康瑞甜品

Open Now

Now Closed

黎到深水埗食完飯就準備去食甜品，係黃金個邊都有幾間不過唔岩食，搵下就黎左呢間康瑞試下，行過黎都10分鐘上下呢間環境唔錯又唔會坐得好迫。睇完menu之後最後揀左椰汁西米露同軟滑唐不甩。椰汁西米露揀左凍，24蚊，都算夠凍既，椰汁味唔算太濃但食落夠滑既，西米露又唔會痴埋一齊食落夠分明，所以整體係唔錯。糖不甩有6粒，22蚊，口感算係唔錯，唔會係太痴食落去算係軟同滑既，味道可以接受。。。。總結。。。款式唔算多種類可以揀但揀中既2款都係ok既味道。

今日行開深水埗買餸，天口好熱冇乜胃口，所以就問吓附近有冇凍嘅而且甜甜地食物。這家糖水舖，選擇比起其他糖水舖不多，餐牌就只有兩頁。但通常專注做好一件事的鋪頭都比較做得好。我點了桂花酒釀丸子加湯丸，有淡淡的桂花香氣，而蛋花面令糖水色彩更艷麗吸引。糖水吃到底有米粒，應該用了米酒。湯圓是有兩種味道，一款是芝麻，另一款是花生，都幾好食。係bite size。見牆上面的圖片，鋪頭應該是老街坊，之前係涼茶鋪，而在遷移到新的鋪面。

今次去咗呢間糖水舖，感覺良好！就嚟打風，天氣熱到不得了，叫咗透心涼既貴妃楊枝甘露，配上自家製芋圓、地瓜圓同小丸子，味道下。自家製芋圓無添加人造色素和香料，每日新鮮製造，口感特別好。楊枝甘露嘅椰奶味香濃，加上啲新鮮水果，口感都幾豐富，啖啖都有唔同感覺。最正就係佢夠凍！另外，酒釀桂花湯丸都好味，芝麻湯丸同花生湯丸都滑，配上桂花酒香，甜度適中，唔會太膩。呢個組合都幾好，下次可以再試埋其他甜品。重點係間舖頭坐得舒服，同埋深水埗買嘢實在太平！

喺深水埗行到腳仔軟，咁啱好見到「康瑞甜品」，有我至愛嘅芋圓，二話不說就入去叉叉電，順便試下佢哋嘅甜品。一入到去，嘩！環境真係幾舒服喎，仲播住啲懷舊歌，望埋啲佈置，全部都係舊香港嘅相，好有feel！加埋中式糖水，成件事即刻加晒分👍。⭐️特式仙草百搭見佢哋話芋圓係自家製，咁梗係要試下啦！直接叫咗佢哋嘅招牌「特式仙草百搭」。嘩！一嚟到，勁大碗！入面有仙草、芋圓、地瓜圓、小丸子，仲有紅豆、西米、薏米，再加埋花奶，食落啖啖都有料，口感豐富到不得了🤤！而且芋圓同地瓜圓都好Q彈，唔會太甜，啱啱好。呢個價錢可以食到咁足料嘅甜品，真係好抵食😋！講真，佢哋嘅價錢真係好親民，最平20蚊就有交易，最貴都係39蚊咋！喺今時今日嘅香港地，真係好難搵到第二間咁抵食嘅糖水鋪，簡直係性價比之王😍！

今次我同幾個friend去深水埗食完大排檔，下場就去左呢間都開左好多年既甜品店繼續吹水，佢地最初係賣涼茶起家，慢慢變成今日既糖水店😁特式仙草百配（$29）我地全部人都係叫呢碗凍既特式仙草百配，可以話係佢地既招牌，主要有芋圓＋地瓜園＋小丸子，仲有少量紅豆，成碗勁滿勁足料，唔洗$30就食到，好味又抵食👍🏻呢間糖水舖除左特色仙草百配都仲有好多款糖水，有熱有凍，同firend黎開深水埗區食完飯，下場黎埋食糖水就岩岩好😌

🌞今日天氣炎熱，夜晚完全冇胃口，索性走咗去樓下間甜品店嘆番碗冰凍糖水。叫咗碗「貴妃楊枝甘露」，再加料芋圓、地瓜圓同小丸子。🍭一上枱就見到啲芒果粒金黃透亮，西柚肉爆汁酸甜，仲有陣陣椰香飄過嚟。啲芋圓同地瓜圓煙韌得嚟又夠咬口，小丸子軟糯，同楊枝甘露嘅清爽完美配合。糖水底唔會太甜，仲有少少柚子嘅甘香，食完成個人涼浸浸，即刻降晒溫喔！#貴妃楊枝甘露 #甜品店 #夏日甜品 #芒果 #芋圓 #地瓜圓 #小丸子 #甜品控

講到去深水埗食糖水，第一件事一定係諗到康瑞🥰因為又平又好味又大碗👍🏻👍🏻👍🏻平均一碗二三十蚊就有交易康瑞主打港式糖水以及自家製芋圓、地瓜圓以價格親民的路線吸引年輕人、街坊、區外人、遊客真係好成功😬有時喺其他地方食到啲貴嘅糖水，都會覺得點解一碗糖水嘅價錢可以成$50😅就會好掛住呢度今次我食呢碗楊枝甘露配小丸子、地瓜圓、芋圓都只係$39 而且粒粒嘅芒果肉都好大粒！配料份量好足夠🤤🤤建議大家早啲去，因為飯後時間必定大排長龍

♥ 濃郁超滑溜仙草！深水埗前身涼茶糖水舖♥✎ (❁ᴗ͈ˬᴗ͈) ༉‧ ♡*.✧
喜歡的話記得like & follow我喔♥深水埗康瑞甜品的仙草有驚喜！可能因為康瑞以前是涼茶舖，熬煮仙草特別有一手，所以仙草既有明顯仙草涼茶味，口感又超滑溜～😋我點了特色仙草百配 $29，一碗裡面包含了好多配料，特別適合煙韌控！包括芋圓、地瓜圓、小丸子、薏米、珍珠、紅豆及西米。配料煮到恰到好處，珍珠特別有咬口，薏米的口感也不錯，芋圓則有芋頭味～👍🏻📍 康瑞甜品
深水埗荔枝角道323號地舖
.・。.・゜✭・♥・✫・゜・。.#康瑞甜品 #深水埗 #港式糖水 #甜品 #香港美食 #仙草 #深水埗美食 #深水埗糖水 #深水埗甜品 #香港糖水 #香港甜品 #港式甜品

深水埗呢間糖水舖在我屋企附近，有時候好想食糖水必定會過去。我哋間中都會食，佢呢間芋圓好好食，基本上次次都會叫1號特式仙草百配入面芋圓+地瓜圓+小丸子 。仙草有清熱解毒，其他配料一樣都好煙韌。

今日就去左康瑞甜品食糖水小店環境整潔，有好多款甜品選擇我就叫左1號「特色仙草百配」。呢款甜品一上枱就被其豐富既配料所吸引，顏色色彩繽紛仙草本身口感滑嫩細緻，帶有淡淡的清香，甜度恰到好處，配搭花奶，完美襯托其他配料的風味。碗中集合左芋圓、地瓜圓、紅豆、珍珠等配料，每一樣都處理得相當用心。芋圓和地瓜圓Q彈有嚼勁，散發著天然芋頭同地瓜香氣；紅豆熬煮得軟糯香甜，粒粒分明又入口即化；珍珠晶瑩剔透，軟韌彈牙。

夏日炎炎，喺深水埗行到身水身汗，行到嚟康瑞甜品，坐低食返個冰凍甜品！叫左碗特色仙草百配。裏面有芋圓、蕃薯粒粒、小丸子、紅豆、西米露，當然唔少得先仙草啦。冰冰涼涼得嚟唔會太凍、唔會太甜，真係好啱行完深水埗消暑解渴！附近就係深水埗警署，屬於香港二級歷史建築，可以去打埋卡先走～

🍠 養生紫米露 × 仙草｜黑糯與墨玉的共舞 招牌紫米露濃稠如綢，紫米粒粒飽滿似沉浮的寶石，椰香輕拂後湧現黑糯米特有的穀物醇香，甜度克制得恰到好處，完美詮釋「養生」真諦。仙草如墨玉鑲嵌其中——口感嫩滑如凝脂，帶著草本清香，與紫米的溫潤形成絕妙層次，冷熱皆宜的設定更顯貼心。 🖤 芝麻湯圓｜流心黑金的驚喜爆破 加配的芝麻湯圓堪稱神來之筆！外皮軟糯帶韌勁，咬開瞬間濃郁芝麻餡如熔岩奔流，炒香的芝麻粒在舌尖跳躍，與紫米的穀物甜、仙草的清冽交織成三重奏。尤其冷食版本中，溫熱流心與冰涼糖水的溫差碰撞，更添食趣。

🌞 Summer dessert: all-inclusive grass jelly bowl $29It’s so so hot outside, I dare you’ll need to take a dessert break here. Go for their No. 1 grass jelly bowl because you’ll find every condiments you’d ever wanted. Served chill or hot, you can find everybody swimming in my bowl of delicious evaporated milk: slick herbal grass jelly; chewy taro balls; spongy sweet potato balls; mini rice balls; brown sugared tapioca pearls; sago balls; tender red beans. I mean, it’s literally a condiment buffet

深水埗呢區隱藏著好多美食Book咗做Facial又未夠鐘見到呢間甜品店都好吸引Menu封面係✨特式仙草百配第一次幫襯梗係要試下招牌甜品啦仙草百配有凍 / 熱 $29估唔到一碗裡面包含好多配料▫️芋圓▫️地瓜圓▫️小丸子▫️薏米▫️珍珠▫️紅豆▫️西米軟軟糯糯有嚼勁仲有滑溜溜嘅仙草口感非常豐富而且味道恰好 唔會太甜加入鮮奶更香更滑一碗已經好有飽肚感以後下午茶 / 宵夜 又多個選擇喇仲有其他款式甜品都好吸引唯有留待下次再試

🧭康瑞甜品•深水埗🍴深水埗荔枝角道323號地舖每次出黎深水埗買電話卡，都會專登行遠幾步去食！已經推介過俾幾個朋友，佢哋都食過自己會再去食！呢度甜品 價廉物美，而且好足料🥰每次黎必叫特色仙草百配，29蚊，有大大舊仙草，芋圓地瓜球小丸子，簡直係煙靭控既天地😍而且佢係新鮮 完全唔係硬梆梆，係好軟熟好淋😬朋友叫香芒梛汁西米露配，都係有連芋圓地瓜球小丸子。呢個時節 芒果都當做，唔酸甜甜地 再加上軟棉棉既芋圓。真係忍唔住一啖接一啖咁食🤤