家後

Open Now

Now Closed

喺深水埗四圍行，見到呢間叫做「家後」呢間小餐廳，見到係專賣手工餃子就入去幫襯。入到餐廳發現除左餃子仲有好多特別野食，以下係我同個囝食過嘅嘢。家後鮮大腸羹，聽侍應介紹係福建嘅特色食品，好有豬大腸同胡椒嘅香味，口感稠滑，食材除咗豬大腸之外，仲有豬紅、豆腐、木耳，好特別又好味。雲耳椰菜豬肉餃麵 + 日式飯團 + 凍檸檬茶，雲耳椰菜豬肉餃好新鮮，喺皮薄餡多嗰隻，食落好清新好香口，個湯都好夠味道。日式飯團，唔太大嚿，唔係好實食落好易鬆散，飯好香仲有啲菇絲。香菇粟米雞肉餃 (煎餃) 同樣係皮薄餡多，餃子煎得個皮好脆口，金黃色，香口惹味。日式芝士蛋糕，餃子店有芝士蛋糕賣已經夠奇怪，芝士蛋糕軟綿綿，夠曬芝士味，甜甜地，好味。