樸一拉麵

Open Now

Now Closed

🤎 真係好耐冇食過拉麵啦！上次同🐼去左好多餐廳聚集嘅通菜街食樸一拉麵，我覺得好食呀😋🤎 湯底有7個味可以揀，我哋揀左豚骨同魚介。另外餐廳自由選擇度好高，除左湯底，仲可以揀叉燒要慢煮/厚燒，配菜要木耳/芽菜，麵底要博多(白)/東京(黃)👍🏼🤎 魚介湯真係有條魚喺上面，有濃濃的魚味😍 叉燒揀左厚燒，係半肥瘦既腩肉位，燒得好香。麵底揀左博多，係比較幼身的，掛汁力强👍🏼🤎 另外豚骨湯底都好濃郁。叉燒就揀咗慢煮，同厚燒好唔同，慢煮就無肥肉，整體係比較軟的口感😊 麵底揀咗東京，係較粗身同硬身的👌🏼🤎 小食叫左唐揚魷魚🦑 好惹味！🤎 我下次想試埋海老湯底呀😍