新香園 (堅記)

Open Now

Now Closed

位於深水埗的平民食肆，鋪內位置不算太大，但係佢噶蛋牛治同豬手麵十分出名。店內服務都算親切，除咗落錯單南乳豬手麵-HKD22價錢真係好平，而且貼心送上一蝶仔畀客人裝骨頭。有一碗雲吞麵分量的面底，麵都算彈牙，配上湯底已經好夠味。如果覺得湯底偏鹹，可以加上適量醋中和。一共兩舊豬手，都幾大份，煮到超級淋身。冇牙都唔怕不過我偏好有咬感的豬手蛋牛治烘底-HKD20好食到冇得彈鹹牛肉用蛋漿煎香，再夾在烘到金黃色的白麵包中，美味滿分。紅豆冰-HKD18飲品單獨點，而且正價。我就覺得呢杯紅豆冰相對失色同其他茶餐廳d冇咩分別，d紅豆太甜。

今日去深水埗啲一間非常出名嘅茶餐廳，以前都成日幫襯 〜〜〜就係新香園啦，相信吾少食家對呢個名都吾陌生！ 因為我同朋友係5點左右去，所以都吾洗排隊 ，有時候去到食飯時間都好多人〜 最出名嘅就係佢哋嘅蛋牛治 ，所以今日我決定帶朋友去試下 一坐低其實間鋪頭都唔係好大，而家最低消費20蚊一個人 蛋牛治就剛剛好19蚊 ，雖然加埋個烘底就剛好20蚊所以如果大家係食完嘢，諗住係幾個人食一個蛋牛仔呢就要小心啲啦 ，除非外賣就無最低消費 正正因為呢個原因，所以我同我朋友就叫咗一個紅豆冰，蛋牛治同埋一個其實本身都唔係好想食嘅奶醬多 蛋牛治都真係幾香㗎，不過感覺上好似無以前咁多料，雖然蛋嘅份量冇我想像中多，但係都唔算少嘅 一咬落去，烘左底果然好食啲嘅 ，雖然多一蚊但都係值嘅 至於個奶醬多呢，就不過不失啦，同其他舖頭都差唔，多冇咩太大特別而呢杯十八蚊既紅豆冰，雖然唔係好大一杯，但紅豆嘅份量都唔少 整體來講其實價錢都係合理嘅，不過比以前吾同就係多左個最低消費 ，如果佢冇限每個人最少20蚊會好啲囉 另外就係呢一間鋪頭係24小時都開架 ，所以如果一但係家

因為下午三、四時才吃第一餐，晚上近十時才感到餓，本來想隨意煮個麵填肚便算，但因為我一句想吃雲吞麵，男人即時上Openrice 看那裡有晚收的麵店，終於找到了我們之前也經過的新香園。環境方面，就是傳統食店的格局，沒有太髒也可接受了。我點了碗雲吞麵，份量屬正常，但男生應該不夠。有四粒雲吞，蝦肉也算彈牙又不會太鹹。麵條稍軟了一點，但彈性不錯，沒有鹼水味。另外點了份馳名蛋牛治烘底，賣相不錯。果然名不虛傳，蛋滑又重蛋味，牛肉沒有多餘調，口感不老不韌。男人不夠飽，再點了一個牛腩撈。牛腩牛筋都夠軟稔又夠味。而這次的麵條比湯麵硬身一點，正合我意。香港已經越來越少這些傳統而且便宜又好吃的小店，吃到飽飽也不過數十元，真的值得多多支持。

講就講左好耐一個好食既蛋治係要有汁既蛋牛治 係深水埗就出晒名 冇咩人唔識應該24小時都開既今日放假 又要去做義工 路過就買一件黎食烘底20蚊 冇烘就19蚊我見就都坐滿但就唔洗等位既我就趕時間所以就拎走到手就真係熱下應該岩岩整完望望入面 唔算好厚但都幾香入口牛肉好多汁 都算多牛肉隻蛋就正正常常冇咩特別但係冇大家講到咁好食 可能我成日周圍食滑蛋所以顯到佢唔算好特別但整體都唔錯錯既配合都及格有凸既

夜晚八點半先黎到，唔駛等位。 一坐低，三秒阿姐就問食乜，第一次黎，餐牌都未睇就要落單! 話睇下先，再隔五秒又黎催問食乜........又唔係繁忙時間，唔駛咁趕呀!!每人最低消費$20:叫個菠蘿冰，落完單隔左十秒又話賣晒。$29公司三文治: 個蛋牛好香仲有蛋汁，配埋火腿同餐肉，好好味~$21鮮蝦雲吞麵: 四粒雲吞，每粒雲吞有一粒蝦仁，其餘都係豬肉黎。個麵都彈牙，但個湯底係全梘水味，苦的$9大枝可樂，個人認為樽裝係好飲過罐裝，亦唔係度度有枝裝，所以見到都會叫三文治下次會再黎，但麵真係冇下次~

下午茶時段去開深水埗，識食梗係過去食堅記啦，應該無咩人，唔洗等位。錯了，一入到去，枱枱都坐晒人，搭枱是常識。整返個馳名蛋牛治熱奶茶先。落完order,好快，大概3分鐘就有得食！係烘過嘅方包，搽左牛油，夾住啱啱煎好嘅咸牛肉同蛋，仲熱咖！感受到一份快餐店無嘅"新鮮"!杯奶茶濃厚滑，茶香唔會太搶，黑白淡奶雖然肥，但無佢就唔夠香同滑~價錢相宜，大眾化。

食個炸醬麵！入面有小強！好想死! 同個店員講, 佢仲話好細只姐, 一兩只呢D小強好平常啊.....想即刻影相, 但個店員已經秒速收走碗野, 仲問洗唔洗比過碗新我...心諗你食埋我個份啦!已經報左食環, 佢話會跟進, 不過又話冇影相, 佢地好難證實....唉, 總之奉勸大家唔好去食呢間野, 佢個衛生情況真係十分值得檢討

人在深水埗，忽然想起這裡，也有一段時間沒來了，那午餐就在這裏解決吧。未到門口，已看到一班人在排隊，等了差不多十五分鐘才可以入內。 鮮蝦雲吞麵併水餃～ 這裏的麵類餸款全都是單併的，額外再加便每款計七元，雲吞及水餃大大隻，但餡料卻沒有什麼味道；麵的梘水味很重，麵質亦偏淋。 火腿蛋三文治（烘底）～ 不能食牛，就叫腿蛋治試試，蛋味唔夠香，可幸麵包烤得也夠脆口。 紅豆冰 ～ 奶味和紅豆攪拌後，奶味香甜，紅豆也煮得軟淋，可惜質素不是太好，沒有什麼紅豆味。 後話，未回到家已開始口渴，足足飲了四五大杯水也未能止渴，「師父」不是萬能的，不如稍為用心於食材的質素吧！

鴨記買完野,就去新香記食LUNCH,安排入坐就當然立即叫左招牌烘底蛋牛治同豬潤牛通紅豆冰上左先,夠甜,紅豆軟硬適中蛋牛超香口,食開烘底,唔烘底就少$1豬潤夠鮮夠爽口,湯又夠味次次去都滿座,今日幸運地等左一分鐘就有位.食完快快趣繼續行程

We ordered the beef and egg sandwich, beef tendon noodles, and pineapple drink. The food was generally okay.. But the service was so crappy.. One worker was very rude and embarrassed us in front of all the other customers... Will never go back

同朋友去完迪士尼見肚餓，但已經九點，諗起新香園開到好夜，就諗住encore!我叫左蛋牛治同鮮牛粥，蛋牛治同上次一樣好好食！包同餡都熱辣辣，蛋唔會好老，仲有蛋汁流出嚟牛肉又唔會好咸，感覺好新鮮。鮮牛粥有蔥，令碗粥香啲，牛肉唔韌，又好大碗，食到飽飽為食叫多左個奶醬多share，多士唔算好脆，但夠熱！醬都夠，不過我鍾意多花生醬，下次叫多醬先朋友叫左豬手麵，我就覺得個湯幾咸，不過佢重口味開，覺得冇問題，哈哈。佢話豬手好好味喎。蛋牛治真係值得無限encore！其他嘢食都值得一試！食物又平。性價比高+有質素嘅餐廳！

哥哥為左整部超級電腦黎打機，就叫左我同佢去深水埗既黃金商場入貨兼抽野！為左報答我，就推介左呢個吳文生哥哥茶餐廳！老實講，吳文生哥哥係邊個呀！Google左圖片，啊，原來係舊時兒童節目既主持人！餐廳位於街市，係個平平無奇既茶餐廳！門面就係咁！🤔🤔但是，下午茶時段起餐廳外面竟然排左條隊！心打左個突，有咩咁出眾呀？餐廳係提供左唔少茶餐廳既食物不過，我同阿哥食左午飯無幾耐，又見到餐廳四處都係寫馳名蛋牛治，所以竟淨叫個蛋牛治烘底黎嘗下鮮！外面就係排左一堆人，就叫左外買拿走！等左短短5分鐘咋！還以為有名氣就會囂張要等好耐！好彩！烘左底既麵包脆脆的外皮！左看右看，完全無燒焦喎！咁犀利既！究竟係用左烘麵包機定人手烘架，咁有工架既！咬到麵包中間仲係軟綿綿架！師傅整呢個蛋牛仲落左好多心機，食客真係感受到！蛋仲係半熟半蛋液既狀態，加埋一小片一小片牛肉混合一齊，覺得自己食緊充滿肉汁既三文治！牛肉有少少咸香，加埋蛋真係配合得非常好！唔會覺得太咸！成份都係20蚊！比起便利店買到凍冰冰既三文治，呢個極有質素既三文治絕對係價錢合理！

新香園蛋牛治係呢句我諗出曬名，無咩人唔識佢。今日行完黃金有啲口痕，想食個下午茶，去到新香園入面爆曬，出面又有人等位，太肚餓既關係，我叫左個蛋牛治烘底行街姐姐俾我個陣仲好辣手，岩岩烘起，一咬落去包皮好脆，蛋汁同牛肉汁都混埋一齊，口感豐富，蛋炒得真係好滑，牛肉份量都好多，同出面十一二蚊既唔同，真係同佢門口'馳名蛋牛治'有個交代!記住一定要烘底一定要烘底一定要烘底!!

天氣熱得令人不想外出買飯，但突然心血來潮，很掛念蛋牛治，午飯時間一到立即去買外賣回公司吃. 店內和等外賣的人仍是很多、幸好我可以回公司去吃免卻了等待.不過份量真的比之前細小了不少，加了烘底盛惠$20. 蛋牛今次吃有點乾身，不像之前吃下去那麼滑嫩了，不過，也許也有因為我沒有立即吃的關係影響到吧！再等待下次懷念時才去吧

新香園的食物賣點係快、平、靚、正！個個都讚呢度既蛋牛治正，今次就一定要試下啦嘩，真係勁好味，平時食火腿同蛋都已經好夾，但原來同牛肉仲match！食牛肉碎同蛋混成煎蛋，好豐富既涵料，入面仲有蛋汁，好出色！但我就略嫌有點貴，19蚊一個三文治，食完未飽。我再食多個豬看麵，呢個就堅抵食，豬手好林，好入味，麵底仲有好多豬手汁，個麵都索哂d味，正！煎雙蛋牛肉米，隻蛋都煎得幾靚，煎蛋上米粉又唔會搞到個湯太油，非常好。另外再點了個咸肉粽，粽內無肉色，麻麻地。