富源潮州打冷美食

Open Now

Now Closed

大排檔係香港愈來愈罕有趁著呢幾日涼番啲，無冷氣都頂得順，就去下大排檔感受惜日情懷呢到有即燒串燒，叫左司華力腸，牛舌，同茄子。司華力長無咩特別，所以覺得28蚊有啲貴，牛舌厚度適中，食落都ok, 茄子都不過不失。另外仲叫左鹵水拼盤，份量都幾足，主角鵝片，鵝肉都幾肥，墊底用左芽菜同豆卜，唔係豆腐有啲失望。啫啫通菜好有穫氣，幾惹味烏頭就有啲腥，同埋唔夠肥美附近有好多貓咪，食緊嘢仲見到貓貓係到打架，希望佢哋無受傷。呢到岩晒幾個朋友隊隊啤酒，仲見到有人玩骰中添，非常有風味。

尋晚經過牛池灣村，想食小菜，點左韭菜豬紅，啫啫芥蘭煲，沙薑雞腳，中式牛柳，苦瓜魚腩煲，整體黎講都好好味，好有鑊氣👍🏽👍🏽👍🏽不過全部餸都比較偏咸😅😅啲苦瓜可能無飛水或者無落糖，真係幾苦瓜😅😅咁整體黎講，大排檔係咁上下啦，係個中式牛柳最好食😋

突然好想打冷，經過牛池灣村有間潮州打冷入去試下。環境雖然唔算好乾淨，但勝在野食夠鍋氣！燒生蠔$90@6 仲要每隻都好大隻好肥美，食落去啖啖肉！韮菜豬紅唸住$48 應該唔會好多，點知食極都仲有 好足料👍🏻鱔煲亦都好惹味！每樣菜都食得好滿足又回味

潮洲富源嘅美食真係越嚟越多，越嚟越好食😋，本人是好中意吃大排檔嘅因鍋氣夠足，吃起來也特別香，特別是燒生蠔🦪即開即燒一打$150元，價錢非常優惠真是吃到回味還有工作人員個個都好親切友善還有羊腩煲也是一等一嘅好吃，我在此推介必食嘅小菜有鹵水鵝又嫩又滑嘅肉汁😋韭菜豬紅，鹵水大拼盤，富源小炒王，椒鹽鮮魷拼豆腐，豉汁蒸白鱔，辣酒花螺，蒜蓉開邊蒸蝦，陳皮骨，尖椒炒雞雜，蠔餅，啫啫通菜煲，酸菜魚，𧐢仔粥，生炒骨，辣子肥腸，豉椒炒蜆，黑椒豬手，避風塘肉排，避風塘茄子等等☝️大家可以試吓👍👍👍

行完牛池灣街市，個肚開始餓餓地，就揀左依間潮洲打冷大排檔。三個人叫左三份食物，碟碟都好足料又大碟，埋單三百蚊都唔洗，價錢都幾化算，而且坐落地方都好闊落，一啲都唔侷促，最岩一大班朋友聚餐。酥炸蠔餅比起出面其他煎蠔餅，依到既蠔仔粒粒都好大粒又彈牙，炸粉又唔會過多亦唔會炸過龍，份量足夠6個人食。滷水鵝片 第一次食到厚切鵝片，每一啖都好有口感，下層仲有滷豆腐墊底，真係食完一碟都已經飽左。勝瓜蝦乾勝瓜一啲都唔老仲好爽口，再用蝦乾提升鮮味，味道清清地唔油膩，食完一啲都唔口渴。

假期同班friend入清水灣挽完一日之後出彩虹搵嘢食，見到呢間富源潮州打冷美食近地鐵站又幾多人食就入咗去。入到室內成陣煙味，之後佢哋安排咗喺樓上一個頂頭木造閣仔到坐低。個餐牌都有陣味同幾污糟下；佢啲餐具拎到嚟係濕嘅，佢攞咗個酒樓倒水兜裝住盤水俾我哋洗嘢 (instead of 俾水壺我哋自己倒水洗) ，洗完都仲有成堆污漬喺度。落單嗰陣俾佢哋無視咗幾次，成十分鐘先有人過嚟寫單。不過落完單十零分鐘就上齊，仲要係幾個餸一齊上，正唔正常就見人見智啦。我哋一行六個人嗌咗以下嘅嘢：1.  煎蠔餅 $78份量ok，入面嘅蠔正常份量，冇異味。不過佢層炸皮好硬，食落去好似食春卷皮咁，口感唔似平時食開嘅。2. 啫啫雞煲 $78雞粒每粒都有骨，食落去幾硬身，但係未至於會黐牙。至於豬潤就唔係好新鮮，縮埋一嚿嘅，好在冇異味。而且佢份量唔多，送到枱面嗰陣冇煙，全程都冇蓋。3. 咕嚕肉 $88佢碟咕嚕肉應該得隻手掌咁大，啲肉同啫啫雞一樣都係硬嘅，菠蘿唔似罐頭貨色。個人覺得廿幾蚊雙餸飯啲質素都好過佢。4.  豉椒炒蜆 $88都係得隻手掌咁大，同埋一如既往殼多過肉。佢啲蜆肉好唔新鮮，成碟嘢冇乜味。5. 椒鹽豆腐鮮魷 $

老闆是如何，店舖就是如何。從前喜歡嚟呢間潮州鋪，因為食到傳統潮州味道，前老闆是個瘦瘦的潮洲老人家，食物亦得地道唔花巧，但好味。近兩年，轉手另一個老細（其實是個常落嚟打躉嘅女人，一頭五色六色拖住隻松鼠狗，非常粗魯）轉手後再去，開始有異樣，變成一班裝修師傅玩大話骰嘅地方，與此同時，老闆會set喇叭再搵啲有鄉音嘅中年阿閃唱老歌，開心不移（佢哋），到今日再去，發現好不對路，居然食飯地方set咗簡陋咪與喇叭….重有五顏六色嘅隔音棉…幾枱裝修師傅震耳欲聾地玩大話骰⋯⋯好似去咗廟街同啲阿叔唱老歌咁…如果好好地食嘢，我諗大家都唔好嚟喇….

好好味，大件夾抵食，出品出品效率高，飲酒一流，同朋友冇得頂，，大排檔風味超級無敵好食，呢個會嚟多幾次，住得近又方便交通好設施配套足，簡直就係人間天堂，正呀，好食呀

非常貼地的街坊鄰居大排檔格局潮州滷水部分非常唔錯 炸物都唔錯值得一試平時通常都一大班朋友同事去食下飯 飲下啤酒外面中可以俾食煙 依家出面好少有值得一提老闆娘十分好人非常熱情好客 人情味 濃

作為一間食店食物質素已經唔算特別好店員又食撚晒煙，老闆又係條樣衰肥婆最慘係霸佔咗成3分之2行人路周汙都係佢店啲食物殘渣搞到成個區勁撚多鼠最緊要係違法垃圾食店街霸食店

餐牌價錢完全不對！收錢價錢同餐牌完全不一樣！餐牌寫一隻雞$138，埋單收$166一兜六人份量嘅飯收$100，原來餐牌寫白飯$8一碗汽水叫兩罐，來了三罐，價錢收五罐今日行完山，諗住落山去到牛池灣食個晚餐，點知遇到貨不對辦！好氣憤！ ！ ！冇諗過普通一間餐廳，入邊仲有啲客人，點知……可能見我哋唔係住呢區，專系呃我哋！入面嘅人唔戴口罩，衛生情況惡劣！室內都好重煙味！食物質素參差！肥牛粉絲煲只有粉絲和肥膏，完全沒有牛！仲有甩咗張單，有個餸冇黎到如果你要幫襯嘅話，祝你好運！我就呢一世都唔會幫襯！

黑椒牛仔粒，餐牌中的實物圖跟實物的對比，實在是太太太大對比，唔係要求同張相一樣，至少唔好咁離地！碟嘢數數埋埋得個8粒牛粒，配菜多過主菜，我以為我叫左碟炒西芹！向職員查詢，職員態度惡劣，話自己做左幾十年，碟餸都係咁沒問題，係顧客有問題要改變思想，重點係佢做嘢、傳菜、落單時完全唔帶口罩（有圖有真相），提醒完佢要帶，之後都係唔帶，講嘢時口水噴晒落d餸到，簡直係高危傳染病菌的行為，成碟餸我哋最終沒有食，一來不滿貨不對版，二來驚左佢d口水，呢間大排檔，我哋第一次幫襯，亦都唔會再有下次！！！廁所洗手盆沒有水，還有一隻小蟑螂屍體

服務態度惡劣，客人已經唔算多，落單問多兩句都勁唔耐煩。食物水準一般，整體不過不失，但有部分食物貨不對辦，一碟黑椒牛仔粒得幾粒牛肉粒，其他全部係西芹，我以為叫錯左碟西芹牛肉，同圖片相距甚遠，問個伙記問解咁少肉，佢話「係咁架啦，你自己改變吓自己思想啦！你睇美容院啲廣告夠個個咁靚女啦，唔通你幫襯完就會咁靚女呀？」我明白食材係貴，但講兩句好聽嘅說話安撫下咪算囉，我哋都唔係要搞事嘅人。個伙記全程唔戴口罩，口沫橫飛。到埋單嘅時候又要俾我哋發現啲餸計多咗錢，完全唔老實。衛生情況甚差，廁所板揭起左又跌返落嚟，搞到啲人疴到成塊板都係尿，廁水洗手盆又冇水洗手！

牛池灣，是一個歷史悠久，人情味豐富的社區，街市內的各種蔬菜生果，價格都比較便宜，而且區內有着70-80年代的人情味。踏入區內，便發現路邊很多特色大排檔，客人坐在路旁享受美食，今晚便選擇了一檔潮州美食。雖然坐在露天大排檔內，溫度沒有一點覺得酷熱，可能因為有很多風扇和製冷機緣故。店內除了提供潮州打冷之外，還有各款特色小菜，價錢由數拾至百餘元，可算是非常抵吃。潮州蠔餅$68，這個蠔餅，炸得非常鬆脆，而且保持薯粉煙靭，蠔肉的尺寸都算很大，沒有腥味，而且味道鮮甜，果然是店舖的名物，值得一試。👍👍👍👍👍辣子雞一隻$148，辣度頗高，香氣四溢，雞皮香脆，雞肉鮮嫩，而雞件尺寸不會過小，所以個人覺得這個做法，比傳統的四川做法更為美味。原來很多客人，都會外賣這款小菜回家，除了因為味道美味，還可以八五折享用，實在超值。😋😋😋😋欖角骨$78，欖角味道香濃，豬排肉質結實，兩者配搭得宜，非常俱有潮州特色。豬紅韭菜$40，豬紅爽口鮮嫩，醬汁濃淡適中，是潮州打冷必點之一。藍妹啤酒$29，冰凍的啤酒，放在冰桶內，保持溫度，實在是夏天必備的飲品。值得一提：老闆娘花姐，熱情款待，令人有賓至如歸的感覺。

朋友帶路黎左牛池灣食飯，直接推薦哩間「 打冷 」，話呢度啲嘢食好新鮮，除咗食打冷仲可以食海鮮🦞全部都好新鮮，因為隔離就係街市，即買即煮又得，睇吓枱面就知道了😋😋🎈滷水拼盤，超大碟，下面仲有啲豆腐底，啲豆腐吸晒滷水，拼般有五大種：雞蛋、豆腐、墨魚、紅腸、鵝肉，樣樣都好足料，滷水汁唔會太咸，岩岩好，全部野的份量都好平均值得一讚😊🎈凍烏頭，鮮甜美味，打冷必叫，潮州食法係配普寧豆醬，可以令魚肉更鮮甜，我個人好鐘意食，肉質好細嫩，皮下脂肪多，魚片上的一層黃油就哩條烏頭係出色既🤗🤗🎈炸蠔餅，一向是潮州打冷店必食既，炸蠔餅脆卜卜，酥脆香口，即叫即炸、蠔仔🦪份量好多，食落鮮甜多汁，重點係粉醬超級薄，食落啖啖蛋味😚😚🎈其實絲瓜營養非常豐富，特別適合天時暑熱食架，一於嗌絲瓜粉絲浸魚肚食下先，粉絲及惹味既蘑菇爆香左，連埋魚肚浸落上湯，煮出黎的絲瓜條和粉絲，盡吸雞湯的精華，增加了不少鮮味呢😋🎈蔥油霸王雞，好有驚喜，上枱嘅時候非常之熱，雞肉相當嫩滑，重點係將乾蔥爆香，然後加入調味汁料，淋在雞上，蔥油霸王雞即成😚食打冷梗係唔少得飲啤酒啦，好爽又盡興，下次要食埋其他小炒，真心好食🥰🥰