅爆爆爆辣到唔辣都有。可以滿足所有人嘅要求😍😍

今年年頭同友人係元朗行完山之後就係元朗覓食，Instagram 見到超爆滿既蟹籽爆辣撈麵。鍾意辣既我地更係要去試下啦！個陣我地真係超肚餓🤣 又攰，店主好好人咁借左兩張凳比我地坐。友人膽粗粗咁叫左個爆辣🤣。我只好跟隨。辣死我，標曬眼水，辣到痛但又好好食。但真係好有回憶，尼個係我第一次食。 因為羊咩先生好鍾意食辣野，所以今次帶佢黎挑戰下！原來佢地無幾耐之前轉左地舖！更加方便街坊買。今次黎先發覺佢地除左出曬名既冷麵，仲有好多其他小食。佢地全部野都係即整，所有員工同老闆都好有禮貌！果然係良心小店！🍝爆多蟹籽冷麵 小辣 $40 可轉爆茜🤣if you like我一面見到店員開一盒又一盒既蟹籽，真係超足料！其他地方一定搵唔到🤣，食落口啖啖蟹籽，癡曬落d麵，口感又好好，波波波咁。今次叫左小辣岩岩好，係滿足既辣度，唔洗痛住好食。不過可能有人享受既🤣冷麵好彈牙，份量十足😍蟹籽既鮮味加埋撈麵又辣又蒜，好惹味！落左激多蒜蓉同辣椒，味道豐富重口味。可以少鹹少少。問返老闆原來係可以叫少鹹🙈🙈💛🦀爆辣賽螃蟹杯麵 $30袋裝係童年既回憶，依家又進化到杯裝🤣🤣尼間真係好有創意！不過就唔係太環保，始終都係用膠。但其實鋪

作為元朗國居民一份子，早有聽聞爆辣冷麵，之前店舖位置很難找，現在搬了新舖，就腳得多，首次試辣，希望菊花頂得住！我們點了什麼：。爆多蟹籽冷麵。。賽螃蟹杯麵。。爆炒雞軟骨。。招牌蟹籽沙律。。爆辣雞翼。。爆辣生蒜油。—————。爆多蟹籽冷麵。我發現基本上所有餸菜的名字都有「爆辣」，我果然太大意，竟然忘了這家店是主打爆辣，還高估了自己，把The Bread拉進這個火辣辣的陷阱。對，我們點了中辣！爆多蟹籽冷麵，麵如其名，蟹籽真的多到連麵條都看不見。冷麵的韌度剛剛好，很怕麵條軟滋滋的。調味方面，除了太辣之外，非常惹味，拌上很多生蒜。除非你在譚仔平日都吃到中辣或以上，不然建議只點小辣或者蚊仔辣就好。蟹籽除了提供視覺上的震撼之外，亦增添了鮮味與口感。—————。賽螃蟹杯麵。賽螃蟹杯麵看起來很有趣，用了平日喝珍珠奶茶的杯，下面同樣是冷麵，上面是青瓜絲、蟹籽、蟹柳、蛋絲，而賽磅蟹是蛋碎拌上沙律醬？吃不太出，味道不是太特別，主要為增加口感層次。—————。招牌蟹籽沙律。唯一不辣的一道，The Bread狂吃解辣，非常足料，底部是青瓜絲，上面鋪上了蛋絲、帶子裙邊、蟹籽、粟米，最後再灑上紫菜絲。青瓜絲刨得夠細，

之前上網成日見到呢個賣相非常震撼嘅蟹籽冷麵，面頭嘅蟹籽多到滿瀉，真係見到都想食；但礙於地點唔方便，又冇堂食，所以一路都試唔到，今次經過發現佢轉咗地舖，見到咁多蟹籽嘅食物相，真係留哂口水🤤 今次終於試到呢間位於元朗小有名氣嘅爆辣冷麵。平時見開都係大大盒嘅蟹籽冷麵，但原來佢仲有袋裝，杯裝選擇，fit到唔同食量嘅人。.💁🏻‍♀️爆多蟹籽冷麵（$40）蟹籽冷麵勁抵食，40蚊就大大兜，勁爆多蟹籽，真係平靚正😍💁🏻‍♀️賽螃蟹杯麵（$30）💁🏻‍♀️袋裝撈麵（$15/3包）三款冷麵其實味道都一樣，只不過配料唔同，爆多蟹籽特點就係同個名一樣有爆多嘅蟹籽；賽螃蟹杯麵裏面嘅賽螃蟹口味就比較清淡啲；而袋裝撈麵就可以自己揀餸，非常之懷舊，好啱學生哥👦🏻👧🏻，而對於已經脫離左學生哥呢個身份好耐嘅我就覺得最平靚正同至啱我嘅就係爆多蟹籽冷麵喇，亦都係大胃王之選。.💁🏻‍♀️爆辣雞軟骨（$38）面頭嘅雞軟骨真係好多，下面配有🥒青瓜底，唔講以為係雞軟骨沙律，撈埋雞軟骨嘅辣汁都幾好食。.💁🏻‍♀️蟹籽沙律（$48）除咗🥒青瓜同蟹籽之外，仲配有🌽粟米、蟹柳同爽口嘅帶子裙邊加上沙律醬撈勻，好味多元化亦都好抵食。.💁🏻‍♀️生蒜油（$2

▶️爆多蟹籽冷麵可以話係佢地既皇牌~👑👑雖然我唔太食得辣~不過哩款~真係點都要叫少少辣~先最好味~最惹味架~🤤🤤未食~一打開盒見到冷麵上滿到瀉既蟹籽已經心心眼~😍😍😍😍😍每啖冷麵都有充足既蟹籽包圍住~口感真係一流~👍👍冷麵除左醬汁外~佢裡面D蒜都好香好好味架~雖然食愈食愈辣~不過我都忍唔住係咁夾D蒜黎食~▶️爆荽蟹籽冷麵哩款~好明顯就係爆多蟹籽冷麵既加芫荽版芫荽控一定要試呀!!🤩🤩加左芫荽~口感更加豐富~而且佢D芫荽好香▶️細撈爆撈小食有好多唔同款式既小食～一次過可以試哂～正👍有魚片~大腸~牛肚~腸仔~蟹柳~蟹籽~魚丸~粟米粒~真係好豐富~勁入味~愈食愈辣🔥🔥我覺得用黎送酒一流🍻

我既童年完全係充斥住袋裝冷麵！小學每日補完習都要買一包，諗起當年我呢個肥妹仔揸住包冷麵一路行一路食住返屋企🤣 直到宜家都好中意，真係民間一大美食😂本身位於元朗又新街又一新城既爆辣冷麵，宜家搬遷到千色廣場隔離既西菁街地鋪🤩 位置方便好多啊！成間主打撈冷麵真係💯🥵可選：爆爆爆/爆/大/中/小/蚊仔辣➨經典透明袋裝撈麵 自由加配 HKD15/3包、HKD18/4包➨爆炒雞軟骨 HKD38 + 爆辣哥斯拉雞翼HKD12/2隻呢款好惹味，睇住staff係鋪頭即炒啲雞軟骨👍🏻 鹹鹹辣辣！哥斯拉雞翼名副其實真係幾辣下，我諗似中辣！➨賽磅蟹杯麵 HKD30撈冷麵用杯裝幾新穎！拎住好方便！最底係冷麵，鋪上賽磅蟹，然後有蟹柳絲、西蘭花、粟米同紫菜。➨爆多蟹籽冷麵 HKD35真係勁量極多蟹籽！每一啖麵都係蟹籽包住😇➨夏日蟹籽沙律 HKD48(大量青瓜、少量粟米、帶子裙邊、蟹柳、蟹籽 & 紫菜) 好中意呢一味真係好清新，帶子裙邊比平時食開個啲仲大條好味啲😍 ➨爆辣油生蒜 HKD25/一樽自己返去DIY 建議食法：炒餸、加入撈麵、蒜泥白肉、燒蠔、BBQ 中意食蒜又無辣不歡既你要試下啦🤪支持香港小店🙌🏻 份量好多

爆辣冷麵？聽個名都覺得好爆，正值夏天晚上想食得清涼少少，冷麵是個好選擇。爆多蟹籽冷麵 - 真心好爆，超超超多蟹籽，橙色一大堆，真實過真材實料呀。入口卜卜脆，一個字-爽！中學時間常常食冷麵，但份量總是剛剛好，今次可以放肆狂食冷麵，有種說不出的滋味。果然真是爆辣，小辣都已經是好夠辣！因為太肚餓，所以現場食了一袋裝撈麵，中學回憶呀。賽磅蟹杯麵- 冷麵用杯裝，有創意，又蟹柳及西蘭花。可以買定一杯去戲院看電影時食了！.生蒜油 - 有辣有不辣，香港製造醬油，當然要支持！很香，佐飯炒菜都得，而且又不貴才$20/$25爆辣哥斯拉雞翼 $12 （兩隻）- 真心好正，香辣無窮。爆辣雞軟骨 - 炒得很香，加上生蒜油爆炒香，勁惹味，當小食伴啤酒一流呀。蟹籽沙律 - 如果想食得輕盈一點，可以買蟹籽沙律，同樣是有冷麵的滋味，有蟹子、超多帶子裙邊、粟米，下面是青瓜絲，感覺清新。

📍爆辣冷麵 🎗️這家很早在屯元天的臉書群已經有留意到，但不順路所以拖到最近才去試...🍝爆多蟹籽冷麵這個應該是飛魚籽（？）的確如描述般超級爆多，然後醬汁比較黏口，如果調得清爽點會更好，畢竟是夏天吃冷麵就是想清爽咩。我這愛辣之人也只能吃到小辣，所以要小心選哦🐥爆辣哥斯拉雞翼 & 爆辣雞軟骨下酒菜之選，媽咪覺得雞軟骨咸了點🔸爆辣賽旁蟹杯麵 & 爆辣油生蒜這個不是我愛的口感，蛋白有點過熟了🏡香港元朗西菁街9號富盛大廈地下89號舖

之前去既時候，小店仲設於小型商場既舖仔，今次再黎已經係搬左去西菁街地舖。而食物款式都多左好多，仲有埋熱食添。佢地既辣真係唔惹少，最少既蚊仔辣都辣架！✨味道75分，服務70分。.🔸爆荽蟹籽冷麵($40)上次男朋友對爆荽冷麵念念不忘，覺得過癮。今次再去梗係幫佢再encore啦~滿滿既芫荽舖係冷麵上面，可以食每一啖都食到。.🔸賽螃蟹杯麵($30)杯裝，最底係冷麵，上面舖左層厚厚既賽螃蟹，仲有啲蟹棒，紫菜絲，蟹籽，西蘭花，呢個諗法幾新穎，賽螃蟹有蛋白香，西蘭花煮得偏硬，同埋杯好滿有啲難撈匀🤣.🔸爆辣哥斯拉雞翼($12/2pcs)正！應該落好重料煮個汁，好入味，亦都好q辣🌶.🔸雞軟骨($38)可以揀辣/唔辣，炒得好香口，好香蒜味，鹹到啱啱好。.🔸蟹籽沙律($48)底下有好多青瓜絲，上面有帶子裙邊，再撈左啲粟米，蟹籽，紫菜，汁都幾多不過較稀身，唔會好膩。.🔸爆辣蒜($25)原來係佢哋自己親手切，可以自己煮餸，打邊爐，醃野調味落。