深井陳記燒鵝海鮮酒家

星期天，同女友家人入深井食午飯，之前食過裕記，今次揀呢間陳記食。環境就一般，揸車就要搵下位，因為間舖個位置近馬路坐馬路邊，同埋泊車要考少小工夫。。另外，重點大熱天時無冷氣，所以扣左小小分。我地一行四人，叫野食不多，味道還可以。。例牌，夠4人食用，皮夠脆，但肉質唔嫩，有少少「銀銀」地。楊洲炒飯，個飯較濕，唔夠乾身，偏淡，無乜獲氣。炆米，同炒飯一樣都係偏淡，唔夠味:)鮮魷拎返唔少分數總結，可以試一次！！！…Read More

而家週末可以做嘅嘢唔係好多，而且想遠離人群，最好就係離開市中心，講啲九唔搭八嘅時間食嘢。今日嘅限聚令依然係晚上六時後唔可以堂食，於是我哋就喺下午4:30到達深井，食一個我都唔知係下午茶定係晚餐嘅嘢。呢度最好嘅係如果你好彩嘅話車係可以停喺門口，我哋今日還算好彩，落車行入去就有得食。呢度大部份係做四人枱，中間房$1屏風，雖然2人限聚，一台總算坐到四個人。不過如果兩個人去食，就會覺得坐得唔係咁舒服。上枱嘅碗碟好油膩，雖然我本身對佢嘅要求已經唔係好高，但碗碟有油漬，我始終覺得食得唔係好舒暢。叫咗¼隻燒鵝，雖然下裝比上裝貴，但食隻脾總係開心啲，於是就叫咗一個下裝。雖然天氣好凍，但係燒鵝上枱依然熱辣辣，皮脆，而且唔算好油膩，中間嘅脂肪唔算太多，而且都叫有肉食。燒鵝當然最好係全隻叫，因為一定會一隻熱辣辣拎出嚟，如果散叫就好睇多唔多人，多人order嘅時段，一隻燒鵝攞出嚟好快就會被切晒，自然都會好食。今日雖然唔係人多嘅時間，但出品水準尚算唔錯。椒鹽鮮魷做得都唔錯，炸得酥脆，調味剛剛好，魷魚也新鮮。始終食呢類型講究鑊氣嘅餸菜都係傳統酒家做得好。總括嚟講傳統中菜唔講環境講鑊氣同味道，呢度總算唔錯，不過衛生就扣好多分了。…Read More

黃金海岸游完水，同朋友即興就話要入深井吃燒鵝平時都吃開陳記，所以無多想，就呢間啦因為入到去都已經8點幾，等左一陣就有位坐翻開餐牌，order左幾樣小菜招牌燒鵝 (例牌) $125不知道關不關太夜事，碟例牌份量都幾多，仲有燒鵝脾皮脆，不太多油脂，肉質鮮甜嫩滑且多汁黏上酸梅汁吃，特別開胃又惹味椒鹽鮮魷 $78鮮魷炸得金黃香脆，雖然椒鹽做法，但不會偏咸肉質爽嫩，配白飯吃最好味沒有多想，即興的飲食，往往換來不經意的驚喜！…Read More

睇到前面ｄ食評，以為自己search錯餐廳添！我真係唔覺得咁差喎！仲食到好滿足！一行５人黎到要搭枱，講真環境就唔好有expectation啦！因為好多人，有ｄ迫，但都ｏｋ啦，最緊要ｄ野要好食。我地叫咗5個餸，comment如下：１．）半隻燒鵝：講真有ｄ肥，皮唔夠脆，但有鵝味，ｏｋ啦！２．）啫啫通菜煲：呢個不得了，一黎到ｄ蝦膏香到十里遠都聞到！味道好，食到最後有ｄ鹹，但係ｏｋ好味！同埋個份量真係多到你唔信，5個人食極都有，我估ｄ菜座低有一斤以上！３．）XO醬海皇煲：呢個真係料足份量夠！一個海皇煲裡面有帶子，蝦，魷魚，豆腐，腐竹，魚，菜．．．出面ｄ海皇煲通常用好多什菜墊底，然後先享最上個層放ｄ帶子同蝦呀，所以有時食到底其實無咩野食；但係呢個煲好似食極都唔完，食到最底仲有帶子同蝦，我估成煲野座底有１０隻帶子，好足料，good! ４．）椒鹽鮮魷：鮮魷size適中，炸得夠脆，一句講哂，好味！５．）中式牛柳：個汁加埋ｄ洋蔥，好好味！ｄ肉好「林」喎，好易入口，good!最後估唔到仲有豆腐花送！連呢個驚喜甜品都好味喎！好滑有豆味，我覺得好食過Lamma Island同大埔嘅阿婆豆花添喎！總括而言，呢餐好滿足，一定會再黎！…Read More