康瑞甜品

Open Now

Now Closed

小弟一直以黎對芋圓都唔太喜歡，好大原因係成日都食到口感唔好而又冇咩味道既芋圓，但自從上次友人帶我黎呢間康瑞甜品之後我就完全改觀了！一黎比餐牌大家睇一睇先之後係我最愛既酒釀桂花芋圓，我愛佢有好多原因，一係佢上面既蛋花好滑，二係佢個糖水本身唔會好甜令人好膩，三係佢個酒釀充滿米香，最後當然因爲佢既芋圓比平時食既有芋頭香同埋口感好Q彈，完全冇粉同實既口感～綠豆沙相對普通，都唔係好特別起沙，但凍既芋圓一樣保持到水準係值得一讚！總結我覺得呢到既酒釀桂花係我最驚喜既一道甜品，佢美中不足係只有熱既，但其實我食左兩次都係暖既感覺，係夏天都可以食到

康瑞絕對係我最鍾意既甜品店！試過幾次下午去到已經排晒長龍外賣又係好多人每次黎到都一定要必食佢個特式仙草百配真材實料，重點係好好好足料！以我記得既好似有黑珍珠，小丸子，西米，紅豆，仙草，幾隻味既芋圓，d芋圓真系冇得輸，好彈牙好入味，比起其他舖頭既芋圓佢真係贏成條街！小丸子又係好彈牙，仙草好滑，再加埋西米同紅豆，每啖都超有口感！仲要好平！！一碗賣$25咋！終於明白點解會排晒長龍鍾意食芋圓既人一定要去試！！！佢個糖不甩都係極力推介，好軟滑，又唔會好膩

同呀媽出深水埗強烈推薦一定要食康瑞因為之前同朋友食過 食過番尋味大概傍晚6點入去唔算多人 有幾枱客我叫咗凍椰汁西米露+芋圓地瓜圓小丸子呀媽唔係好餓 就要咗個熱綠豆沙一叫完 隔咗兩三分鐘就有得食侍應仲好貼心叫我小心枱面部電話 驚整污糟芋圓地瓜圓都好Q好彈牙咬咬下就會分別食到芋頭同蕃薯嘅味而熱綠豆沙溫度恰當好處唔會太熱亦唔會太凍一上枱食就啱啱好埋咗單之後 呀媽都話呢間真心抵食一嚟價錢平 二嚟又夠哂大碗唔似啲連鎖糖水店 又貴又細碗

永遠食完飯都想食甜品😳😳😳😳今次除左叫仙草百配，仲叫多左個芋圓西米露同薑汁湯圓~~~~~仙草百配 $25入面有芋圓、地瓜圓、小圓子、西米、薏米、珍珠、紅豆同仙草等～成個配搭好豐富而且好夾，芋圓軟糯淡靭，仙草滑溜☺️無可奈何康瑞確實比以前差左，以前會覺得芋圓同地瓜圓都帶有芋頭同蕃薯味，而家就反而好淡味😣不過算啦，我都係會繼續食🤣薑汁湯圓 $25薑味好香👍🏻👍🏻不過都係仙草配係最好🤣🤣 芋圓西米露 $25 康瑞甜品地址：深水埗荔枝角道323號地舖

康瑞呢個名成日都聽到，我身邊都有好多朋友都鍾意食，個個都係芋圓控😂😂😂.....而今晚就同朋友食完串燒，諗起附近有康瑞，所以我哋過咗嚟食甜品❤️❤️星期五嘅晚上都好多人等位，不過都好快入座，餐牌嘅選擇唔算太多，當然要點呢個仙草百配☺️☺️☺️入面有好多嘅材料啦，有人見人愛嘅芋圓，珍珠紅豆，美顏嘅薏米，同西米等，亦都好豐富，不過我就覺得芋圓唔夠味，比起以前水準好似下降了***** 不過價錢好平😊😊😊

經朋友介紹後，當天晚飯過後便到了康瑞甜品吃糖水。入到店內便點了一客特式仙草百玩和一客暖胃薑汁配。兩款糖水都是配上芋圓、地瓜圓和小丸子。吃下也紮實軟糯，十分彈牙。當中芋圓和地瓜圓更可以吃到一絲絲芋頭和蕃薯的甜味。而特式仙草百配的味道較甜，仙草就跟涼粉差不多，配上淡奶和西米露。吃下也跟芋圓等東西很匹配。至於薑汁配則薑味濃郁，糖水是熱的，能起到暖胃的效果。相信冬天來吃效果會更舒服。值得一提的便是兩款糖水的芋圓地瓜圓份量也很足夠，是一間性價比高的糖水鋪。

通常同朋友係深水埗飲飽食醉臨走前都會來食一食康瑞甜品依間係深水埗係好出名既糖水鋪日日幾乎都有長長既人龍係到排隊但大家都知多人等所以都好快有位坐次次來親我都必點特色仙草百配$25入面包括在芋圓、地瓜圓、小丸子、西米露、薏米同埋仙草店家再係上面淋左椰奶實在太好味！而且可以食得出店家既芋圓、地瓜圓都係自家製可以食到淡淡既芋香同埋蕃薯味而且係比市面上食到既更加黏韌！係我食過香港做得最好既一間~不枉我每次來深水埗都要探一探佢T^T

近期報章不斷介紹康瑞甜品，某日係深水埗掃街之後就順便去試一試。康瑞本來是一間中醫館，除了賣涼茶之外最近更加進軍芋圓界😌😌餐廳現時主打台灣名產仙草、芋圓、地瓜圓配搭的中式糖水，充滿台灣特色。招牌甜品「特色仙草百配」用料豐富，包括手工製的配料如仙草、芋圓、地瓜圓、珍珠、小丸子、西米、紅豆和薏米等等，芋圓、地瓜圓口感紮實軟糯，仙草仿效正宗台灣的做法，滑溜彈牙帶點甘香，整體來說性格比高，掃街to-eat-list又多一個check point啦！

等友人吃晚飯，等到餓就自行吃碗糖水醫醫肚。芋圓一向是我最愛，來到深水埗當然是吃康瑞啦！選擇多且款款極具特色。我鍾情1號特色仙草配芋圓、地瓜買及小丸子，夏天吃特別解渴又清熱。$25一碗真是物超所值，現在物價高，哪裡可以吃到高質台式糖水且價格相宜？也許只有康瑞。地瓜買及芋圓口感特好，煙韌有咬勁，配上紅豆、珍珠及小丸子一起咬，口感十足。最喜歡仙草，夏天吃可清熱解毒，仙草配上花奶是最佳拍檔。一碗糖水如此足料，物超所值！

個時呢間糖水舖仲係中醫藥舖，已經成為左佢粉絲，雖然每次都要排好耐隊，但都無阻想食佢嘅決心。今次黎食佢已經搬左去荔枝角道，新裝修真係靚左好多，地方又大左，我每次都係食返招牌特色仙草百配，因為可以食到最多料。平時次次都係食凍嘅，但今次留得係冷氣地方太耐，所以就叫左暖嘅。真係太足料啦，而且每樣都食材都煮得恰到好處，有芋圓、珍珠、薏米、紅豆、丸子、地瓜圓、仙草同西米。我覺得佢最出色係就算咁多食材都唔會唔夾，同埋最緊要係好煙韌好有口感。

我對台灣其實麻麻，通常d fd話食我都會去，費事掃興，哩間店通常日日都爆滿，要極有耐性先好去幫襯，堂食起碼等1個鐘，入到去一睇菜單，全部都係芋圓，我決定點蕃薯糖水，但都係唔好食。

香港地想吃好味道的芋圓很難網上介紹其中一間人氣芋圓店就是它—康瑞甜品它之前的位置不是這裡，搬了來這裡位置有點偏遠，離地鐵站不近，大約十分鐘多路程來到的時候已經十點鐘門外大排長龍，大概２５人左右部份是街方等外賣第一時間一定要入店內收銀位跟他取票餐牌上有十九款號碼的甜品我選了１號特式仙草百配有芋圓、地瓜丸、小丸子等等其實我未試過吃正宗的芋圓但它的芋圓確實比較有味，之前吃別家的沒有味唯獨我喜歡冰凍一點，不知正宗是否不凍的店內比起其他糖水鋪較為乾淨，企理座位跟其他一間有點逼，可以接受。沒法子吧，香港地死症，土地問題！

第一次認識到康瑞，係喺FACEBOOK度見到介紹，當時都仲係細細間鋪，連埋中醫診所+涼茶鋪，好記得裡面只可以坐到兩枱人，我仲坐過醫師個診症位，哈哈！果陣時已經有10款糖水，我始終最鍾意食1號特式仙草百配，因為最多款料，又平又好食又夠大碗，啲料多到用力啲郁到都會瀉出嚟咁濟，次次食完都好滿足到宜家，細鋪搬大鋪，好多時都好多人排住長龍幫襯，我亦會偶然去食吓，可惜嘅係佢愈嚟愈貴，我唯一會嗌嘅1號糖水，啲料愈嚟愈少，真係有啲失望睇嚟今時今日生意真係愈嚟愈難做啦……ANYWAY，希望佢可以保持返水準，唔好再跌WATT啦

自問都係一個芋圓控😆😆💞朋友介紹之下黎到康瑞試食芋圓。打開餐牌，發現價錢都很親民。🤭🤭一碗最貴都係$25特式仙草百配芋圓、地瓜圓、小丸子HKD 25超驚喜！仙草超級滑身 ,可以成條"雪"入口架！☺️ 食完好想繼續食！ 👍🏻配料仲有珍珠、小丸子、薏米等。另外，食到有黑糖味道，味道幾夾😋😋😋桂棗雪耳湯底配芋圓、地瓜圓、小丸子 HKD 25雪耳足料！ 食到有冰糖底。呢款都有小小珍珠，好有咬口🤭🤭

飯後與他剛好喺深水埗，所以專程黎左食，好彩兩個人，所以都剛好有位哩度主要食竽圓，重要係佢哩度嘅竽圓係自家製嘅，新鮮得黎又好有鮮味價錢亦都非常平民化，而家好味又平嘅甜品舖真係買少見少咖啦佢哩度嘅甜品同餐牌嘅一樣，所以放心嗌黎食腐竹蓮子配竽圓，足料大碗，清清地唔太甜鎮店竽圓好煙韌彈牙，腐竹煮得夠淋，仲有加蛋花，正特式仙草百配真係乜都有，有竽圓，仙草，薏米，西米，紅豆同珍珠，加埋椰奶，大大碗都係$25,真係好抵