新記煲仔雞粥 (Closed)

20:35落單外賣 96號 一個麵一個粥 知道即叫即整要等 一等 就等到21:12先有 成半個幾鐘仲要個麵一早岀咗 過半個幾鐘先到個粥真係食冷麵 焗到爆曬水 又濕又凍睇住啲97, 101, 100係咁岀 禮貌問門口個姐姐等咗好耐 可唔可以幫手睇吓有無辦法 佢就咁一句：我都無辦法 就唔理你今日都見有其他客表示等得耐 野食出黎又無人嗌號碼 非常混亂 食物亂出 等得先好去 我覺得一早講明要等半小時會好啲 重點係 一個又凍又濕既麵唔值個粥又咸又少料 附近大把野食 唔洗撰佢唔會再去

周末一大班人去元朗食野搵位都有D難，最後揀左新記煲仔雞粥，等左大約15分鐘～當然要叫佢既招牌貴妃雞粥，仲叫左田雞粥同海鮮粥。但最後都覺得貴妃雞粥味道最好，雞味濃郁，粥熬得好綿，好鮮甜！雞件都算多，咁大煲呢個價位，實在好抵食！海哲手撕雞：好鍾意佢個醬汁甜甜地，同海哲、雞絲味道好夾。酥炸魷魚鬚：魷魚鬚即叫即炸點會唔好食！外皮酥脆，肉質彈牙。秘製雞中翼：因為「秘製」兩個字叫左黎試試，但發覺其實味道冇咩特別，當係普通炸雞翼係係好食既。整體都係最鍾意佢個貴妃粥，下次同朋友黎再試多幾樣小菜先～

半夜肚仔餓，去揾個宵夜食，見到呢間雞粥幾有人氣，就決定試試佢大大隻字的煲仔雞粥喇。入面店內半夜都爆，唯有坐出面喇，見今日澯涼地，但就賴野，天氣ok,但頂頭盞太陽燈熱鬼屎。两條友食吾多，睇吓餐牌就係咁依點了招牌煲仔雞粥，豉油皇炒面，蜆芥鯪魚球。先來炒面夠鑊氣亁身，吾油膩，加了辣醬，辣醬似余居益，好配搭。再來原煲咸雞粥，粥夠棉，雞先正，咸度剛好，帶出雞鮮味，而且好多件雞吓。再來蜆芥鯪魚球，好彈牙，吾會粉咁，都多魚肉，熱辣辣，沾沾蜆芥，野味!一口粥，一口面，一口鯪魚球，滿足的宵夜。埋單 113元，人均56元，算ok! 係熱鬼死啫!

Walked pass this place many times and the food pictures look pretty good so I had to try. Interesting thing was once I sat down and looked at the menu, I didn’t know what I should get not because there were many choices but nothing popped out that I really wanted to try. So I went for my favorite fried squid and egg and Chinese bbq pork with XO sauce over rice. The service okay given the type of local aunties running the joint. The food was okay but maybe I was looking for that wow local food an

元朗新記雞粥在元朗深入民心，最出名是燒乳鴿，乳鴿皮脆肉嫩，沒有雪藏味，肉與脂肪的分布也很平均，啖啖肉。第二出名便是貴妃雞粥，貴妃雞是用新鮮雞，雞不會太多脂肪，師傅分佈雞的比例都很平均，不會給予過多的雞骨，雞的份量也很多，不會因為價錢$48這樣便宜，而有所減少！粥也很綿綿，不會太浠，有足夠的米飯，有一種家庭的味道！

之前同朋友傾開話佢屋企附近嘅元朗新記煲仔鷄粥好味又多選擇，呢日喺附近做完嘢就一於叫埋佢一齊去幫襯下，餐牌夠晒多選擇，我哋叫左：紅燒脆皮乳鴿($51) - 外皮香脆，肉質嫩滑， 大隻又入味，好味抵食！👍蜆介鯪魚球 ($42) - 大大粒共六粒鯪魚球，表面好香口，咬落肉質彈牙，配上滋味咸鮮蜆介醬，絕對係唔錯嘅選擇👍蒜泥白肉 ($42) - 採用爽口豬頸肉，份量足，配上秘製蒜泥醬汁，味道同口感俱佳。😊魚腩粥($29) - 魚腩新鮮味美，粥底綿滑，鮮甜出色！豉油皇炒麵 ($23) - 炒麵入味彈牙唔油膩，不俗之作！藍妹($27) - 良朋共聚，又點少得佢！🍺🍺😁

是日同友人在又新街揾地方食飯，見未喺呢間舖頭食過嘢就一於入去幫襯下。一望個餐牌，有好多選擇，絕對唔止煲仔鷄粥咁簡單，我哋叫左：紅燒脆皮乳鴿($51) - size都幾大隻，通常大隻未必夠入味，但呢隻大隻得嚟夠入味，外表香脆，肉質嫩滑！😋四川麻辣鵝腎($29) - 有好多片鵝腎，鵝腎口感爽口，味道唔會太辣，鐘意食辣嘅朋友可能要點辣椒油食。😊酥炸魷魚鬚($42) - 顏色較深，但一D都無炸過火。上枱時係熱嘅，咬落外表鬆脆，魷魚新鮮👍魚腩豬潤粥($29) - 粥底綿滑，魚腩新鮮，豬潤爽口無過火，唔錯！海哲薰蹄($42) - 薰蹄肉味肉質俱佳，海哲好爽口，配上酸酸辣辣嘅醬汁更加正！芽菜炒河粉($23) - 河粉夠入味滑身又唔油膩，不俗！藍妹($27) - 叫左咁多香口嘅食物，當然要啤一啤 🍻🍻🍻

放學，想食宵夜！新記乜都有，要小食有小食要飽肚有飽肚！個蔥花蝦米腸粉真係真心好食帶子豬潤炒麵，啲配料有點點失望，但係麵炒得好食！貴妃雞粥，普通，唔係我杯茶個魷魚鬚我想反枱，係酥炸定蒸炸

最佳宵夜，一定要收得夜，新記營業時間由4點到零晨3點，最啱夜鬼一族。粥麵油菜街坊價，是入夢前的好選擇 😴😴 半露天座位，是狗主🐶及煙民聚腳好去處😊👏👏雅座不多，但環境企理，食物選擇亦多樣化，價錢公道，元朗街坊之福。馳名海鮮粥 $63海鮮粥材料豐富，內有魚片、中蝦、肉蟹、帶子，配個靚粥底，加點翠葱花，色香味俱全；即叫即煮生滾粥，免郤薑絲胡椒粉，海鮮最緊要新鮮，新記煲仔做得到。👍帶子剛剛熟，嫩滑；碎上亦見件頭，足料! 蟹有4至5件，有膏有肉，絕無欺場 😃😃香脆油條 $9連鎖店都未能供應熱油條，但新記有，驚喜度💯 !今時今日，要食熱辣辣的油炸鬼，都要講點彩數 😎金牌貴妃雞 （例牌） $59貴妃雞本身已調味，外皮極重麻油香，可以不用點葱油；皮滑肉嫩，就算是熟透的雞胸位，亦不“鞋”口，以$59元的例牌來說，算超值 👏👏鯪魚球 $42炸得香香的鯪魚球，本身已夠香夠味，兼且味道濃郁。如再加蜆芥汁有點太多了。蜆介汁新鮮蜆蚧調制，沒腥味。涼伴皮蛋 $29雖不是流心皮蛋，皮蛋心尚算鬆軟，配上芝麻及特制酸醋汁，酸 may may 的，一口一件，瞬間清掉。蒜蓉菜心 $39菜心灼熟回鑊加蒜蓉炒香，鑊氣欠奉但勝在

今天同阿媽去元朗shopping， 行吓行吓行到晚飯時間， 於是去咗好出名嘅「新記煲仔雞粥」食雞粥。今日叫咗兩款馳名招牌粥，《馳名貴妃鷄粥 $48》 同 《馳名海鮮粥 $63》。今晚嘅主角係《馳名貴妃鷄粥 $48》，粥底軟綿綿，用煲仔上枱， 熱辣辣。 貴妃雞生熟恰到好處，雞肉又嫩又滑，仲好有雞味。又嚟多個《馳名海鮮粥 $63》， 海鮮非常足料，包括有蟹、蝦、 魚同帶子，軟綿綿嘅粥底加上鮮甜嘅海鮮， 真係鲜味十足，值得推介。吃粥嘅同時，我點了兩款小食 ， 有《 蜆介鯪魚球 $42 》 同 《豉椒炒黃鱔 $70》。 熱辣辣， 脆卜卜嘅蜆介鯪魚球好鬼彈牙， 加上蜆介， 有鹹香味道 ， 十分惹味。豉椒炒黃鱔， 炒得脆口， 鑊氣十足， 黃鱔份量都唔少架， 一啖粥加一口黃鱔， 好味！ 可能係街坊食店，價錢親民， 真材實料， 唔怪得知係人氣餐餐啦！

元朗人氣雞粥店，日日都排滿人，是日想食下粥就黎左排，好好彩有幾枱人走，等左一陣就有位啦。拿拿淋落單先，餐牌極多選擇，但基本上枱枱都係點個幾樣我地都係一樣，哈哈，好食咪次次食個幾樣囉。香脆炸大腸($42)炸得勁香口又唔油膩，個皮滋滋響入面仲有肥膏好正呀，唔會有怪味，好食。油條($9)伴粥良物，雖然夜晚，但仲脆身無過氣，抵讚。貴妃雞粥($48)梗係要食呢度出名嘅雞粥啦，賣相平平，但最緊要係好味吖。鹹雞勁正，雞件有咬口又不肥膩，粥浸了雞的精華好鮮味，超正呀，唯美中不足是有碎骨，要小心點食啦蠔仔粥($45)另一煲要有蠔仔粥，同樣是大眾式賣相。煲仔內蠔仔幾多，肥美鮮甜，令到粥都好鮮味，沒有砂亦沒有腥，超正椒絲腐乳炒通菜($39)本來要個清菜，但店員推薦椒絲腐乳炒，果然無失望，炒得香口有鑊氣，而且份量超大碟，簡直係炒小菜的size。香脆炸兩腸粉($17)再加份炸兩添，即叫即整的，油炸鬼仲脆，腸粉滑，加豉油辣醬勁正，大大碟抵食。豉油皇炒麵($23)等左好一陣先到的炒麵，上枱仲係熱辣辣，真係即炒喎，好香又夠乾身，麵韌有咬，可惜略鹹，伴粥食還可以。三個人食咁多都唔係好過份啫

餐廳裝修簡樸，但五臟俱全。食客大部分都係街坊，食到陣陣人情味。同友人行街行到實在太攰，忍唔住嗌左好多野食。酥炸魷魚鬚，份量頗多，每條都係大大條，食落勁有滿足感。炸粉唔多，食落都唔油，食多幾條都冇乜罪惡感。四川麻辣雞腎。酸菜同雞腎份量一比一，算係幾多雞腎。整體唔算辣，食到小小辣嘅絕對都carry到。雞腎本身嘅口感，加埋酸菜嘅爽口，係唔錯嘅前菜。脆皮乳鴿。燒到岩岩好，真係做到外脆內嫩嘅效果。一隻乳鴿好貼心咁幫你分成4份，不過食得依然食得有少狼狽。貴妃雞粥係餐廳嘅主打，見到個個枱上面都煲雞粥，味道果然有保證。雞肉嫩滑，雞汁嘅鮮味落左去粥度，所以每一啖都係夠味。相比之下佢嘅魚腩豬豬膶粥就有啲輸蝕喇。雖然魚腩厚切鮮甜，但佢嘅豬膶太腥而苦。所以如果要食，淨嗌魚腩或者夾其他餸會更好。最近嗌左兩杯飲品，分別係七喜龍眼冰同泰式青檸冰。個人比較偏好青檸冰，酸酸甜甜幾開胃。不過七喜龍眼冰飲嘅係懷舊係特別，畢竟都好難係其他餐廳再搵到呢個舊式飲品喇。

呢間新記就係新B仔隔離，但其實佢都歷史悠久好細個就已經食佢呢到既雞粥係用黃雞煲，無撈埋雞雜一齊煲，所以比較清粥底夠綿，配埋啲雞有鹹味，食落非常惹味呢到雖然大腸都有名，但我個人只會推薦大家食雞粥同埋食完個粥可以到隔離食糖水都係解喝的

今天突然氣温下降至12度，想同老婆食個熱辣辣的晚餐。於是去左出名多野食的元朗又新街，去幫襯一間雞粥老字號的舖頭叫新記煲仔雞粥。今天叫左兩煲招牌煲仔粥，我同老婆一人一煲。一煲是貴妃雞粥$48，另一煲是鮮味蠔仔粥$45。兩煲粥的粥底都好軟綿綿，最緊要係夠熱辣辣。貴妃雞的雞肉好嫩滑，好有雞味。而蠔仔肉細細粒易入口，又好鮮味。另外又叫左三樣脆口食物，送粥一流，包括有脆皮乳鴿$51、香脆炸大腸$42及蒜泥汁脆皮豆腐$29。乳鴿皮薄又香口，肉汁好juicy。炸大腸炸得好脆又唔乾，腸內還有好多肥膏，好好味。而脆皮豆腐細細舊容易入口，豆腐皮脆脆地送粥一流。最後再叫多兩杯野飲，分别是熱柑桔蜜$14及七喜龍眼冰$21。柑桔蜜柑桔味好夠，又唔太甜。而龍眼冰的龍眼肉大大舊好有口感，夾埋七喜入口好清甜，仲有薄荷味。

呢間新記雞粥係元朗嘅老字號 不過一直冇機會食 今日就同媽媽一齊嚟食 首先叫咗個椒鹽炸豆腐 豆腐脆卜卜 夠乾身嫩滑 點埋秘製醬汁食好惹未 海蜇拼手撕雞 海蜇同燒臘舖嘅味道有啲唔同 較為甜身 同樣爽口彈牙 手撕雞麻油味重 好惹味 酥炸乳鴿 乳鴿大大隻 皮脆肉嫩 夠多汁 而且好香 仲好細心咁分開4舊 食用時唔會麻煩 炸得脆卜卜 骨頭都食得 呢到重頭戲 豬潤雞粥 大大兜用砂鍋裝住 慢慢食都唔怕凍曬 個雞份量幾多 而且好嫩滑好香雞味 最特別之處係個皮好彈牙 一啲都唔油膩 豬潤爽口彈牙 個粥底煲得夠綿 有米香 而且有雞味超正 埋單二百蚊左右 個粥勁推薦 好好食