小神燈新派飯館 (Closed)

今日收工同同事去咗彩明商場搵食，見到有間新派嘅酒樓望落唔錯，就入咗去試吓餐前小食係一碟雞腳🦀糯米炒蟹膏 $568-原隻大膏蟹 啖啖橙黃色蟹膏-蟹肉都幾多 原煲糯米飯香噴噴-糯米飯煙煙韌韌 飯粒分明入味-煲邊有少少飯焦 焦脆微香🐟蜜汁脆燒鱔 $268-口感爽脆 有魚油香 肉質彈牙-蜜味同魚幾夾 塊皮都幾惹味🦆黑松露玻璃燒鵝 1/4隻 $228-上枱黑松露味道撲鼻 佢隻鵝黑色-燒鵝相對較大隻同肥嫩 淡淡黑松露Gas味滲出 幾特別-燒鵝皮好脆口 薄薄一片 油脂香👍🏻🥬啫啫生菜煲 $98-生菜煲鹹香得十分之惹味 生菜爽-份量夠多竹蔗茅根水一杯原來咁大杯😂😂總括嚟講，食物質素有保證，服務同環境都唔錯，乾淨潔淨坐得又舒服，值得推介

神燈以小神燈之名開店，同時加入各種不同元素。裝修玩大牌檔的裝修設計，仲有綠鐵皮攤檔、電車卡位、街市吊燈、電影插畫等唔同打卡位。仲有記得一定要玩AR動態餐牌，估唔到餐牌都可以咁潮。我反而鐘意佢地水煲同茶壺，勁有懷舊味道。食物主打傳統粵菜，再用新派手法重新演繹。特色野當然要講即叫即燒既黑松露玻璃燒鵝。用黑棕鵝，再以黑松露及秘製醬料醃製，配搭法式松露醬，皮脆肉嫩，肉汁濃厚，呢隻黑色燒鵝比你非一般的燒鵝享受。糯米炒糕蟹 $568糯米炒糕蟹好有份量，用上14兩斗門蟹，加上泰國糯米生炒，飯粒充分吸了蟹黃蟹膏以及蟹肉的鮮香，口感煙韌、飯粒分明。蜜汁脆燒鱔 $238雖然是燒鱔，但就神似地將原條鰻魚還原眼前。燒鱔口感鬆脆而且沾滿蜜汁，味道香甜。懷舊蝦多士 $98選用原隻大白蝦，鬆脆不油膩，口感層次豐富。

裝修超特別，都是以舊式的大排檔為藍本，鐵皮攤檔、街市吊燈，以及電車卡位，每樣都是歷史的回憶～黑松露玻璃燒鵝～燒鵝十分嫩滑，用了黑棕鵝，鵝皮都是全黑色的，皮脆肉嫩又多汁；醬汁有兩種，一種是黑松露甜酸醬，酸酸甜甜而帶濃濃的松露香，而另一種是特色醬汁，用了鵝汁調配，更濃香燒鵝味～蜜汁脆燒鱔～魚皮燒得十分之香脆，而鱔肉還能保持肉嫩有水份，吃的時候完全沒骨，吃得很舒服～糯米炒膏蟹～蟹膏多到不得了，蟹肉鮮甜又新鮮，蟹鉗還很容易就開到；而糯米飯更是炒得剛剛好，底部有飯焦，充滿蟹香～椒鹽魷魚鬚～一大盤，超足料，香脆而大條～石澳梅菜蒸菜心～梅菜甜甜的，伴菜心同吃，令菜心更鮮甜無草青味～迷你炸饅頭～份量不算多，小食一流～

必食招牌糯米炒膏蟹+ 黑松露玻璃鵝小神燈新派飯館 （將軍澳）～～～～～～～～～～～～～～～…………小神燈新派飯館位於將軍澳彩明商場2樓，主打經典粵菜，飯館以懷舊裝修為主，超級有feel～～今次小編order了1/4隻黑松露玻璃燒鵝（$228），蜜汁脆燒鱔（$238），糯米炒膏蟹（$568）， 辣酒煮東風螺（$138），啫啫生菜煲（$98）～～ 重點推介黑松露玻璃鵝，鵝肉肉汁濃厚，皮脆而肉質嫩滑， 鵝肉沾上黑松露的醬汁，淡淡黑松露香味～～～超級讚！！糯米炒膏蟹使用原隻鮮蟹， 糯米飽吸了蟹黃蟹膏以及蟹肉的鮮香， 淡淡香蟹味。 蜜汁脆燒鱔食落極似鰻魚，啖啖鮮香～～🥰🥰辣酒煮東風螺具有四川特色，辣味香口又不會辣到口乾😂超級野味呢～～

調景嶺開咗間打卡-able新派中菜館地方寬敞，裝潢走港式大排檔風配搭五、六十年代常見嘅綠鐵皮攤檔、街市吊燈以及🚃電車卡位座etc 打造老香港情懷四圍同餐牌就用上香港本土電影插畫嘅二次創作海報，真係好搞鬼～而菜式則加入新元素，如黑松露玻璃燒鵝、糯米炒蟹膏、蜜汁脆燒鱔etc! 難得專誠嚟到，今晚就一於試晒佢！ 🎬同餐牌上嘅二次創作對白一樣：「我今日一定要食呢隻蟹,耶穌都留佢唔住」《 糯米炒蟹膏 💲568 》岩晒秋冬時候食～生炒泰山糯米配嫁嚟至咸淡水交界嘅14両斗門蟹，肉肥膏厚，肉質嫩滑又鮮甜😋～每粒糯米口感煙韌兼黐住蟹膏同蟹黃，再加上蟹汁滲透米粒，充滿蟹鮮～正！《 黑松露玻璃燒鵝¼隻 💲228 》以黑松露及秘製醬料醃製，即叫即燒，再配搭法式松露醬，入口肉汁濃厚，皮脆肉嫩，好入味！¼隻都夠3人食啦～《 蜜汁脆燒鱔 💲238 》鱔好新鮮，肉厚又爽嫩有肉汁，魚皮仲燒到脆卜卜，入口好有口感，加上柚子蜜汁好提味～好似日式嘅生燒鰻魚咁，正呀！《 焗魚腸 💲108 》呢個傳統但又少地方可以食到～ 呢度都有仲要唔錯～魚腸肥美而甘腴可口 ，選用生焗方式保留魚腸嘅甘香及油份，零腥味～撈飯一流 （💲15/碗）

話說想同老媽子慶祝生日，佢試呢間新屋開的餐廳。想book位7:00pm 前台回應冇得訂位中間時間佢答一係6:00pm ,一係8:00pm , 跟著話最好6:00pm嚟啦， 但我回應我哋都未放工。 個前台居然態度奇差， 回應我： 「呢個係你問題…. 」咩料呀！仲要加一句：「你講極都唔明㗎咁盟塞嘅。 」吓😡咩料呀， 你星級餐廳嗎？ 我心諗你都係新開張， 星期一夜晚睇見佢都唔多人，咩咁巴閉唔接受訂台？ 做得街坊生意又新開張，理應態度要好啲， 佢咁樣接待客人點生存。

難得放假同屋企人落街食飯 幫襯下新鋪啦。餐廳裝修幾特別 環境唔錯 枱與枱之間幾闊落。一入座會有QR Code可以落單，當然叫侍應幫你落單都無問題。我地四位Total叫左五樣嘢，個伊比利亞叉燒皇好快就到左 。味道 普普通通，不過真係厚切嘅。然後第二道菜就係辣子雞，不過明明最後先叫咁快就到左🥱賣相十分滿意 但一食就覺得十分之咸。好啦，咁諗住搵個侍應問下反映下。舉左陣隻手，經理行埋嚟問有咩幫到我，咁咪同佢講道菜有啲咸。佢呆左望住我，見佢唔知點咁，我就再問佢係咪本身都係咁。佢話係，咁我地咪由佢，諗住等個米粉嚟先再食。而相嘅順序亦都係啲餸嚟嘅次序 我地嘅米粉偏偏最後先到。然而每道餸其實我地都係覺得比較偏咸 諗住佢係真係配主食嚟食啦 點知連個炒米粉都係偏咸 可能真係只能配白飯。其實呢餐飯真係食得一啲都唔開心 每道菜式其實都比較重口味 但我地明明已經反映過 點解經理唔可以通知廚房叫佢輕手啲？到最後埋單離開 經理接過信用卡 收完錢就即刻叫侍應過嚟收野。臨走前飲多啖茶清清口腔，順手問一問侍應 其實有無客人反映過比較重口味，點知佢九唔搭八咁唔知講乜，最後我地都決定算。其實一開始都打算食唔哂打包返屋企，但

彩明終於有新酒樓 襯放假即刻去試試佢我見有早市同下午茶  偏偏一起身就miss晒只可以食正價點心蝦餃燒賣就例牌啦仲有個豬仔樣流沙包幾好食 真。流心 難得放假諗住食豪D 見到有個燈膽仔係個黑色燒鵝隔離就叫左個例牌食 一試勁有驚喜 超重黑松露味仲要好juicy 仲有配2個醬 1個流質D  1個杰身D我就覺得杯身個醬好食d 目測有黑松露係入面酸酸甜甜咁好好食 lunch都唔錯 有機會可以試下夜晚不過話冇得book枱 就冇咁方便 有得book定會好D

☑️裝潢菜式有特色☑️打卡一流☑️菜單種類多☑️粵菜味道好食🔴價格偏貴左少少, 一大班朋友食抵D🔴可以過時過節同家人長輩食, 中式酒樓外的選擇🔴無得book位, 只可人到等位彩明商場新開了一間新派粵菜餐廳, 裝修好吸睛, 走港式大排檔風, 仲掛了香港本土電影插畫的二次創作海報, 🎬例如有張家輝「我今日一定要食呢隻蟹,耶穌都留佢唔住」的惡搞海報, 好盞特👁‍🗨餐廳的枱凳、水壼、杯都跟舊式大排檔一樣, 掛滿了街市吊燈同舊式綠色電車卡位的打卡位, 好有80年代的舊香港情懷🇭🇰除了裝潢、品牌設計上有心思, 菜式一樣咁有特色, 亦都好有種類、例如黑松露玻璃燒鵝、糯米炒膏蟹、蔥蒜心晶雞... 本來想試下招牌黑松露玻璃燒鵝, 但我地星期五晚上8點就已經賣哂, 唯有下次再試🥹老火例湯放係茅台酒造型的樽入面, 上面仲寫住「我不是茅台」,倒D湯出黎, 好有儀式感, 一定要拍片打卡! 📸本人對味精敏感, 通常係中式酒樓飲完落重味精的湯就會唔舒服, 但飲完小神燈的老火湯無, 應該係真材實料, 同老公每人飲左2-3碗, 份量都幾多!🔺蟹肉菠菜豆腐盒 $128 (好滑嫩好清新)🔺好味推薦🌟🌟🌟🌟🌟豆腐外面炸得好香脆, 裡

今日去將軍澳探媽媽，梗係要帶她出嚟食下野，經過的時候都想試，好多打卡位，不過有人坐唔方便玩，服務招呼唔錯，好有5、60年feel,感覺返晒嚟，暖水壺，茶杯，折枱折凳…也可掃QR Code落單好有5、60年代feel叫左蔥蒜雞，勁多蒜唔係茅台酒，係壺湯，保暖效果很好，随時飲随時倒，暖笠笠。

$230蚊厚切叉燒有九件，要好有信心先賣得呢個價錢，厚切但又咬唔開。仲有幾粒酸蘿蔔送。三星米芝蓮都係賣$380份叉燒唔知係邊度嚟嘅信心係將軍澳賣咁貴😨冇下次🤣🤣🤣

最近新開張的食肆，初時看見鋪面裝潢、菜式簡介以及新潮的配搭。在這一區充滿連鎖快餐店的文化以及習慣外。感到破格！有了能與朋輩品嘗小菜時暢談一番的地方！今天終於有空去品嘗期待已久的食肆！但最後極為失望！第一次試就先點了一份二人餐（價錢較實惠，貼合街坊消費，所以通常較多客人會點單，因此容錯率較低）頭盤：香草羊架肉質鮮嫩多汁入味 醃料有用心調配 是唯一較好吃的湯品：宮廷濃湯花膠菜膽全味精 講完！小食：蟹肉菠菜豆腐盒唯二好吃的菜品 豆腐盒並不像想像中易散 略肉蟹肉味不足！肉食：招牌椒鹽豬手是「拆招牌」椒鹽豬手椒鹽只有鹽 完全沒有蒜香及椒香 仲要得條骨 完全是下欄！因為大菜單有切粒豬手 相信套餐的豬手是做完大餐牌淨下的下欄而製作！絕對不能接受！海鮮：星洲麥皮大蝦皇完全無味 急凍蝦 講完！主食：櫻花蝦伊比利亞叉燒炒飯「個人經驗」應是普通叉燒如有詆毁 可聯絡剷除留言 炒飯較濕甜品：紫薯小熊熊 不華而不實 紫薯沒調味 唯一較好麵團鬆軟另加：古法焗魚腸新派做法籍口！實質不懂做！砵底全是水！傳統是有加入油炸鬼目的是吸乾水份 該餐廳無落都不是大問題 但問題為何要加菇菌類這種會出水的食材？！魚腸小得可憐又要開半

見到小神燈新開張，裝修懷舊，門面以至茶杯擺設都相當吸引眼球，很適合打卡，於是午飯時間特登光顧，店內設網上落單或傳統填點心紙。點心包括一般傳統點心，例如蝦餃、燒賣、鳳爪、排骨、腸粉、蛋散、西米布甸，但款式不算多，我們一行四人主打食點心。而炒菜或新派菜式，我們這次沒有點，亦覺得訂價較高，一碟炒飯或麥皮蝦要過百元，如果要做街坊或學生生意，這個價錢再微調一下，可考慮推出學生餐或特價餐，吸引街坊或附近多間學校的學生經常光顧。