潮福蒸氣石鍋 (Closed)

之前陪同學去青衣果邊嘅長髮安老院睇佢嫲嫲，因為佢嫲嫲早排都唔系好舒服。天氣多變，我地走嘅時候，已經剛剛過咗食飯時間，就快D穩野食。距話呢邊都有潮福，不如去食蒸海鮮，我都覺得可以，反正系大埔見過都無食過。就一齊去試試。環境覺得幾新服務態度都好好唔使等位，唔知系咪果日唔系weekend嘅原因。蕃薯蜆，好快就有得食，而且好香喔。好爽口彈牙又夠嫩口，味道鮮甜，好好味啊~~~瑤柱鮮淮山粥，nee個粥真要給10個LIKE,因為真系好鮮甜，色澤好靚，好耐都唔食過甘好味嘅粥，D淮山食就知道好新鮮，而且好軟，入口即融感覺，瑤柱嘅鮮味又出到來，好嚼口。我哋都唔想食白飯，就點咗個荷葉蒸飯，好香好嚼口，好似糯米雞，而且米好軟好香，我好中意荷葉嘅香味，好有家嘅味道。好奇怪，點解自己覺得荷葉有家味道，但係我心裡面就覺得系咯，荷葉蒸飯。蒸黑椒牛仔骨及芋頭。nee個我原來怕會不會好難咬，但係完全不會，好嚼口，而且好香，味道濃，牛仔骨好入味，芋頭又嗦曬牛仔骨嘅味，所以芋頭好好味。送飯就一流。…Read More

得知改了半放題形式的蒸氣鍋，所以再來品嚐，當然任點任食只限非海鮮啦~- 南非龍蝦以蒜蓉清蒸五分鐘。肉質十分彈牙，加上蒜香細作調味，不失龍蝦之原味。- 蟶子皇以蒜蓉粉絲蒸四分鐘，肉質夠鮮夠爽，粉絲吸收了蒜蓉汁惹味。- 貝類雜錦清蒸五分鐘，蜆肉鮮嫩，爽口彈牙，味道清甜不用加任何調味已非常好味。- 鮑魚以金針蒸五分鐘，蒸出來陣陣香，而鮑魚肉質亦彈牙。- 日本大元貝以蒜蓉粉絲蒸五分鐘，肉質較為嫩滑，而面層蒸粉絲亦較硬沒有吸收到元貝的汁液精華！- 肉蟹蟹肉算多，蟹挾啖啖肉，以薑蔥清蒸七分鐘，吃來味道香甜，肉質鮮嫩無比。除本身的海鮮外，亦有多款任食任選的蒸物，如肥牛片、甜粟米、蔬菜、蔥花卷及馬拉榚，統統都是放落蒸窩中蒸熟的。所以都吃得飽飽的埋單。- 南瓜排骨粥最後就係個粥. 非常鮮味. 因為係用晒剛才所食的海解精華煮成的. 所以好香及鮮味.…Read More

位於青衣嘅一間餐廳，我個人覺得味道幾好下，所以專登嚟做咗下評價，平時我咁懶嘅一個人，只系希望望可以俾到大家一些意見 吧。我地一共六個人，所以點咗好多，我就揀啲我認為值得講嘅寫下喇、栗米豬肉丸芋頭，其實就齋睇嘅話系無咩好特別嘅，好實在嘅感覺，但係我覺得就係一種非常健康嘅食物吧，栗米切成塊狀，甜栗米，粒粒栗米都好飽滿，一個就系嫩！仲有豬肉丸實打實，唔錯下，芋頭都系塊狀，口感好粉，我鐘意、生猛肉蟹，一大盤，認真系嚇到我地，蟹肉新鮮，就好似平時出海可以食到嘅咁，保存得非常好，好生猛嘅feel。南瓜勝瓜，都系好健康嘅feel，做健康膳食嘅同時又可以做到好好食，好難得咯，食材都新鮮啫。南非龍蝦，果然系夠大隻，越簡單越好食，本身嘅味道就好新鮮，基本上唔需要好多人工調味料嘅輔助 ，美食嘅本身就係食物本身。馬來糕，因為人多，所以點哩個真係好抵，馬拉糕至少可以一人分到一大塊，鬆軟口感，好味。…Read More

作為青衣人 區內飲茶離不開都係個幾間今晚帶媽媽食佢想食好耐潮福蒸氣石鍋😙比起出面嘅 蒸氣石鍋 其實潮福算抵食食完海鮮餐重可以任食任飲其他野 👍🏼新鮮海產任你睇 睇岩先落單都得👍🏼指定動作😂餐先重黎個燉湯補補身 好夠火喉好濃味鮮菌燉龍躉骨 重好足料😋😋😋貝殼盛盆同大蝦之中只可以二選一㨂左媽媽喜歡嘅大蝦 肉質爽甜彈牙㨂左一大埋貝殼類😂😂😂帶子大過我塊面😂好大舊膏 肉好甜👍🏼蒜蓉粉絲蒸聖子 蒜味濃肉質又甜 好食象拔蚌仔同黃金蚌 同樣加左粉絲同蒜蓉肉質雖甜 可惜黃金蚌有沙 美中不足⋯食完海鮮就係時候食其他野啦牛魔王時間到 和牛粒和牛片同牛仔骨和牛粒同和牛片 牛味濃入口軟林不過牛仔骨比較靭 麻麻地⋯蟲草花清遠雞 意想不到咁嫩滑 好正😍最後就係要嘆下所有精華所在嘅粥底啦粥底綿綿的 非常鮮甜 加埋淮山同瑤柱 正！總結一下 人均消費大約$400 一般晚餐價格黎講算有點貴不過食到咁多新鮮貝殼類 同埋久不久一次都算可以接受嘅 同埋店員服務真係好好 讚👍🏼…Read More

呢排時興蒸氣石鍋，既唔系辛辣，又唔會油膩，系非常健康嘅蒸氣火鍋！！呢日約埋Tina另外5個人，一齊去試試！！之前聽啲去食過嘅人講，都要提前book位先，唔系要等好耐，點知我地6個人無人記得呢回事，去到又唔book位，不過好彩，夜晚6點幾去到，啱啱好去到有位。哈哈哈哈，好lucky吖！！~ 因为食嘅野系要用蒸气将啲野食蒸熟嘎，所以食嘅主要都系海鲜。食咗貝殼、馬拉糕、肉蟹、豬肉丸同芋頭、荷葉飯、龍蝦、排骨粥等等，食到真係好飽好飽吖！！大滿足 海鮮都係新鮮切好，放系出邊，你可以直接出去揀自己鐘意嘅海鮮~~~馬拉糕，簡直系蒸嘢界嘅tradition啊，馬拉糕蒸出嚟真係好香，而且食落去非常鬆軟！！好味 瓜類，蒸出嚟味道好清甜，食嘅就係佢嘅原汁原味！貝殼盛宴，各種各樣嘅貝殼滿足曬我地6個人食貝殼嘅心，肉質好鮮甜，而且蒸出嚟仲有啲貝殼獨有嘅湯汁，好味！！ 粟米豬肉丸再加芋頭，芋頭好粉好甜，粟米系甜粟，好易食飽肚，豬肉丸好彈牙，真係好大分量！！肉蟹好正吖，唔單只將肉蟹最原始嘅味道完全show曬出嚟，蟹入邊仲有膏！！！ …Read More

見到人人都食，急不及待要試！9：30後入座仲有7折。先揀粥底，我地要左瑤柱淮山由佢慢慢煲，跟住先出去揀海鮮。海鮮好生猛，全部游水架，仲好多選擇最後揀左扇貝、花甲、龍躉件，店員會幫你較岩時間一熟就食得，好鮮味唔使特別點豉油～扇貝好大隻，花甲冇沙夠鮮甜，龍躉件雖然少少地，但滑到不得了～最尾啖粥吸收晒海鮮精華，好食！仲有生果送，不過經理態度認真麻麻...有待改善有7折加埋一每人300幾雖然唔係話好多野食，但有新鮮海鮮食都唔差既。…Read More

今日聽到某傳媒推介第一次去試下潮福的蒸氣鍋，我們預約了8:00pm (3大1小)，起初我們諗住散叫，但待應不停極力推介試任食任飲，也沒有安排小朋友量高度。起初待應只是吩咐我們在點菜紙上選擇5款海鮮，當龍蝦上枱時，令我感到十分之失望，已經每人得半份龍蝦，竟然有2份的一半嚴重縮水冇肉。然後再來4只象拔蚌仔，4只聖子，4只扇貝和8只細細的海蝦。小小的象拔蚌不是全隻上枱，係切割為一條條放回殼上，口感很硬，聖子都是嚴重縮水只係給粉絲遮蓋著，扇貝和海蝦還免強可以。吃完5款海鮮後我們只加了少許其他任食的食物，因為選擇不多！等到結帳的時候，我們就傻了，服務員拿來1773蚊的bill，竟然收了4位成人價，我讓他查查，回來說我的小朋友已過1.4米，但由此至終都沒量高度，我向職員投訴入座前為何沒有服務員安排度高? 她竟然給我似是而非的答案~~~無禮的待應回應這是公司定下的規矩，我不是傻瓜，我也沒辦法，唯有在此提醒大家，什麼叫被宰吧!再加其他的花生，醬油等等。太誇張了，反正以後再也不會去，也不會推薦朋友去了。我也去過很多間類似的食肆，但從沒試過這樣經驗，對此店非常不滿呢! 店員的態度和衛生也是我去過咁多食肆中最差的! 味道再好、環境再靚也沒用呢! …Read More

凍冰冰既天氣底下有個火鍋蒸下就正曬喇黎到呢間有好多分店既蒸氣鍋店，都未坐低，已經俾極度熱情既知客請出海鮮檔。。介紹今日花甲肥丫，虎蝦大隻呀。。。。。。抱住年尾流流食好啲既心態--虎蝦!鮑魚!花甲!扇貝!要要要!!!再加蟲草雞!唔差在瑤柱白粥!叫住咁多先😎呢間野抵讚既係佢係有planning既，安排你食既先後次序，首先落米同瑤柱喺底，放上蒸盤，就放第一味蝦~每樣野都有set好曬蒸既時間::虎蝦4分鐘。。鮑魚5分鐘。。雞9分鐘。。係確實剛剛好既😮虎蝦離殼夠爽口，鮑魚一啲都唔un,花甲冇沙隻隻有肉地👍隔住隔住4分鐘5分鐘9分鐘咁既食法又有佢既好處，自己唔使睇火，到時到後夠鐘咇咇咇有專人幫你開蓋分埋落碟，食完再換set新既等你食得舒服!!!同埋唔怕食得太多飽死~~不過有啲懸疑既係個蟲草雞，蒸曬啲油出黎，所以有啲膩。。同埋連帶煲底吸收曬日月精華既瑤柱白粥都好多雞油=0=哈哈總的來說呢間野都係幾好既，海鮮冇腥味，又幫你處理到離曬殼(?!?)豪一豪黎講試一試都唔錯。。。。。…Read More

潮福聽就聽得多，上網都見唔少人討論，不過就一直都冇親身試過，早幾日同朋友行經青衣，原來個頭都有分店，所以入去try try佢～！因為第一次食，梗係叫啲穩打穩陣嘅大路菜式，所以係自選海鮮區就揀左平時都好鍾意食既扇貝同鮑魚咁 扇貝食落口啖啖肉！好鮮味又彈牙，蒜蓉同粉絲完全吸收晒扇貝本身既鮮甜味，每啖都好鮮，勁正~~蟲草花鮑魚更係又滋補又鮮甜，口感彈滑爽，而蟲草花的甘香也吸收了鮑魚的不少鮮味，食在口中啖啖鮮 朋友一向酷愛食雞 所以就當然有叫到！本身謥諗住唔多好食，點之蒸完出黎又幾滑，都算幾食~不過除左海鮮之外，估佢唔到啲叉燒都唔錯～！肥瘦適中，口感JUICE，外皮燒得剛好又帶點焦，係我最愛既口感，加上甜甜的蜜汁下，滋味無窮，用黎送飯食就係最正！一輛暴風式勁食後，好快就已經落晒係胃入面，呢餐確係好鮮味又好味 …Read More

今晚去左探阿八姨婆，於是順理成章就同佢去左佢屋企樓下既潮福開飯，入到去當然係食蒸海鮮喇 外面有自助調味bar，種類甚多，但食後發現其實海鮮都很鮮，不落調味更能吃出鮮味 海鮮選擇都好多，我地全部自己出去揀，揀啱後經理就幫我地拎去磅重計錢 落好order後就可以開始喇！第一步先落粥底材料，我地揀左南瓜花膠粥，好期待！蝦肉質鮮嫩，即蒸即食熱辣辣，而且多蝦膏，好味！肩貝落蒜蓉蒸，爽口彈牙，加上有粉絲，好入味 好肥美的蟲草花鮑魚，爽口彈牙 最後的南瓜花膠粥冇想像中咁濃味，不過食完海鮮大餐後，清清地作結，仲完美呢～～今餐好滿足呀 …Read More

Friend話新年前一齊食餐好d既，就帶左我去食潮福蒸氣石鍋，去之前都唔知系咩黎既，原來就系一個石鍋爐大火蒸海鮮甘樣樣。呢度仲有收茶芥醬油錢($12蚊位)和花生錢(每碟$10蚊)，醬料自助任斟，又唔系汽水，斟得幾多啊其實。等待海鮮既同時都叫左碟燒腩仔食，皮脆肉香，燒肉唔會太鹹，加少系黃芥末更加香口，幾好食，如果新鮮出爐熱啲就perfect。今日鮑魚有特價，$188蚊有六隻，平時要$58-$68蚊一隻，平左甘多冇理由唔點。鮑魚唔算大隻，但都算厚肉，蒸左八分鐘左右，但都幾肉嫩，仲幾有鮑魚既鮮甜。陽江蠔$100蚊半斤，美國石蠔就$48蚊隻，雖然望落陽江蠔冇甘靚，但同樣價錢有成10-12隻之多，於是點左前者。蠔味雖然幾濃，但食落唔太新鮮，鮮味不足，同行朋友話美國石蠔好食好多，一分錢一分貨。叫左半隻污糟雞，蒸左大概十分鐘，雞肉都系非常嫩滑，而且冇雪味，幾新鮮有肉味。兩個人食半隻都覺得有啲多。雞切得太細件，食落唔夠啖啖肉。蒜茸肉蟹蒸糯米飯都唔錯，肉蟹鮮甜啖啖肉，用蒜茸黎蒸更加香，我地仲加左啲芫茜、蔥、同埋豉油落啲飯度撈埋一齊食，味道冇甘單調之餘，更加好食!…Read More

同朋友打完波，想搵個地方食野可以食耐少少，順便吹下水，經過潮福，呢間係食蒸氣石鍋，呢D天氣食好似幾吸引，可以暖下胃，所以大家即決無慮，走左入去開飯~坐低後緊係可以自己揀海鮮，以前打邊爐年代真係未試過，好好玩咁^^由於太肚餓，所以都係蒸左蕃薯蜆先！一陣過後全部開晒，正呀~食落好鮮甜多汁，又好爽滑彈牙，好味！同埋咁樣蒸，D蜆汁無流失到，原汁原味！一路食一路傾之餘，又一路蒸埋扇貝，轉個頭又食得^^蒜蓉加埋粉絲更係吸晒扇貝的鮮甜味，咬落爽彈之餘，又勁鮮甜！食下食下完全開晒胃，所以都叫左幾個白飯黎食~跟住又有波友K點名話一定要食既花竹蝦，真係堅大隻！蝦肉好彈牙好新鮮，蝦膏又多又香，口感有D似食緊牛扒咁正，總之就係好鮮！再黎有我最鍾意食既龍蝦~~呢度既價錢都唔算好貴，隻龍蝦都算多肉同多膏，配埋酒樓加上既粉絲同蒜蓉下，口感就更係集鮮甜爽滑於一身，甚是美味，後黎更好味到再叫多隻黎食添~~尾聲時，仲將龍蝦殼放埋落粥一齊煮，啖粥包含晒d海鮮既鮮甜味，仲又綿又滑，食到我地都一致讚好！！今餐食得飽又食得好，滋味無窮~~~~~~老老實實呢到海鮮食物質素正過其他蒸氣石鍋好多！！！！！！一分錢又真係一分貨！！！！！！…Read More

之前食過一次媽媽睇見啲相話想試下，今次帶佢黎長發食，順便懷愐過去一下，事關曾經係長發住過一段長時間日子:)媽咪第一次食，所以今次都係叫兩個$398既套餐今次試南瓜排骨粥！十分綿滑，除左南瓜既香甜，仲充滿海鮮既鮮甜今次象拔蚌仔無切小件，原件蒸，鮮味彈牙，剛剛好熟，吸左汁既粉絲超級好味美國石蠔大大隻，肥美肉厚啖啖肉，味鮮！馬刀貝又係好大隻，好新鮮，隻隻都開蓋架，肉夠大粒又鮮甜今次揀左菜籃，上次既瓜籃抵食啲食蒸氣石鍋，海鮮新鮮真係好重要，呢度既海鮮係即叫即撈即蒸，真係好鮮味，任何調味都唔洗加已經好好味喇！如果唔新鮮，真係連碗粥都破壞埋~下次再光顧就會試下散叫海鮮，唔叫餐…Read More

平常打邊爐就打得多！近一年市面上搞搞新意思！粥放最底層，上層放海鮮，透過蒸氣既熱力令到海鮮熟透！過程中，海鮮既鮮味會透過鍋小洞流落底層，亦係粥內，從而令粥更入味今晚就試左青衣間潮福蒸氣石鍋，我和友人每人叫左個海鮮精選套餐A,唔使煩，咩都有每樣試下個鍋第一個印象似蒙古帳幕！都幾新奇第一樣黎就係海中蝦，唔算大隻，但係爽口彈牙！蝦頭鮮味十足之後有象拔蚌仔，配上粉絲蒜蓉！味道香濃！象拔蚌盡吸蒜蓉香味，非常惹味！根本唔需要任何調味！已食到海鮮鮮味之後有花蛤！細細隻，一啖一隻易入口再有日本大元貝！亦配上粉絲，粉絲吸了海鮮味道！非常好食！再有美國石蠔，味道清甜！無異味，但蠔蒸後縮成小小，唔夠滿足海鮮最後有大連鮑魚，個人應為最好食！亦成為海鮮壓軸！彈牙爽口套餐亦有大量菇類，菇本身無乜味道！呢個時候就加上少量調味，提升味道。食哂蒸類食物後，就食最底層既粥，我地簡左栗米肉碎粥！粥完全索哂海鮮味道，加上栗米甜甜的，令到粥好綿！好香！不錯不錯過程中，侍應會為我們加海鮮到鍋內，不需自己動手！每樣食材都有特定蒸煮時間，侍應會幫我地調較好時間，唔會令到海鮮過份熟透！食到最鮮味道…Read More

潮福的蒸海鮮不是第一次吃, 不過今次因為老姊的推介, 所以專程來試蟲草花蒸雞和蟹蒸糯米飯.每間潮福都有海鮮檔, 方便食客挑選. 美國石蠔 $48/隻石蠔體積碩大, 肉質嫩滑又沒有沙, 啖啖肉, 完全保持水準.龍蝦 $98/隻除了在西灣河分店吃的龍蝦是大隻之外, 其他分店的龍蝦, 總是較細隻的. 這隻是開邊, 以蒜蓉去蒸. 龍蝦肉質十分彈牙, 可惜不夠大隻, 未能大快朵頤. 大連鮑魚 $68/隻用蟲草花去蒸鮮鮑魚, 是少見的組合. 鮑魚肉很厚, 肉質彈牙但又夠腍, 味道也清甜, 不錯!蟲草花蒸雞半隻 $148聽起來好像很貴, 但吃起來雞肉嫩滑可口, 不過雞件斬得太細碎了, 如果斬大件一點就會很好!蒜蓉肉蟹蒸糯米飯 $198原隻的肉蟹放在糯米飯上蒸, 看起來並不錯. 蟹肉肉質尚算結實, 味道一般鮮甜. 糯米飯蒸得夠火侯, 口感軟腍又夠黏性, 既飽肚又美味. 原來除了海鮮之外, 其他食物也頗有水準. …Read More