深井陳記燒鵝海鮮酒家

深井最出名就係燒鵝
但好多間都話自己燒鵝好食
上網做咗資料搜集 話陳記唔錯！
入到舖頭見到都幾多食客
我哋兩個人食量唔大 叫咗三個餸


1️⃣例牌燒鵝
份量適中 燒鵝顏色幾有光澤
聞落去好香噴噴
食落皮薄香脆 唔多肥膏
肉質嫩滑
配咗個瀨粉 撈埋啲鵝汁
超好味！

2️⃣粉絲雜菜煲
乾冬菇同蝦米調味
裏面有唔同種類嘅菜
最特別係有西洋菜 呢個好少見
清清地 解油膩都唔錯

1

3️⃣椒鹽鮮魷
呢個就平平無奇
份量比較少
仲有味道偏鹹

1

總結
如果想食燒鵝 推介陳記！
值得一試！