富源潮州打冷美食

Open Now

Now Closed

大排檔係香港愈來愈罕有趁著呢幾日涼番啲，無冷氣都頂得順，就去下大排檔感受惜日情懷呢到有即燒串燒，叫左司華力腸，牛舌，同茄子。司華力長無咩特別，所以覺得28蚊有啲貴，牛舌厚度適中，食落都ok, 茄子都不過不失。另外仲叫左鹵水拼盤，份量都幾足，主角鵝片，鵝肉都幾肥，墊底用左芽菜同豆卜，唔係豆腐有啲失望。啫啫通菜好有穫氣，幾惹味烏頭就有啲腥，同埋唔夠肥美附近有好多貓咪，食緊嘢仲見到貓貓係到打架，希望佢哋無受傷。呢到岩晒幾個朋友隊隊啤酒，仲見到有人玩骰中添，非常有風味。