潮福蒸氣石鍋 (Closed)

就放假約左屋企人食晚飯，佢地都話想食d特別既野，我就帶左佢地過黎食蒸鍋！因為佢地而家有任食，新鮮，足料，誠意搭夠！同埋抵好多，一個人都係300幾蚊，仲有汽水任飲！係暖笠笠既冬天可以食到即蒸既海鮮真係好正！鮮蝦蒸前仲識郁架，蒸幾分鐘就食得！仲有我最鐘意食既象拔蚌，加埋蒜蓉同埋粉絲，真係好入味，好彈牙！除左海鮮，仲有好多足料任食美食，和牛粒係我最愛！我屋企人最鐘意食佢地既豬肉丸，出面係食唔到呢種味道架！…Read More

兩大三小點了仼飲仼食套餐，屋邨酒家大集團，原本打算求其吞個晚餐，都不存厚望。估唔到仲食到一肚氣！先講食物，連鎖酒樓質素，唯一特別深印象的係，海鮮份量僅僅叫做有比你！由於set左一份海鮮加其他任食，每人得到的海鮮份量，恰好等於一個海鮮拉麵內的份量 (青口，北寄貝，扇貝各1隻，🦐2隻，小龍蝦半隻，蜆仔7－8隻)普通一個大人這個算是頭盤份量吧！不怕，還有任食任點！朋友，原來你咁諗就錯曬喇！點係任你點，食到唔食到，係要睇廚房出唔出比你！第一次落單我地好保守，每款只點一兩份試下味道同份量先，三分鐘後食物到，味道合理，雞有雞味，牛有牛味已經扣頭謝恩！再落單點左15份(即15片)肥牛，10份(即1cm立方20粒)牛粒，5份(大約半隻)雞，仲有5位(即平時一籠)馬拉羔，2位(即2隻珍珠雞)荷葉飯。諗住食飽個肚就閃啦，坐響度等派彩咩！？點知咁就出事、足足等左45分鐘都唔黎！由等20分鐘起，我地已經把握每個侍應行過的機會追單！大家都知姐姐望住第度口講「幫你跟跟」果種飄渺的答覆，等於共産黨答應比你真普選！未死得你咪等下先！響我面前有兩個選擇，等佢定迫佢，45分鐘後，我選擇迫佢，同個captain 講我覺得佢個仼食呃人！佢地於是立即做左正常酒樓會做嘅野----立即出菜！食到結尾；captain特別走過來，好X串咁同我講：點呀！夠唔夠飽呀！你地2個人嘅嘢5個人食！(態度之囂張，令我友人想立即開佢波)所有迷底都解開喇！係喎，個餐寫140cm小童免費啫，無話比你叫到佢地食飽喎！…Read More

蒸汽火鍋要做到好吃，最緊要是食物要新鮮。大大隻美國蠔，配上米粉一同蒸煮。米粉吸收了蠔的汁後，鮮味十足。鮑魚和聖子都很新鮮，有陣海鮮清甜的味道。手打牛肉丸和手打鮮蝦丸，真的貨真價實，內裡很多蝦子，認真回味無窮。值得一提的是，即使是普通的玉米，也很清甜。竹蔗茅根，不是街外所謂的糖水，而是飲得出材料中茅根等的味道。來食飯，一定要叫一渣試試。最後，當然要試試那個，集合所有蒸煮美食味道的粥，鮮甜味美，一定要食。P.S. 部長叔叔非常好禮貌，除了親自落手蒸煮食物外，還很認真地推介今期美食，值得稱讚。…Read More

青衣開了蒸氣火鍋店，早前天氣太熱沒有衝動去試，現在天氣開始有少許涼意，終於等到機會試了。這次是小妹初次嘗試蒸氣火鍋啊。蒸氣火鍋優惠，0830前入坐8折，0830後入坐7折，所以小妹決定訂0830入坐。入剉後再詢問侍應有關7折優惠，原來7折只優惠在正價散叫的食物，而任食及套餐都沒有優惠。這點小妹感覺有點中伏任食套餐 任食套餐，當中海鮮是沒有任食的。而任食包括肉類，丸類，蔬菜類及糕類（點菜紙右邊橙色部分）。因為海鮮款式並不多，並不太吸引，所以我們並無選擇。蒸氣火鍋全包套餐 （包茶芥及加一服務費）因任食套餐並不太吸引，所以最後決定選擇全包套餐。全包套餐分3款，龍蝦餐，奄仔蟹，大花竹蝦，各長價錢都不一樣，必須2位起。全包餐有一點好處就是沒有限制每人一份套餐。例子：我們一共有6人，叫了2位龍蝦餐及2位大花竹蝦套餐。其餘可散叫，0830後入座可獲7折優惠。蒸氣石鍋以是草帽用作鍋蓋，樣子新奇夠新鮮，怪不得熱潮仍沒減退侍應會協助食客烹煮食物，因各種食物蒸的時間長短不一，餐廳有預先設定的時間，這才五確保食物不會太熟。大花竹蝦及龍蝦花竹蝦生猛大隻，放中石鍋時，見到不停蝦掙扎，可見非常新鮮。:)龍蝦濃濃香蒜味,肉質鮮甜，非常鮮味。貝殻盛盆大隻多汁好鮮甜,小妹覺得這是最鮮甜的，以蒸方法保留貝殻的原味，殻還有鮮甜的肉汁，非常美味。蒜茸蒸元貝肉質有點乾應烹調過久，元貝過熟但蒜茸味搭救。蒜茸蒸聖子跟元貝一樣都烹調過久，肉質較乾身。鮮味完全流走。蟲草花蒸鮮雞雞肉嫩滑，味道濃郁。雖然有碎骨但不影響小妹的喜愛。清蒸甜粟米散叫份量多，但味道不太鮮甜。清蒸雜菜盆經蒸的方法烹調，娃娃菜跟菜心岀奇地鮮甜瑤崗淮山粥最精彩的部分亦是晚餐的尾聲～瑤崗淮山粥，晚餐一開始時先將生米及淮山放入石鍋，然後用有孔的蒸盆分隔，而整餐晚飯的海鮮都放咗上蒸盆上蒸，所以精華都慢慢流到鍋底的粥内。可以説粥底是整餐的精華所在粥都得綿綿的，口感幼細，但沒想像中鮮味。一行6人，共$1980。平均每人大概$300，套餐份量還可以夠飽的。但整體沒想像中鮮味，仍有很大的改進空間。…Read More

因我們抵達用餐時間交早，所以不用等候，就能入坐享用。當值職員態度有善（需要句子無尾音），但亦能感受到一份細心；特別是最後品嚐粥底的時候，職員竟用一小碗盛載粥面上的肥油後，才一碗一碗的分上。…Read More

第一次食蒸氣石鍋。感覺很好，有專人幫你落料計時送上食得。今次主要係食海鮮。自己揀，一定係最好。有樣睇知道新唔新鮮。食落鮮甜而且淡淡肉。推介：淮山粥，好好味。雖然最後先有得食而且可能好飽，但一定要食，我家好老佛爺都大讚自己都煲唔到。…Read More

今次食咗任食放題，包每人半隻龍蝦，有蜆，仲有5款自選海鮮，肉同菜任食。海鮮味道OK，不過埋單要＄450一位，唔算非常吸引，咁嘅價錢會有好多其他嘅選擇。所以呢間長期都有位。龍蝦非常鮮甜，嚟到嘅時候隻龍蝦仲識郁嘅，配埋蒜蓉蒸爽口彈牙味道一流啲蜆就咁清蒸，都已經非常鮮味，日本嘅鑽石蜆尤其好食除咗海鮮，仲有手切和牛，牛柳粒，牛肉味道一般，另外仲有粟米，粟米好鮮甜。…Read More

 近日家人生日, 由於是老人家比較喜歡中菜, 而且指定想要壽包不要蛋糕, 所以找來包含壽包的酒樓宴席. 一家六口剛好半席,也選擇了屋企附近的位置, 食完方便家人回家.龍蝦魚翅宴$888, 價錢當然好有意頭, 菜式有九道, 仲有壽包及水果, 好合心意.上湯焗加拿大龍蝦用伊麵底, 上湯比起芝士更合適老人家, 不膩又清爽.半席有1隻半龍蝦, 蝦身啖啖肉好爽彈, 蝦鉗比較硬, 都花了點時間來去殼, 不過味道鮮美.整個伊麵都掛到上湯, 好夠味, 份量也十足.鴻運乳豬拼盤有齊燒肉, 叉燒, 油雞, 燒鴨及乳豬. 醬料砂糖也齊備. 拼盤好岩人數少食, 因為多款式可以樣樣都食到. 乳豬皮燒得脆卜卜肉又嫩. 叉燒係半肥瘦味道甜甜地, 好想送飯食. 燒鴨肉質比較實. 至於油雞都夠滑夠入味. 整體味道都幾好.紅燒花膠雞絲翅材料唔算好多, 不過有翅既, 雞絲反而好幼嫩好味. 同一般既有點不同, 就是有花膠, 而且份量都幾多, 帶點膠質彈彈地, 味道不錯. 每人一碗滿滿的, 還多了半碗.龍躉兩味 - 碧綠炒球, 可以一魚兩食, 廚房都有諗頭又唔浪費. 魚肉同脆肉瓜炒, 個瓜保持爽脆, 魚肉已起肉, 所以放心大口食, 連唔喜歡食魚既妹妹都食到, 肉質較實且嫩滑, 一點也不腥.龍躉兩味 - 果皮蒸頭腩, 另一款我更喜歡, 因為蒸煮的所以更合適魚類的製作方法. 肉質更加嫩, 又保持到溫熱, 果皮咪唔算好重, 又去除到腥味. 呢碟份量更多更好味.縷衣百花球即是炸蝦丸, 雖然都彈牙, 但係好似xx點心的包裝炸蝦丸, 平時開party都食到的味道. 唔同既係用左偏甜的蛋黃醬.玉環瑤柱甫的乾瑤柱大大粒, 煮得不硬帶點鬆, 一絲絲的瑤柱仍有彈性, 鹹鮮味突出, 做得不錯.脆皮炸子雞層皮最重要, 而餐廳都做到脆皮肉嫩, 雞肉不乾仲好滑, 有半隻已經好夠飽.不過雞脾位既骨真的太血紅.瑤柱蛋白炒飯大大碟, 老人家一定要有米到肚, 所以都好受觀迎食哂. 炒飯粒粒分明又有镬氣, 爽口而不會好油膩.到左期待既蓮蓉蟠桃, 熱辣辣一人一個, 個包好軟熟, 蓮蓉內有少少咸蛋, 甜度剛好又帶咸蛋香.合時鮮果係橙, 皮薄多汁, 只係部份偏酸.總括, 家人同我都好滿意, 食物味道好而且服務也好, 不過可能平日人流不多, 反而上菜速度太快, 不過總好過上菜等得耐. 另外價錢也太吸引啦, 個個都好夠飽, 份量好足, 好抵食.…Read More

朋友發掘到一間別具特色風味的食肆，於是一行五人前去品嚐。這間招牌菜獨沽一味吃蒸氣鍋，鍋蓋用草條織成，外形似北非菜式用具，外沿不停噴出蒸氣。我們先點了瑤柱淮山粥底，侍應便替我們將材料倒入鍋內，但毋須加水，因為一會兒蒸海鮮的汁料會全部漏到鍋內。侍應替我們先蒸紐西蘭刀貝，非常熟手地調校時間，聲响後便可進食，感覺非常鮮甜美味。接著蒸東星斑，肉質滑嫩，啖啖魚香湧進喉嚨裡去，不禁多吃幾件。跟住到這頓飯的重頭戲，便是四斤重的阿拉斯加蟹，蟹膏豐腴，肉嫩鮮甜，令人吃個不停。再來蒸聖子王，同樣令人驚喜。唯一失色的是黃金蚌，略嫌煙韌，咀嚼不下，更兼有腥味。成晚海鮮，當然要加個菜調劑下，於是叫個蒸勝瓜，同樣清甜嫩滑。甜品是蒸馬拉糕，鬆軟可口，食落更有朱古力味呢! 最後便是吃整頓飯的精華，那就是瑤柱淮山粥，真的鮮味無比。…Read More

上個月有個佛山同事過嚟香港出差，比較好嘅同事咁遠嚟到，肯定要好好招呼，最近我都鐘意去潮福食海鮮，本嚟想帶佢去近近地果間潮福，但佢話食完飯要去青衣嗰邊穩親戚，原嚟青衣都有分店，啱曬我地心意。首先就食D大海蝦嚟刺激下個胃先，今日我都係嚟食套餐，覺得套餐最抵食，蝦依然系咁大只，質量當然都系咁好喇，蝦蒸五分鐘左右就得喇，蝦肉好緊實，蝦上碟仲扎扎跳跳，好新鮮甜美。美国石蠔仲正啊，好大只石蠔，肉好飽滿啊，肉質好靚，好有嚼頭，令人好有驚喜感覺，同事覺得味道真係無得頂，肥美鮮甜，食完仲想食，靚啊。蟲草花蒸大連鮑魚，滋補又美味，美國石蠔雖然細細只，但味口絲毫唔影響，鮑魚肉爽口彈牙，比大連鮑魚嘅口感要好好多，果然不同凡響哈。見到呢個大元貝心情都特別靚啊，個個元貝都好靚，粉絲墊底再加D蒜蓉，簡單蒸幾分鐘，粉絲好彈牙，唔容易斷，元貝肉好多肉，好新鮮，唔錯。食完咁多海鮮就整D青菜轉下口味，蒸蔬菜一樣甘有吸引力，食完菜仲要食埋個粥底，無影到相，我地今日系南瓜排骨粥，一樣好好味，粥底不愧係精華所在啊，好好食，同事贊不絕口。…Read More

最近覺得自己生活好寫意啊，隨便食食玩玩，每隔一兩日就出去食個大餐慰勞自己，生活并無發生大變化，但最近淋通左，要對自己好D，想食就去食，想玩就去玩，今個月已經第三次嚟食潮福喇，唔為其他嘢，就貪佢呢度D嘢食夠新鮮，味道鮮甜。一入門口就見到咁多靚靚海線，已經流曬口水，條條海鮮都係度游嚟游去，一睇就覺得特別生猛今日肚比较饿，所以就先整蟲草花蒸新鮮雞，雞肉都比較容易熟，又啖啖肉，先填一下肚先，雞肉同樣都好新鮮，肉好口感，好嫩滑，搭配蟲草花蒸，滋陰又營養，男女食都甘啱。食完雞肉就食返個靚靚海蝦，系咪好大只呢，蝦肉仲好爽口彈牙，比其他一般蝦肉要鮮甜好多，而且更加結實，口感特別正。釀豆卜, 豬肉丸同埋馬拉糕，雖然唔系海鮮，但我都好鐘意，釀豆卜肉餡剁得比較碎，而且有放香菇，好食。豬肉丸都整得好彈牙，味道又剛剛好，真心覺得唔錯，馬拉糕整得好松軟，唔算甜，入口香軟，靚。當然就唔少得一個靚靚粥底啦，瑤柱鮮淮山粥好清甜，無介紹錯你地，粥底真系最后食飽左仲可以食兩碗，好清甜。…Read More

最近好多好日子嘅感覺哈，落班之後就同個密謀好耐嘅老友一起去幫佢開心下，行街睇完戲之後呢我地就開始去搵野食喇，民以食為天呀嘛，都唔會有咩意見嘅喇。所以我地就去咗一間推薦嘅餐廳，系網上好似都幾高好評下咁。落咗單之後，就覺得環境都唔錯下咯，點咗好多人話好食嘅蟶子皇，為數不多，所以就手快有手慢無喇，蟶子同粉絲，好普通嘅搭配，入味反而系好入味，口感唔錯。好想食游水沙巴龍躉嘅，睇落真係超級之生猛，感覺上系又豐滿又新鮮，價錢貴咗啲。生劏金錢躉，好抵食吖，我地可以系現場見到佢地嘅情況，比如話肉質好紮實吖，系岩劏出來嘅，仲好新鮮，煮熟之後就更好香氣。石蠔都系人地推薦嘅，石蠔只見系落咗蔥段同薑絲咁，不過石蠔好好食，好滑漏，我地一吸就可以食到成大半隻，好夠味。天氣熱朋友點咗粥，我稍微試咗下，唔錯，比較清淡。…Read More

哩幾日簡直系閑來無野做吧。然後自己就周圍去轉，用一種自己要瞭解周圍、觀察身邊一切嘅態度來說服自己,都算系哩幾日嘅收穫吧，約埋成班人去咗潮福蒸氣石鍋，豬頸肉蟲草雞，我自己就食咗好多，因為實在係忍唔住咯，我覺得豬頸肉好好好食，完全無想像中嘅肥膩，反而因為脆脆地、完全不帶油嘅口感讓我覺得真系好正，蟲草雞，雞肉真系唔錯嘅，俾市場上食嘅感覺更加爽滑，口感比較符合我胃口。仲有我心心念念嘅西洋菜燉唐排，湯比較清淡，清腸胃岩岩好，不有油膩，比較清口。汙槽雞鯪魚球荷葉飯，一大盤肉咁多，我睇起身就覺得好滿足，食肉動物實在係太容易滿足喇，汙槽雞口感好嫩滑，鯪魚球好實在，都唔覺有魚腥味，荷葉飯簡直充滿住荷葉嘅清香，貼近大自然嘅滋味。日本大元貝，粉絲同蒜蓉將元貝嘅鮮味完全都勾咗出嚟，唔錯哦。…Read More

最近天氣比較反復，有時候明明系大太陽，但系一下間就變天喇，開始落雨，心情簡直就系好似天氣咁，反反復複無常，太容易俾外界嘅環境影響喇。近來覺得系潮福潮福蒸氣石鍋度食野真系好方便咯，所以哩段時間咁忙，我都會就近系潮福蒸氣石鍋度食。店內真系有好多嘅海鮮可以食吖，岩曬我口味啦。雲腿粒冬瓜燉螺肉湯，話時話，我之前真系未飲過咁嘅料嘅湯咯，雲腿粒煲湯嘅味道居然都唔錯下喔，冬瓜湯嘅話宜家就正合時宜喇，畢竟比較滋潤同下火，成個雲腿粒冬瓜湯都好清甜，好正，果然要有嘗試嘅勇氣先可以食到好嘢。蒸蟲草雞，其實我都食咗幾次啦，但系我真系覺得好好食咯，不肥不膩咁，蟲草的味道我一直都系咁鐘意嘅，雞肉經過改良同蟲草嘅味道滲透之後真系覺得好好食咯，食極都唔會厭吖。紅棗糕和蔥花糕我都覺得還算唔錯，比較爽口，特別系紅棗糕，很特別嘅味道，推薦下。…Read More

大排檔嘅蒸氣鍋就食得多，今日一於試下連鎖經營嘅酒店，貪佢貨賣得快，海鮮更新鮮，坐得更舒服當然唔揀小菜，醒目嘅姐姐已立刻送上蒸氣鍋，外表似塔要食新鮮海鮮就當然要出去親自揀，全部都係時價，今日仲見到有啲不定期嘅優惠添心郁郁嘅我都有揀到鮑魚慰勞一下我嘅胃先叫咗個蟲草花蒸鮮雞，姐姐熟手噤為我地調校最佳蒸住時間，以最快時間出到鮮味雞件超滑雞味又好濃，根本唔需要太多嘅調味料，小小嘅薑同蔥就好正喇就算係雞胸位置都係滑到不得了加埋蟲草花，停唔到囗2丁友，可以點嘅份量同種類都唔多，想飽肚小小就叫咗個籠仔羔蟹烏冬:)份量夠晒2個人食由於蒸烏冬較難入味，我自己就加咗啲調味喇，加咗乾蒜紅椒等，惹味到不得之了至愛嘅貝類代表 -聖子皇- 又點少得?爽囗又彈牙，新鮮嘅，當然係唔同啲遲來嘅蝦丸唔可以睇小，細細又有彈性:)同平時打邊爐嘅差好遠主角又再隆重登記!新鮮鮑魚吸咗好多鮮味，蒸出嚟又一啲都唔老唔鞋食完一隻真係唔多夠成餐飯又快又好食，同之前嘅蒸氣鍋經歷差好遠，完全要俾讚…Read More