本佐日本燒肉料理 (Closed)

真心係ig推介覺得唔伏先去試點知中曬招 滿心歡喜有燒肉同刺身任食 同男朋友屋企人食個冬至飯先 邊有間放題差到只係叫左個三文魚刺身一次 就已經唔想食呢？ 入到去通風系統咁差 差到一燒個時係焗到不得了 好彩在門口個位 安排一般 連入坐個時連價錢都唔講聲 老馮比錢？ 黎間真係一間日本餐廳？ 扮下野都好呀 服務0 知道忙但係連叫個人都叫唔到 都唔緊要 返入正題先 個燒肉唔係好得 肉一般 個放題選擇項目係少到一個點 冇驚喜 普通到連個枝豆加鹽都冇做到 又要再問多次我真係食緊日本野？ 餐廳上菜ge碟又浪費 叫個數目 係一件件計 好奇怪 任飲要加錢都算 冇咩特別 內有啤酒推銷 其實5個人燒肉刺身放題 送左碟魚叫好抵？ 抵個位係邊 仲有呀個蟹粥完全同白粥冇分別 同張相差好遠 收300一位 ？ 真係冇野呀？ 我真係入左間偽日本餐廳 唔該你地再改名先 洗唔到底呀

經朋友強烈介紹之下，試下這日式燒肉店先.這食店在商業大廈，離mtr 3min 十分易找，方便.刺身十分新鮮，帶子爽囗，三文魚夠香滑，比其他放題質數高，食得安心.肉類選擇多，又新鮮.環境也坐得舒服，油煙並不是很大，抽風做得不錯的.充滿日式的布置.蝦十分大隻新鮮，重要是放題，可任點，大家可盡情去叫.這裡並沒有漏單的情況，因是用 app 自己點菜，十分方便，清楚又環保.有日本啤酒加的.價格叫經濟.最後還有靚雪糕，性價比十分高.

晚上約咗友人到尖沙咀食燒肉放題， 位處於尖沙咀赫德道酒吧林立嘅地方， 呢間日式燒肉店係一間樓上舖。大約晚上六點半， 呢度人流唔多， 數埋成間鋪十個顧客都冇。 我坐嘅位係類似吧枱， 中間有個職員負責製作壽司同埋執唔同嘅燒肉配料。 鋪頭環境比較昏暗， 大概銳意製造一種日式燒肉店嘅感覺。 感覺呢度都算乾淨， 而且食喜燒肉上嚟都唔大油煙味。不過燒肉款式唔算多， 特別係主打日式燒肉嘅佢， 和牛係得一款， 其他連埋 豬肉同埋雞肉，大概有十多款肉類選擇。 呢度嘅肉質素就算一般， 食落冇乜驚喜。 而且始終佢啲肉好多都係切成粒狀， 變相冇咁好燒。呢度都有海鮮選擇， 但數迷10款都唔夠， 除咗海蝦之外，其他海鮮都係普通料。呢度仲有一啲燒粟米粒同埋牛油金菇呢類型嘅蔬菜選擇， 同樣地款式都係唔算多。呢度除咗燒烤類嘅食物， 仲提供刺身，沙律同埋數款炸物， 不過千祈唔好有太大期望。雖然係放題， 但呢度只包一罐嘢飲， 如果想要飲品放題， 就麻煩另外畀多30蚊啦。結論， 同區放題價格嚟講呢間唔算平， 但質素算係中下， 但個人覺得服務係唔錯， 想食環境同服務嘅可以考慮。

前晚收工後，友人話想去食下日式燒肉，而最近睇到網上推薦這間日式燒肉半自助放題就黎食下先！佢位置地點都唔錯，係The Hart 內，樓上仲係酒店🏨，位置都算方便！上到去都差不多full house,店員就安排我地坐係bar檯，2人share一個燒烤爐！呢度都幾方便係用ipad點餐，好過用紙較為環保！我地首先點左刺身，壽司🍣之後再點下燒肉，小食等等，價錢$278包一罐飲料！可另加$40改為任飲！而酒類就要額外收費！一落完單等左一陣就黎啦！暫見唔會有漏單情況。我地坐bar檯所以見到師傅一手一腳整d刺身同放上碟！日本元貝，北寄貝，玉子燒同蟹棒！刺身都幾鮮甜，係元貝較為薄身，唔夠厚！而大蟹籽軍艦好脆口，又唔會帶冇腥味！火炙三文魚火燒得岩岩好，半生半熟既口感都唔錯😋😋食埋個清新既蟹籽沙律🥗同螺肉開一開下個胃！到最重要既燒肉環節啦，叫左熊本一口牛柳粒、黑豚五花肉、安格斯肉眼粒，極上牛仔骨等等，所有肉既質素都好高，油脂甘香，肉質爽口，燒完都好juicy! 佢仲提供一些調味料比客人享用！另外最驚喜係雞泡魚乾，平時好少會見到有得燒。燒完唔會太硬，軟軟甜甜咁，真係好滋味！另外仲有燒金酒金菇，元貝同蜆仔！有個

今日和朋友到尖沙咀慶祝生日，朋友想吃日本料理，我就立即想起上次經過赫德道，有間本佐燒肉日本放題，價錢不算太貴，就決定和她訂檯慶祝。我們大約下午六點鐘來到，餐廳不算太多人，有卡座和壽司吧檯，當我們坐下時服務生會找一部平板給我們介紹，裡面有各式各樣款式選擇，放題離不開燒肉 刺身 炸物 野菜 壽司 小食......點餐前餐廳會送一盤燒肉拼盤給我們，讓我們在點餐過程一邊點一邊燒非常貼心燒肉普通都是牛 豬 雞，今次以牛來作主打： 熊本一口和牛，本佐安格斯肉眼粒， 漬壺牛柳條，黑椒牛仔骨，安格斯牛仔骨！ 和牛入口即溶，油脂分佈平均漬壺牛柳條嫩滑重牛味安格斯肉眼粒，口感爽彈，肉香juicy牛仔骨肉香十足，肉質爽嫩！刺身： 三文魚 八爪魚 松葉蟹棒 日本甜蝦 玉子燒 北寄貝 帶子 仿鮑片厚切玉子燒香甜美味！三文魚肥美，魚油脂香，北寄貝爽彈～炸身： 多春魚 炸雙皮奶 香芋丸酥脆多春魚吃起来非常鲜香香芋餡鬆軟又綿，滿口芋頭香最香醇大大推介炸雙皮奶，口感外脆內軟，嫰滑淡淡牛奶味食到最後還會送movenpick雪糕作甜品總評：認真不錯，會介紹朋友！

我又想食刺身壽司，老公又想食燒肉，開住Openrice搵了一陣，終於找到本佐日本燒肉料理，這裏除了有刺身壽司外，還有燒肉，重要是放題，一次過滿足晒我同老公的口味。本佐日本燒肉料理位於尖沙咀赫德道，鄰近尖沙咀地鐵站及西鐵站，店內分為室外炭爐區、室內吧枱區及室內普通長枱區，迎合不同人數的客人。今次我們選擇了室內吧枱區，室內吧枱區像置身於食鐵板燒的地方，好好feel，而且有足夠空間擺放食物。這裏任食時間有2.5小時，足夠我們輕輕鬆鬆慢慢食。放題食物的種類唔少，有刺身、壽司、和牛、伊比利亞豬、雞肉類、海鮮類、蔬菜類和不同的料理，各式其式，而飲品則每個人免費一罐。刺身新鮮美味，三文魚肥美、日本帶子鮮嫩滑溜富彈性、松葉蟹棒一梳梳蟹味豐富、彷鮑片煙韌入味、北寄貝爽口彈牙。味噌湯則熱辣辣。壽司即叫即做，火炙三文魚肥美、火炙和牛西冷入口軟綿綿、三文魚籽軍艦卜卜脆，叫完一碟又一碟。燒肉的牛用上入口即溶的熊本一口和牛、肉味香濃的本佐安格斯肉眼粒、嫩滑的安格斯極上牛仔骨、醃味入味的漬壺牛柳條。豬則用上肥而不膩的日本黑豚裡肌肉、一口一啖的伊比利亞橡果一口豬、脆口的西班牙黑豚五花肉。日式芝麻雞翼及地獄醬雞中翼醃得

今晚約了一大班朋友下班後吃日本料理，因為我們一行十人的關係，被安排到坐在露天的地方，可惜房外景色欠奉。這裡叫菜方法是以平版電腦下單的，十分簡單方便，而菜式都幾豐富，既有燒肉海鮮，又有壽司和刺。雖然這是燒肉放題，但汽水和啤酒是要另外加錢的。先試試這邊的壽司和刺身，頗為新鮮的，甜蝦很甜，蝦頭不會苦，三文魚挺肥美的，玉子燒蛋味十足，雖然火灸和牛壽司有點生，不太像有火燒過，不過味道還是可以的。主角燒肉方面，可謂應有盡有，有和牛，肉柳粒，黑豚五花肉，豬頸肉等等，想吃的都有齊。由於本人特別喜歡和牛，所以點了很多。這裡的和牛十分大粒，肥瘦適中，燒起來很香很香，餐廳體貼的既提供醬汁又有海鹽，個人更喜歡只點一點點海鹽，能帶出和牛的鮮和油香。另外，我們還點了不少海鮮，青口十分新鮮，生蠔也很肥美，不過要燒蠻久的，魚柳我也十分喜歡，很嫩很滑，蜆則非常鮮甜。炸物方面，就算不叫多春魚和甜薯，但炸雙皮一定要叫，因為真的很好吃呢！

生活咁忙碌，好似不停追趕著什麼似的，忙裡偷閒，和老公一起食個晚飯，釋放自己。老公約左我去尖沙咀赫德道本佐日本料理，由K11行出黎唔洗一分鐘就到，方便到極。老公一早已經訂左枱，原來這裡吃的是燒肉放題，難得放蹤一下。這裡用上平板電腦下單，不用寫紙仔又不怕漏單，真方便！菜單裡有燒肉啦、海鮮啦、刺身壽司，真係諗得到就有，味道仲唔錯添。我最喜歡燒海鮮，有海蝦、青口、廣島蠔、帶子等等。刺身質素尚可，有三文魚、甜蝦、帶子、北寄貝等等。食埋烤肉A5和牛粒就大滿足！

今晚黎到尖沙咀搵下附近有咩好野食，就俾我搵到呢間赫德道The Hart三樓的本佐日本燒肉料理食任食放題。我地被安排坐四人卡位，店員教我地點用電子平板落單，又幾方便喎。原來呢度所有野食都係續件落，包括刺身、燒肉、海鮮、壽司、野菜、小食、炸物等等，目測超過60款食物任你揀，而且落單快上菜更快，抵讚！加$40蚊仲可以任飲啤酒汽水，價錢算合理。放題最大賣點係多種燒肉食材，有「日本佐賀直送A5和牛粒」，細細粒但油脂甘香，大小岩岩一啖肉質爽口無得彈！仲有炸物都好有特式，天婦羅新鮮炸起，非常美味！最緊要係有烤肉又有刺身，魚與熊掌兩者兼得，最岩三心兩意的我！

星期四放工，天氣愈嚟愈凍，幾個同事不約而同話想食燒肉，尖沙咀一向都有五花八門的餐廳，而今次我們一行人到了「本佐日本燒肉料理 」這家日式燒肉放題食晚飯。這間日本餐廳裝潢樸實，以深棕色木系為主調，配搭木質的桌椅，充滿和風，令人感覺舒適。餐廳設置室外座位，地方更寬敞，適合一大班人聚會。這裡的點餐系統已經電子化，以平板電腦點餐，在平板選擇完食物按送出便成功點餐，很方便。餐廳的點餐是以件數計，而不是以碟數計，可以按自己食量點，不會怕點多。送餐的速度都很快，很滿意。餐廳在我們點餐前先來一小盤肉讓我們先燒燒，別讓肚子餓壞，很貼心。放題少不免刺身，有三文魚、八爪魚、松葉蟹棒、玉子燒、甜蝦、北寄貝、日本帶子、彷鮑片等等。而三文魚魚味不重，不夠肥美，但整體的刺身都算新鮮嫩口，種類也不少。其他都好滿意。壽司方面，有火炙和牛西冷壽司、蟹籽軍艦、火炙琉璃蝦壽司、三文魚籽軍艦。火炙和牛西冷比較生，牛肉比較韌，而壽司飯份量是剛剛好，火灸也燒的很香。蟹籽和三文魚籽鮮甜，口腔充斥住鹹鮮！而燒肉方面，以牛同豬為主。有熊本一口牛、 安格斯牛柳粒、安格斯極上牛仔骨、日本黑豚裡肌肉、依比利亞橡果一口豬、日式醬油黑豚肉、唐辛子豬

充滿秋意的早上，與友人來到清淨的赫德道，嚐嚐尖沙咀主打任食日式燒肉的上樓餐廳。任食除了包括燒烤，還有前菜小食、炸物、壽司刺身等等。燒烤有豬牛羊以外，仲有蜆、蝦、青口等海鮮。先來燒易熟的牛肉，配以枱上嘅鹽、胡椒等調味料，惹味了不少；牛舌味道好爽，煙韌有致，唔錯。一口牛較為juicy，食落幾有咬口。海鮮方面有煮蜆，隻隻好鮮甜，值得encore；燒蝦易熟，蝦肉又夠彈牙，忍不住叫十幾隻，好食。可惜爐火不夠猛，由於坐在冷氣風口位，令爐火吹歪，實際只能用大約三分之一爐位去燒，等得有點耐。壽司方面，我試咗鰻魚壽司、迷你三文魚子軍艦壽司，味道正常一般。

啱啱過完年，即刻約左班朋友聚一聚。但係成班黎到尖沙咀，又唔知食咩好，就走左去食啦。間鋪幾靚幾有feel，好有日本居酒屋既感覺。呢鋪又有灰燒燒烤又有日本刺身同天婦羅，好多選擇。一坐低我地就叫左豬頸肉同和牛粒。因為自己燒既關係，可以按自己喜好去燒，加埋啲和牛自己既肉汁，真係超一流。呢間鋪仲有好多海鮮比大家燒，青口、生蠔、蜆等等，啲海鮮好新鮮，我呢啲怕腥既都可以大啖大啖咁食。我超鐘意呢間既牛油粟米，牛油同粟米比例啱啱好，最緊要既係佢用牛油好有牛油香，加埋啲粟米既甜真係不得了。食燒肉點可以無啤酒架，呢間鋪都有啲酒比大家揀，又有白啤同清酒，連大吟釀都有，睇到嚇一跳。我就簡簡單單叫左杯白啤，一邊食燒肉一邊飲啤酒，人生一大享受。等我下次再約朋友過黎搞下飯聚先

約左成班舊同事一齊出黎食飯聚舊。有人提議想食燒肉，又有人提議想食放題，咁啱就畀我哋搵到一間既有燒肉，又有日式放題食嘅餐廳，而且餐廳位於大家嘅中間點尖沙咀，就決定試下佢。一入到餐廳就見到一張好有氣派嘅大圓枱，但係我哋今晚並唔係坐呢度。由於我地有成十個人，所以店舖安排左張係户外嘅枱俾我地，等我地可以自成一角慢慢食。我地十個人有兩個爐頭，都夠曬我地燒。非常方便地，餐廳係使用平板電腦落單，既方便又環保。 我哋第一時間當然係叫燒肉同埋海鮮先。 燒肉方面都係以牛同豬為主。除咗肉，當然唔少得海鮮。呢度嘅海鮮都有頗多選擇，有廣島蠔、元貝、聖子等等。落單冇耐食物就已經送到，基本上全晚都冇出現過走單嘅情況，值得一讚。蔬菜同埋部份海鮮都係以鐵兜上，可以成兜一次過燒，非常方便。除咗燒肉，當然仲有日式料理放題。日式料理以刺身、壽司同埋炸物為主。刺身嘅選擇 都係以大路刺身為主，例如有三文魚、北寄貝、甜蝦同埋帶子。而壽司除咗有常見嘅三文魚籽軍艦、蟹籽軍艦同埋三文魚壽司之外，仲有比較少見嘅和牛壽司同埋琉璃蝦壽司揀。炸物方面，除左有大路嘅炸雞、炸多春魚、同炸蝦之外，仲有平時少見嘅炸雙皮奶同埋榴槤炸彈。落單冇幾耐，刺身同

📍尖沙咀📍最平$278❗️任食😍日本和牛🐮燒肉放題🤤前排見到網上有介紹😍已經心思思想去試😏不過新店開張啲booking 勁full 🙈講真$278💰可以任食日本和牛真係幾抵食🤣不過只限星期一至四❗️❗️全程用ipad落單好方便💕------------------------------終於噚晚book到有得食😭餐廳出面仲有室外area🤓可以用炭爐燒😎😎不過噚晚太凍，都係坐翻室內舒服啲🥰------------------------------一開始我哋就咩都試下先😆點咗熊本一口和牛、安格斯肉眼粒、安格斯極上牛仔骨、漬壼牛柳條🤤仲有日本嘅黑豚肉同雞腿肉，淨係唔同部位嘅肉都有十幾款可以揀🙈今次真係可以喪食和牛😍------------------------------海鮮就有廣島蠔牛油燒🤤呢個好重蠔味，幾鮮😏仲有活蟶子、海蝦、牛油日本元貝、紐西蘭青口😍------------------------------而刺身都有唔少選擇👌🏻我encore咗幾次嘅帶子刺身🤓🤓仲有三文魚、北寄貝、甜蝦、八爪魚🐙真係食幾多都得🤣必食嘅火炙和牛西冷壽司🍣食埋小食同炸物，真係full到爆炸💣

本佐日本燒肉料理 (尖沙咀)尖沙咀赫德道4號TheHART 3樓食物：海鮮類蝦好大隻 啖啖肉 蠔好有鮮味又滑青口同蜆都有海水味好清甜 小小既海咸香已經帶岀到味道肉類牛上仔骨 燒既時候油脂好靚 配埋燒汁 再昇華到另一層次一口牛真係岀色 細細粒帶有小小肥 令到牛好juice 原來係日本佐賀岀黑豚肉 豬係由日本岀產燒落好搶火 所以好快會熟雞肉都不錯 肉質好滑 又入味雜類台灣腸 呢個不得了 叫左好多碟燒完果陣蒜香味係個口到爆岀黎金茹 栗米味道都正正常常唯獨一份太小 要叫多d 小食類刺身壽司都幾新鮮 唔會有雪味和牛壽司勁香 但會好生沙拉都唔會太多 細細份 好開胃炸物 雙皮奶 甜薯 蝦都做得唔錯環境：今次有幸坐到室外 感覺上d煙散得開d不過燒肉陣味都痴到落件衫 呢樣就係食燒肉既壞處望住街外食飲住酒都係一種享受