康瑞甜品

Open Now

Now Closed

食完晚飯~就行去了附近的康瑞~好似芋圓好出名9點幾我地都預左要排隊~點知d人都去得幾快~一到就已經有一台人要走，我都唔洗等2就直接入得了！不過係坐係門口位！有少少逼叫左個糖不甩~有糖、花生同椰絲~ 量好多~ 湯丸入面有黑芝麻餡~ 好QQ同好香~因為要插蠟燭唱生日歌~ 老闆(?)聽到歌，都好nice~ 走過來講左生日快樂~送左碟啫喱比我地~朋左叫左個桂棗雪耳湯配芋圓同地瓜圓~ 個湯好清甜~唔係死甜~唔會膩~ 芋圓幾煙韌，有淡淡既芋頭味~整體味道幾好，唔價~ 不過坐得麻麻地舒服~ 不是比你傾計的~因為好多人~ 要吃完就走~ 可能早點去會好d~~

不少「煙韌控」都為芋圓瘋狂，香港的台式甜品店遍地開花，只可惜我還未找到一間一試傾心。康瑞也算是一間既「就腳」、品質也不俗的選擇。.位置深水埗荔枝角道，A2出口直走五分鐘至第四個街口，過馬路轉右便可到達。很多人或學生在深水埗覓完寶，食完晚飯就來吃上一碗芋圓，我和朋友久遺其滋味，也去湊湊熱鬧。.雖然康瑞晚上總是高朋滿座，但很多人吃完也不會久坐，所以我們數人等了五分鐘就有位了。.餐牌一目了然，就是不同的傳統中式糖水，配上芋圓、地瓜圓和小丸子。最出名莫過於特式仙草百配，但我總覺得它比其他糖水遜色，因為太多元素，又珍珠、西米、紅豆⋯⋯，遮蓋了主角芋圓、地瓜圓的味道，而且康瑞的傳統糖水很清爽，不會太甜，頗為養生，值得一試。我們點了桂棗雪耳糖水和糖不甩。糖水是清澈的金黃色，配上幾粒碩大的紅棗。用勺子翻了翻，看到如杜丹花般的雪耳壓著一粒粒紫色、黃色的丸子，色彩繽紛，甚是吸引。入口清甜，嘗得出紅棗和桂圓天然的甜味，不膩口，滋潤喉嚨。雪耳足足有兩大朵，爽脆非常。芋圓、地瓜圓比珍珠大一點點，大小一致，起碼有二十多顆，異常慷慨！.入口十分有嚼勁，煮的時間剛好，但嚼了一會卻發現只嘗到淡淡的芋頭和地瓜味，明顯比以

之前读书的时候一直看到这家店，可是当时一直没有专门去找，后来这次想去吃芋圆，结果常吃的一家关门了就专门找着去了，不过我点了两个一个芋圆的仙草的，一个酒酿的，完全不好吃，以后不会再去了，人倒是挺多的啦！

吃畢晚飯有點耳猶未盡，和家人駕著車來到深水埗吃芋圓去。早年店還在醫局街時曾拜訪過一次，對於其味道印象模糊，今次再來店已遷往荔枝角道，更添了堂食的坐位，寬敞舒適。 特式仙草百配 $25雖有凍熱可選，但並巧熱的頂多也是室溫，倒不如吃透心涼的更為過癮。滿心期待的芋圓個子小小，微微煙韌，一般；反而仙草滑溜有涼茶的甘香，小丸子也做得軟糯好吃，如整體甜度能減低一點會更合意。 再訪也是覺得普普通通，不過出了名後還只售二十五塊錢，倒是划算。

早已聞說這裡的芋圓很出名，今日終於一試！叫左特式仙草百配，好多配料，有仙草，芋圓，紅豆，薏米，細珍珠，小丸子，超豐富！芋圓，小丸子，同珍珠都好煙韌，連仙草都好有口感，QQ地！整體唔會太甜，叫凍既，只係比常溫凍少少，岩曬怕生冷既女仕！腐竹蓮子蛋糖水，鐘意佢無將腐竹煮爛曬，如果蛋花再多d口感會更豐富，入面都有蓮子同芋圓ga!!! 整體係價錢平，全部甜品不過$30，材料豐富，下次黎深水埗，一定再幫襯！

之前去台灣，每晚都要食碗芋圓，番到香港，好多甜品舖都有賣芋圓，但想揾好食既芋圓真係好難今次比我發現深水埗呢間康瑞既芋圓帶到台灣既味道比我喎‼️注重養生既當然要叫桂圓紅棗雪耳湯底配芋圓，地瓜圓同小丸子芋圓同地瓜圓好煙韌，又食到淡淡既芋頭同蕃薯味，我鍾意呀湯底清甜，唔會好膩，唔錯特色仙草百配一上枱唔記得影就忍唔住食左，濃濃椰汁味配埋滑滑仙草，絕配！ 料都好多，仲有西米，紅豆同珍珠等，口感一流岩晒鍾意𡁻野既你！

前排因迷上食芋圓所以周圍搵，咁岩行過附近當然要黎試下呢間野！！我已經知道呢間野好出名日日排晒大隊果日夜晚十點幾去到出面真係勁多人不過我地因為少人，兩個人等左十分鐘到就有得入啦因為同朋友兩個都鍾意食芋圓當然叫左佢地招牌啦黎到望落果然同想像一樣足料，廿零蚊其實係勁抵食！不過食左一啖之後發現。。。其實都味道普普通通，冇想像中濃味如果係想食口感豐富既可能會好鍾意，但我同同行朋友就覺得一啖有太多唔同種類既質感其實都唔太知自己果啖食左Ｄ咩野不過以價錢黎講，晚飯行過去食一個都幾滿足！如果奶可以更加濃味就更好～

一直好鍾意食康瑞嘅芋圓，經過深步埗就會心思思去食一碗～平時都叫慣佢嘅特色仙草百配，今次想試試新嘢！假日下晝去到都係一樣多人，但其實都唔洗等好耐，通常D人食完好快就會走，等咗10分鐘就有位。今次揀咗養顏之寶～甜品2號—「桂棗雪耳甜湯配芋圓」：平平哋不過廿幾蚊，但好足料！雪耳爽口，桂棗甜湯滋潤清甜，仲有兩大粒紅棗。地瓜圓同芋圓好有咬口，不過同仙草百配相比，佢哋同呢個湯底就冇咁夾喇，不過整體都係好味嘅下次叫返特色仙草百配！康瑞嘅芋圓真係好抵食，難怪長期都咁多人幫襯！

同朋友們食完飯但係又唔想咁快返屋企，於是走左去食甜品。我地大部分人都係點仙草百配。入面有好多料，有芋圓、西米、薏米，珍珠、仙草、紅豆等等，每一啖都好豐富，有唔同口感，成個搭配感覺都幾夾。芋圓、珍珠等等都好Q彈，不過感覺比以前差左少少，芋圓無左應該有的芋頭味。

因為知正常晚飯後嘅時間要排隊所以我地選擇左食飯前去食其實最主要原因食晚飯間野要排2X個籌先到所以先糖水再晚飯 咁因為我都好食芋圓我地一人一碗椰奶紅豆沙芋圓及熱桂棗雪耳芋圓 我個人覺得榔奶紅豆沙好味過桂棗雪耳但就芋圓份量就比較少芋圓味道正常但個人覺得味道唔濃上次食紅磡果間濃味一些

對上一次去台灣已經兩三年前, 台灣有好多小吃都好得我歡心, 至於芋圓就係其中一樣, 香港要食芋圓地方好多, 但好多都甜到飲緊糖水咁, 依一間我朋友大推介, 襯星期六日就去試下, 下午開門已經要排隊, 不過等都唔係好耐, 15-20分鐘都入座同老公share就叫一碗仙草百配, 勝在咩都有唔使諗貌似幾靚仔, 料都幾多, 不過就好細碗..食落都好似一般般, 可能期待有點過高, 講唔出有咩唔好但又唔係話好食到要排隊, 不過不失, 我自己就覺得唔使有下一次啦

由舊時醫局街幫櫬到依家了, 嗰陣雖然只能外帶但每碗只係廿蚊🤣 依家岀左名搬到大街又裝修過, 加價亦是無可避免吧~ 唔使諗！每次都叫一號仔仙草百配.. 有芋圓, 地瓜丸, 小丸子, 西米, 見到都覺得豐富, 好足料呀 !最鐘意芋丸咬落煙煙韌韌嘅口感, 而仙草好滑, 配上花奶啖啖滿足感 ❤ $25實在超值, 岀面求其糖水店食碗涼粉都要吧 ,雖然未至於食到飽肚, 但當三點三or飯後甜品真係超推薦 👍🏻依家入夜就開始見人龍, 還是懷念舊日未岀名前的涼茶小店....

上次自己嚟試咗個仙草百配，今次帶老公嚟試吓其他嘢。佢要咗仙草百配，我就要椰汁西米露配芋圓。一如果以往，芋圓有咬口煙煙靭靭，西米露有淡淡嘅椰香。但味道略為比甜圓坊嘅甜，份量都較少，返而糖水比較多。一樣嘅價錢，識食嘅應該知點揀啦😜

以前的康瑞是涼茶店，吃過一次後久久不能忘懷那種老店的甜點味道，想不到事隔數年，竟然搬了到新位置，連名稱也改了成［甜品］店，叫康瑞甜品。是夜８點來到吃一些飯後甜品，門口依舊人山人海，看來還是非常受客人歡迎呢。既然已經吃了正餐，甜品只是用來慰勞一下自己，所以２人只點了一份，有些寒酸吧？選擇比以前多了一些台式食品的踪影，什麼芋圓呀，地瓜圓，小丸子那些富含澱粉質的台式飲品必有的東西。感覺近來經常吃仙草跟芋圓，所以點了薑汁加改配的（芝麻湯圓）。薑汁辣中帶些微清甜不死甜，蛋花為簡單的薑汁帶出了些口感跟層次，最喜歡的是芝麻湯圓，滑漏不死實，亦沒有過硬的麵粉團出現，芝麻的份量剛好，每一顆都沒有破開爆出，全部都渾圓剔透，一口咬下芝麻醬四濺，很是好吃！

行街見到呢間糖水舖，好有舊式感覺，門口掛住一對紅燈籠😊再望一望餐牌，見到有我近期大愛嘅粉圓，所以決定試吓。糖水款式唔算好多，揀咗仙草百配試吓，裏面有芋圓、地瓜圓，小丸子，當然仲有仙草啦...我見仲有啲西米同薏米咁，好足料，好Q彈😋值得一讚嘅係佢唔會太甜，清清哋幾好👍🏻