潮福蒸氣石鍋 (Closed)

朋友聚會都就我食任食火鍋, 因為知我最鐘意食任食, 咩都可以試下 XDXD 初頭以為青衣好遠, 我仲一放工就趕去搭MTR, 點知原來轉下車好快就到, 出左MTR沿住屋村行十分鐘度就到. $318一位, 海鮮按人頭配好, 其他肉類配料全部任食! 好抵ar~~飲品都算多種類, 我D frd 最鐘意係任食既時候試D未飲過既飲品, 中伏都唔會蝕XD, 我自己就通常飲茶或水, 唔會俾D汽水降低我既戰鬥力ar ma~ wahaha 有冇人同我一樣,食任食打邊爐其中一件期待既事就係: 混醬XD, 呢度基本既醬都有齊, 但食完我發覺我,碟醬無咩用過, 因為D 海鮮好新鮮, 本身已經好好味, 唔需要再點醬 開爐第一件事係放D米,  新鮮淮山同瑤柱落去, 咁陣間一路煮蒸海鮮,肉既同時D 精華就會落哂D粥度, 最尾煲粥就…和味lor !! 姬崧茸燉螺肉等食物前先飲個餐包既燉湯, 好新奇打邊爐會包燉湯, 個湯仲要好足料!! 夠味到不得了,  而且唔係細細盅, 係真係成盅俾你, 出面飲起碼$100幾十.脆皮乳鴿 前菜係每人半邊乳鴿, 好正, 食到骨都啜埋, 夠味之餘肉嫩滑, 火候岩岩好啊好! 重點既海鮮而家開始逐碟黎啦~~首先係貝殼盛盤, 入面有三種不同既貝類, 好細心, 可以食到唔同種類既層次同味道, 有用心唔係是但俾一種塞俾你交貨充量就算。隻隻都好甜多汁，我連汁都飲埋唔放過XD 北韓鮮鮑魚鮑魚好鮮好彈牙又帶鮮甜，完全唔會提起要點醬。洗得好乾淨，特別地配上蟲草花更顯身價，又豐富口感，每隻鮑魚上面都有一小片薑，去腥，又有細心位。今日重中之重！！半隻厚肉龍蝦！！嘩，黎到大家都嘩一聲，畫面好震撼，滿滿塞爆成個爐，蒸熟後更加明顯係好厚肉！抱著珍惜既心情一啖咬落去，哇，鮮味到暈，而且一啖食唔哂，好滿足，配埋蒜香美味到呢，而家諗番都流口水。北韓大元貝 + 象拔蚌我最鐘意既做法，加粉絲蒜蓉一齊蒸，又係鮮甜到不得了，象拔蚌夠爽口，元貝新鮮，食完再清埋Ｄ索哂精華既粉絲，我好幸福arrrrr 再黎係串串海蝦！！都幾大隻，食之前仲好生猛, 打開仲有好多蝦膏，又鮮又甘香，正～ 食海鮮都食左咁多，真係好滿足，但係仲未完！ 食肉獸要注意，牛肉只有和牛片及和牛粒兩款，　開頭有少少以為唔夠喉，點知兩款又好鬼正，好香牛肉油脂香, 佢又蒸到岩岩-8成，夠哂Juicy !! 衰鬼 蟲草花清遠雞好滑好入味，令人想配白飯XD，用荷葉墊底蒸出淡淡荷香。 連Ｄ丸都係手打，無咁多粉漿，感覺實在D, 其中一個係蝦膠釀冬菇，蝦配埋冬菇爽既口感好清爽唔會膩。估唔到連粟米都咁出色，　由頭好到落尾，　粟米清甜, 剛好可以解下頭先食咁多同海鮮既飽滯感，釋放最後既肚皮空間 XDXD 喂～～好過份lor , 馬拉糕都玩埋，　仲要好食，唔知講咩好。 點解寫足咁多樣，其實打到手軟，真係每款都好好味，由燉湯>乳鴿＞海鮮＞牛肉＞粟米＞馬拉糕都咁好食，所以真係要share俾大家知!…Read More

真係孤陋寡聞，原來香港可以食到北韓海鮮？！點了兩款北韓海鮮：象拔蚌、鮮鮑魚。Size都幾大隻，而且新鮮鮮甜，爽口彈牙！鮮鮑魚用蟲草花清蒸，滋補得來又吊味， 唔會太單調。原來北韓海鮮都做得不錯，以後可以再encore呀！其他海鮮亦都很有水準，貝殼盛盆，有齊三款我很喜歡的貝煩海鮮，青口、花甲、大蜆，各有特色，貝殼也沒有起沙，處理得令人滿意。因為夠新鮮，不需要特別的調味已經很吸引，清蒸簡單吃，才見食材的真章！ 海鮮晚餐的亮點是生猛龍蝦！蝦頭還有一點點蝦膏呢！喜歡吃龍蝦，因為層次豐富，由蝦頭、蝦肉、蝦爪各有吃法，口感味道也截然不同。開邊蒜蓉蒸趁熱食，非常滿足！之後還點了生猛大元貝和生猛海中蝦。海蝦質素很高，肉質豐厚，鮮甜無比。一口氣吃了4隻，還有點不夠，食量嚇倒同檯的朋友呢！最後有位無澱粉質不歡的朋友，竟然靜俏俏點了馬拉糕，中式美點放在鍋裡蒸，其實OK，算是飯後美點也不錯！ …Read More

好日唔入青衣，剛巧有點事情要做，跟親戚來這嚐嚐蒸氣海鮮餐，聽親友提到3仼，我還以爲是什麼，原來係任揀任食任飲的意思，而且晚上8點30分後入座即可享2.5小時，每2位起，每位HKD298,8點15分前結賬人頭費9折，又幾抵食喎整個餐都好豐富，先來一個必食粥底2選1，選了瑤柱鮮淮山粥，再送一個滋潤燉湯 姬崧茸燉螺肉，湯清而鮮，無味精十分好而每位還送脆皮乳鵨，貝殼盛盆及生猛龍蝦，超正，本身都想影多些照片，但跟親友吃飯都不太好意思影足全餐，為免俾人話無禮貌但龍蝦咁正，怎可不相機食先，一位檯每人半隻好豐富呢，龍蝦大隻肥美又新鮮蒸熟後香氣飄飄，肉質夠彈牙，加上有蔥蒜一同蒸煮，令龍蝦更香更好吃而北韓鮮鮑魚亦好正，新鮮到極上面鋪上薑蔥及蟲草花，令味道更鮮甜香濃口感有嚼勁好吃而且味道唔會過鹹，煙韌口感滿載吃過海鮮，再加上鮮排骨及鮮蔬，清甜肉鮮當中少不免馬拉糕，蒸的時後已滲出香氣入口軟熟好吃最後當然少不了所有海鮮，時蔬及鮮肉的精華汁流入一同蒸煮的粥底粥好綿滑，淮山粉腍，粥散出瑤柱香氣，入口清而甜又不會油膩，十分美味!不是跟親戚，亦無法一同品嚐這頓3仼海鮮蒸氣宴，令人回味的一晚!…Read More

要坐耐D傾計, 最好就係火鍋, 不過, 蒸氣石鍋仲更好食, 今次約埋一大班FD去潮福食蒸氣石鍋.$318一位, 有海陸空美食, 仲有豬牛雞丸蔬菜全食, 好鬼抵! 最緊要係, 潮福係有專人服侍, 專人為你預設所有蒸煮時間, 完全唔係出手, 坐係到等食就可以了, 所以要吹水約會一流!飲品醬汁全部自己揀, 自己攞.座位旁邊已見到魚缸, 貝類好新鮮!人到齊, 店員就會幫你"開爐", 先將珍珠米, 乾瑤柱, 淮山放係石鍋內, 蒸氣立即一湧而上了!食物慢慢出場, 先黎係"姬崧茸燉螺肉"湯, 湯內有不少材料, 有雞, 瘦肉, 藥材等等, 好清好香.每人有半隻乳鴿, 肉厚亦唔細隻, 皮仲有少少脆架!貝殼盛盆 - 有3種不同的貝類, 包括了青口 (好大隻), 隻隻都新鮮, 係水口隻隻都申出"舌頭"來.用蒸的方法, 可以保留貝類的鮮味, 全部都打開口, 完全無沙, 隻隻都肥厚多汁, 好甜!北韓鮮鮑魚 - 放了虫草花及蔥花係面一齊蒸, 鮑魚彈牙清甜海鮮中的重頭戲 - 半隻龍蝦!!超新鮮, 切開左一半, 上檯仲會郁架! 就甘加少少蒜頭清蒸, 放滿了一鍋, 好壯觀!龍蝦肉蒸完係凸起架, 證明新鮮, 不用什麼調味, 已經勁彈牙, 個個都問可唔可以另外再ORDER!北韓象拔蚌 / 大元貝- 已切開了2件, 加入蒜蓉及粉絲再蒸, 一樣彈牙又鮮甜, 粉絲吸曬象拔蚌/元貝的精華, 一滴都唔漏.串串海蝦 - 原來每隻都有蝦膏架, 仲好多膏添, 好驚喜!!!食曬海/空, 開始食肉類啦, 牛肉只有和牛片及和牛粒. 和牛片好重牛味, 蒸到7-8成熟岩岩好, 超正!!!仲有虫卅花清遠雞, 好入味好香, 如果有飯底更加正.甜粟米真係超甜, 蒸耐少少要8分鐘, 不過真係好味過自己煮.經理話最出名係馬拉糕, 新鮮蒸番, 又真係又香又軟!根本完全搵唔到一樣唔好食, 樣樣都巧手新鮮!…Read More

終於可以發更新了！今次來到青衣的潮福吃蒸汽鍋~ 首先要放米在底，到最後會是精華之所在。 首先來個脆皮乳鴿，因為皮膚問題所以沒吃呢。 貝殼盛盆- 青口好肥美，蜆沒有沙，沒點任何醬汁，十分鮮！ 北韓鮮鮑魚-用果皮蒸可以去除腥味之餘，還帶來一點甘香，鮑魚蒸的時間剛好，十分彈牙！ 生猛龍蝦- 一人半隻剛好，蒜泥蒸，肉質爽！ 生猛海中蝦- 好大隻蝦阿！我吃了兩隻，啖啖肉呢A_A 大元貝- 元貝爽甜，唯獨粉絲不夠入味，敗筆！ 蟲草花蒸雞- 這個雞肉很入味，好好食，食左幾粒就清了！ 粟米、蔬菜、南瓜- 吃到這個點，吃些蔬菜清清胃，大愛粟米！ 馬拉糕- 當你以為完的時候，還有一底馬拉糕，很久沒吃啦！不太甜，算是清淡的味道。 和牛片，和牛肉粒- 個人來說比較喜歡吃片，牛肉粒會有筋 到最後有梅菜豬肉丸、牛丸、蝦丸、魚丸，全都是手打的喔！細細粒剛蒸熟就吃，太大會出面老入面嫩。 到最後就是精華所在，由於太飽只吃了兩啖！…Read More

同朋友一齊食蒸氣海鮮火鍋，配料新鮮是常識吧！ 先揀粥底：瑤柱鮮淮山粥🍲 揀左瑤柱鮮淮山粥，店員倒落最底，稍後吸收海鮮及其他食物精華，令粥底變得更鮮甜軟綿。 再揀燉湯：西洋菜生魚燉陳腎/老黃瓜燉唐排/姬松茸燉螺肉 選了姬松茸燉螺肉；原盅燉製，真材實料，味道鮮甜，絕不是味精之作，絕對安心飲用。 再來：脆皮乳鴿 ，肉質嫩滑又juicy，非常好吃！ 貝殼盛盆：有花甲同青口，肉質肥美又鮮甜，真係食唔停口。 仲有壓軸登場的龍蝦，一人半隻，肉質新鮮，爽口彈牙，讚不絕口。 另外再自選四款海鮮：生猛大元貝/北韓鮮鮑魚/本灣鮮魷魚/北海道北寄貝/北韓象拔蚌/蘇格蘭蟶子皇/美國桶蠔/生猛海中蝦/美國石蠔 生猛大元貝 北韓鮮鮑魚 北韓象拔蚌 生猛海中蝦 款款用質肥厚，時間掌握得非常好，鮮味嫩滑，不用加任何調味已經很美味。 馬拉糕 再有超過20款配料選擇，有雞、丸類、牛肉、蔬菜類和飯類等等，當中以雞、蝦丸最好吃，大家一定要試啊！ 最後不得不試精華所在的粥底，軟綿又鮮甜，一人兩碗，非常滿足！ 食物好新鮮，味道又好，滿足又好味，最重要是服務一流，店員細心地為客人蒸每一款食物，又會主動換上碗碟，服務殷勤有禮，值得一讚。 …Read More

一眾葵青之友相約聚會, 地點當然離不開葵青區, 在大家同意之下最後選了青衣的潮福, 皆因蒸海鮮有一定吸引力, 加上潮福已推出了任揀任食任飲蒸氣海鮮餐, 確實相當化算。店鋪寬敞闊落，加上裝修簡單企理，有圓檯之外, 也有四人卡位，同其他潮福分店一樣，近門口的魚缸內有多款生猛海鮮之外，另外也設有一個海鮮檔，放滿了各式各樣的海鮮。一頁紙的餐牌已包括了這個蒸氣海鮮餐的所有項目, 要選擇也不太困難, 只需要先選擇粥底、燉湯和三款必點項目, 另外由九款海鮮之中自選四款, 還有其他任食任點項目, 指定的飲品也是任飲的。飲品方面, 選了枝樽裝朝日啤酒, 入口冰凍順喉, 也就是吃蒸海鮮的好拍檔。在中式酒樓一般比較小提供日式啤酒, 而且在這個蒸氣海鮮餐內還可以任飲, 可算是值回票價。是日粥底點了瑤柱鮮淮山粥, 所以店員會預先在鍋底放入白米, 瑤柱及淮山排骨等食材, 當食用完海鮮後, 這些食材就會被蒸汽煮成粥。然後店員會在鍋底上加上一個分隔層，海鮮就會在分隔層之上用蒸氣蒸熟, 而不同的海鮮, 要用不同的時間來蒸熟。燉湯選了姬崧茸燉螺肉,喝中式湯品，最忌就是不夠熱，用上紫砂燉盅盛著就有保溫作用, 掀開蓋，聞起上來香氣撲鼻，湯本身鮮甜美味，醇香夠火侯，喝過湯，還可以吃內裡不同的湯料。到了三款必點項目, 先來脆皮乳鴿, 每隻乳鴿的大細是剛剛好，鴿皮薄而炸得香脆, 鴿肉的肉質嫩滑，肉汁也美味, 如果喜歡吃鴿子的朋友是不容錯過的。再來貝殼盛盆, 其實是一大盆大蜆和青口, 相信每人可各享幾隻， 大蜆的肉非常肥美, 每隻蜆都已經開口, 證明都是熟透, 肉質爽滑, 鮮嫩味甜, 入口全無沙粒。青口相當大隻, 同樣鮮味十足。還有生猛龍蝦, 龍蝦已開邊和鋪滿了蒜蓉，蒸熟後肉質爽口彈牙, 夠肉厚, 味道鮮甜，有水準。自選四款海鮮環節, 是日的生猛大元貝也算是大隻的貨色,如手掌般大, 蒸得火侯剛剛好，入口肉質厚身彈牙, 而味道鮮甜,是好吃的。生猛海中蝦是出乎意料的新鮮, 海蝦都算大隻, 海蝦沒有霉味, 蝦肉鮮嫩爽口。也試試北韓鮮鮑魚，鮑魚是原隻連殼上, 是日的鮑魚不算大隻，簡單的配合薑、蔥及蟲草花來蒸，肉質鮮甜而彈牙,是滿意之作。北韓象拔蚌也是鮮甜, 肉質彈牙。在任食任點項目之中, 點了一客手切和牛肉，店員將一片片和牛鋪在鍋內蒸煮，原來清蒸和牛也是唔錯, 牛肉肉質嫩滑, 牛肉味濃郁，肉汁豐富, 蘸點醬料提味已經很美味。當然不可不點些蔬菜類項目, 甜粟米的粟米粒粒金黃色, 飽滿的粟米散發出香味，每一口咬下去都係甜美, 爽口非常; 而南瓜件食落清新而且甜味濃郁。最後店員翻開分隔層後，之前放入的食材已煮成一鍋粥,有瑤柱和淮山, 也有其他海鮮的鮮甜精華, 因為放入了白米, 白米同樣煮成粥, 個粥其實都好大鍋。用蒸氣火鍋形式來食海鮮, 確實帶來一份新鮮感, 而且也充滿驚喜和鮮味, 對於海鮮迷來講是一大喜訊, 有興趣的話可來試試。…Read More

這間位於青衣長發商場的潮福蒸氣石鍋，主打的是海鮮。位於中間，有一個藤做的蒸蓋 很特別。所謂工欲善其事 ，必先利其器，所以正式開動前，可到自助飲品吧拿罐裝飲品。除了普通的可樂和七喜，還有韓國樂天忌廉溝鮮奶等選擇，竹庶茅根水和嘉士伯則需要寫小紙條落單。要了一渣竹庶茅根飲品，份量約四,五杯，味道頗清新和清甜，下火解渴一流。第一樣來的是姬崧茸燉螺肉湯。這道湯是用燉盅上，所有精華都鎖在湯水中，十分足料和夠味。接著來到的是脆皮乳鴿，來到時熱辣辣脆卜卜，炸得剛剛好，又不會太過火。開動時，部長加了一些白米、瑤柱粒和淮山在鍋底，用作煮粥。整個晚餐吃了很多海鮮，其中最喜愛的是生猛大元貝。這個元貝又厚肉又新鮮，直徑約尾指般大，點了少許醬油後更顯滋味。另外，用竹簽串起的海中蝦也啖啖肉，很彈牙。附上點了的所有食物，以供參考，包括：脆皮乳鴿 、貝殼盛盆、生猛龍蝦、生猛大元貝、北韓象拔蚌、北韓鮮鮑、生猛海中蝦、蟲草花清遠雞、手切和牛肉、手切和牛粒、手打梅菜豬肉丸、自製鮮牛丸、手剁鮮蝦丸、自家製鯪魚球、馬拉糕、甜粟米、南瓜、雜菜籃…Read More

第一次大伙兒吃蒸氣海鮮石窩，一向對於屋邨酒樓吃飯對食物質素都不以為意，但今次吃到的卻甚有驚喜! 吃蒸氣石窩需要耐性，因為要等逐道菜式蒸熱煮熟。雖然要等食，但就可以見到食材新鮮，「生猛海中蝦」還在扎扎跳呢?!蒸氣石窩先挑弼底，然後自選海鮮，最後可以任點任食其他菜式，大家都捧腹而回!! 脆皮乳鴿 (每位半隻)乳鴿肉質鮮嫩，作為打底頭盤 (因為要等石窩的食物蒸熟)，吃得津津有味!姬菘茸燉螺肉，足料湯水，看到啖啖雞肉吧!貝殼盛盆超大盤的貝類，大隻新鮮!生猛龍蝦爽口的龍蝦肉，加了蒜蓉調味，半隻真的不夠喉!生猛大元貝伙計很熟手，每道海鮮烹調的時間都掌握得很好北韓象拔蚌沒吃過來自北韓的象拔蚌，新鮮彈牙北韓鮮鮑魚加了蟲草花烹煮的鮑魚，肉質很爽滑，意想不到的滋味生猛海中蝦超生的大蝦，上菜前還跳了出來，煮熟後鮮橙紅色的蝦肉，爽口新鮮蟲草花清遠雞雞肉嫩滑，滋補養顏任點任食的菜式還包括：手切和牛肉、手切和牛粒、手打梅菜豬肉丸、 自製鮮牛丸、手剁鮮蝦丸、自家製鯪魚球、甜粟米、南瓜、雜菜籃，還有我最愛的鬆軟馬拉糕!…Read More

放工趕至跟親戚慶賀生辰，地點約在青衣潮福，來到始知為蒸氣石鍋店，每桌中央也放有蒸氣石鍋，想起待會兒會嘗到鮮味美食，特別興奮海鮮未到前，先到外面的自助吧自取飲料，亦提供混醬環節，這裡的XO醬大量供應。 回桌後剛好在蒸第一道菜，同時奉上原盅滋潤燉湯。滑溜雞肉伴隨著大量雞油，怕三高的親友只能淺嚐數淡，大無畏的小孩則喝得津津有味。 乳鴿整盤奉上，這裡的乳鴿相當入味，雖肉量不多卻因滑身嫩口而大獲捧場。 打開蓋子，原來是「貝殼盛宴」，各式各樣的貝殼類海鮮張開嘴巴，仿佛在呼叫我們把它們的口中的鮮肉帶走吧!大大小小的蜆、青口各有捧場客，以橙肉較受大家喜愛，肉鮮而沒有滿嘴是沙的問題出現。 龍蝦餐的主角龍蝦接續揭盅，沒有太多調味配料，單以少量蔥蒜添味，比起平日的龍蝦味顯得較淡，屬須點醬提鮮的一環，幸而肉量算多，可謂啖啖肉。 親戚生日不得不點上海鮮界皇者 - 鮑魚。看著菜單上寫著「北韓鮑魚」，心急想知來自這秘境的鮑魚到底會風味如何？鮮!滑!微彈牙!正喎!四大感想馬上彈出，這額外點上的鮑魚確是非常值得，以蒸氣石鍋調製更是原汁原味 又來一道來自北韓的象拔蚌，短小而厚肉，與索滿鮮味的蒜蓉粉絲極之合拍，清空速度直衝上第一位! 眾人胃口在海鮮圍攻下，非海鮮類就顯得有點遜色。雞肉沒想像中之滑身，而蔬菜亦較為硬朗帶苦。 明早需上學的小朋友們紛紛被家長提早領回家了，錯過了這頓晚飯的重中之重，一直默默在爐底熬製著的瑤柱淮山粥!雖然粥底略嫌稀身，但裡面匯聚了剛才各樣海鮮滴下來的精華，鮮味寧舍出眾一碟接一碟密密食，沒有太多齋坐等候時間，貫徹港人效率奇高的風俗文化，親友們對此頓蒸氣盛宴很滿意…Read More

今天囡囡和女婿去飲茶，通常青衣冇乜好食的茶樓，有也要等很久才有位。於是我們今天轉地点，選擇長發村的两間茶樓，二選ㄧ。於是早ㄧ些去看一下，上扶手電梯後向左望下，向右望下，發覺左手面ㄧ間多ㄧ些老人家，右手面一間有數位等位，並且望入內客人的年齢比較平均。於是選擇了潮褔。星期日在青衣等了不到五分鐘便可入座，第一個驚喜。囡囡提筆，我們ㄧ行三人，叫了六個点心，义燒腸，腸粉的粉做得中規中矩，义燒好味。炸雲吞，入面的蝦肉好味。上素粉果，內裏的冬菇粒等等的料，切功精細，值得ㄧlike 。瑤柱鳳眼餃，很是精彩，外型美，美味，超水準。沙律明蝦角，一碟四大隻，全隻系有鮮味的蝦肉，另ㄧ款超水準之作。最後ㄧ碟古法馬拉糕，不太甜，不太油，吾錯。齊體上，点心水準真吾錯，價錢又吾貴，我們又多ㄧ間我們常去的開餐地方了。…Read More

今天有事到青衣一趟晚上就和老媽子嚐一下蒸氣火鍋先來紅燒乳鴿皮脆肉嫩吮指回味每人敬送清燉靚湯湯水達人媽媽也讚不錯主角海鮮出場囉海生蝦肉質爽甜不錯龍蝦超級新鮮生猛味道鮮甜之餘肉質極爽口象拔蛑切絲有粉絲做底精華全吸收更加惹味鮑魚清蒸就最直接吃到其鮮味肉類中以蟲草花蒸雞最有驚喜雞肉入味肉質細緻馬拉糕也很得我媽歡心牛肉有點硬略嫌不夠肥丸類高質不是街市凍肉檔之流最後精華盡入粥底有服務員為我控制蒸熟時間可以省力之餘更可保證出品…Read More

這間酒樓係長發邨商場，都算大同多人，不過都唔使等位，下午茶抵食呀！！叫左d嘢一齊食，炒尖椒，夠惹味，辣辣地好味。蛋白菜粒炒飯，好夠乾身，好味的，芥蘭好味。粥都okay, 只係冇咩料。最大問題係個廁所，好唔乾淨……即刻扣分:(:(…Read More

我諗潮福係咪真係淨係食蒸氣火鍋呢年三十晚嚟 潮福訂咗一圍 係非常難食帶子唔係帶子， 蒸條魚蒸完 都唔落由我諗我成世人都未食過一餐咁難食嘅以後嚟潮福 淨係食蒸氣火鍋好啦千祈唔好食炒餸…Read More

星期六晚，大大細細共十個人去食團年飯，坐低一睇，除套餐外，餐牌上散叫的選擇都唔少。因應各人口味，我點咗八餸一湯。又因為未齊人，所以叫多兩個前菜凍豬腳仔同口水雞食住先。人齊就上菜……由燉湯、燒雞、龍躉到大蜆，碟頭同水準都幾滿意。但龍蝦一上抬，十個嘴同時間張開晒，因為真係好大碟，兼且好多肉。大人細路個個都好忙咁將一件件嘅龍蝦肉，大大啖咁送入嘴裡，感覺超滿足。剩下嘅節瓜煲變得可有可無，加上較鹹，大家都無將佢放入眼內。咦！最後上枱嘅，竟然係貌似家常菜嘅蓮藕餅！佢造型同其他酒樓不同，佢真係用兩片薄切蓮藕夾住小小鯪魚肉，咬落去嘅聲同食薯片有幾分相似，非常脆口，美味。本來仲想食壽桃飽，但各人都已經感到大滿足，都係下次先再試啦！值得一提嘅係員工嘅服務，雖然當晚差不多座無虛席，忙到反肚，但一班樓面同傳菜嘅哥哥姐姐都好友善。抵讚！…Read More