新香園 (堅記)

Open Now

Now Closed

馳名蛋牛治 ( 6.5/10 ) $19黎呢間梗係要食招牌蛋牛治啦，味道同想像中有啲出入⋯不過都唔算差嘅，味道平平無奇啦，有啲失望。麵包塗上牛油，富牛油香，可惜麵包烘得唔夠脆。煎蛋煎得過老，無乜蛋汁有啲乾，牛肉用上鮮免治牛肉(個人認為比鹹牛肉好吃得多)鮮味十足，幸好無過老過靱，合格的。-南乳豬手麵 ( 6/10 ) $21黎呢間除左食馳名蛋牛治，仲要食埋豬手麵！豬手有三大舊，清潔得好乾淨！咬落好腍身，易離骨，帶有淡淡嘅南乳味，幾香口。湯底味道濃郁，唔會過油，生麵亦無鹼水味👍 整體味道唔中規中矩啦，唔係差嘅，只係無人地講到咁好食，不過$21呢個價錢係邊度搵呀，係抵 食嘅！-新香園 (堅記) (深水埗)深水埗桂林街38號A地下

話說有日同同事食飯講開深水埗，作為一個以前間中去鴨記既我，竟然唔知有呢間野，二話不說即刻放假拉埋女朋友去，跟手再上西九按下摩，所以諗住少少地食。蛋牛治，記住記住要toast，加埋入面用鮮牛快炒蛋，應該好難揾到另一間。西多士，有啲失望，因為無花生醬，但問返啲長輩，以前既西多係無既。。。算係唔啱我食既傳統風味。咖啡同紅豆冰都係傳統茶記味道，無乜驚喜。所以都係學同事講，剩係食蛋牛治好了～

同朋友仔要買新電話case經過男人嘅地獄緊係要食返啲好野補返數經過深水埗 點可能唔食蛋牛治佢個牛肉又香又濃 一啲都唔鞋蛋炒得啱啱好 唔好散 但仲有蛋汁我個人覺得要烘左底先好食可以吸返啲蛋汁淨豬手 要睇彩數 有時好大舊 有時無咁大但夠晒入味 而且豬手啲油炆晒出黎食左都唔會咁大罪惡感 入口即溶嘅骨膠原 令作為女仔嘅我覺得我即刻後生左好彩我地晚飯時間去 無乜人 唔洗等而且都坐得唔太迫

今日出去深水埗買野經過就去左呢間食。呢間係我讀大學果陣第一次食，一食就深深愛上佢既蛋牛治。 今次去叫左一個蛋牛治烘底同一杯紅豆冰。蛋牛治真係好好食，蛋同牛同包呢個配搭真係超級好呀！ 但我覺得之前食係juicy d, 而家好似無咩juicy 感覺咁。不過我都仲係覺得好食既。仲有，烘底加一蚊。呢度d 紅豆冰都好好飲架，好多紅豆同埋唔係好甜，我好驚有d 紅豆冰係甜既。

每次經過都好想食呢度既蛋牛治，但堂食環境太差，而且其他野食唔太出色，所以次次都外賣蛋牛治旱底$18，1分鐘就有得食！不過周圍環境就真係怕怕，買完即閃去隔離買滑滑腸粉再速閃。

香港既老字號真係買少見少啦!難得黎到深水埗，點都要試一試。同朋友兩個人，嗌左兩個麵同一個咸牛肉咸牛肉蛋治。豬手麵-好出色!豬手好淋好入味，雖然見到佢成個湯都係黑色以為佢好咸但又唔係喎，味道岩岩好!雲吞河-見到個麵色好似有啲唔對路@@成個河粉都係白sai sai咁，食落就真係無乜味啦，但雲吞係好食既，啲蝦好新鮮好彈牙。咸牛肉蛋治(烘底)-聽聞呢度最出名就係咸牛蛋治，因為我就中意食多士，所以嗌左烘底。最出名果然係名不虛傳，咸牛蛋一齊食落好滑同好香，夾埋多士食好出色，一定要試!

隨着互聯網的流行, 很多這類型的茶檔(能拍撐至今天的)都成了網上明星, 但老闆賺錢的同昤, 有些老闆會銳意改革, 借勢擴展籃圖,將店搞漂亮一點傳給下一代, 堅記似乎是另類, 找來更平易的阿姐提供不到位的服務, 食物質素每況愈下, 鮮牛治的牛肉由一片片的換成碎濕濕的牛肉碎, 這裡不是茶餐廳或者西餐廳我明白, 但客人(尤其是一起成長的老街坊) 是看在眼裡, 明白在心裡的, 而最令人吃驚的是拿到火來的碎牛治白麵包居然是中間一個孔的! 這片三文治的包邊更是好奇怪的不是齊口的, 明顯可能是一條包的最後一片, 實在是無法再來這店了, 狹小的空間, 沒什麼服務可言, 食物更是沒能更形容的了, 正如網上人類形容的: 有圖有真相! 

近來相比西菜、日本菜，我更喜歡吃茶餐廳，為的可能是一杯濃滑奶茶，又或許那份人情味所致。是日跟友人特意來到深水埗吃蛋牛治($18，烘底加$1)，麵包鬆脆，牛肉蛋餅非常足料，唯一是蛋香欠奉，不過以這價錢來說，也得收貨了呢。另點的西多士($18)沒有餡料，邊位也脆而不油膩，正合我心意，不過蛋太多，吃起來口感不夠鬆軟，只屬一般。奶茶 (熱$12 / 凍$14) 奶香也不夠濃滑，略為失色。

三人行，本打算去吃越南東西，但中秋沒開門，便貪方便下來這家著名茶餐廳。在門口等了一輪，旁邊水果店不喜歡食客在其門口排隊，要在新香園外 路邊排。碰巧一大群食客吃完，大約十分鐘可以入座。各人自吃一碗麵，再加西多士、蛋牛治、凍奶茶。公仔麵，比平日多及大碗，微硬。潤蛋麵，雙蛋雙潤，豬潤少得可憐，好像吃完兩片後而沒第三片了，儘管夠厚夠腍，但太少了。湯底亦清得像家樂牌雞湯般，普通。維記的起泡湯底較濃香，而且豬潤吃極都吃不光。蛋牛治烘底，看來挺淡味般，豈料蛋牛均非常香濃，加上烘底更香脆。蛋不算熟到老，牛肉是咸碎牛，微咸，充滿整份三文治，相當豐富。西多士，即時炸，惟可惜中間沒花生醬，外皮夠脆但中間吃白麵包，不太如意。凍奶茶亦比想像裡差，茶味欠濃，甜味盡蓋茶味，殆矣。如果單獨行事，未必會再來此店排長龍，況且暫時只覺蛋牛治比較值得回味。

今天要到深水埗辦事，趕時間的情況下，還是決定要特意來一試這份馳名蛋牛治!說到底都是老鋪，自然是環境比較迫和殘舊。一坐下來，我就明確地叫了一份蛋牛治，想都沒想的!然後嬸嬸會問「烘唔烘?」，我回應了要烘，她便玥問「飲唔飲?」，我就回應不用了。後來看看牆上的餐牌，才發現他們很多都是馳名乜乜乜，例如馳名奶茶、馳名豬手麵等等。到底是否全部都真有水準?還要等下次再來時分曉。不久，蛋牛治就送上了，畢竟是每人都點的東西，做得自然是純熟快手，所以趕時間的我可多爭取點時間慢慢吃。奉桌時，發現蛋牛治沒有想像中的厚，蛋牛份量也不是傳說中的多，其實只是薄薄的一份，賣相令人有點失望。不過，吃過後，又發現多士的確烘得鬆脆!而蛋牛的口感很滑嫩軟腍，就是沒牙都可以呑到的感覺，幾乎都不怎麼要咀嚼的，而且牛肉亦沒有一般蛋牛治的死鹹，真的不錯。不過可能因為期望太大，亦未覺得有令人十分驚喜之感，若然路過，來吃份填填空虛感還可。 

我又「突然」想吃一些老牌食店，兩口子就到了《新香園》，當時全場已爆滿，幸好門外等候的食客不多，又剛好有人結帳離開，沒多久便可入內了。這裡是茶檔的格局，座位全為圓檯及摺櫈，擺放得比較擠、少不免跟陌生人背貼背、肩貼肩，不過亦是其特色之一。不設套餐、只有單點。兩口子分別點了凍、熱奶茶（$14、$12），個人覺得質感不夠順滑。久仰大名、獲得不少好評的馳名蛋牛治烘底（$19），烘底方包size只比「生命麵包」大一點點，蛋的厚度亦普通，以接近廿元來說份量偏小，跟店內參考圖有少許出入。不知是否假日下午光顧、店子比較忙碌？雖然是鮮牛肉，卻似下了頗多鬆肉粉之類處理，令其牛味盡失，蛋亦炒得略為乾身，表現比想像中有點出入。生灼豬雜撈麵（$38），這碗是男友的，內裡有豬潤及豬腸等等，也許本身不太愛吃內臟吧，咬了小片好像是豬潤的東東，口腔內即時佈滿濃濃的腥味，個人受不了，即時將之吐出，不過男友卻吃得津津有味。總消費$83，不計撈麵，個人對馳名蛋牛治有點失望。嗯，可能是次於繁忙時間前往，未見真章吧。個人覺得九龍城《樂X》的牛肉比之更美味，不過始終兩者的烹調方法不同，也不能以之作比較。

蛋牛治烘底！$19蛋可以再滑d，但選用新鮮牛肉搭夠！好juicy！口感極佳😋😋😋另外叫左個牛腩河，豬什公仔面同豬膶午餐肉公仔面，一般啦，普通茶記好味過佢！結論係，蛋牛治冇得輸！

是日大食評家率軍, 帶著筆者在深水埗吃好東西. 週五晚上九時多, 堅記仍然full house, 真旺場. 原以為是茶餐廳的格局, 入內是大牌檔的模式.點選了烘底蛋牛治(HK$19). 麵包輕輕的烘過, 少少脆口, 挺好. 薄薄的一層奄列, 感覺太少了, 如果厚一點會更佳. 牛肉的鹹味剛剛好, 有少許咬口但又不會韌, ok 的. 但略嫌奄列煎得太乾身, 一點蛋汁也沒有, 有點美中不足.

在深水埗，有名的小店甚多，我以前多在黃金商場一帶光顧，鮮有到另一邊，原來這一邊也甚精采。每天早晚路過這店都見有很多人，知道若無過人之處絕非如此，遂放入心中名單，日後到訪。這一天機緣巧合，走進了新香園。蛋牛治是這裏的名物，不可能放過，另外見西多士甚吸引，也一併點了。先吃鹹，後吃甜。蛋牛治是牛肉碎混在煎蛋角內，像兩塊麵包夾著薄奄列，麵包已切邊，但切得不整齊，茶餐廳不能苛求，麵包拿上手，熱烘烘的，是煎好的蛋與牛熱力滲出所致，快咬一口，味道極香，蛋的香味加上鮮肉的香，不消兩分鐘便吃掉。西多士是麵包上了蛋液去炸(應該煎會較好)，是典型港式小食，西多士送到來，有一小片牛油在溶化中，檯上有糖漿可隨意添加，蛋香四溢，牛油香更澎湃，香香甜甜，好好食。

肚屙，落街食碗粥就算，食左幾廿年嘅堅記，想食碎牛，無就退求其次整碗皮蛋瘦。幾好味，但稀D同無乜料，皮蛋顏色奇奇怪怪，瘦肉有碎骨。差唔多零晨十二點仲有人等位，痴線，好彩一個人可以撘枱。