新香園 (堅記)

Open Now

Now Closed

上次想試，但無位，加埋自己趕時間，同新香園無緣...今次lunch再試，不用排隊，立即走入去坐下來~人人力讚蛋牛治，我當然要試下，蛋牛烘底，方包烘得脆卜卜，但蛋牛好似有少少失手...無蛋汁，牛肉太熟...不過都ok。希望有機會再試啦！

之前見有報導介紹，又咁岩喺西九龍中心附近，於是就傻下傻下搵倒嚟呢邊，不過提提大家google map上面個地址要再行多條街，向住生果舖方向。初頭諗住要等位等好耐，點知一入去就有位，嘢食真係不負眾望啊，好好食，見到推薦既豬手麵同蛋牛治，於是好快就點咗，好快佢地就嚟咗，三文治d蛋好滑，豬手更滑，話咁快就食完，兩個人都只不過$54埋單，超值呀！

久聞其大名，昨日終於去試了蛋牛治和豬手麵。蛋牛治不用咸牛而用牛碎，食起來更有質感，用煎得香脆蛋皮包住，再夾在烤過的白麵白中，一口脆、香、軟，好是滋味。豬手麵也十分不錯，先是豬手軟滑入味，口起骨落，想必炆煮多時方成。麵底卻是爽口彈牙，不比很多有名麵檔失色，有點驚喜呢。下次路過也得再試。

雖然是平日，但門外有不少的人，幸好大多數的人都是在等外賣。店鋪的的樓面不大，大約只有七、八張枱。所以如個你兩、三個人去，就一定要搭枱。 坐下就立即叫左一個招牌的的蛋牛治，最重要的當然是加一蚊烘底。 多士烘得剛剛好，表面酥脆，裡面能保持鬆軟。而兩塊多士中心就是那個蛋牛餡。蛋煎得很好，外面微焦，內面口感綿滑，更有蛋汁。牛用又剛熟，十分滑。 用19蚊換到這樣的美食，簡直物有所值。

今日病病地冇乜胃口，好想食粥，咁啱係深水埗梗係要靠新香園食翻碗。由於太肚餓，所以一坐低就拿拿聲叫左件蛋牛治黎食。今次係第二次食，因為有少少喉嚨痛所以就冇叫烘底，雖然係烘底香口啲，不過冇烘我都覺得好食，點解牛肉煎蛋都可以咁香咁好？真係好好奇！好想翻屋企自己都試下整！食完蛋牛治，碗及第粥就黎到啦。一擺低，我就忍唔住'哇'左聲，塊豬肝真係勁大塊，食落去，真係好好食！同之前食既真係好大分別，佢有一種好新鮮既感覺，爽？彈？唔識形容，總之就係正！之後仲有豬腸，豬肚，豬腰都唔錯～唯一我個人唔係幾中意既就係好多薑。

完佢裝修完，一於去食下。其實佢間野啲野食都幾健康，叫左個大蝦柚子芒果蕎麥麵，只能說好正，小酸好似入口又開胃。水牛城雞翼麵好味，味道剛剛好。最後叫左個柚子沙律，名為沙律但其實可以話係飯後果。仲有兩杯新鮮果汁真係好fresh，絕無添加成份，一個字正呀!!!

琴日做野做到好夜，落到深水埗好都鋪頭都關曬，唯獨呢間仲開緊，一行埋去，嘩，竟然有咁多人係度食。坐低左就試下佢推介嘅豬手面同蛋牛治，好快就等到野食到。豬手面世界級，豬手咬落去完全唔痴牙，而且仲好入味，個面原全無果重簡水味，一流。個蛋牛治咬落去鮮味無比，牛肉嘅味道配合抄蛋簡直絕配，第二度食唔到。

深水埗不嬲多好嘢食! 不得不提老字號新香園, 新香園必食肥豬手麵, 旦牛治, 熱奶茶! 即點即做, 每次食都係熱辣辣! 簡單嘅食物帶來幸福嘅感覺! 難怪次次去都好多人排隊啦! 肥豬手麵帶惹味嘅南乳味道, 煮得幾入味! 識食旦牛治一定要食烘底! 咸牛肉唔太咸, 烘咗底更美味! 熱奶茶滑、香、正!! 超幸福啊~~~~

今朝喺長沙灣政府合署運輸署等續牌時上openrice尋寶，發現深水埗排第一位的新香園，未食早餐的我啱晒。睇食評，見到佢個蛋牛治已流晒口水😋😋。續完牌行過新香園，好近，幾分鐘就到👍。坐低見到好多人都叫蛋牛治，我都唔例外，蛋牛治烘底，凍奶茶。好快嚟咗杯凍奶茶，凍奶茶就一般，普通貨識，唔係差，唔夠茶味，但唔會嚡口。轉頭，主角登場，蛋牛治熱辣辣送上，碎牛好多，加少少蛋香，無得彈👍👍本身猶疑叫凍奶茶定紅豆冰，心大心細下最後叫咗凍奶茶。之後有位哥哥仔坐隔離，佢叫咗杯紅豆冰加奶茶，即奶茶紅豆冰，原來可以咁叫，我下次識啦😌

今次專程來試試被喻為世界級的蛋牛治 閒日的五點鐘來到，不算太多人，不用等。我們一行三人，一共叫了二杯飲品三樣食物。不用十分鐘，又熱又香的蛋牛治上枱了。烘底蛋牛治 Hkd18一個字。正！雖然二邊份量唔太平均，但拎上手依然大份。中間的碎牛蛋就是這個蛋牛治的靈魂了。通常其他地方既牛肉係咸牛肉，而唔係免冶牛肉，真係好有驚喜！烘左底既方包包住牛肉煎蛋，啲牛肉好新鮮好多好有口感，很好吃！豬手幼麵  Hkd 21豬手炆得好軟好腍，喜歡食豬手的朋友不可錯過，女孩子多食豬手可以補充骨膠原呢！港式西多士 Hkd 18熱乎乎剛炸起，牛油不消三分鐘就融化了！就算明知卡里路極高都要食！總括來說，真的很不錯！連我們這些港女都會不怕撘枱都要食完再食^_^

蛋牛治($19) | 豬什撈麵 ($38)忽然好掛住堅記蛋牛治仲好懷念以前放學直落琛水埗喪食嘅感覺終於等到假期，可以飛落琛水埗覓食慶祝😋，第一站，當然要去食個 蛋牛治 + 烘底 ($19)無食一個世紀牛肉依然保持足料一路食到尾仲出緊煙， 果然新鮮熱辣， 可惜隻蛋煎得太熟，如果保持住啲蛋汁會更美味嘅呢一場嚟到，點可以只食三文治呢~今次捨棄了豬手，改而嘗試豬什撈麵豬仔第一次食豬什，感覺是良好的，啲內臟仲keep住爽嫩，原來豬仔都唔會差過牛牛，係值得一試嘅呢

其實之前就食過，只喺無影低 十分好彩早上去到店鋪都五算多人，熟手咁叫翻 蛋牛治梗喺叫烘底啦，口感香脆好多，個蛋分量好大塊加上面鋪面牛肉，賣相已好吸引！咬落口…先喺脆脆的“嗦”一聲，跟住食到大大啖蛋、牛肉。口感層次豐富。牛肉喺岩岩熟，肉質滑滑而個飲料就無咩特別啦，同平時茶餐廳差不多。

網上流傳深水埗有五寶，新香園就係其中一寶，但偏偏次次黎都因為某D原因食唔到。情人節的晚上本來係想食其他寶-->豬潤牛肉麵....點知豬潤牛肉麵7點幾已經打烊=="可能係佢O地要去慶祝情人節...靈機一觸之下諗到可以去食想食好耐既新香園，情人節的晚上呢間舖頭都唔少人wor!!好在一入去都有位~~一早做足功課知道呢度最出名既係蛋牛治，唔洗講咁多，即刻叫小二黎一碟先~~烘o左底既蛋牛治，熱辣辣，香噴噴，真係睇見都口水直流阿!!諗住相機食先既時候，朋友已經眼明手快見到蛋殼再挑開~~~雖然見到蛋殼，但係唔知點解有種親切既感覺XDXD挑開佢未無事lor嘩!!!一啖咬落去之後果然係有種不得之了既感覺...D牛肉JUICY到呢...而且D蛋處於半熟既狀態，食食下仲有蛋汁流出黎...2者配合得天衣無逢阿!!!我同朋友一人一半，好快就KO o左個蛋牛治啦!!!話哂呢個都係晚餐，淨食蛋牛治梗係滿足唔到我o地啦!!!不過呢個時候選擇困難症又開始發作啦...o係我又諗唔到食咩既時候，朋友已經落o左單啦!!因為佢真係好想食豬潤而又食唔到，所以叫o左碗豬潤魚腩粥黎補數D粥真係較稀同無咩味，我覺得豬潤還好，但

黎到一位唔洗排隊，旦牛治一如以往很足料夠晒味！豬手非常之淋，又入味，名付其實係遠近馳名！牛腩佢都寫住係推介，但感覺一般還有一點乾！最後是撈面只加了腩汁其實有點淡，想叫佢加蠔油佢冇！如果食撈面食返劉森記既蝦子撈好過!

是日又是小吉打針的日子, 一早來到深水埗, 先吃過早餐才前往健康院吧. 在這邊選擇不少, 這次就再來新香園 (堅記)吧. 早上八時許, 人客不少, 不過大家都是快上快落, 匆匆吃完早餐就要上班.這裡的環境當然是麻麻, 相當擠逼, 文迪抱著小吉要進食實是相當困難, 還好小吉這天算是幾合作的. 每次來到這裡, 總是要點選那兩款招牌, 馳名蛋牛治以及西多士, 這次也不例外. 畢竟店子由1968年開始營業, 點選招牌作, 怎也是信心保證.茶走 $11: 8.5分, 先來杯茶走, $11一杯, 還是經濟抵飲. 茶味突出, 也夠香滑, 而且份量亦不少, 在舊式茶記喝茶走, 是理所當然的事呢.凍奶茶 $13: 文迪還是愛喝凍奶茶多一點, 這天他的凍奶茶看來也不錯.馳名蛋牛治 $17: 8.5分, 來到新香園 (堅記), 第一時間想到的當然是馳名蛋牛治, 其實是蛋牛治普通不過的食物, 不少茶餐廳也有售, 但這裡的出品, 就是有水準, 蛋汁夠多, 也很滑溜, 配上碎牛同吃, 還是令人滿意. 上次來吃是烘底, 多士很香脆, 但蛋就老了點. 這次不烘底, 蛋的部份就更出色.西多士 $17: 9分, 蛋牛治是