康瑞甜品

Open Now

Now Closed

同朋友去完畫畫，就黎呢間出名既康瑞芋圓試下😋😋去到既時候八點半左右，滿座咁濟，我地入到去，好彩早一步咋，之後就要等位啦！😂我叫左椰奶紅豆沙配芋圓，我朋友叫左桂棗雪耳湯底配芋圓😍😍好好味呀！紅豆沙一點都不會太甜，真係起沙的，仲有粒粒紅豆～芋圓就好qq，彈牙，好好味😋😋😋我呢個紅豆沙叫左熱既，覺得熱食好味過凍食☺️☺️我朋友呢個都好好味！呢個季節轉秋天，飲雪耳就岩岩好喇！唔會太甜👍🏽我地好快就食晒埋單😂😂最後朋友仲叫左兩碗外賣返屋企添呀🤤🤤👍🏽

想試呢間糖水舖既芋圓好耐，終於專程出深水埗試試佢。估唔到5點度去到都要等左一陣位。特色仙草百配$25有仙草，芋圓，蕃薯圓，小丸子，珍珠，紅豆，西米，超級多料。芋圓，同蕃薯圓煙韌，有芋圓，蕃薯圓香味。桂圓雪耳底配芋圓，蕃薯圓，小丸子$25雪耳分量超級多，爽口，糖水有桂圓清甜味。今時今日$25蚊食到咁多料既糖水真係無咩幾多間。雖然點都係台灣既芋圓芋頭味香d同有咬口d，但係係香港黎講都算好食，性價比夠曬。

食完正餐，繼而食甜品。其實我係個芋圓控，好鐘意食d煙韌既野此店絕不起眼，假日4時先開門但已經滿座。仙草西米奶露：滿滿仙草浮面，好滑溜，細細粒既西米沉底，超足料。腐竹蓮子配芋圓可選熱/凍。湯水清甜，腐竹及蛋花又薄又滑，芋圓及地瓜圓煙煙韌韌，非常有嚼勁。當中還有細粒既糯米小丸子及蓮子。口感豐富，絕無欺場。最欣賞既係所有甜品的甜度適中，不會太膩，岩曬唔鐘意太甜既我。而且價錢經濟實惠，難怪咁受街坊歡迎啦！

呢間係我的至愛，食糖水的好地方，由佢以前係路邊堂食到宜家有鋪都一路支持，因為價錢好相宜，大約$25 已經有一碗糖水，質素仲好唔錯，最喜歡的是綜合芋圓！樣樣有，例如西米、紅豆、仙草、蕃薯圓同芋頭圓等等！來深水土步要來呀！

由涼茶店搖身一變成為甜品店嘅康瑞，係我同朋友嘅中式甜品店天堂，深水埗算係方便就腳，港九新界嘅中心點。每次我都會叫呢度嘅芋圓圓。兩款都煙煙銀銀，QQ der(*^o^*)芋圓帶芋香，地瓜圓帶蕃薯香甜。加上仙草、西米、紅豆、薏米等等食材，口感層次分明，味道豐富，實為絕佳嘅飯後甜品！

每年過左中秋節就開始有秋意, 有一點點的乾燥, 就係想去食一D甜品, 咁岩俾我見到康瑞甜品, 一定要入去食返一碗啦!!!!我見好多人都食"特色仙草百配+芋圓、地瓜圓、小丸子", 見到都留哂口水, 但我想食紅豆沙, 因為真係太乾燥了, 所以我諗左成10分鐘, 最後都揀左"椰奶紅豆沙配+芋圓、地瓜圓、小丸子", 我落單時以為芋圓、地瓜圓、小丸子三揀一, 點知原來三樣都有, 勁開心, 因為三樣我都想食, 我仲諗住加錢加埋另外個兩樣。我叫個個椰奶紅豆沙勁好味, 唔太甜, 奶味濃

身邊個個fd都食過康瑞，有一個fd有一排日日食😂😂，而我就食左3次，因為芋圓之中，呢間真係屬高質，又平又好味。不過唯一缺點就係位置唔算近地鐵站，要行一段路，同埋唔係深水埗既中心，想食既朋友就要比多少少耐性喇！食左「特式仙草百配」$25成碗野超足料，有紅豆，西米，珍珠，仙草，芋圓，地瓜圓。芋圓同地瓜圓好煙韌，好有咬口，而且份量好多，不過都唔夠我食😛。芋頭同地瓜味愈咬愈出，無得輸👍🏻仙草勁滑溜，筆都筆唔起，配埋椰奶同其他料一次過擺入口，真係好正🤤🤤

今次黎到深水埗就試下呢間食芋圓為主既糖水鋪，見到有好多唔同款式既芋圓糖水，就試下特色仙草百配，個糖水好有台灣feel ,好足料有芋圓、小丸子、綠豆、雜豆，仲有唔少得既仙草。仙草既味道真係同台灣食既差唔多，而且成個糖水都唔會好甜，甜度拿捏得好好。今次我係拎走既，所以就有位奶仔分開上，唔會因爲擺得耐而變質，呢點真係好細心，唔似其他糖水鋪咁將d奶呀放埋一齊。下次可以坐底食，整體上呢間都係值得食既糖水鋪價錢亦都非常合理。

哩間芋圓店人龍真係超誇張，堂食起碼要等1個鐘，我買左碗外賣，因為唔使等好耐，價錢平，材料十足，味道清涼，好好味呀，性價比絕對超值，其實唔介意排隊，一定要黎食一次。

突然想食芋圓，便上網搜尋有什麼店推介，然後便發現了這間小店店內環境舒適，叫了桂棗雪耳湯底配芋圓（凍食）和酒釀桂花配芋圓（熱食）先說桂棗雪耳湯底，非常清新，不會過甜，而且非常足料，內有珍珠、芋圓、蕃薯丸，那當然不少得雪耳跟桂棗。至於酒釀桂花，有淡淡的酒香不會過濃或太淡，酒味剛好，而且內有蛋花、桂花、小丸子、芋圓跟蕃薯丸，也是非常足料。如果想食芋圓的朋友真的值得起一試啊！

週末同男朋友係D2 place 行完街 知道深水埗既呢間芋圓好出名 於是話近唔近 讓遠唔遠咁 同男友係d2 place 行度黎呢到 當個下午茶咁食下糖水 ［特色仙草百配 $25］ 配料： 芋圓 地瓜圓 小丸子 珍珠 薏米 紅豆 西米 仙草 首先$25黎講 咁多配料 仲有得堂食 其實都真係幾親民價，食完一整碗 都已經好大滿足之後就係講下佢既芋圓 細心咀嚼 芋圓既味道雖然唔係好濃，但係 口咁煙韌 ，同埋其他配料一齊食，都真係幾清又爽又甜，係一個好唔錯既甜品。佢既其他甜品都好有傳統特色，例如桂棗雲耳甜湯， 酒釀桂花又可以配芋圓 等等 幾有特色，絕對值得一試

朋友黎開呢邊揾我食飯 想傾多陣計於是我就帶朋友黎試下康瑞啦 佢話聽就聽得多不過就未食過🤣黎到8點鐘左右都不算太多人 我次次黎都係叫呢個特色仙草百配🤗次次食親都覺得好滿足 因為夠晒多料，包括有珍珠，薏米，紅豆同仙草等 而且芋圓有咬口👍🏻👍🏻朋友就試左桂花酒釀芋圓 呢個都不錯 有淡淡既桂花香味 起初朋友擔心桂花會唔會同芋圓會唔會不太夾 但食落就大讚😂女人果然係善變😂咁既價錢可以食到咁足料既甜品 朋友都話大滿足呀☺️

【勁勁勁足料抵食芋圓🍧】➖➖➖➖➖相信好多人都聽過康瑞甜品 呢間係深水埗好出名嘅甜品鋪🤔啲人對呢間野嘅評價一直都係好壞參半💁🏻‍♀️ 呢間野主打自家製芋圓💁🏻‍♂️ 有人話佢嘅芋圓係香港數一數二好食😣 亦有人話佢只係勝在夠平夠大碗又咩都有齊🤔 咁今次我地就特登去試下佢地嘅招牌 ❗️睇吓佢嘅廬山真面目🤤➖➖➖➖➖特色鮮草百配(芋圓地瓜圓小丸子) ➡️ $25➖➖➖➖➖偏私主觀評價💁🏻‍♂💁🏻‍♀💁🏻‍♀️WI: 呢碗野真係好抵$25 好足料! 😳有芋圓 地瓜圓 仙草 小丸子紅豆等等等。。。我覺得呢到嘅配料係唔錯 尤其係地瓜圓同仙草 😛！地瓜圓夠煙韌 仲要有地瓜味 唔係就咁食一舊面團咁🤢 如果鐘意食仙草更加係一定要黎！呢到嘅仙草真係好滑！❤️ 但可惜嘅係佢嘅花奶底有啲失色 太過淡口 令到味道有啲寡 雖然好普通但係真係好抵 $25絕對係可以一試的😛😛 (其實我我覺得來來好食好多🤔)➖➖➖💁🏻‍♂️Wu: 係呀 又冇我份喇 🙁唔洗望喇🙁不過我都係覺得自己整嘅芋圓係最好🤤可以自已選擇囗感🤤(冇份食梗係咁講)(死都要加把嘴＼（Ｔ∇Ｔ）／)

一班朋友聚會完，下場就搵到芋圓始祖食甜品一行7人夜晚9點來到都唔需要等位，門口有一張大檯自成一角，傾計好開心時值大學生re u同ocamp日子，門口好多人排隊等位甜品選擇不算好，多以芋圓為主配上其他比較中式既糖水，可以選擇熱食冬天來也可以酒釀桂花配芋圓 $25桂花好香！上面有滿滿的蛋花，都幾幼滑！芋圓份量頗多，可以味道不突出，食唔到芋圓/地瓜圓的味道碗內仲有小丸子，不過都係無味只求口感桂棗雪耳湯底配芋圓 $25呢個比上一個好味！湯底十分清甜！而且配料十足，可以見到大大朵雪耳糖不甩 $18好吃😋花生味好香濃，湯圓係芝麻餡甜度適中，柔軟細膩免費的jelly哈哈 咁啱我地唱生日歌比老闆聽到 佢就好好人送左7個jelly俾我地味道還不錯呢！

仙草涼粉配芋圓(熱）食過咁多間芋圓，始終最愛康瑞，仙草涼粉可有熱有凍選擇，𥚃會配有芋圓，地瓜圓，黑白珍珠、西米，紅豆和薏米，材料都幾豐富，鍾意食呢度嘅和芋圓和地瓜圓，因為佢既大細適中，除左夠QQ之外，仲好滑，仙草既糖水唔會過甜，最怕有些店鋪會放大量糖漿，甜爺爺，其實本身有奶，不過我唔鐘意落奶，所以走左奶