深井陳記燒鵝海鮮酒家

Open Now

Now Closed

🥢中午時分由荃灣一路行到嚟深井，行咗兩個幾鐘，超肚餓。咁啱嚟到深井村，呢度又係出名食燒鵝，就入咗嚟坐低點咗個燒鵝飯同燻蹄瀨粉。🥢燒鵝飯$62:燒鵝都幾多件，件件都係肉，肉質係正嘅，食落亦都唔覺重味精，酸梅醬反而幾特別，向出邊其他餐廳好似冇試過呢隻酸梅醬👍🏼不過成碟飯同燒鵝都係凍既，太肚餓嘅時候就感覺麻麻地。🥢燻蹄瀨粉$60:瀨粉份量唔算好多，但燻蹄就真係好大件，亦都厚切，件件都有肉，肥膏唔多，成碟俾我哋清晒。🥢我哋冇叫茶介，但枱面就有熱水供應，水夠滾。