新香園 (堅記)

Open Now

Now Closed

路經深水埗，忽然想起新香園嘅蛋牛治地鐵一出，穿過依舊熱鬧嘅北河街行入充滿回憶嘅新香園以前喺市政大廈溫書常常幫趁但畢業後多年都無黎過了店內裝潢依舊，有上一代港式茶餐廳風味叫左一客馳名蛋牛治同以前一樣，唔駛五分鐘就有得食雞蛋生熟適中，又滑又香啖啖牛肉，味道份量保持一貫水準！正！

今早，我放棄了絕大多數人選擇的烘底蛋牛治，叫左份唔烘底，外加茶走。蛋牛治的精髓在於佢d 香滑蛋汁加牛汁，白麵包係呢個movement 就做到野！佢唔會好似烘左底既包咁乾淨淨，反而吸收晒汁既精，最重要一滴不留，碟底乾爽呢個早晨真滿足！

前幾日喺openrice見到呢間茶餐廳都幾出名，呢日誤打誤撞行過，擇日不如撞日，即刻入去試下。叫得xx園，真係冇返咁上下資歷都唔得，呢間出名係蛋牛治，都幾特別。餐牛米點會估到咁都會落葱...雙拼都係$30樓下，算好抵。不過湯底都幾失色，同清水底冇乜分別，好在自家製辣椒好香，落大量調味料都幾好食嘅。餐肉豬潤米豬潤非常出色！切得有厚度，唔知其化火鋪頭咁薄切切，好新鮮，咬落去味道同口感都好正。湯底都係咁。蛋牛治洪底主角出場～蛋牛已經融為一體，其實係免治牛肉煎蛋。果然不免盛名，蛋同牛完美結合，好好食。光盤冇難度

下畫3點去叫左個蛋牛治外賣 (無烘底), 等左 1 分鐘就有我第一次食既姐, 之前無食過, 同出面茶記比, 個量算係多. 但無物蛋牛味, 而且唔夠熱. 收 19 蚊,  我會 prefer 去老麥食個板燒雞腿, 起碼個量大份 d , 又平 d . 有樣野可以肯定, 佢個蛋牛治係無味精, 我食完無口乾

朋友間傳聞呢間野蛋牛治無得頂，一場來到深水埗，must try la, 下午兩點左右到埗，跟google map 搵左一陣仔，因為標示地方唔多正確，要再過馬路先見到, 鋪仔細細，而且要等位，前面排左三枱人。等位期間再search 一下原來豬手面都係招牌菜，我同honey 就當然各點一款share食。鋪內位位客人都係order豬手面/粗面/米粉，招牌得好緊要。蛋牛治完全係貨真價實，足料，食落口充滿兒時的味道，正豬手面，真係童叟無欺，大大件豬手，兩大舊，肉軟又膠口，超級正，我地仲有叫凍檸茶同紅豆冰，略嫌紅豆冰有點太甜，埋單先7x蚊，超值。深水埗的街坊真幸福。

去深水埗舊區遊蕩，選了間有歷史小店，這也是這區頗有名氣的食店，傳統式圆摺櫈，非常擠迫，選了兩個招牌食物，一是豬手麵，豬手無肉，但麵彈牙，只剛合格，二是蛋牛治，蛋與牛肉混在一起煎，配合烘底麵包,非常香口特別，果真是招牌。 還可叫玻璃樽裝的維他奶， 可懷舊一番真正。

堅記平時最出名係蛋牛治，但因為果日口淡淡，所以就試下佢D粥啦。我叫左豬潤肉九粥，果到環境都幾迫夾，D椅都坐得唔太舒服，不過小本經營，見佢野又算幾平就無乜所謂啦。過左一陣好快就上菜，碗粥睇落去都幾棉，肉丸都幾彈牙，豬潤都煮得岩岩好，唔會太老，粥面有少少雞油，所以成碗粥都好香口。整體食物質素不錯，值得一試!

如果早上經過，必試呢到嘅蛋牛治烘底。鬆脆嘅三文治，大量嘅碎牛肉，加咗牛油嘅炒蛋。一入口，帶住三份味道嘅沖擊，真係試幾多次都唔夠。有時重見到童年明星，真係眼口都享受 haha。

要去深水埗買東西，想起呢間新香園，成日都話去試，今次終於「的」起心肝，去試下佢出名嘅「蛋牛治」。可能係平日時間早上10點幾，唔使等，點了蛋牛治和熱咖啡。蛋牛治係鮮牛肉切碎炒蛋，雞旦好少，所以蛋味不特出，主要係牛肉味，有點不平均，另外牛肉都幾鹹，個人不喜歡太鹹，不過就煎得幾香口，又夠熱辣辣。另外咖啡係一般港式咖啡，味較淡。

堅記最多人食蛋牛治，飲熱奶茶，緊係要試下!去到都要排下隊，本身地方細而且多人食，十分鐘入到去。蛋牛治烘底熱奶茶，加多個豬手麵!蛋牛治一咬第一啖我就有啲後悔，應該唔要烘底!因為入邊既蛋同免治牛太滑太林，加個脆既麵包反而有啲影響左口感。雖然佢個蛋牛無傳聞中咁厚，而且味道唔太突出，但都有淡淡既蛋香味，算係唔錯。比較之下我會鍾意豬手麵多啲，麵本身夠彈牙爽口，湯夠濃，豬手又夠林而且好乾淨無豬毛。同埋鋪頭幾細心，一黎可能唔想抹枱，二黎方面收拾，會俾隻細碟仔你裝住啲豬骨。熱奶茶真係要試下，夠哂熱，香，滑!奶茶黎講我鍾意茶味重啲，奶適中，有少少回甘既茶味，呢度沖得唔錯，唔會落得太多奶影響茶味，而且拉得夠滑，值得一試

平時夜晚晚肚子很餓你會諗起d咩?我就會諗起新香園佢個豬手麵真係頂瓜瓜,豬手迷既我真係食得好高興重點係佢開24又平又靚又正!係邊度搵!豬手入味得來又淋,好易咬, 又唔會骨多過肉,個湯底就偏鹹,但係好正!麵都算幾彈牙跟住就係蛋牛治烘底鹹牛肉用蛋漿煎香,再加埋個烘底美食有時原來唔駛排隊最後西多士外皮軟脆,唔會有油益味,呢個堅正!每次黎到都係大滿足地離開!推介!

我地刀知深水埗四寶啦 維記 豆腐花 旦牛治 合益泰腸粉啦 奈何心大胃細 試咗其中兩樣就打道回府啦 咁日想推介俾大家既係 新香園旦牛治1出c出口就會見到合益泰招牌 如同其名平實親切 但我地目標係旦牛治a嘛 再行多三分鐘就見到馳名旦牛治之起源地啦到門口抬頭見招牌 歷經風雨雖不再嶄新亮麗 但無法忽視咁入到去啦就唔算多人既 茶餐廳係咁啦逼逼窄窄咁坐就坐得冇咁舒服 但勝在風味 我地order咗旦牛治➕牛油多兩個人share 第一次食旦牛治啦 我覺得有驚喜 加烘底係必需啦 一啖咬入去 碎碎牛肉加嫩滑蛋的夢幻組合 仲有脆脆地外殼 無法忽視的熱度 " 呼" 忍唔住快速咀嚼迎接下一啖的噴香但相對 鮮牛多質素就麻麻 加之凍檸茶亦平平無奇 解渴還可 無需報太高期望 廿蚊一份旦牛治 食出咗一份用心經營 用料不凡的心 何樂而不為呢？

本來專程去吃拉麵，怎料經過見不用排隊，便只好改變初衷，由拉麵變做豬什麵招牌蛋牛治，蛋牛好像比平時薄了點，但味道挺不錯，蛋漿加點咸牛肉，簡簡單單已經很美味豬什麵樣樣有點，最正是那一大塊豬潤，十分爽口鮮味比附近的維記更鮮嫰，原來這裡的豬潤也出色，下次會點碗豬潤麵獨食！其他豬腰豬肚等也不錯，新鮮沒腥味，麵條彈牙，湯底卻有點像雲吞麵的梘水味，個人不太喜愛。茶走煉奶較多，幸好我比較好甜，茶味算是香濃

新香園(堅記)冇禮貌之冠我相信大家都覺得無論野食有幾好味, 係食野之前受到一肚氣你食乜都想嘔..首先嗌外賣排隊畀錢, 佢忙緊我咪等囉...另外一個人走過嚟話要埋單(講咗兩次)收銀阿姐話(老奉語氣)"唔見做緊野咩, 等等!" 然後又有人走過嚟話埋單...好我等你最後我係比兩個人打尖之後先至畀到錢(小事)嗌外賣,要喺門口等... 有位坐就梗係坐著等啦... 十分鐘後, 門口有人咆哮"係咪叫咗外賣" 我回應"有,喺呢度!" 佢就再次咆哮"叫外賣就喺外面等啦, 買外賣就咪走入去坐" .就算有明文規定買外賣一定係外面等, 佢都唔應該以咆哮方式叫我, 仲要唔攞外賣俾我... 如果大家覺得咁嘅服務態度仲值得幫親嘅話... 祝你好運為咗支持咆哮大嬸, 我同佢影一張沙龍

探完露宿者後醫肚環境：一般食物：嘩一聲，先講下豬手入味得來又林，而且唔會骨多過肉，每一碗有兩只豬手或以上，正丫。。。紅豆冰不會太淡，而且奶、冰同紅豆份量剛剛好，極品價格：相當平宜