潮福蒸氣石鍋 (Closed)

有一家蒸海鮮專門店, 最近很受歡迎, 分店開得越來越多, 原來有分為蒸氣石鍋店, 及龍蝦專門店, 其實前者都有龍蝦食, 後者又可吃蒸氣石鍋, 不知名字上的分別有何玄機?不過對食客來說, 美味的食物才是重點, 也管不了那麼多。自從上次光顧完西環分店後, 念念不忘, 聽說青衣這邊分店現在有優惠, 晚上8時半前入座8折, 8時半後入座7折, 就吸引到我再去探我心愛的海鮮了。平常甚少去青衣, 原來由我工作地點搭車去, 不到半小時, 剛好友人也是, 所以也頗方便的呢。潮福龍蝦專門店, 座落於一個屋邨商場, 佔地頗大。現在不只吃蒸氣石鍋有折, 部分小菜都有折, 好抵食呢!不得不說, 卡位真的太迫了, 位置用得太盡了, 底下放了爐, 座位狹窄了, 腿長一點也坐不到。第一次覺得, 卡位不比圓桌舒服。整體來說, 裝修新式, 環境明淨, 似酒樓但有比較年輕的感覺。有些海鮮是以斤兩計算, 餐牌的價錢可能和實際的不同, 應以外面這些牌仔為實吧。茶芥醬油 $12/位 花生 $10/碟茶可選普洱、壽眉、水仙, 要了水仙, 清清地。花生很香口也不錯吃。新鮮排骨粥 (細) $60店員先將排骨粥的料放在底, 有些米和幾塊排骨和南瓜, 排骨半肥瘦, 南瓜份量比西環店多了不少, 值得讚。而海鮮就放粥底上的疏水盤, 海鮮的精華就隨著蒸的過程滴落粥底, 粥底一滴水也不用加, 全都是倒流的水蒸氣加海鮮精華。這設計可邊煲粥邊蒸食物, 高溫蒸食物能將食材原味及鮮味鎖住, 品嚐到最原始最鮮美的一刻。茶芥醬油包括了自取的醬油, 我們覺得蒸海鮮的原汁原味就夠了, 所以我們沒有取, 打算如果不夠味才取, 最後都不用了。用上有計時功能的蒸鍋, 時間到了會響鬧, 店員照顧得很好, 人手很充足, 不用我們催促已有人幫忙取出東西。星期一至四來, 還有抵食的蒸海鮮餐, 不過我們愛好自由, 就散叫了。象拔蚌仔 $78/隻上次吃過蒸象拔蚌仔令我驚喜, 今次要再encore! 象拔蚌仔切成一條條, 既方便進食, 容易控制熟度, 亦無損口感, 新鮮, 彈牙, 爽口, 讚!!蟲草花蒸鮮雞 半隻 $148雞隻切到好小件, 個人覺得都算方便進食, 而雞件已調味, 有點咸味, 雞肉很嫩綿, 兩個人吃份量有點多, 不過一番努力下, 也可吃得完。特別喜歡蟲草花, 很爽口, 是菇菌類的味道, 對健康很好啊。海南花甲皇 $148/斤花甲皇果然名不虛傳, 大大隻, 肉質厚實, 味道是鮮味無窮, 很清甜, 猶如在海上活捉一樣, 令人一隻接一隻的不斷吃。而且吐沙吐得很乾淨, 一點沙都沒有呢。蘇格蘭元貝皇 $68/隻用蒜蓉粉絲蒸, 蒜蓉味道十分惹味。大隻的元貝感覺很珍貴, 從價錢亦反映得出來, 厚厚的元貝, 從中間切開一半蒸熟, 肉質嫩滑, 味道鮮美。吃海鮮, 從來都是一種享受, 特別是吃它原始的鮮美, 不用沾醬油已很夠味。紐西蘭聖子皇 每隻$48份量十足的聖子皇!蒜蓉是生熟蒜混在一起, 很香濃的蒜味, 卻出奇地沒有搶走海鮮的鮮味, 聖子像其他海鮮一樣, 很鮮甜! 蒜蓉及粉絲亦為其加添了不少分數! 粉絲吸收了海鮮的甜味, 亦很迷人呢!生猛龍蝦(每隻) $98 (每人限半隻) (無八折)特價的龍蝦十分抵食, $98有一隻, 可以分成每人半隻來吃!!龍蝦肉新鮮爽口, 兼且彈牙, 有著龍蝦鮮味, 且蒸得剛剛熟, 肉質十分嫩滑, 輕易離殼。最後到了品嚐粥底的時間了店員會問我們的濃稠度喜好, 本想不那麼濃, 加了點水, 但又再蒸多一會, 結果也依然濃稠。之前吃過的粥底, 因為二人份的海鮮不夠多, 因此味道也較清淡, 沒有想像中的鮮。今次吃的海鮮份量相若, 但粥底的味道比我預期好很多, 吃到海鮮的鮮甜味道, 而因為南瓜比較多, 南瓜亦是甜味的, 所以令整個粥呈金黃色, 亦味道甜美討好, 粥底煮得香錦軟滑, 整體很不錯。到最後還有幾片西瓜, 甜度可以, 上次在西環沒有送生果呢。蒸海鮮的過程, 由放海鮮, 到計時, 到夾海鮮上來給我們, 都由專人服務, 這裡的店員會留意到我們進食的進度, 來調節蒸海鮮的速度, 而且很有禮貌, 工作很積極, 服務很好呢! 我們八時半前有八折, 可以吃到這麼多新鮮大隻的海鮮, 還有皇帝式服務, 也只是每人約四百, 也十分化算呢。…Read More

之前跟朋友到過潮福的旺角分店，記得開業不久時一位難求，每樣海鮮又大又新鮮，絕對值得一讚。所以得知有新舖設店青衣，離家不算太遠，就快快訂座帶家人品嚐又美味又健康的蒸海鮮雖然青衣店比旺角店大上很多，還有分為晚飯小菜區及蒸氣石鍋區，但閒日夜晚的人流比想像中少，全場只有半滿坐下不久，店員就不停招呼我們到外面揀選海鮮，店員的熱情款待，不斷把最貴最好的海鮮推介給我們，而不熟斤兩的我，需要不斷詢問價格，實在令我尷尬非常點好海鮮後，再回坐位看看餐牌，為怕家人不飽，還是再選一些飽肚食品比較化算，但仔細看看餐牌，發現餐牌上的價錢跟外面有所不同，一問之下店員才跟我們說餐牌只作參考...但在餐牌上任何一個角落也沒有出現「時價」或「只供參考」等字眼...新鮮排骨粥(細) $60［分數：6/10］排骨粥有$60或$100兩種大小供選擇，份量蠻多的，分別有一碟南瓜併排骨及一碗米粒。店員先幫我們把所有材料倒進鍋內，然後再逐一把海鮮放進上層，讓海鮮的精華落入粥底，所以需等到吃完所有食材後，留到最後才吃鈕西蘭聖子皇 $58/隻［分數：6.5/10］最先放到鍋內的是聖子皇...餐牌$48，時價$58，看看相片不能說得上吸引...而且大小不一...公平地拍下兩張照片，當中一隻只能用瘦弱來形容，而按餐牌所示所需時間為3分鐘，但再經多番提醒後，店員為怕唔熟，堅持需時4分鐘...沒所謂吧...也只是小小的一口...可幸的是聖子還算鮮甜，而蒜蓉又不會過鹹花竹蝦 $45/兩［分數：8/10］最矜貴的花竹蝦...承認因沒有留意清楚價錢而一失足成千古恨...4隻共12兩...平均$135一隻...記得這個價錢在其他地方可要一只特大瀨尿蝦了...雖然價格較貴...不過總算味道鮮甜，而且肉質爽彈，較貼心的是，大大只花竹蝦內已預先插上一枝竹籤方便去殼之餘亦易於進食美國石蠔 $48/隻［分數：7/10］感覺石蠔是多款海鮮之中最抵吃的，蠔肉肥美，蠔殼更是巨大，顯得相當有氣勢呢。石蠔需時甚長，靜候8分鐘後，終於熟透了...蠔肉質感結實...完全沒有出現水潤的口感...幸好沒有出腥臭的味道，不過不吃刺身的家母倒是蠻喜歡全熟石蠔...清蒸和牛肉(細) $198［分數：7/10］和牛同樣可選半生熟及全熟...理所當然地我們選了半生熟...最後...脂香倒是有的...肉質尚算軟滑...但由於和牛切得過厚，大大件的口感就如普通的牛肉片...實在可惜蒜蓉肉蟹蒸糯米飯 $198［分數：8/10］當晚最令人滿意的是原隻肉蟹蒸糯米飯，份量比預期中多，原隻大肉蟹切成四份後打平鋪到飯面。打開蓋子後，先把肉蟹取起，再把糯米飯拌匀，蟹肉肉質結實，味道鮮甜且富彈性，而蟹蓋內藏有少量蟹膏。至於糯米飯則入口軟腍，口感黏黏的，蒜味香濃，絕對是飽肚又好吃之選新鮮排骨粥(細) $60［分數：6/10］最後，再次打開粥底，不知是這次所點的海鮮份量不夠，還是時間不足，打開後發現類似意大利飯的物體。店員隨即取起熱水壺往粥底倒入熱水⋯攪拌後再多煮一會⋯其後粥底的外觀稍為好轉了，但味道淡淡的，完全沒有應有的鮮甜味，只留下綿軟的南瓜、排骨粒及粒粒分明的粥底⋯..潮福蒸氣石鍋 (青衣)青衣長發村長發商場5樓502舗∼∼∼∼∼∼∼∼∼∼∼∼∼∼∼~~~~~以上消費：$ 1,655味道：6.5/10環境：7/10服務：7/10衛生：7/10抵食：6/10…Read More

山長水遠走入青衣賀一賀朋友新居入伙，無理由求其喺青衣城搵間連鎖式飯店食架！原來之前食過既潮福蒸氣石鍋呢度都有分店，地點係吊腳d，不過由青衣城行過黎都walkable呀，梗係捉個friend黎豪一豪佢，估唔到屋村商埸內都開到咁大間舖，地方算寬落，宜家仲做緊八折優惠。凳都未坐暖就一齊出去海鮮區楝靚海鮮，價目表係晒牆上，海鮮幾乎都係巨形size，朋友睇到都覺得興奮！就係因為大隻，就算蒸熟左縮左都依然啖啖肉，咁先食得夠滋味！兩個人樣樣海鮮都想食，揀好海鮮就再揀埋粥底，好快就有阿姐黎枱邊服務我地。蒸氣石鍋最大賣點除左呢頂草帽可以鎖住蒸氣，透過充滿海鮮鮮味既蒸氣同熱力，將鍋底底層既生米配料變成熟粥。我地揀左瑤柱鮮淮山粥，阿姐將生米、淮山同瑤柱加入鍋底，蓋上通窿的隔層，頂部直接放海鮮，最後蓋埋草帽，海鮮要逐款蒸，食完一款到另一款，唔似韓式九層塔果d一次過蒸晒。大蕃薯蜆，第一次食呢個品種，蜆肉夠大隻爽口，鮮甜冇沙。龍蝦，開邊蒜蓉蒸，蒸既時間剛剛好，肉質唔會過韌。花竹蝦，隻隻都有手掌咁長，蝦膏同蝦肉比例幾乎一比一，啖啖肉，朋友第一次食食到嘩嘩聲好滿足。大元貝，元貝肉厚豐富加埋傳統做法蒜蓉粉絲蒸，無得輸。新鮮生蠔，雖然夠肥美，底部有粉絲，不過用黎清蒸味道好淡，比起元貝遜色好多。四寶丸，有蝦丸、墨丸、豬肉丸同鯪魚球，粒粒彈牙，豬肉丸味道比較特別。花蟹，要蒸得最耐，把口可以抖一抖，蟹肉好鮮甜，太鐘意食蟹，幾飽都會擦埋。好戲在後頭，最令人期待既鍋底粥要揭曉，經過數輪既蒸海鮮，鍋底粥已經吸收所有精華，濃稠度跟潮州粥一樣，本身瑤柱味道已濃郁，相對海鮮味唔算突出，有點可惜。餐廳有個自助醬油配料吧，我地冇拎，食海鮮梗係原汁原味好。埋單差唔多千六，價錢有點貴，係四隻花竹蝦將價錢拉高，難得食得開心，一次半次當豪俾佢。上次食其他分店經驗較好，青衣呢間始終都係屋村商場食肆，服務同衛生仍然有改善空間。  …Read More

由於氣溫驟降. 又約咗Chris食生日飯. 唔想佢去咁遠. 就搵咗佢屋企附近長發村潮福蒸氣石鍋. 其實潮福蒸氣石鍋我食過好多次(多數尖沙咀). 但Chris第一次食. 所以佢覺得好新奇. 長發村潮福蒸氣石鍋跟其他店舖沒有太大分別. 只是分開了小菜及蒸氣石鍋. 可能天氣真係太凍. 所以不是太多人. 新鮮海鮮種類都還多. 有好多款. 不會遂一介紹. 影咗d相比大家睇睇. 潮福新出咗套餐. $298一位, 加一加茶介. 所以今次試試. (因之前每次都係散叫). 生猛海中蝦 - 2隻; 象拔蚌仔一隻; 大連鮑魚一隻, 日本大元貝一隻, 美國石蠔一隻, 新鮮花蛤四兩(只有2隻)是一人份量, 而新鮮排骨粥; 蟲草花蒸雞; 雜菌籃就2人份量. 生猛海中蝦, 好新鮮, 放上枱仲係腳撐撐的. 雖然不是大隻, 但蝦肉好爽. 大連鮑魚, 鮑魚上面鋪咗蟲草花. 肉厚又彈牙象拔蚌仔, 是細size的. 配上蒜蓉及粉絲. 象拔蚌肉切了一條條. 容易放入口裹享受. 日本大元貝, 真係幾大粒的. 不過肉質不是太爽. 不知是否蒸過龍. 但係鮮味的. 同樣配上粉絲及蒜蓉. 美國石蠔, size中等, 蠔嘅鮮味好突出. 配上少少薑及蔥好香. 遺留的蠔汁我飲晒. 好鮮甜. 新鮮花蛤, 每人只得2隻真的不夠. 但如果加就要加一斤. 兩個人跟本就太多了. 如何以每人有4隻就剛剛好. 蟲草花蒸雞, 雞斬得太細件了. 好碎. 不是太多肉. 有肉的地方都滑, 而且味道足夠. 雜菌籃, 有4種菇, 除知道有金菇之外. 其他我唔知叫咩名. 所有菇菇都好甜. 最後當然就係全晚嘅精髓, 就係新鮮排骨粥, 珍珠米, 排骨, 南瓜. 用上剛才所有海鮮, 雞, 菇菇的精華烹調的. 粥底比較傑, 但集合所有食材的味道. 好鮮甜. 好好味. 除咗以上套餐食物之外. 我地加咗一隻龍蝦仔$98. 不過龍蝦不是太新鮮, 有少少 "梅". 有點兒失望. 到最最最後, 就係送上西瓜6片. …Read More

搬咗去青衣，發現原來都幾多食肆。今次就走咗去另一屋邨，食好耐未食過的石鍋蒸海鮮。跟旺角店相比，這裡的店員黎得更為NICE~~今次叫二人套餐，埋單計是九百左右。食的是海鮮為主。我們選了瑤柱鮮淮山粥底，一開波，當然是落粥底料了！二人餐，包了新鮮的花蛤，每人有三隻。都幾鮮，不會有沙，食得到原汁原味的新鮮度。再黎是蒜蓉粉絲蒸蟶子，好大隻，有我手咁大呢~~ 熟度剛剛好，有著專人幫你蒸，唔使怕蒸過頭~~~一人一隻的生猛海中蝦，都係好大隻。有手掌咁長。肉彈牙，不是「梅」的！證明是新鮮材料！大連鮮鮑魚，很厚肉！用上了蟲草花去草，不是一般的果皮，更有誠意。美國石蠔，呢個SIZE 又係唔講得笑~~~手掌咁大，落了一點調味料，本人反而比較喜歡原汁原味，覺得唔使調味會更加好~~最後，是特大大大大大大扇貝！是我最喜歡之一！大過我的手心的SIZE~~~ 而且夠多蒜，更為香及惹味！食完個海鮮，再黎就是蟲草花蒸雞。很香的一道菜，滑滑嫩雞，好味！原個雜菌籃去蒸，好大盤啊！最後再嘆吸收了所有精華又綿又正的粥底！正啊！這個石鍋蒸，比起打邊爐更為健康！冬天食，暖笠笠~~潮福蒸氣石鍋青衣長發村長發商場5樓502舗…Read More

又是蒸蒸time!唔知最近係咪蒸得多，好似有小小愛上呀！又是來潮褔吃好嘢時間！可能我覺得蒸出來的食物比 煎炒煮炸都來得健康， 所以其實來這裡食一點也不便宜，我和男友也樂意來這裡拍拖消費。位於青衣長發村的這間潮福 超大間 佔地唔知幾多千尺， 客人都算多雖然未至於爆場。 我見到 這裡都有嘅小菜食，跟平常酒樓無疑，大概一半位置用來蒸一半位置食小菜。 原本我是坐卡位的 ，當我發現卡座底有個爐並且有小小頂腳，就移師到別處了。蒸氣枱上全部都放了這個計時器， 用來計算著蒸的時間火力等等，見到這個蒸籠吧？ 外型係咪好有趣呢？如果冇心水一時間唔知食咩好，都可以參考下店的重點推介~通常食蒸氣火鍋多以食海鮮為主， 在當眼的位置會放滿了許多各種各樣的海產， 看到價目表個list咁長，就知真是有好多款。好像有生劏大龍躉、 深海大扇貝、有260蚊的醃仔蟹、有大蜆、有手掌咁大隻下的石蠔、又有花甲皇、 就連紐西蘭刀貝都有！花竹蝦真是超新鮮，在游泳呢！ 而且仲好大隻 下，個價錢都好貴下 ，成45蚊一兩 ，一隻閒閒地3兩，百幾蚊一隻我就唔捨得食喇！(店員大力推介我兩個人叫三隻來食，個蝦頭用來煲粥，等啲粥甜啲喎，真係睇得起我喇！)食蒸氣火鍋的客人可以在醬料區自行選擇多款調味料自行配搭。多海鮮自然就多選擇啦！ 其中最抵食的必食推介， 一定係食龍蝦！ 點解？ 因為做緊推廣優惠， 每隻都知係98蚊 ，每人限叫半隻 ，所以我們可以叫到一隻來食！龍蝦說大不大，說小也不小了， 以98蚊嚟講就真係好抵嘅！而且龍蝦真心新鮮， 未至於鮮奔活跳， 因為上枱的時候已經是開左邊了。將龍蝦放入蒸籠裡邊然後等五分鐘， 計時器就開始倒數， 五分鐘後就bb作響，侍應生就會幫手夾出來上碟。見到那雪白的肉就是新鮮的證明啦！而且肉質爽甜結實，簡單伴蒜蓉已經好好食了！如果可以食多轉就發達了。海鮮nonstop!再來隻鮑魚攝下牙縫先！(哈)蟲蟲花蒸鮑魚都是第一次食，好像幾高級咁喎。睇下隻鮑魚由白色蒸到橙橙地，應該幾入味。以65蚊一隻鮑魚來說又唔算好大隻，不過不失啦。鮮甜倒是搭夠份量的不足啦！講真又真係幾好食嘅。但是淨係食海鮮又點夠飽呢？ 想來過飽肚好吃之選， 不妨考慮下呢款： 蒜蓉肉蟹蒸稻庭烏冬$218。 唔想食烏冬 ，可以蒸糯米飯都得。唔好以為個蒸龍好細呀！ 其實係隻膏蟹大隻咋！ 伸展開來的蟹手蟹腳足以覆蓋成個蒸籠。肉眼都已經望見有好多膏喺個蓋度，仲有兩隻特大蟹鉗，成個畫面好靚。說時遲那時快 ，不消一會蟹已經蒸好了！ 頭先睇嗰的蟹膏冇咁清楚， 而家隻蟹蒸熟左， 變左橙色， 係唔係好清楚見到d蟹膏呢？ 蟹膏較creamy,入口甘甘地，而且好香好鮮，我用來撈烏冬呀，效果一絕！肉質條理分明爽實帶清甜，散發着新鮮靚蟹的獨特氣質，吸啜着那甘香的蟹膏的我，覺得自己好似一個 vampire在妙齡少女的頸項上開餐一樣呀！(呢排睇得多 ＜vampire diary＞睇到上曬腦(^_^;)除左海鮮其實呢到仲有好多其他選擇， 例如可以揀蒸雞、蒸牛肉或者茄子啊蔬菜等等 。 樣樣都好想試呀，但為免眼闊肚窄環是留待下一次好了 ！ 就再點多個蟲草花蒸雞好了 (≧∇≦)雞件都斬得好細件， 可能是怕蒸不熟它吧！蒸好左嘅雞件 ， 油脂在蒸氣的猛攻下被逼了出來，閃爍着誘惑的金光。色澤艷麗不過我略嫌細件，欠缺啖啖肉口感，不夠爽快！還好雞味夠，也不覺有雪味，都算尚可。潮福蒸氣石鍋青衣長發村長發商場5樓502舗…Read More

最近蒸氣海鮮的風氣大行其道，喜愛海鮮的我當然一直很想去試，這天終於有機會跟寶寶去嘗試蒸氣海鮮，心情十分興奮。朋友試過旺角的潮福蒸氣海鮮，覺得還不錯，便推介我和寶寶。上網搜集資料後，得知原來青衣也有一家分店，由於青衣比較接近寶寶上班的地點，於是便跟寶寶去青衣分店一試。青衣分店的面積頗大，酒樓的間隔格局，門口位置已經有很大的魚缸。座位方面有卡位及大圓枱，每張枱的空間都很大，完全不會覺得迫夾，而且環境燈光光猛，地板亦十分乾淨清潔。店員送上menu，看到各式各樣的海鮮真的很難作出決定，還好的是這裏有套餐以供選擇，免卻了三心兩意的麻煩。我們二人選了原價$298的A餐，8點半後入座還有優惠，十分抵吃。$248已經包括了兩隻海蝦、一隻象拔蚌仔、一隻鮑魚、一隻大元貝、一隻石蠔和四両花蛤。除了海鮮外，套餐還包括了肉類及蔬菜，和三款粥底選擇。另外我們還散叫了幾樣海鮮，散叫的話八點半後入座有七折優惠呢！分別叫了蒜蓉開邊龍蝦，膏蟹和手打四寶丸。點菜後，侍應便很快幫我們開爐，及將粥底的材料： 米粒，瑤柱和鮮淮山到在鍋內，再放上一塊蒸海鮮用的鐵片，最後放上蒸氣火鍋的特色三角形蓋子。我們都等得急不及待。生猛海中蝦真的十分新鮮，送上枱時還是活生生的。蒸過後肉質十分結實爽口，帶有香甜的海蝦鮮味。由於當晚象拔蚌買光，於是用了聖子去代替。蟶子大隻而且舖滿了粉絲和蒜蓉，蒸後超爽口，加上香甜蒜蓉更加惹味。鮑魚肉質十分柔軟，易於咬開。石蠔很大一隻，每隻都十分飽滿，而且味道不會太重，易入口。但由於份量真的太大了，食完一整隻真的很有飽肚感。元貝份量很大，而且很厚身。加上蒜蓉和粉絲，更增其鮮味。花甲色澤十分漂亮，新鮮蒸過後帶有淡淡的海水咸味，而且每一粒都很飽滿，十分爽口彈牙。膏蟹份量十足，蒸個後顏色通紅十分好看。一打開便看見滿滿的橙黃色蟹膏，每一啖都十分甘甜。而且蟹肉十分實淨新鮮。開邊龍蝦亦同樣很大一隻，鋪滿了香甜的蒜蓉，提起了龍蝦肉的鮮味。而且蝦肉真的很多，大啖大啖地把蝦肉吃下去，特別過癮好味。除了海鮮外，套餐附送了胡椒和牛粒。想不到蒸出來的牛柳粒可以同樣鮮味。就算沒有太多調味，蒸氣直接把牛肉的鮮味鎖在牛肉粒內，而且有蒸氣的話不怕牛肉粒變得乾身，所以能把肉汁所在牛肉粒內，鮮味得來又不難咀嚼。蔬菜裏我們選了雜菌籃，想像不到其份量之大，包括了金菇，雞髀菇及冬菇等。整個什菌籃蒸過後，吸收了蒸氣而變得柔軟，同時保留了其原本的味道。後來加到粥底內一同吃亦十分好味。四寶丸包括了鯪魚丸、豬肉丸、墨魚丸和蝦丸。每一款都十分鮮甜好味，個人十分喜歡。鯪魚球有香濃新鮮鯪魚味；豬肉丸清甜而且加入了馬蹄十分爽甜；墨丸超香濃墨魚味，有別於坊間的一般墨丸，十分彈牙；蝦丸十分爽口，香濃海蝦味。手打四寶丸材料十足，不是一般坊間食到的可及，這裏的手打四寶丸的確好味得多。吃個海鮮後，侍應便為我們盛起粥底。用水蒸氣煮開的米粒變成了潮州粥的口感，再以瑤柱和鮮淮山提味，加上海鮮的水氣，整個粥底十分香甜。兩個人都吃得十分飽，其實套餐份量已經十分足夠。蒸氣火鍋的好處是能把海鮮的鮮甜直接保留起來，讓食客更能品嚐到海鮮的獨特鮮味。最重要的當然是這裡的海鮮真的十分新鮮。而且這裏的侍應都十分友善，主動為我們放海鮮，基本上整頓晚餐都無需動手，侍應已經幫我們準備好所有。還會幫食客安排蒸煮的時間長短，即刻完全無需操心。讓食客能輕輕鬆鬆的慢慢享受到蒸氣海鮮的鮮味。 …Read More

今日黎青衣揾個朋友，跟住為左揾個地方好好坐低傾下偈，就費事走出我mk揾野食，一上openrice就見到呢邊開左間潮福分店，本住之前去過其他分店佢俾我嘅良好感覺，於是就簡去左果度開飯喇。去到果度，一如既往，地方真係好寬曠，周圍都係蒸氣。一坐低當然又係見到果頂帽喇，真係令人有期待嘅感覺。鈕西蘭聖子皇($232/4隻)呢度嘅聖子王要58一隻架，不過呢建議大家要問清楚價錢，因為呢度嘅海鮮係真係海鮮價黎，MENU個價唔可以作準，今次隻聖子王令人有小小失望，雖然都算大隻，但係入口充滿住沙，感覺好似食緊爆炸糖，沙沙聲，另外同店員反映好多沙的問題，店員只係冷冷嘅答我(我點會佢多沙，算你唔好彩),簡直令人吐血。。。花竹蝦($45/1兩)第一條係潮福食呢種蝦，感覺令人都幾滿意，入口肉質厚實，而家份量唔小。美國石蠔(192/4隻)第一種以呢種方法煮蠔，不過有點過熟了，該滑溜一點嘅地方，變得粗糙了，令人感覺有改善空間。清蒸和牛肉(細) ($198)呢度嘅牛肉係厚切嘅，入口厚實，而家好有牛肉味，不過可以縮短小小煮嘅時間，咁樣牛肉就會更嫩滑一啲喇。蒜蓉肉蟹蒸糯米飯($198),呢個糯米飯就真係一定要叫喇，蟹嘅份量同糯米飯嘅份量都算多，感覺真係好抵食，因為價錢唔貴之餘又飽肚，味道方面，蟹肉鮮味，唔會有霉爛嘅感覺，另外有糯米飯口感岩岩好，唔好太軟又唔會太硬，啖啖滋味。新鮮排骨粥(細) ($60)個粥就真係有小小失望了，唔知點解食完所有野諗住食啖靚粥嘅時候，就突然發現粥底唔夠水，職員發現情况之後即刻加熱水，再整下個粥底先俾我地食，不過粥入口嘅時候就好明顯食得出味道好淡，無左應有嘅鮮味，感覺有點令人失望。。。今次比較多突發情况出現，冀望下次去到第二間分店會做得好似之前其他分店咁好喇…Read More

講起食海鮮, 我相信大部份人都會想起流浮山 。不過最近興了起另類海鮮食法: 蒸海鮮。我深感奇怪 吃三文魚也要鼓油 蒸海鮮真不能說服我是美味。但朋友一再邀約, 也不便推辭。朋友說潮褔分店很多, 而青衣開了新店, 於是便選擇位於青衣長發村的分店。剛進入食店的感覺, 跟普通酒店未見分別。但枱面上放置了一個像是草帽的東西, 吸引了我的注目, 原來這個有趣的草帽是一個蓋子, 蓋子下就是 蒸汽石鍋! 石鍋旁邊還有一個計時器 是用來準確計算蒸煮海鮮時間。餐牌上有的不止是價錢 還有每種海鮮的蒸煮時間。旁邊有個調味角。很貼心~這裡吃飯除了吃蒸海鮮 還有一樣重要的食物: 粥底。我們點了 南瓜花膠粥。店員說這粥底最後會盡收海鮮精華 美味非常。還要是女仕至愛的花膠! 很期待!番薯蜆點了一斤, 大大隻, 很想立刻放進咀裡。靜候了5分鐘, 蓋子一開~一陣陣海產鮮味迎面而撲~蜆肉鮮甜 海產味濃 完全不需要用任何調味更能突出滋味!日本大元貝名字已經說明: 大。 元貝有多大?我手掌的大! 間直是不能相信! 大元貝上放置了蒜蓉和粉絲, 粉絲嫩滑, 加起蒜蓉一起吃增加了層次感。而且我很喜歡吃粉絲~象拔蚌仔象拔蚌質感爽口, 海產味鮮甜, 也加入了粉絲。而味道質感卻跟大元貝有別, 分別在元貝每口口感不一, 因為元貝有不同部位, 而味道會有分別。而象拔蚌則以彈牙爽口見稱~最後一樣蒸物 , 是秋葵。平時吃秋葵是於咖哩上, 零食脆脆的也有。 蒸秋葵味道是如果何? 只需要3分鐘便有答案。3分鐘過後, 看看蒸起的秋葵。外表沒什麼特別, 口感卻是滑滑的。不如零食般可以咬開, 反而是有少少韌性。細心咬開是清新味道 ,而且纖維感甚強。蛋白質, 纖維 非常高, 很適合大魚大肉後平衡一下! 最後登場的是盡收海鮮精華的花膠南瓜粥~軟綿綿的日本米為粥底, 南瓜果甜味, 花膠養顏。究竟味道會如何? 一個字: 鮮。結集了海鮮精華, 綿滑粥底盡是海產鮮甜味, 每口粥是在回味各種海鮮的滋味,熱騰騰的鮮煙像是向你揮舞, 叫人回味!是次體驗很深, 原來海鮮是可以這樣蒸煮。那麼以後也不用千里迢迢走入流浮山, 也可享用高質新鮮食材! …Read More

今晚和平平慶生，我們選了青衣的潮福吃海鮮餐，因為天氣太凍，今晚可以好好地嘆蒸氣火煱了，感覺實在太捧了!我們選了298兩位起的海鮮餐，待應很窩心因為他全天候地為我們服務!第一道生猛海中蝦真的很甜很新鮮，肉味鮮且甜, 每人有2隻!第2道是象拔蚌，真的很大隻，我和平平大吃一驚，而且很爽口彈牙!第3道是大連鮮鮑魚，真的有一個拳頭般大，而且口感十足!第四道是粉絲蒸元貝，是由日夲入口的，加上粉絲的配答，又香又滑!第五道是新鮮的石蠔，由美国入口,蠔味十足，這是我全晚的最愛 !第六樣是花蛤,真的這鮮甜，平平讚不絕口!還有雜瓜篮，秘制雙宝丸及淮山粥，排骨粥由開始己放入底部，吸取了所有海鮮的精華，真的很清甜, 而且用上了瑤柱和准山，味道剛剛好!難怪潮福越開越多，我覺得這樣的蒸氣海鮮餐，真的很有特色!…Read More

好想食鑽石蜆，近幾次都冇咁就食吓鮑魚啦，新鮮爽口鮮甜!!仲要加埋好好味嘅蟲草花之前成日食粥，所以近幾次都係食糯米飯今次將隻蟹斬晒件冇咁靚呀!!不過今次隻蟹好多膏，好鮮甜，飯又香蝦...真係好貴!!不過我又好想食今次貪心啲要花竹蝦，半斤得兩隻不過蒜蓉開邊實在太吸引，雖然貴!!不過真係好好味愛上咗清蒸和牛，近幾次都會食千祈唔可以蒸過龍，幾秒都已經可以食得，快靚正蒸鍋健康又好味真係百吃不厭，旺角成日排隊去遠啲唔洗迫又舒服…Read More

服務一流@潮福蒸氣石鍋 聖誕夜想食好一點，不想人多當然要食中餐啦，探完青衣住的朋友之後就在附近搵食，得知原來潮福在青衣長發商場有分店便走過去食飯了聖誕夜竟然不是很多客人，可能都出去市區慶祝了～酒樓劃分成蒸氣石鍋 區和晚飯區兩邊，環境寬敞，冷氣強勁，一點擠迫感也沒有門口的水缸放滿海鮮活像一個小市場食材種類花多撩亂，包括有象拔蚌、元貝、鮑魚、生蠔、花螺、花甲等供客人親自挑選明碼實價調味料區～我對海鮮沒有心得，為我下單那位黃小姐十分熱情有禮，而且為我們推介了好多款新鮮食材我們跟店員要求大約每人４００元的 budget 去為我們挑戰海鮮，最後就來了一大盤，包括海蝦，花螺，石蠔和扇貝之後就等食啦，餐桌上就有個用籐做的蓋，而下面則加熱令蒸氣從煲底的氣口出。把食物蒸熟～實在太肚餓，我特定點上這個蒜泥肉蟹蒸糯米飯＄１９８大約十分鐘左右就蒸好了，香氣撲鼻～金黃色的蟹黃，看見都流口水，而且蟹本身很有肉地，啖啖肉而那糯米飯蒸得很腍，在凍冰冰的天氣食上一碗暖粒粒的飯，實在是一件幸福的事鮑魚和元貝！至於牌上寫住的分鐘就是用來蒸熟食物的時間不過全程都有職員為你弄食物，跟本不用担心蒸壞食物～蒸好了，熱呼呼的～不用加任何調味，即食即可加了點果皮一起蒸令鮑魚帶點果香，而肉質很鮮甜，而且很腍，火喉控制剛好石蠔是店員私心推介，早上才送過來的海鮮，果然夠新鮮，那石蠔蒸熟後仍相當大只，沒有縮水，而且一點腥味也沒有第二輪加單再點的，相當滋味 花螺雖然細只，但每一粒都是極品，沒有砂而且很鮮美，也沒有平時 花螺質地韌韌的口感元貝，足足有一只手那般大，加入了蒜蓉粉絲一起蒸味道更添層次其實已經很飽，埋單後店員為我們送上桂花膏做甜品，桂花膏很清香，微甜的很討人喜歡食完甜品還有大大粒的柑，為這餐晝上金光閃閃的句號…Read More

潮福新開喺屋企附近第一時間帶媽咪去試下好嘢啦~蒸汽石鍋最大的特色就是這個像雨抖的蒸汽蓋海鮮是自己挑的, 各種新鮮的海鮮任意挑選因為蒸汽石鍋是希望吃出原味, 因此多數都以清蒸烹調而已, 如果是重口味的人可以自行添加調味蝴蝶蚌又大又鮮甜, 鮑魚肉質爽口, 就咁蒸已經非常鮮味龍躉肉質超級嫩滑, 入口即化, 很有魚味卻不腥花竹蝦非常大隻, 有成塊面咁大, 肉身飽滿彈牙而且蝦膏勁多, 超級美味梅菜蒸芥蘭, 梅菜有d鹹, 但芥蘭非常新鮮爽脆最底下的排骨粥吸收晒海鮮的鮮甜, 加上排骨的鮮味, 而且米是用上日本米, 非常綿密…Read More

近期韓式七層海鮮塔食法令創意無限的飲食界興起蒸煮模式打邊爐。潮福在酒樓組別成功以造型獨特的蒸籠竹罩突圍。要不是這個罩，我不會認識潮福。原來他多年來定位為龍蝦專門店，有活海鮮供應。全部新鮮自選，即叫即處理。蒸氣石鍋的精神主要是讓蒸煮期間收集的肉汁滴到底層。吃完蒸煮食材最後吃吸收了日月精華的粥底。枱底下蒸餾水樽內的水加熱至沸點就用透過氣孔滲入石鍋，另由於竹罩密度高，大部分蒸氣也困於石鍋內。所以生米放入石鍋，不用加水也可煮成熟飯。上面一層蒸架，毎次蒸一種食材。餐牌上清楚寫明價錢及蒸煮時間。全程有專人服侍，半殘廢餐形式。首先蒸花竹蝦（＄45／両），肉質新鮮肥美，内有豐富蝦膏。花甲（$148／斤）一斤約有 20 隻。每隻都成功開殼，肉質嫩滑。接著蒸南非生鮑魚（＄68／隻），廚房内先稍為加工，將鮑魚脱殼，並且花，加上姜片和蟲草。蒸好後爽口彈牙。紐西蘭元貝（＄68／隻）大隻厚肉，經典做法加粉絲蔥蒜一起蒸，喜歡的就會明白，不用多説。另加一籠蒜蓉蒸茄瓜（＄48）。茄子太薄，蒸熟後變得溶爛，吃的時候有點狼狽。蟲草花蒸鮮雞（＄148／半隻;＄288／隻）也是一般般。雞件切得太小，無肉食，而且非常油。最後拌勻海鮮精華及雞油，瑤柱鮮淮山粥底（＄80／細;＄140／大）變得綿滑。今個冬至飯完滿結束。…Read More

上星期，天氣突然轉冷，早上起床，真的不想離開暖笠笠的被窩，可惜，萬不願意也得返回地獄工作。自從離職得，面目猙獰的面孔不絕，雖然這兒的高層是有信仰的，但其實，豬肚背後，同樣是污穢不堪，而且，之前被美麗的紗網蓋住，反差更大，令人更難接受...怎樣也好，唯有美食可撫慰我的心靈，既然天氣這麼冷，就決定嚐嚐近期大熱的「蒸氣石鍋」，早前探望奶奶時，才發現原來青衣也有「蒸氣石鍋」，於是，這夜後工後便與蝦子餅來到長發商場的《潮福蒸氣石鍋》。這裡前身是潮福酒家，所以店內裝潢與一般酒家沒有太大分別，門前位置設有大大的魚缸，盛載著當日的生猛海鮮；另一邊箱高掛著傳統大型水晶燈，搭配傳統的地 毯，在躍大的空間中，展現氣派。相信老闆襯著寒冬天氣的來臨，推出近期大熱的「蒸氣石鍋」，所以，超過半場也是「蒸氣石鍋」，不過，如食客想吃晚飯小炒，依舊提供，食客不愁沒有聚腳點。不知是草繩還是什麼物料，BeautySearch 聞到一陣陣大自然的氣息，我們只需把新鮮的食物放進這神秘塔子裡，只需數分鐘，味美的食物便會誕生！尤其海鮮，只要材料夠新鮮，出來的食物就算不添加調味，也非常味美！由於只有我與蝦子餅二人，總不能點選太多款式，我兩只好盡量揀選一些可以單點的食物，好讓我們可多吃幾款。最後，我們選了聖子、飽魚、元貝、蝦，另外，點選了南瓜花膠粥及燒腩仔。吃「蒸氣石鍋」，粥底甚為重要，而我倆最終點選了健康養顏的南瓜花膠粥底。開鍋後，職員先替我們把米、南瓜、花膠都放入石鍋內，然後蓋上蒸隔，接著便可盡情地在蒸隔上蒸我們已揀選的食物。不過，天寒地凍，還是先點些即食的來醫治五臟廟，所以，我們點了一點「燒腩仔」。來酒家又怎可不吃「燒腩仔」呢？外皮香脆，肉質鮮嫩，香濃豬肉味配以少許脂肪，入口層次感更豐富，BeautySearch 特別喜歡蘸點砂糖同吃，份外滋味。每款食物都有指定的清蒸時間，職員會細心地替食客把食物分門別類，替我們把食物放進鍋內、設定時間、並取回食物，全程貼心服務！只是我們怕食物不夠熱，又不想職員浪費太多時間站在我們旁邊，因而食得急起來...為免桌上放置太多食物，加上亦可把生熟食物分開，職員會把未蒸煮的食物放到一旁的車子上，十分細心喔！先來上石鍋的是海上蝦，時價$40/両，我們點了半斤，共有八大隻生猛海蝦。海蝦用竹條串好，蒸氣爐可調校好時間，時間到會自動響鬧，不怕時間過久了令海鮮蒸老了。隨著蒸氣爐開動，海鮮的獨特鮮味亦隨草製爐蓋湧出，令人食指大動。海蝦鮮味十足，肉質鮮嫩彈牙，沾上自製醬汁後，味道更鮮甜。當蝦子餅替蝦去殼的時候，兩隻大元貝已放入石鍋，看見兩款元貝都非常吸引，也不知那款味美一點，於是，日本大元貝($78/隻)；紐西蘭元貝($68/隻) 各點了一隻。日本大元貝配上蒜蓉清蒸，蒜蓉香濃味道和元貝的鮮味互相交叠，完全突顯了元貝的鮮味，肉質肥美鮮嫩，內裏肉汁豐富，啖啖爽滑彈牙，好味到震；紐西蘭元貝雖不及日本大元貝肥厚，但是味道香濃，洋溢着淡淡的海水清鹹味，各有千秋。BeautySearch 獨愛聖子，自私地點了一隻紐西蘭聖子來嚐嚐($48/隻)，沒想到原來是如此大隻，比手掌還要長呢！味道隨了鮮嫩外，肉質帶點爽脆，是全餐口感最令人回味的海鮮。生猛龍蝦($98/隻，1人限叫半隻)：廚師把龍蝦一開為兩份，不單可見到肉質的鮮嫩，而且亦可縮短蒸煮的時間，更方便顧客起肉進食。上桌時，一對而上，刻意的擺位，很可愛！龍蝦肉質鮮嫩彈牙，非常爽口，厚厚的肉身提供了豐富的口感，龍蝦不愧為海鮮主角之一，龍蝦頭還藏豐腴的蝦膏，吸引非常!最後還原基本步，是品嚐期待已久的粥品時間，吸收了各款海鮮精華的南瓜花膠粥，粥身綿細滑溜，南瓜的香甜滲入粥身，作為天然的調味料，花膠爽滑彈牙，還有豐富的膠質，滿載膠原蛋白！可惜當天只有我與蝦子餅二人，不能嚐更多款式！下次還是聯同大伙兒一起，一定更熱鬧，而且，可以點選更多款式！…Read More