呢度仲有收茶芥醬油錢($12蚊位)和花生錢(每碟$10蚊)，醬料自助任斟，又唔系汽水，斟得幾多啊其實。
等待海鮮既同時都叫左碟燒腩仔食，皮脆肉香，燒肉唔會太鹹，加少系黃芥末更加香口，幾好食，如果新鮮出爐熱啲就perfect。
今日鮑魚有特價，$188蚊有六隻，平時要$58-$68蚊一隻，平左甘多冇理由唔點。鮑魚唔算大隻，但都算厚肉，蒸左八分鐘左右，但都幾肉嫩，仲幾有鮑魚既鮮甜。
陽江蠔$100蚊半斤，美國石蠔就$48蚊隻，雖然望落陽江蠔冇甘靚，但同樣價錢有成10-12隻之多，於是點左前者。蠔味雖然幾濃，但食落唔太新鮮，鮮味不足，同行朋友話美國石蠔好食好多，一分錢一分貨。
叫左半隻污糟雞，蒸左大概十分鐘，雞肉都系非常嫩滑，而且冇雪味，幾新鮮有肉味。兩個人食半隻都覺得有啲多。雞切得太細件，食落唔夠啖啖肉。
蒜茸肉蟹蒸糯米飯都唔錯，肉蟹鮮甜啖啖肉，用蒜茸黎蒸更加香，我地仲加左啲芫茜、蔥、同埋豉油落啲飯度撈埋一齊食，味道冇甘單調之餘，更加好食!
1
