樸一拉麵

Open Now

Now Closed

店子小小，但簡潔整齊。點餐紙一目了然。‖ 魚介拉麵 ($86) ‖選配厚燒叉燒、木耳，博多拉麵，加$13要隻溏心蛋。厚燒叉燒真的激厚，好大一塊🤩。外表炙燒得很美，脂肪頗多，味道不錯。魚介湯頭十分香濃，讓我一啖又一啖舀來喝😋。麵質硬度選了普通，我覺得剛好，口感恰到好處。‖ 豚骨拉麵 ($80) ‖選配慢煮叉燒、芽菜，東京拉麵。慢煮叉燒，口感軟嫩，脂肪相對少很多。豚骨湯頭也很不錯，個人覺得魚介更好味。東京拉麵和博多拉麵，兩者分別不太大。如要說，前者微微粗一點和軟一點。總結，值得一試！

拉麵一直係香港人中意嘅美食✨今次嚟到旺角一間拉麵店，尋找懷念嘅味道！豚骨拉麵🍜 $80 +$23轉特上豚骨拉麵本身有大約4塊叉燒同配菜可以揀木耳或者芽菜。而+$23轉特上就有多塊叉燒、溏心蛋同兩片紫菜✨豚骨味都幾香，係偏濃郁嘅湯底，中意食濃味湯底嘅可以一試！不過食耐咗會有啲膩而且偏鹹🥲 叉燒可以揀慢煮或者厚燒，厚燒係比較多肥肉所以我揀咗慢煮🤣 叉燒偏薄但都大塊！而且好軟好淋身，但慢煮就唔係有油脂燒香過嗰種。溏心蛋都好入味，生熟程度啱啱好。整體嚟講幾好食😋4.2/5😋蟹膏拉麵🍜 $92有少少蟹肉嘅配料，其他配料一樣就唔再重複講🤣 蟹膏湯底係最貴嘅，食落冇豚骨拉麵咁鹹，而且好有鮮味✨食唔慣嘅可能會覺得有啲腥！而且食落好似同蝦膏味差唔多🤣3.8/5😋唐揚炸雞🍗 $36炸雞有4舊，好香脆😋雞肉好多汁，而且調味適中😋推薦！4/5😋整體嚟講雖然唔算係非常出色嘅拉麵店，但味道都唔錯，想食嘅時候應該都會再回頭！

女人街其實有很多小店，只要你細心找一找就會及現有很多小店店舖空間感小，但人流很大，而店員人數很多見人流那麼多，我就排隊試吓食啦在門外有一張大海報，是期間限定的拉麵，每天只有6碗，當日我去到都賣完了那我就食其他的拉麵味道啦餐單其實有很多選擇，我選了一碗䐁骨湯底及厚燒叉燒，而另一碗即是醬油湯底䐁骨湯底好清新，味道很香口，甜綿清香而麵質我選了普通，所以口感彈牙爽口，富有水份，嚼勁的麵很好味而厚燒叉燒也富有肉質，稠得漿口香味撲鼻，十分澎湃另外，我也額外點了一個海老湯底的慢煮叉燒麵海老湯底十分鮮甜，上碟也別樹一格湯底為金黃色，十分鮮甜及香口味道也很濃郁絕對貨真價實，令人垂涎欲滴

哩條街不嬲多野食之前見哩間野間唔中都要排隊今日早食飯 經過唔使等就入左去食兩個人嗌左兩個拉麵哩間特別在餐牌除左湯底麵質之外仲有得揀麵既種類同配料同朋友各嗌左唔同既野 可以試下唔同既野咁解-—————————魚介拉麵（$86）慢煮叉燒粉嫩粉嫩 咬落軟腍得黎唔乾硬嗌醬油個陣店員有提我地話哩個湯底會重味啲初初食都唔太覺 覺得好香濃不過食到後尾個味係會濃烈一啲東京黃麵幼身 硬度合符心意魚介拉麵（$80）厚切叉燒好大塊 燒得好靚好香 入口個陣油脂同肉融為一體湯底頗為濃郁 有條小魚乾作為點綴博多白麵同前一款麵分別唔大————————————————整體黎講 不失為一碗好食既拉麵下次再黎試埋佢既蟹膏同海老湯底

同朋友仔行左陣女人街，攰攰地搵咗一間拉麵店開餐，門面企理嘅日本風拉麵店呢間舖頭仔拉麵湯底都有好幾個選擇魷魚鬚，飯友極力推介，但個人口味只屬一般辣筍，爽脆，正常發揮火炙厚燒制作中魚介🐟博多拉麵厚燒叉燒侍應下單時溫馨提示厚燒用五花腩會比較肥，很貼心，確實油脂甘香，十級邪惡蟹膏🦀東京拉麵厚燒叉燒味噌湯👉🏻蟹肉、蟹鉗仲有蟹膏，不過份量少左啲，流心蛋需另加$13係值得嘅海老🦐東京拉麵叉燒是慢煮的，口感軟綿，好好食蝦湯濃郁最鮮，滿滿嘅櫻花蝦總結兩款麵偏向幼身，但都彈牙掛湯，如果能有（粗）曲麵選擇就好，湯底真材實料，值得再幫襯的小店

樸一拉麵係近年新開既人氣拉麵店，成日聽但一直未食過，今日收工特登黎試下。 拉麵有唔同湯底選擇，海老同蟹高好快會賣晒。我地揀左傳統既豚骨同埋魚芥。拉麵亦有博多白拉麵/東京黃拉麵選擇，硬度，配料都可自行選擇。 豚骨厚燒叉燒東京黃拉麵配溏心蛋$80+$13湯底好濃郁，厚燒叉燒好肥美，半脂半肉既口感十足。黃拉麵就夠彈性，配上木耳配料好爽口。湯底濃郁下連湯連拉麵食，好滿足。 魚芥慢煮叉燒博多白拉麵$86有條魚仔，湯底好入味，充滿魚香。博多白拉麵就較幼，較有口感，比較彈牙。慢煮叉燒調味足夠，一咬開好有味道。因慢煮既關係保留到叉燒既鮮味。

🍤樸一拉麵🍜今次我哋Encore左旺角樸一拉麵我同朋友分別試咗蟹膏拉麵同海老拉麵兩款拉麵湯底都香濃得嚟又鮮甜蟹膏拉麵 $92蟹肉同蟹膏都唔算少仲有一隻細隻二本爪仔擺盤靚得黎 食落個蟹肉味都好香拉麵份量對我黎講剛好溏心蛋 $13完美狀態嘅溏心唔會過熟 個溏心顏色仲好靚海老拉麵 $90 差唔多間間拉麵店都有得食蝦拉麵有D係一入口係好濃好似好正咁但之後會勁口渴大家就知佢咩料呢方面樸一做得好好食完唔會好口渴而湯底係好鮮甜嘅୧⃛(๑⃙⃘ ๑⃙⃘)୨⃛海老拉麵附上一隻脫殼海蝦食落新鮮彈牙如果多一隻就好啦(⁎⁍̴̆Ɛ⁍̴̆⁎)富士山柚子梳打 $24 夠氣又夠凍飲落係清爽既柚子味夏天飲生津解渴 一流呀以香港拉麵水準嚟講樸一絕對係唔會浪費quota！地址：旺角通菜街1A-1L號威達商業大廈地下H號鋪

日式拉麵今日同咗佢去旺角呢間樸一拉麵既餐廳食拉麵，餐廳地方環境唔算好大，但係好乾淨企理，而且餐具枱面都好衛生。枱面上面除咗有檸檬水，仲有紙巾牙籤，真係好細心呀，竟然有紙巾，成日出街都有陣時唔記得拎紙巾，搞到有陣時食完嘢都冇得抹咀，哈哈，去到呢間拉麵餐廳就唔驚啦。人均消費係$90。呢間餐廳主要係食日本拉麵，有唔同嘅日本拉麵可以選擇，我哋各自拎住張餐紙就隨自己嘅喜好喺度落單啦。我呢就叫咗個豚骨拉面 $80，配菜有木耳，蔥 ，叉燒呢本來諗住揀厚燒嘅，但係見佢都揀咗厚燒，所以我就轉左慢煮啦，咁你可以同佢一齊食唔同嘅豚肉風味。另外仲加咗$13要一個流心蛋，呢隻蛋好入味，味道偏鹹，裏面嘅蛋黃流出嚟真係好好食。慢煮款式嘅豚肉，又薄又大塊，脂肪比例比較少，而且有好濃郁嘅豚骨湯底味，所以都浸得好入味，食落口一啲都唔老唔硬。至於啲拉麵就揀咗係普通硬度，食落去都有彈性口感，而且吸收左個湯底嘅濃郁味道，所以每一條都好入味啊。另一個拉麵就叫咗魚介拉麵$86，豚肉就揀咗係厚燒嘅 ，一出到嚟個賣相好震撼，又厚又大件嘅感覺，面頭上面仲有啲燒過嘅痕跡，有啲燒焦嘅香味。脂肪比例分布得比較平均，脂肪嘅比重就比慢煮多啲脂肪，

小食-紫菜雞卷 ：調味適中而且不油膩，火喉剛剛好，肉質嫩滑、炸皮不會硬。紫菜味完全融入其中，紫菜味道不會太重 而遮蓋本來的調味。魚介湯厚燒叉燒麵（轉特上）：蛋一打開會有紅油流出好香濃好味，厚燒叉燒超厚又大塊。魚介湯好濃郁 濃到有少少起沙，最後把湯都喝光。麵選了博多白 ，感覺麵質幼細點、爽口好嚼，慢煮叉燒跟厚燒有好大對比。醬油湯厚燒叉燒麵（轉特上 ）：醬油湯底跟平時吃的有點不同，味道好豐富。同樣都是厚燒叉燒沒有選擇錯，原本想吃肉食愛者拉麵但應該已經轉了另一款限定，希望下次有機會試到。魚仔乾跟麵一起吃很配，小小辣味很開胃，吃了半樽。飲品選擇不算多，不過有外面少見的特色飲品。而我怕肥所以飲zero（樽裝感覺特別好喝）衛生情況還好，有提供酒精消毒，筷子有櫃筒收好。

假日3點幾見小店無咩人，行過諗住支持下。入到去都係自己serve自己，檯上面兩壺水都係空嘅得片檸檬，心諗好似未準備開舖咁，但其實已經3點幾… 我自己就叫咗碗魚介叉燒拉麵，叉燒可以揀厚燒/慢煮，配菜可以揀木耳/芽菜，咁我問佢可唔可以兩個配菜都要佢就話淨係可以揀一樣，之後都無講咩。到我地點嘅時候佢就話厚燒賣晒轉慢煮… 咁就比佢焗住食慢煮叉燒，個人認為落單前講明賣晒d咩會比較好，畢竟叉燒都係拉麵靈魂…講到個拉麵味道 - 湯底其實都ok，不過唔算好鮮。麵底唔香，好一般。個叉燒似火腿…鹹到爆，仲要雪櫃攞出黎，完完全全係火腿一塊，完全唔知食緊d咩。結論得個湯ok…

今日收工突然好想食蝦湯底的拉麵選擇了旺角呢間小店七點左右到達已有人在外面排隊等候了大約15分鐘左右可安排入座有七款湯底選擇：我們選擇了魚介及海老湯，兩款湯底濃郁，尤其推介海老，有一隻海蝦，以及份量十分多的櫻花蝦，蔥和木耳叉燒亦可選擇慢煮及厚燒，本來想選擇厚燒，可惜下單時跟我們說剛剛賣完了，只能選擇慢煮叉燒。我們亦加了一隻糖心蛋，都很不錯至於小食方面，點了一個唐揚魷魚，味道還好，不過比較油膩整體感覺還好，只是對於不能選擇厚燒叉燒和小食有點兒失望。

是日和朋友來到旺角的這間拉麵店，店舖不大但五臟俱全。我們點了魚介拉麵，辛辣拉麵，唐揚炸雞，黑松露蝦餅。他是可以自選配料的，我們是選了豐富配料餐，多了溏心蛋。食物方面：魚介拉麵湯底濃郁，油而不膩。慢煮叉燒口感豐富。辛辣拉麵湯底香濃，辣度較辣。厚切叉燒口感豐富。唐揚炸雞充滿日式味道。配上沙律醬後口感更加有層次。黑松露蝦餅，味道不錯，黑松露醬料不錯，喜歡黑松露的朋友可以一試。最充滿驚喜的是玻璃瓶的汽水，滿滿的氣。

A bit surprised to locate another ramen shop in Mong kok that lives up to standard.broth is full of favorLarge pork belly chasiu fulfilling for even a guyOverall I’m pretty happy with this meal and will come again if i pass by.There is a small queue outside by the time we finished our meal on a weekend and I can definitely understand why.

今晚去旺角食日本拉麵，冇得去日本旅行，都搵日本拉麵黎食回味下。今次食嗰間叫樸一拉麵。-魚介拉麵配慢煮叉燒👍🏻，湯底夠濃，真材實料好夠味，拉麵口感好食，慢煮叉燒好嫩滑，木耳同埋蔥都俾得好慷慨-豚骨拉麵配厚燒叉燒👍🏻，食拉麵食最original既豚骨湯底，合格有餘，厚燒叉燒要讚，燒得好香，入口即溶******************************👍🏻好食 | 👌🏻可以 | 😔 難食評分 : 6.5/10簡評 : 本地日本拉麵店來講，算係十分出色，唔俾日本正宗拉麵店遜色

🤎 真係好耐冇食過拉麵啦！上次同🐼去左好多餐廳聚集嘅通菜街食樸一拉麵，我覺得好食呀😋🤎 湯底有7個味可以揀，我哋揀左豚骨同魚介。另外餐廳自由選擇度好高，除左湯底，仲可以揀叉燒要慢煮/厚燒，配菜要木耳/芽菜，麵底要博多(白)/東京(黃)👍🏼🤎 魚介湯真係有條魚喺上面，有濃濃的魚味😍 叉燒揀左厚燒，係半肥瘦既腩肉位，燒得好香。麵底揀左博多，係比較幼身的，掛汁力强👍🏼🤎 另外豚骨湯底都好濃郁。叉燒就揀咗慢煮，同厚燒好唔同，慢煮就無肥肉，整體係比較軟的口感😊 麵底揀咗東京，係較粗身同硬身的👌🏼🤎 小食叫左唐揚魷魚🦑 好惹味！🤎 我下次想試埋海老湯底呀😍