Video
Read full review
2021-06-13
40 views
今年年頭同友人係元朗行完山之後就係元朗覓食，Instagram 見到超爆滿既蟹籽爆辣撈麵。鍾意辣既我地更係要去試下啦！個陣我地真係超肚餓🤣 又攰，店主好好人咁借左兩張凳比我地坐。友人膽粗粗咁叫左個爆辣🤣。我只好跟隨。辣死我，標曬眼水，辣到痛但又好好食。但真係好有回憶，尼個係我第一次食。 因為羊咩先生好鍾意食辣野，所以今次帶佢黎挑戰下！原來佢地無幾耐之前轉左地舖！更加方便街坊買。今次黎先發覺佢地除左出曬名既冷麵，仲有好多其他小食。佢地全部野都係即整，所有員工同老闆都好有禮貌！果然係良心小店！🍝爆多蟹籽冷麵 小辣 $40 可轉爆茜🤣if you like我一面見到店員開一盒又一盒既蟹籽，真係超足料！其他地方一定搵唔到🤣，食落口啖啖蟹籽，癡曬落d麵，口感又好好，波波波咁。今次叫左小辣岩岩好，係滿足既辣度，唔洗痛住好食。不過可能有人享受既🤣冷麵好彈牙，份量十足😍蟹籽既鮮味加埋撈麵又辣又蒜，好惹味！落左激多蒜蓉同辣椒，味道豐富重口味。可以少鹹少少。問返老闆原來係可以叫少鹹🙈🙈💛🦀爆辣賽螃蟹杯麵 $30袋裝係童年既回憶，依家又進化到杯裝🤣🤣尼間真係好有創意！不過就唔係太環保，始終都係用膠。但其實鋪
因為羊咩先生好鍾意食辣野，所以今次帶佢黎挑戰下！
原來佢地無幾耐之前轉左地舖！更加方便街坊買。
今次黎先發覺佢地除左出曬名既冷麵，仲有好多其他小食。佢地全部野都係即整，所有員工同老闆都好有禮貌！果然係良心小店！
🍝爆多蟹籽冷麵 小辣 $40 可轉爆茜🤣if you like
我一面見到店員開一盒又一盒既蟹籽，真係超足料！
其他地方一定搵唔到🤣，食落口啖啖蟹籽，癡曬落d麵，口感又好好，波波波咁。今次叫左小辣岩岩好，係滿足既辣度，唔洗痛住好食。不過可能有人享受既🤣
冷麵好彈牙，份量十足😍蟹籽既鮮味加埋撈麵又辣又蒜，好惹味！落左激多蒜蓉同辣椒，味道豐富重口味。可以少鹹少少。問返老闆原來係可以叫少鹹🙈🙈💛
🦀爆辣賽螃蟹杯麵 $30
袋裝係童年既回憶，依家又進化到杯裝🤣🤣尼間真係好有創意！不過就唔係太環保，始終都係用膠。但其實鋪頭都好鼓勵自備餐盒！
底部既辣撈麵上面好足料，有蟹柳，好似有蛋白？粟米，紫菜，西蘭花。營養夠曬均衡，一餐岩岩好。
尼個口感豐富！幾鍾意
🐥爆辣哥斯拉雞翼 $10/2隻
雖然佢上面有好多蟹籽，殺傷力好似無咁高，但其實我見到都覺得驚🤣爆辣哥斯拉🤣我唔想變徐子珊🤣但無可奈何，羊咩先生話想試。好啦最後真係勁辣，同上次食爆辣差唔多🤣點可以咁樣架！
🥗招牌蟹籽沙律 $48
一打開又係超級足料，蟹籽好似唔洗錢咁。
入面有青瓜，帶子裙邊，粟米，蟹柳同紫菜。全部野都好fresh, 好爽口。個人都幾鍾意食帶子裙邊🤣
甜甜鹹鹹甘好好味。
🐥爆辣雞軟骨 $38
我超級鍾意食夜市同推車仔既蒜爆雞軟骨，一有就買。
今次見到都好想試下。
店員整既時候落左勁多蒜🤣🧄心知不妙，食完實口臭成日。炒個陣超級香，香到排緊隊都聞到🤣
軟骨同肉既比例好岩！充滿油脂香！比夜市無甘重口味但好惹味。
不過可能我叫左小辣所以唔太辣，下次試下再辣d先🙈
🧄爆辣油生蒜 $25
因為佢地既蒜香太犀利，買返罐返去炒菜煮下野都好，仲可以自製冷麵🧄🧄🧄🤤
返到去，一打開，就係尼陣味，好香！
3.6牛乳焦糖燉蛋
4 views
0 likes
0 comments
🍮即燒3.6牛乳焦糖燉蛋 $10 🤩🤩🤩
見到平平地，不如試埋，即燒應該唔錯。
佢地係面頭加砂糖，再用火槍燒，燒到個面好焦脆！
個燉蛋好濃郁牛乳味，非常rich! 好似飲左成桶全脂奶咁。口感好creamy, 佢唔係好滑嘟嘟個隻布丁，濃郁地好creamy, 死啦好詞窮🤣唔知大家明唔明個口感。
好驚嘆！
🌟整體CP值：7.5/10 我會再返去買🤤🤤 老闆幾時開分店？開係我屋企附近得唔得🤣🤣 下次訂個家庭裝返去食應該幾開心🤣不過對於我黎講可能太重口味，可以鹹味低少少🥰 另外個焦糖燉蛋都好正，老細可以發展下甜品🤣
Post
