潮福蒸氣石鍋 (Closed)

這晚打算和朋友去潮福吃蒸氣石碢，雖知該集團有數間分店，但因其中一位朋友在青衣附近工作，不如就遷就他放工，去長發這間潮福吧。我們八時許到達落單，所有食材很快送到。首先由侍應在鍋裏放南瓜、米及排骨作粥的材料。再來很熱的燉湯。随著而來的是乳鴿，中規中矩。這個貝殼盛盒都算頗鲜味。北海道元貝亦算大隻，味道不過不失。龍躉件亦合乎水準。兩隻蟹每隻切開兩件來蒸，蒸起後發覺其中一隻是正常，但另一隻有一半是正常，另一半有異味，極有可能不是屬同一隻蟹。向侍應投訴，侍應用鼻聞一聞亦同意有異味，隨即換過一隻蟹再蒸，蒸起後發覺同樣有異味，再向侍應投訴，侍應稍後再換過一隻，但這時候我們對該店的信心已大打折扣。侍應提議為了慳時間，將第二次换過的蟹與鷄一齊蒸，我質疑是否合適，但侍應表示鷄與蟹同是蒸八分鐘，是沒有問題，但以我自己的普通常識來推算，蒸鷄原定是8分鐘，放多一隻蟹又是蒸8分鐘？我真有點疑惑。之後的和牛粒蒸到過了時，超韌，白白浪費。到蒸田園四寶和馬拉糕，我們已食慾大減。到最後要吃粥，侍應已不知所踪，等很久才見到有侍應，但亦要叫了兩次才替我們放粥落碗給我們吃。這晚我們吃得不太愉快，原因總結如下:1. 蟹有異味，換兩次才換來正常的一隻。2. 我們8時許入座，到大約九點半，侍應已專注於執枱及準備早上茶市的食具，以至蒸海鲜的計時器響起，亦要我們多番催促才來拿起蓋讓我們進食，和牛粒亦因此過了時而變得超韌，白白浪費。3.未夠十時，侍應似乎已趕著收工，十時許不知何故，祇剩下極少侍應，令我們頓覺無人理會。3.打呔的高級職員當著人客面前用粗口指駡下屬，而下屬亦不忿氣，細細聲用粗口回應，此情此景，我們真是無法食得安樂。雖然該店位於公共屋邨，但始终是屬於該飲食集團的成員，職員的質素不應如此吧。希望該店能因應上述所提及的各點作出改善，以使人客樂意再光顧。…Read More

昨天早上我和家人去飲茶，真係飲到一吐氣，我爸點了5碟食物只來了四碟，漏了一碟珍珠雞，老豆話有無搞錯，咁都漏得既，於是早間兩個收銀:漏單米漏單，老人家受唔住氣講左句粗口，果兩個即刻粗口滿天飛惡言相向，仲叫人以後都唔好去飲茶，對老人家一點尊重體量都沒有，莫講話客戶服務態度，況且漏單是他們漏的，這種服務態度令人髮指!接著和他們經理理論，經理態度愛理不理，一直說我要做生意，好像我們在倒亂，這種茶樓香港還有?…Read More

係外國讀書既表弟返左黎香港一陣, 咁身為表哥既我當然要帶佢食好野啦,傾下男人經啦表弟話想試下香港既海鮮, 女朋友就介紹我話佢之前食過潮福好食咁表弟間酒店係荃灣, 就帶佢黎青衣D間潮福開餐見到枱枱都食D個任食餐, 計返埋400蚊每位有找都OK, 就食D個餐首先先放個粥底先, 都幾多料喎, 最後食落都幾鮮味, 我LIKE乳鴿+湯龍躉骨湯幾正, 幾鮮甜, 而隻乳鴿幾厚肉, 都幾好味海鮮大餐D貝類幾鮮甜, 蒸完好多汁, 好新鮮下；而龍蝦幾多肉, 鮮甜得黎幾彈牙, 大滿足；另外我地叫左龍躉, 蟶子, 北寄貝, 鮑魚, 全部都好新鮮下, 好有鮮味, 有海鮮既彈牙質感, 我同表弟都好滿足任點任叫非海鮮類姬松茸蒸雞- 好滑, 好嫩口, 雞味幾濃, 搭姬松茸好味, 本來想試埋順德污槽雞, 但已經飽了爽脆豬頸肉- 真係堅爽口馬拉糕- 個口感幾好, 甜度適中, 唔會死甜菜心- 去左花, 唔洗驚農藥, 食得放心女朋友真係冇介紹錯, 潮福材料新鮮好食, 而且處理食材認真, 令你食完唔洗驚肚痛, 表弟都話大滿足, 係外國一定食唔到咁既野…Read More

又黎蒸氣火鍋 食多2餐 應該可以升級做達人😂 懶人首選一定係食餐 我地要咗6位鮑魚餐 已經有一定既野食 原來唔叫餐的都的有一部份係任叫任食 仲要質量不錯🙈😂粥底有幾款可以揀 南瓜雞 瑤柱淮山 同排骨粥 朋友係食肉獸 所以南瓜雞蒸完嘅海鮮啲鮮落哂去 嗰時至係重點！蒸鮑魚鮑魚餐食鮑魚係重點吧😀 好新鮮 爽口彈牙 加蟲草花一齊食 仲有養生既感覺😂乳鴿雖然得每人半隻 但都夠哂皮 個皮仲有脆嘅 又juicy 唔會太油 🕺🏻蟲草花蒸雞依個認真不得了 好好食 又夠味 好嫩 之後仲俾我望到 原來平時唔叫餐 都可以任叫蒸雞 爽呀😂🙈分量仲幾多 一定唔怕唔夠食蒜蓉蒸元貝 好鮮嫩 蒜蓉同元貝一齊係perfect match …Read More

搞咗一次朋友嘅聚會，好耐未試過咁齊人啦，我哋一行12人約咗喺青衣嘅朝福食蒸氣火鍋，食下啲新鮮海鮮之餘又可以坐成晚傾吓計。我哋12個人叫左個奄仔蟹餐同埋鮑魚餐，個餐仲附送石蠔同埋乳鴿添。你開始嚟咗個燉湯，我就揀咗螺肉湯，你食飯之前飲個燉湯潤下，開咗個胃一陣間再慢慢食。之後就嚟咗乳鴿，乳鴿肉juicy，一人有半隻，外皮笑得好香脆。之後侍應就喺個鍋入面加左飯先再額外加左啲煮粥用嘅配料，然後上面就開始今日嘅主角蒸氣火鍋啦，一嚟就食咗蜆，我哋一行12人，個份量多到第一轉放唔晒，淨係蜆都要分兩轉，d蜆好新鮮，我自己就鍾意細粒多啲，個鮮味好似比大粒更濃郁。之後就到附送嘅石蠔，蒸嘅好處就係仲可以保持好嘅鮮味，而且每一隻都唔係話好細啫， 都有半隻手掌咁大，食落都幾有口感。粉絲蒸蒜蓉扇貝都夠晒大隻，而且蒜蓉味十足，啲精華流晒落去粉絲度，好好食好惹味。今日其中一個主角鮑魚都有半隻手掌咁大架，而且咬落好新鮮，一啲都唔銀，口感十足。奄仔蟹係我覺得今日最精彩嘅一味菜，裏面超級多膏，好新鮮，每一啖都食到蟹味，真真正正食到蒸氣火鍋嘅精髓。12個人食咗＄2500左右，每人都係二百零蚊姐，又可以食海鮮又可以見下啲朋友，仲可以有咁耐坐咁耐添。…Read More

一班人唔係打邊爐就係BBQ, 自從興左蒸海鮮之後又多個聚會熱點是晚約左成班舊同事，揀左兩款唔同套餐開心share, 有鮑魚有奄仔蟹當第一輪野食仲蒸緊既時候飲返個燉湯止住肚餓先，螺頭好香無味精，好快就飲曬個湯乳鴿皮脆肉嫩，意外驚喜滿盤既蜆，鮮味取勝，份量多到食唔曬大大隻鮮帶子，鮮甜多肉奄仔蟹是另一驚喜，蟹膏蟹肉鮮甜，蟹雖然唔係超大隻嗰啲，但都啖啖肉架蒸龍躉，魚味濃兼魚皮煙靭，好補骨膠原呀蒸和牛，估唔到又幾好味啊蒸雞嫩滑，無得輸最後係每次都好期待既海鮮粥，吸收曬之前蒸海鮮既精華而成，點都要食返兩碗啊…Read More

平日比較少去青衣區，皆因朋友新屋入伙，並且順道吃個飯、聚一聚朋友們㨂左位於長發商場-潮福蒸氣火鍋呢度食物及飲品種類多，可以滿足大家要求侍應姐姐將生米、南瓜及肉粒放在石鍋內，海鮮放在上面蒸，用海鮮汁煮成美味既粥脆皮乳鴿，孔鴿熱辣辣，皮香，肉質幼嫰多汁，好食整盆貝穀盛盆，好震撼，大蜆味道清甜新鮮蒜蓉蒸北海道元貝，原貝大隻厚身，鮮味十足，配蒜蓉更為惹味蟲草花蒸鮑魚，鮑魚好新鮮，鮮甜，爽囗彈牙，配上蟲草花，十分滋味蒸奄仔蟹奄仔蟹好多膏，蟹膏鮮味濃郁，令人回甘，蟹肉同樣鮮甜，好想encore粟米爽脆，多汁鮮甜，原來蒸粟米可以好好食吃埋海鮮粥，大家滿足哂…Read More

潮福蒸氣火鍋其實我都食左幾次了。。因為這間酒樓在我家附近。。而且又有蒸海鮮食。。所以朋友跟我說想食蒸海鮮時。。我即刻約了她到這裡食蒸海鮮餐:):)價目分明。。而且這裡服務很好。。。是次於平日晚用餐。。食客數目不算太多。。所以店員服務很好。。。為我們簡介了一下可以點選多少樣不同的海鮮等。。又常常提示我們還有多少海鮮未蒸。。要預時間點選其他任食配料。。。黎酒樓打邊爐。。我超愛這個混醬專區。。。可以自己因應自己喜愛的口味加入不同醬料。。我跟朋友點選的老火湯。。我們一人點選了一款十分熱。。。而且十分足料。。看到燉盅內都把食材塞得滿滿。。瘦肉很腍身。。乳鴿香脆。。熱辣辣既外皮配上入面嫩滑的肉質雖然肉不算太多。。但的確十分香口。。店員用心地為我們開始蒸海鮮每次他們放下海鮮後，都會按上時間制。。當時間一到時。。鬧鐘會響起。。之後店員會把食物分給我們。。。所以我們基本上是完全不用理會蒸海鮮的過程。。。大家都只是需要努力影下相及食就可以了貝殼類有很多款，有青口，花甲，蜆。。。由於店員控制蒸的時間都十分好。。所以海鮮蒸得剛剛好。。不會因過熟而令到變實肉等等貝殼類十分鮮甜。。彈牙。。一隻一隻很快地被我們吃光了龍蝦上面配上了粉絲。。當蒸完後。。再加入少少醬汁。 。粉絲完全吸入鮮味。。很香龍蝦又啖啖肉，很滋味大元貝。。。單看賣相已經覺得很夠份量了吃下時，大啖大啖的元貝。。大大隻很鮮甜。。。鮑魚比較厚身。。有咬口。。彈牙。。。而且鮑魚事前已切離殼。。所以食起來時都十分方便。。魷魚很彈牙。。沾上醬汁來吃真是不錯。。如果能夠有多一點魷魚的份量便更好了象拔蚌鮮甜彈牙每款海鮮其實都十分鮮甜。。當食完海鮮後，便開始為我們蒸其他食材。。我們都點了數款。。有雞件，丸類，粟米等等。。。其實我十分喜歡這裡的雞件。。因為切得細細件的。。食起來十分嫩滑。。。而且仲有少少調味。。會更香更惹味。。。另外手打肉丸都十分好味。。因彈牙及有膠質。。。當年最後。。。。吃過所以海鮮，其他配料。。。重點就是這個粥底了。。。每次就算很包。。都一定要食下數碗。。。因為粥底吸入了海鮮的精華。。粥身又綿又香。。。每次來食蒸海鮮都一定會吃到飽飽而回…Read More

一早就知道潮福出名食海鮮，今次終於約咗朋友一齊去食，絕對冇令人失望，佢哋D蒸氣石鍋有曬timer，有專人服務，預設好曬烹調海鮮的時間， 雖然要等逐道菜式蒸熟，但是等待是值得的， 每道菜式timing掌握得剛好，不怕海鮮過度蒸煮糟蹋了新鮮的食材，而且佢D火力很足，很快就可以蒸熟，而且能完全地鎖住海鮮原本的鮮甜和滑嫩的肉質，專人在開爐前會先將珍珠米、乾瑤柱、淮山放進石鍋裏，海鮮蒸煮時流出的湯汁會與粥底融為一體，烹飪出鮮甜可口的海鮮粥 - 雖然海鮮是按人頭配給，但是肉類肉丸蔬菜糕點都是任食的，而飲品除了茶水、汽水這些基本選擇之外，還有許多不同選擇的韓國飲料， 而醬料亦是按自己的喜好調製的。跟餐的燉湯素質超乎我的預期，我們選擇了燉螺肉湯， 所有湯料都是真材實料和新鮮的，而且燉湯的火喉十足，螺肉配上雞肉味道更顯得鮮味十足，入口肉香濃鬱，但口感非常清新，因為湯完全沒有一絲腥氣、油膩感或其他異味，令人喝完一口接一口欲罷不能。乳鴿的外皮燒得酥脆，但乳鴿的肉質仍然充滿肉汁，吃下去完全不會覺得乾亦不會覺得油膩， 口感滑嫩多汁。貝殼盛盤有三種不同的貝類，給予不同的層次和味道， 青口的口感比較煙韌，另外兩款貝類肉質則比較滑嫩， 但是三款同樣都非常鮮甜可口，即使不用沾醬汁已經很甜，鮮味已很突出， 值得一試。北韓鮮鮑魚亦很新鮮，口感彈牙， 配上蟲草口感更顯得多層次， 加上有薑片去腥味，入口只嘗到鮑魚的鮮，十分滋味。龍蝦入鍋的時候，雖然已經被劏成兩半，仍然可以看見它的身體仍在蠕動， 十分生猛， 雖然眼前的景象很兇殘 ，但證明食材確實非常新鮮， 龍蝦的肉非常厚，口感滑嫩清甜， 若是沾醬汁之後味道更是惹味。生猛海中蝦大大隻，好有份量， 味道很鮮甜，而且肉質比較紮實，吃下去很有滿足感。蘇格蘭蟶子皇配上粉絲和蒜蓉泥， 十分之惹味，蒜蓉很提味，不但完全地突顯了蟶子皇的鮮甜，更加增添了清新的蒜香，而且它的肉質比較煙靭有口感， 吃下去既香口而又有嚼勁。北海道北寄貝賣相看上去已經十分誘人， 味道香甜多汁， 蒜蓉真的與海鮮真的十分搭配 ，吃完使人齒頰留香、意猶未盡。任食任點的手切牛肉入口香嫩多汁，油脂分佈均稱，肉汁香濃， 吃下去肉汁和油脂在口腔中交融， 十分美味。 手打的豬肉丸和手剁鮮蝦丸亦不俗，口感彈牙爽口而且肉汁香甜。 蔬菜類也不錯，例如勝瓜件清甜多汁， 配搭肉類進食更顯得口感清新。最後的瑤柱鮮準山粥更是為整個海鮮餐作一個完美的收結，粥底吸收了所有海鮮和肉類的湯汁和精華， 是全天然無添加的海鮮粥， 經過了將近兩小時的熬製， 粥的口感軟綿香甜， 所以我們更是一滴不留，連粥也全清了，這一餐真是十分滿足。…Read More

今日同老爺奶奶黎長發飲茶，本身佢地好中意食長鰡酒樓嘅，但因為最近長發酒樓有食物中毒所以我地轉左去對面嘅潮福食。因為毛同老公遲少少到，我老爺話呢度嘅侍應服務態度好差，佢地唔彩人又唔多想做野咁。好啦，講返食物啦。雪山叉燒包：個包本身冇咩事，但佢嘅叉燒餡勁少.....同一個冇餡嘅包一樣。鮑汁鳳爪：得5隻鳳爪，個汁杰到.......擺明放左好耐，仲要唔熱....香芋燒腩捲：冇芋頭嘅.....個名呃人😭但味道算ok,又唔算太油。原籠馬拉糕：同一般出面冇分別。叉燒腸粉：同樣少餡.......瑤柱黃金炒飯：算炒得清爽，黃金就係蛋黃....瑤柱好少，仲有芥蘭粒，薑粒。生煎包：同樣少餡，唔熱....味道較淡。牛肉球：唔知點解有苦味，但又唔係陳皮味。咸水角.....一樣冇餡，不過個皮好脆d餡就係得咁多....其實樣樣點心都係得咁少餡....煎薄撐：最好嘅點心了.....算煎得幾好...但除左蔥就冇其他配料。呢間真係可一不可再.....…Read More

以往火鍋只有在冬天才吃，但在現在卻一年四季都可以吃到，而且一直受到人們喜歡。過往曾有一段在外吃火鍋，主力吃雞煲火鍋，但近期亦有不乏海鮮火鍋，而且曾經吃過有關火鍋呢。今次來到青衣潮福，都是想食番個海鮮火鍋。除了海鮮外，還有其他火鍋食材，可供選擇。除了食火鍋外，亦有多款飲品，可按個人需要選擇。先來一個中式燉湯，在下喜愛在餐前先喝湯。這款姬崧茸燉螺肉燉湯，最緊要的是夠熱又夠鮮味，加上又夠香，是一個不錯的燉湯。還未在打甂爐前，再來一個脆皮乳鴿。雖然在平常的中式晚飯中，可會食到乳鴿，但是在打甂爐時吃到，實在少有。乳鴿實在是皮脆肉嫰，亦有勁嚼口感。現在開始打甂爐了！首先出場的海鮮，是貝殼盛盆，話雖說是貝殼盛盆，但是只有兩三款。大蜆和青口有各自各精彩，它們都是肉質飽滿肥美，而且又要鮮甜無比。鮑魚或者食得多，但是來自北韓鮑魚又點睇？當鮑魚被火鍋去蒸，變得肉質柔軟，也不失其煙靱口感。龍蝦有多種做法，而這生猛龍蝦上鋪了蒜茸，既有龍蝦濃厚味道，亦不失有蒜茸的香味。打甂爐或者離不開丸類，當中包括有手打梅菜豬肉丸、自製鮮牛丸、手剁鮮蝦丸和自家製鯪魚球。每款肉丸都是具有其柔滑的口感和黏黐，其中最愛的是鯪魚球，不會有魚腥味。甜品中有桂花糕，清晰的糕點，能看到內裡的杞梓，且清甜而具有桂花香味，而馬拉糕亦可當作烏點看待。飲品方面，則點了一罐芒果汁，作為餐前飲品，其後就點來一支啤酒，與友人舉杯暢飲。今次火鍋晚飯既滿足又豐富，又可與友人聚一聚，不錯。…Read More

男朋友媽媽嬴左馬仔，請我地一齊去樓下潮福食蒸氣火鍋！一坐底，我地4人叫左個任飲任食蒸氣海鮮鍋套餐飲品選擇好多，竹庶矛根、汽水，連啤酒都任飲！之後粥底方面我地擇左瑤柱准山，真係由生米慢慢蒸成熟飯，期待食完海鮮之後品嚐粥底既精華！海鮮唔包任食，每人可以任選四款海鮮加半隻龍蝦同乳鴿，仲要每人有一盎老火靚湯，食完以上食物其實都飽飽地。4款海鮮我地擇左大元貝、蟶子、鮑魚同象拔蚌首先食乳鴿，乳鴿是剛整起,皮脆肉嫩, 整得好入味，連醬料都可以唔洗沾！而燉湯火喉十足，勁足料，味道不錯！主菜終於上枱，每樣海鮮都非常新鮮，唔使添任何調味已經鮮甜無比！龍蝦啖啖肉，蒜味好香，但又唔會遮蓋龍蝦既鮮，肉質都彈牙！貝殼盛盆有兩款蜆,比平時食開既大隻，鮮甜無沙！鮑魚走中式路線加了豉油同有蟲草花既香味，鮑魚夠爽口！而象拔蚌鮮甜爽口，蟶子鮮味非常，元貝亦大大隻，嫩滑無比！食得出全部海鮮都係高檔次，唔會因爲任食餐而降低質素。食完海鮮已經飽飽地，但話明任食，就算飽都要繼續，叫左碟污糟雞，雞肉蒸完非常嫩滑美味，最後唔夠喉仲叫多碟！食蒸氣火鍋點小得馬拉糕馬拉糕係潮福必食既招牌菜色，糕身鬆軟，甜度恰當，又係要一點再點！最後壓軸出場既係淮山瑤柱粥，粥身已吸收左海鮮既精華，煮左約兩個半鐘，粥底綿滑，味道鮮甜！就算飽到頂肚都食左2大碗。…Read More

某天 , 我們一行十人眾 , 出席過㓉動之後....就步行到附近的 潮福蒸氣火鍋 一起吃 晩飯 ~我們十位大胃王 , 當然就是點 " 任揀。任食。任飲 蒸氣海鮮餐 " 最是實際 , 不同的日子/時段 , 有不同的優惠 ;  " 任揀。任食。任飲 蒸氣海鮮餐 "  包括了 粥底、燉湯、海鮮只限點一次 ( 某些是規限的 , 而某些海鮮款式可自選 ) , 其他款式的食物、飲品都是任食任飲 ~店內有海鮮魚缸 , 眼見海產生猛 , 信得過 ~ 佐料、醬料 應有盡有 , 而且非常潔淨衛生 ~各款 啤酒、汽水 任飲 .... ( 當然不可提走 )燉湯 姬崧茸燉螺肉 , 湯頭芳香清潤 , 盡是精華 , 十分適合 春天/初夏 飲用 ~粥底 瑤柱鮮淮山粥底 ~脆皮乳鴿 ( 每位半隻 ) , 熱辣辣的上檯 , 皮薄脆 , 不油膩 , 有肉汁 , 肉厚兼帶鴿香 ~貝殼盛盤 , 蒸好即吃沒有花巧 , 青口味道鮮美 , 原味就就是正 ~鮮鮑魚 ( 每位一隻 ) , 鮑魚加入了蟲草花同蒸 , 肉質爽口彈牙, 吃落是帶點膠質 , 鮮味爆燈 ~龍蝦 ( 每位半隻 ) , 龍蝦肉質爽口嫩滑又彈牙 , 龍蝦味道鮮甜細緻 ~ 海中蝦 , 蝦肉爽口彈牙 , 味道夠鮮 ~象拔蚌 ( 每位一隻 ) , 蒸得火喉剛好 , 肉質嫩滑細緻鮮味 , 粉絲也吸收了蒜茸和象拔蚌的鮮味 ~大元貝 , 肉質厚實彈牙又鮮嫩 , 味道超級鮮甜 , 充滿貝類的海產香 ~蟲草花蒸雞 , 雞肉的味道盡帶蟲草香 , 肉質鮮嫩味美 ~手切牛肉、手切牛肉粒 , 牛肉紅潤光澤 , 肉質軟綿不韌 , 肉味香濃 ~牛丸、蝦丸、豬肉丸 , 一吃便知是是手打貨 , 肉味香純既爽口又彈牙 , 味道不俗 ~吃完食物後 , 粥也煮好了 , 味道純正而天然 , 每一口都是海鮮和肉類的精華 ~最後 , 還有 杞子桂花糕 作為甜品 ~本篇完 ~…Read More

 長發商場距離青衣城不遠，在假日人潮特多的日子一向是我們一家的聚腳點，平日與家人去潮褔飲茶時總想著找一天要試試蒸氣石鍋，近日氣溫驟降正是時候！  在等候家人陸續現身時先去「混醬」跟取飲品，兩者都是自助形式，飲品有汽水也有啤酒，完全滿足大人小孩的不同需要。  每款食物上桌都會有專人處理、設定蒸煮時間，我們只需安坐談笑著稍等一會就可以吃到美食~完全是懶人包~^o^  貝殼盛盆最先登場，有不同款的蜆類和青口，個人覺得青口肉質最軟嫩，另一款黃肉的大蜆味道最甜！  每人一盅姬崧茸燉螺肉湯，雖然油分較多，但湯汁微帶咸鮮與螺香，滋補又暖身。  來自北韓的鮑魚肉質比想像中軟身，入口超彈牙，鮑味溢滿口腔。  放得滿滿的脆皮燒乳鴨尺寸小小，肉不算厚卻滑嫩，入口還會淌出肉汁，香口的脆脆外皮將小孩們的心都俘虜了！  平日吃到的XX焗龍蝦，肉質總是較為結實，沒想到今天的蒸龍蝦卻能蒸出細滑的口感。雪白的龍蝦肉只簡單以蔥蒜調味，肉質細膩似蛋白，超想多吃一隻，潮福真不負龍蝦專門店之名。  同樣來自北韓的象拔蚌，對比一般見到的巨形象拔蚌可說是幼兒尺寸，雖然小巧但肉質卻特別嫩滑，甜甜的蚌肉完全不用沾醬！  看著大元貝一隻一隻堆滿石鍋，等待的過程是最難耐的XD 元貝吸收了蔥蒜的香，肉質細緻軟綿，精華都落在墊底的粉絲上了，味道鮮美！ ~ 吃多了海鮮也點些肉類平衡一下 蟲草花蒸雞香氣十足，雞肉軟身但雞胸部分較粗糙還是不能避免。  手切和牛切得透薄均勻，即使經過蒸煮仍能保持幼滑肉質，入口還有肉汁流淌，難怪會被快速清空XD  均衡飲食蔬菜瓜果也不可少~ 金黃色的蒸南瓜入口軟糯，香甜的味道令小屁孩們都愛上~  吃到8分飽，總算迎來我最期待的粥底了！ 在開吃前已放入的米和粥料，經過一輪又一輪的蒸海鮮、蒸肉洗禮，所有食材的精華都一點不漏到滲進粥內，煲得又細又綿的淮山粥入口是濃郁的咸鮮味，實在忍不住吃了兩碗變成10分飽了XD 一大家人吃得肚滿腸肥又滿足，吃罷蒸氣石鍋整個人都暖暖的，美食與快樂果然並存，下個月再來吧！…Read More

再一次喺潮福蒸氣吃過一次蒸氣石鍋才知道：韓式九層蒸氣鍋同獨立蒸煮嘅分别係咩嘢？每款款海鮮都係獨立蒸煮，timing控制得啱啱好保證能吃到「海中鮮」！比起九層蒸氣鍋更原汁原味！每人一盅自選湯水，我就揀左姬崧茸燉海螺肉湯，十分足料！再加上熱辣辣，幾正。喜歡飲熱湯的人士都like like like. 燒乳鴿燒到剛剛好,皮非常香脆，肉質嫩滑，正!喺飲緊湯嘅同時，店員亦把準備熬成粥底的米，淮山，瑤柱都放進鍋內煲滾，好！準備蒸海鮮先。貝殼盛盆新鮮的蜆貝豐富,青口,蜆，花甲味道新鮮清甜。幾好嘅海鮮頭盤!南非龍蝦蒜頭蔥粒蒸龍蝦一人半隻，龍蝦又爽口又鮮甜，幾好!日本大元貝大大隻得嚟又超級鮮甜，加埋蒜蓉及粉絲去蒸，正正的！生劏龍躉件最喜歡吃龍躉件煙韌得嚟又有爽口魚皮，皮厚夠，魚肉又鮮滑！好北韓象拔蚌即開即食，再蒜頭蔥粒蒸，幾鮮甜，彈牙!讚!蟶子皇蒜頭蔥粒粉絲蒸蟶子皇，粉絲吸哂蟶子的肉汁，放落口後，鮮甜味留在口中久久不散，鮮味十足!另外亦點左一啲任點任食嘅其他食材。污槽雞，豬頸肉，和牛粒，蝦丸，粟米，荷葉飯....等等！集眾海鮮、菜肉的精華所在，食材精華全都滴落在最底層的粥底。呢個瑤柱鮮淮山粥真係無得頂,海鮮汁液超香濃，是吃過最鮮味的粥品，我和朋友都吃幾碗，把整個粥底吃完，一滴都不浪費！總結:唔駛4百元就吃到七款海鮮，仲要吃得飽飽。呢款中式石鍋蒸，每款海鮮分開蒸煮，更能精準的控制海鮮的生熟度，令肉質又嫩又鮮味，已約定期擦番餐！…Read More