本佐日本燒肉料理 (Closed)

本佐日本燒肉料理-高質日式網燒半燒肉放題尖沙咀一向美食林立，今日發現The Hart中一間新開業的日式燒肉，看一看餐牌，原來是半燒肉放題，食肉獸的我當然歡喜歡喜！另外亦有刺身和海鮮，加分加分！店內燈光柔和，配上長方柱形的燈盒，卡位是以仿日本紙屏風分隔，坐位尚算寬敞，配以木紋的桌子和磚紋的牆身，呈現地道的和風格調，中央亦設有大圓桌的吧㘆位置。刺身類燒肉前有冰凍的刺身提供，款式都尚算多，有三文魚、甜蝦、八爪魚、帶子和玉子，很奢侈的餐前小食哈哈。海鮮拼盤有虎蝦、帶子、蜆、聖子、燒蠔，加上多牛油燒烤，鮮味又惹味。牛肉拼盤熊本一口和牛粒、安格斯牛仔骨、本佐安格斯肉眼粒，和牛粒雪花非常多，入口即溶。黑豚拼盤黑豚五花肉、黑豚裡肌肉、唐辛子豬頸肉，五花肉肥瘦梅花間竹，裡肌肉有咬口。雞肉拼盤芝麻雞翼、地獄雞翼、日本櫻姬雞腿肉，雞翼開邊，食起來方便，芝麻雞翼香，地獄雞翼辛，雞腿肉嫩滑。沙律、炸物沙律有海量多蟹籽的蟹籽沙律炸物有熱辣辣的香芋丸、脆身的吉列蝦最後還有movenpick 雪糕作結尾，有雲尼拿、草莓及朱古力選擇，滿足！

上兩個星期打左N次邊爐，想食好肉仲有啲咩選擇？好簡單啫， 去燒烤味得囉😝。今晚呢間日式燒肉放題， 地方好寬敞，我地二人今晚就坐圓吧枱圍爐，好舒服好有feel。我見佢地啲卡位都幾濶落，人多應該都OK，而且佢仲有露天位， 下次多幾個朋友真係要試下戶外日燒😝。餐廳用ipad落單，超方便，而且隨時可以check番自己點左啲咩，你知啦，通常去放題都經常點到自己唔記得食過啲咩架嘛😏。佢地肉嘅款式繁多又有唔用醃法，牛豬雞魚蝦都有齊。通常坐低第一round都會奉上幾樣主打食料嘅拼盤，食完再點其他，因為肉有分未醃同醃製過，所以餐廳還提供幾款沾醬料可以order。我覺得佢嘅漬壺牛柳條同唐辛子豬頸肉真係食極唔厭😍。另外幾款不同口味嘅雞翼都好好味。海鮮呢？我就認為廣島蠔必點，好甜。刺身寿司雖然選擇唔多但甜蝦同帶子都好鮮甜！食日式燒肉放題燒到累怎麼辦？一次過將想食嘅野大堆頭咁燒起佢囉！😜🤭😁😋

日式燒肉放題@尖沙咀落單係用單板電腦，唔駛下下寫單、嗌侍應落單，而且全部食物都有相，唔驚叫咗啲唔啱食嘅嘢。肉類都幾多選擇，唔同部位嘅豬雞牛都有。有啲肉仲調咗味，燒熟就食得～海鮮幾大件同新鮮，都係有得任食嘅。蝦呢啲都易燒，可以直接放上去燒。如果難燒嗰啲例如生蠔，就有個盆仔，無咁易燒燶 除咗日式燒烤，都有日式小食，蟹籽沙律、八爪魚同螺肉等等。刺身同壽司都唔錯，創作壽司幾好食。炸物好好食，唔係好油，好脆！炸芋頭波同炸榴蓮波都好濃味，再點咗兩三次

見到facebook介紹諗住去試下。由於見到Facebook 介紹既刺身非常吸引，所以作為一個刺身愛好者，第一時間緊係嗌刺身，但係同相中好有出入。我只能夠話係好普通既級數，一田分分鐘仲新鮮。燒肉果part 正正常常 唯一唔錯既係和牛 但好多肉款唔會食完想再翻食。野飲方面要加$40先可以任飲🤷🏻‍♂️🤷🏻‍♂️🤷🏻‍♂️如果咪只有一罐。環境我覺得都唔差既，都幾有燒肉風味最後總結，係咪去到伏又未算係，但的確同雜誌介紹都幾大出入，可以試但唔會翻食。不過百貨應百客，最後一提個抽煙系統可以再做得好d。 多謝

依間燒肉店新開張冇耐，食其他又放題又食到悶悶地所以就試一試。menu上$0都係任叫的再包一罐飲品，有個燒肉拼盤作前菜。 燒肉方面我點了安格斯肉眼粒、熊本一口和牛粒、漬壼牛柳條、日本黑豚肉。最好味都係和牛粒，滿佈雪花，好有肥香味，鬆軟唔in,反而肉眼粒會有點un. 牛柳條好入味不過好幼條，口感差DD。 海鮮點了牛油燒帶子、牛油廣島蠔、蜆肉，推介廣島蠔，鮮甜肥美，海水味十足，加上牛油浸住煮好香味道，帶子都好好味！刺身就狂掃帶子、甜蝦，蟹棒一般，其他刺身都唔錯。 價錢略嫌貴，因為食物款式唔多。

每逢去到12月都特別多飯局😂，今日就約咗d朋友出嚟食飯，全程有我啲朋友做搞手，所以我只需要帶我個人出嚟就可以😂，原來朋友book咗呢一間日式燒肉，正呀，我最鍾意👍🏻，上到去環境非常舒適，比安排坐係吧枱位置，服務員亦都非常有禮貌，呢一間放題包括有刺身、燒肉等等......，當然係先叫刺身先啦😂，刺身非常新鮮，三文魚非常肥美，甜蝦非常鮮甜，壽司就只係叫咗三文魚壽司同火炙三文魚壽司🍣，，我特別喜歡食火炙三文魚壽司，因為喺面頭度燒一燒，令到佢啲魚油出晒嚟🤤，重頭戲就梗係燒肉啦，牛肉非常腍身，肉味亦都非常濃郁，漬壺牛肋條，甜甜地，好好味，仲有黑豚五花肉同埋黑豚裡肌肉，肉味濃郁，地獄雞翼，唔係好辣，味道剛剛好，而海鮮有，虾、聖子、鯖魚、帶子等等......，飲品方面只係會包一罐飲品，之後你可以加$40任飲，整體來講，款式繁多，值得一試👍🏻

趁今晚凍凍地，男友人提議食燒肉放題，好期待~呢間餐廳係用平板電腦落單，好精準，完全無漏單。呢個係頭盤，可以試下唔同嘅肉，覺得好味先再叫。食物種類唔算超多但都夠食，肉類最好食係熊本一口和牛，可以主攻呢款肉。飲品叫左蜜桃烏龍茶，另外都有熱茶供應。除左燒肉仲有刺身同壽司食，滿足我地貪心嘅慾望，而且質素都唔錯。蔬菜類大推牛油金菇同粟米，食左超多，好好味！小食試左蟹籽沙律。冷烏冬都好食！最後仲有甜品~movenpick雪糕！

今日同朋友去咗「本佐日本燒肉料理」， 朋友係食肉獸， 又係佢出動嘅時候，燒肉係我嘅至愛！星期一至四每位$278，刺身、壽司、炸物、野菜、燒肉、海鮮，全部任食。 平板落單，特別簡單，可以減少漏單。 有熱茶供應，加$30任飲罐裝飲品。 先嚟一個【燒肉拼盤】，每樣試少少，啱食再點。有五大推介：💕 必點項目係海蝦🦐🦐🦐，encore首選，大大隻虎蝦，多肉、爽口、彈牙 💕 蟹籽沙律，清新開胃💕 糖心菠蘿，香甜新鮮💕 牛油金菇，牛油味濃💕 安格斯極上牛仔骨，細細件，有雪花紋，油脂豐富最後一人一盒MÖVENPICK🍨，大滿足！

天氣凍凍最啱去燒嘢食，可惜BBQ團友們都唔多得閒，唯有改食日式燒烤喇，皆因夠哂方便!!! 本佐主打日式燒烤，好吸引，而且餐廳位於尖沙咀，非常方便同就腳。餐廳用平板電腦點餐，又環保又快捷，抵讚!!! 見到餐廳上竟然有日本佐賀牛食，好少任食燒肉有日本牛食呢，啱哂食肉獸嘅朋友。海鮮都任食，真係好正呀!!!餐廳有吧枱位，啱哂兩個人一邊食一邊傾計。枱上有唔同嘅調味料，基本的鹽同黑椒，而且仲有燒肉汁同醬油，個人鍾意鹽加黑椒已經足夠。除左燒肉，刺身都唔少呢，款式都多，而且上菜快~手握壽司有火炙和牛壽司，都唔錯架!!!我的肉肉肉黎喇，牛仔骨同五花豚肉油脂分佈都均勻，唔錯唔錯!!牛油帶子廣島蠔好味呀!!! 牛油煮過後蠔同帶子好香呢!!蝦嘅size都唔細隻!!!燒蝦好正呀，蝦肉彈牙，一啲都唔霉呢~任食竟然都有蟶子，超級勁呀，蟶子size雖然唔係大，但加啲蒜蓉去煮，啲鮮味出哂黎，海鮮迷必食!!榴槤炸彈朋友最愛，佢話好好味呀，榴槤味都幾濃呢，坐喺隔離都聞到!!!放題包一罐飲品，加錢可以轉任飲呢!餐廳抽風系統唔錯，食完唔會好大油煙味。

尖沙咀有得任食仲有和牛粒啱晒我！一入去環境不俗，人滿好熱鬧！人少又約得遲我只得坐bar枱，但原來背後有個open area都有幾張檯，天氣涼都可以咼既然有刺身，梗叫我最愛的甜蝦，唔係細隻蝦而係大大隻的！另外再點埋帶子，甜旦等！壽司都係大件的，我專點炙燒三文魚同牛肉，魚同牛的油份焼咗出嚟仲好味！有時食焼肉加點飯落肚仲正食埋好淋嘅和牛粒同牛肋骨，和牛粒牛味濃D但我自己覺得難燒到啱啱好！牛肋骨肥美D易D掌握生熟度另外切成單骨雞亦令我更易燒到皮脆內嫩夠juicy~~~微辣豬頸肉切到細細地好快有得食又美味~~~~其實仲有炸蝦，炸芋頭，炸牛奶等.... 炸榴槤我見到即叫兩個啱曬我想encore熱辣辣的榴槤mochi時已售罄呢~

日式燒肉放題，當日食六點半時段，人不算太多，大量卡位坐得舒服，上菜超快速🤣我都笑說秒上電子版落單，唔洗下下叫侍應方便，又唔怕留單，仲唔洗寫落單紙好環保♻️而且圖文並茂👍🏼更加吸引..除了燒肉，也有不少海鮮提供，蝦、蠔、青口等...仲有好少出現既聖子👀推薦：廣島蠔牛油燒，蠔脹卜卜，配牛油非常夾，啖啖肉，爽😊肉類推薦：五花腩超好味，很爽口，再叫個生菜藍包住食，無得彈🤤返叫左幾轉而一口牛都不錯，一啖一粒，重油花，牛味濃。但注意⚠️唔好燒過火，浪費粒牛肉。牛油粟米竟然冇影到相😱好味！牛油既滲透每粒粟米，用匙羹食，勁方便，眨吓眼就食晒一碗🤣 放題又點少得刺身，基本既三文魚、甜蛋、帶子等..甜蝦細心去蝦尾殻。炸物、壽司🍣小食，都有不少選擇可惜飲品唔係任飲，只包每人一罐飲品。賣單再送上貴價movenpick雪糕🤭

熱鬧的尖沙咀赫德道，有很多餐廳酒吧和各式各樣的餐廳。今天介紹的是在The Hart樓上的本佐刺身燒肉放題餐廳。一進餐廳，就有一個濃濃的日本氣氛，除了餐廳裏面的table，counter，還有露台上的炭火燒烤枱。兩小時的放題才$278，在尖沙咀區是十分吸引的。看餐牌第一個感覺是很高科技，所有點菜都在平板電腦進行，十分方便。先點了個刺身，有甜蝦，北寄貝，三文魚，八爪魚，帶子，其實還有更多款式可供選擇。吃下去海鮮感覺很新鮮，很甜。燒肉方面，點了極品牛小排和一些海鮮，牛小排肉和脂肪比例也恰到好處，不會覺得太肥膩，海鮮點了海蝦也很鮮味。整體用餐經驗很好，環境食物質素都很高，的確是一個很好的選擇。

Sem尾真係特別忙，好耐冇約朋友食飯，趁宜家得閒即刻約朋友食餐好既，慰勞一下忙咗咁耐既自己😂 呢間有得任食刺身又有得任食燒肉，一次過滿足我兩個願望，又唔洗擔心要逐碟逐碟咁計食到荷包出血。一坐低冇幾耐，店員就上咗嗰燒肉既頭盤，夠晒有速度！我個人最中意五花肉，將佢燒到表面微焦，再點醬就夠晒好味，我地都encore咗好幾round除咗燒肉，原來仲有得燒海鮮，都幾多款海鮮，有元貝、廣島蠔、聖子、青口、大蝦等等，而且海鮮既質素任食黎講非常唔錯，唔係講笑，我地食咗幾款海鮮都冇沙，再加上啲海鮮加咗牛油特別香，我同朋友都好中意牛油燒日本元貝，食完又嗌食完又嗌😂仲有點少得我至愛既刺身，其實本身都冇抱好大期望，因為之前食親有得燒肉又有得食刺身既放題，刺身都唔係好掂，但本佐既刺身認真唔錯，幾新鮮，食一round認真唔夠。仲有好多唔同既小食，不過我同朋友掛住食燒肉同刺身，都冇點嗌小食😂每人仲有包一支野飲，我同朋友分別揀咗冬瓜茶同菊花綠茶，整體黎講，除咗後者唔係幾好飲之外，其他都唔錯，幾岩中意食燒肉又中意食刺身既朋友！

好耐冇食過燒肉放題，朋友介紹下就去試一試你竟然有吧枱有卡位，好闊落，因為我哋兩個人所以坐吧枱 吧枱中間就係製作壽司嘅地方所以我哋睇到佢即叫即做好肚餓忍唔住馬上點左啲嘢食先呢度嘅放題點嘢食竟然唔洗寫紙仔，用iPad真係超級方便抵讚！刺身好新鮮唔錯，最重要係落單之後上菜上得好快唔使捱肚餓，服務都扺讚！肉類都多選擇有豬肉牛肉雞肉，有加咗醬汁嘅肉亦都有食原汁原味嘅，個人最鍾意食啲雞翼好味小小辣，會食上癮！熟食都多選擇有我最愛嘅烏冬，沙律，另外有好多醬汁揀例如蒜蓉，沙律醬，檸檬，wasabi 都係用iPad點，手都唔使舉👏🏻👏🏻呢一間服務真係一流，一個字快！記住加$40任飲啤酒清酒汽水呀！

難得媽咪出到尖沙咀就帶媽咪試下食燒肉，晚上6點來到餐廳，人唔算好多除左可以簡Bar台坐之外仲有卡位可以選擇，我地一行5人，最後就選左坐5人枱😝囡囡過左小小高度，服務員免小朋友收費👍半任食燒肉套餐只需每位約$300，包一罐飲品(另加$40就有任飲汽水、藍妹及指定清酒)入座之後，職員都好有禮貌，而且會俾一部平板俾我地點餐，再來就係頭盤，包括左有豬頸肉、五花肉、雞翼、和牛粒、牛柳條，試一下。呢到每枱都有一部平板電腦可以供客人自助落單，唔洗成日搵職員交真係一大享受，又快捷又環保。除左有燒肉可以點之外，仲有刺身、壽司、海鮮、野菜、小食、烤物放題，加埋超過60款既野食，唔怕囡囡冇野食👍刺身併盤:有5-6款的新鮮刺身，三文魚刺身、日本甜蝦、日本帶子、松葉蟹棒，味道都好新鮮！仲有囡囡最愛的甜蛋添~燒肉拼盤的主角當然就是和牛拼盤啦!日本佐賀真送A5和牛粒入口即化、肉質幼嫩，仲有安格斯牛仔骨，牛味香濃~黑豚五花肉、黑豚裡肌肉、西班牙一口豬、豬頸肉 、五花腩甘香、一口豬肉味濃、芝麻雞翼惹味甘香大蝦，好大隻，肉質結實彈牙；其次是細細條的蟶子，食落無沙，非常爽口；海鮮新鮮度都唔錯，好鮮味每樣海鮮都有個鐵小盤，方