深井陳記燒鵝海鮮酒家

🥢中午時分由荃灣一路行到嚟深井，行咗兩個幾鐘，超肚餓。咁啱嚟到深井村，呢度又係出名食燒鵝，就入咗嚟坐低點咗個燒鵝飯同燻蹄瀨粉。🥢燒鵝飯$62:燒鵝都幾多件，件件都係肉，肉質係正嘅，食落亦都唔覺重味精，酸梅醬反而幾特別，向出邊其他餐廳好似冇試過呢隻酸梅醬👍🏼不過成碟飯同燒鵝都係凍既，太肚餓嘅時候就感覺麻麻地。🥢燻蹄瀨粉$60:瀨粉份量唔算好多，但燻蹄就真係好大件，亦都厚切，件件都有肉，肥膏唔多，成碟俾我哋清晒。🥢我哋冇叫茶介，但枱面就有熱水供應，水夠滾。…Read More

深井最出名就係燒鵝但好多間都話自己燒鵝好食上網做咗資料搜集 話陳記唔錯！入到舖頭見到都幾多食客我哋兩個人食量唔大 叫咗三個餸1️⃣例牌燒鵝份量適中 燒鵝顏色幾有光澤聞落去好香噴噴食落皮薄香脆 唔多肥膏肉質嫩滑配咗個瀨粉 撈埋啲鵝汁超好味！2️⃣粉絲雜菜煲乾冬菇同蝦米調味裏面有唔同種類嘅菜最特別係有西洋菜 呢個好少見清清地 解油膩都唔錯3️⃣椒鹽鮮魷呢個就平平無奇份量比較少仲有味道偏鹹總結如果想食燒鵝 推介陳記！值得一試！…Read More

作為深井居民，呢間先係我既最愛。有朋友嚟香港同佢食呢間！一如既往都係下午餐時段過嚟，泊低駕車就行入嚟食。燒鵝脾瀨係我唯一既至愛。啲瀨粉既湯底，唔會太咸但又唔會無味。啲粉煮到啱啱好唔會一夾就斷曬。我通常加辣椒油，就最惹味。但燒鵝髀唔使講，唔會超肥，肥到食唔到嗰種。肉質又保持到好嫩滑。喺深井食過其他好出名嘅燒鵝，啲肉硬到黐線。。屋企人每次都係鍾意食叉燒豉油雞飯，叉燒汁鹹甜適中。豉油雞好嫩滑！ 加埋凍檸茶完美！…Read More

今日來了深井拍拖知道深井燒鵝好出名.選了一間多人的陳記燒鵝。深井好多間燒鵝.要食選大間多人比較的安全見到這間陳記最多人就選這店。 見到安排茶水，喬頭和花生 酒樓格局除了燒味外，發現很多懷舊小菜，已經很少見。我們選了3個小菜深井燒鵝 必叫 皮脆肉嫩雖然有點肥但好香口好好味道！香煎咸魚肉餅咸魚用了梅香馬友非常濃味食豬肉煎香有咬口有粒粒肉像手打肉餅.吃了2個白飯，完全驚喜。砵仔焗魚腸面層油炸鬼 表面香脆 內裡綿綿口感雞蛋和魚腸沒有腥味再加點胡椒粉辣辣香香更好吃!有驚喜有水準.姐姐都好好服務。 …Read More

之前比屋企人知道我去咗深圳食燒鵝之後，佢哋都即刻叫我再要帶佢哋嚟食一次，點知因為真係太臨時，所以就試咗陳記燒鵝味道比想像中好食，而且其他小菜嘅款式亦都十分之多，味道都十分之有鑊氣，下次嚟深井有多一個選擇啦…Read More