新香園 (堅記)

Open Now

Now Closed

今次免仔帶兔女來，叫了一份旦牛治烘㡳，豬潤旦面，凍奶茶及凍央。先來旦牛治，份量多，旦牛飛晒出邊，可惜旦煎得太乾了，加上烘底面包，乾上加乾。再來豬潤旦面，豬潤新鮮，好味，不過個湯係冇味既，要加返少少辣椒油先可以吊返d味出黎。2杯飲品不過不失，正常茶餐廳水準。總括來講，比以前差了，不會專程再來～

去開個頭交收，順道試下好想試好耐既蛋牛治～去到剛好唔洗排隊，即刻叫番份試下加多杯凍茶！order 好快到，先講杯茶又香滑，又唔太甜，GOOD !! 到份蛋牛治～煮得剛剛好重有d蛋汁，唔太乾身～正下次會再來😁😁

專程到這一試馳名的蛋牛治，幸好剛來到時有位，上菜速度很快，叫了一份蛋牛治烘底及菠蘿冰，蛋牛治吃起來不錯，蛋牛仍有些汁，不會顯得太乾，另外菠蘿冰又不是加了糖的那種死甜，又不算很好飲，中規中矩吧！下次想試飲紅豆冰～

黎到深水埗，就唔可以唔黎試下香港地道美食，馳名蛋牛治，同fd咁岩係個頭做完野，都成十二點，依間舖其中一個好處就係佢開到凌晨。咁去到我就叫左個蛋牛治同炸醬麵再加杯凍奶茶，依個組合真係夠經典。個蛋牛治真係幾好食好入味，炸醬麵都ok既，但個問題就出係杯凍奶茶到，好甜好似飲緊杯糖漿咁，冇咩分別。依間舖真係野食ok，不過野飲就睇運氣

下雨天，小妺借買保護貼和姊妹一起去深水埗，其實係去搵食一進入餐廳，店員問我地幾位，之後叫我們同人搭枱，空間小小，但撘枱也是風味一種！我叫了這裹的名物！奶茶(少奶)和蛋牛治！朋友叫了紅豆冰，由於還要去另一家餐廳吃飯，所以沒有叫豬手麵!奶茶雖夠熱和香滑，但不夠荼香和濃郁！朋友的紅豆冰更是奶味太重和糖水太多，導致太甜，沒有豆香！這杯紅豆冰份屬不合格之作主角蛋牛治來到！蛋雖不厚但蛋同牛肉比例平均，而且不是防間餐廳的罐頭牛肉，肉質軟嫩聽到有客人叫蛋牛治大火，大火意思姐係燶D.可是我比軟愛「小火」的輕啖燶味呢！

點了蛋牛治烘底，西多，豬手麵，紅豆冰蛋牛治不錯，但對面個哥仔識食地叫滑蛋牛，好似仲正，之後佢再叫多個牛治，料多到呢，下次要試西多熱呼呼，唔太燶，一份二人分，剛好豬手麵，豬手色偏橙，肉夠軟，惜麵味道一般，21的價錢，又唔可以咁挑剔紅豆冰，雖然豆夠軟，但我覺得太甜，男朋友就話ok，建議先叫一杯，啱口味先追加，呢道冇光速都有音速

食評好高，路過試試，門口排了一條人龍，點了豬手粗麵及紅豆冰，豬手好林好入味，紅豆冰甜左些少，豆很林，不負所望，好吃。伙記好忙，但也不會面黑，今時今日，食一餐只係38元，算抵

店名： 新香園（堅記）地址 : 深水埗桂林街38號A地下好味指數：7.5／10價錢：$21豬手麵大大碗的豬手麵才不過是$21, 而且味道絕不兒戲。大大件的豬手有2件， 入味夠腍，湯底索左豬手汁味道好juicy，麵質都算頗爽。店名： 新香園（堅記）地址 : 深水埗桂林街38號A地下好味指數：8.6／10價錢：$19馳名蛋牛治（烘底）識食一定要烘底，未試過都知一定好味好多。蛋煎得很滑，平時食蛋牛治出面多數係用罐頭咸牛肉，但呢度係用新鮮免治牛肉製成，鮮味十足。一份有兩件，熱辣辣之餘配料亦煎得厚厚的，好想大叫：伙記再來一份。

是日特意來到深水埗區覓食 早已聽聞蛋牛治的大名 所以立即約友人來個tea一份蛋牛治烘底 $19 二面都有烘脆老實說不應抱太大期望 是好吃的 可是蛋有點過熟 而且餡料似乎沒以前多 但即叫即製 熱烘烘的 上碟時不斷冒煙 面包烘得十分香脆西多士 $18脹卜卜熱辣辣的西多 配上牛油和糖漿 很難不好吃呀脆卜卜的外皮 厚厚的多士 好像比坊間的厚 沾上糖漿 搽上牛油 不加煉奶也是一種風味只能說這十分香港 伙記 樓面 一枱一椅 收銀機 食物 懷舊之餘不失一種人情味 深水埗區 會被逐漸發展 希望這種香港情仍然保留

唔熟路又想搵好嘢食嘅我，當然上openrice 搵食啦！最後就揀咗呢間喇。我選了旦牛治烘底，熱奶茶。果然有驚喜，已烘底嘅麵包好鬆脆，完全唔會覺得乾，旦牛亦調較得剛剛好，唔會覺得好咸，而奶茶方面，濃郁茶香感覺細膩。必定再去。

這個週日要渡海去辦事...就順道去深水埗吃個馳名蛋牛治，早料星期天的這區會擠滿人，更有人車爭路的情況出現，老遠看到店前有條人龍，馬上加快腳步走到人龍的尾端，幸好前面只有不到10個人。等位期間在店外看到店裡坐得人頭湧湧的，枱與枱之間緊貼著，每張圓枱都坐上5-6人，大家為了品嚐美食都得擠一點吧。安頓下來，馬上點一份「大火」的蛋牛多，「大火」是茶記用的術語，意思是多士要烘得燶一些，很多人(包括小妹)都喜歡燶燶的焦香感，所以每趟吃多士時會要求「大火」 蛋牛治(烘底)($19)是這裡的名物，幾乎每枱總有幾份，開放式的廚房手不停地製作，送上的是熱辣辣的「大火蛋牛多」，面上有著焦香的痕跡，中間夾著一片厚薄恰好的《蛋餅》，這兒的《蛋牛》並非如一般茶餐廳的以罐裝碎咸牛炒蛋作為餡料，而是用自家醃製的鮮牛肉混鮮蛋打成的漿來煎香，兩邊金黃酥香，做就成真正的《蛋牛》，這份創意和製作的誠意，是小店聞名的原因。輕輕咬一口蛋牛多，上下層鬆化酥脆的多士，中層鹹香惹味又嫩滑的蛋牛，帶來豐富的層次口感，很是滋味呢 。另一個令小妹欣喜的是這兒的 奶茶紅豆冰，幼滑冰凍的奶茶亦是這兒的名物，入口柔滑細緻，茶香滿滿

新香園（堅記）蛋牛治拱底、豬手撈麵。呢間24小時營業，岩囇宵夜蛋牛治既牛肉加炒蛋真係幾厚，同出面既好唔同，因為唔係用咸牛肉 ，係幾特別，另外一定要加一蚊拱底叧外個南乳豬手炆得幾冧、不過當宵夜食比較濟...濟到早上都訓唔著

嚟親深水埗依間老字號，大家大多數都係食佢嘅蛋牛治烘底，因為佢個多士就係烘到好脆，望落去烘到一間間啡色未食都知正，再配埋佢即炒嘅牛肉碎炒蛋，真係簡單而美味，而每當我食完依個蛋牛治，我都一定會叫番個西多士作結尾，其實我真係唔太識去形容，可能有人會覺得佢炸得太硬或炸得有點過火，但我徧徧愛上佢嘅硬度同油嘅味道，係冇其他人可以做到出嚟，一定要有佢先有一個完美的句號！

新香園舖頭在桂林街，地鐵站一出，過兩個街口就到，好方便。旁邊是自稱「地球人都知道平靚正」的大大間水果舖，聽聞真係幾平，可以買下水果先食蛋牛治~ 星期日晚上8點左右入內，座位半滿，即刻有位坐。聽聞下晝有時要排好多耐隊，今次都算黎得合時。之前試過外賣蛋牛治返屋企，烘左底(加1蚊)就更香口，膠袋內時時傳出超香味道。今次試堂食，揀左無烘底，包身散軟，都同蛋牛餡料混在一起吃也不錯。蛋牛治會切成兩份三角形，方便食又方便與同行友人共享個人認為，麵包烘底不烘底純粹個人喜好，對食物味道影響不大。因蛋牛治精粹全在半熟蛋與加了香料的嫩滑牛肉當中!!! 這蛋牛治點解咁出名咁吸引?因為佢做出來的味道，的確係喺第二度食唔到，而且讓人一試難忘!!!強烈建議各位喜愛發掘本地美食的朋友一試~~!!!(我已經介紹左比好多人，甚至係外國朋友去試~)這裡的奶茶也是十分出名的..可惜兩次都無機會試.....希望下次會試到!!!

經常係網上見到新香園蛋牛治既推介，所以今次就去深水埗試下係咪真係咁正。新香園非常近地鐵站，係c2出口行幾分鐘就到，超方便。一去新香園門口，大排長龍，心知不妙，但為左蛋牛治，在所不惜！好彩，等左大約十五分鐘就入得。一黎，緊係要嗌個蛋牛治小試牛刀啦！隻蛋煎到好滑，牛肉淋得黎又有牛肉味，蛋同牛互相襯托，究竟邊樣先係主角？我唔知，但烘底一定係最佳配角！正呀！之後就嗌左豬手麵，豬手好好食，但d 麵去到最尾好大陣簡水味，個人唔太中意陣味，扣小小分！食完豬手麵，都係覺得有少少唔夠，再嗌多份蛋牛治同一杯凍檸茶。埋單都唔洗一百蚊，超抵食，好滿足，正！