Video
Read full review
2021-09-27
53 views
聽講深水埗有間食餃子又有賣埋芝士蛋糕好好食，今日行開深水埗，終於可以試下，我地6點左右去到，雖然唔使等位，但入面已經差唔多滿晒，坐低一陣就見到出面開始要等位。見到menu 嘅款式都幾多，有啲係比較少食，所以我地叫咗椰菜雲耳豬肉湯餃同埋芫荽豬肉湯餃嘅雙拼，雙拼加兩蚊。同埋韭菜豬肉煎餃、洋蔥豬肉煎餃嘅雙拼，咁就可以試多幾款餃子！其中一個我地加咗做套餐，+$15揀咗要兩隻麻辣雞翼同埋熱菜蜜。 套餐仲可以揀麵或者飯團，但我地驚太飽就冇叫到呢兩款。呢四款水餃都係皮薄餡多，非常多汁！椰菜雲耳豬肉湯餃非常清甜，入面有爽脆嘅雲耳同埋椰菜絲，食落口感十足。芫荽豬肉湯餃呢個絕對係鍾意食芫荽嘅人嘅必食之選，有超多芫荽，好重芫荽味！湯餃嘅湯底係赤小豆粉葛湯，好有家的味道，真材實料，好鮮甜，冇味精味！食餃子嘅時候連埋飲湯，超級搭。韭菜豬肉煎餃韭菜嘅我比較鍾意煎餃，覺得煎先可以帶出韭菜嘅香味。洋蔥豬肉煎餃同樣，煎洋蔥餃超香，食落又甜。 相比湯餃，我更加鍾意煎餃，呢兩款煎餃都超級好食，煎得好好，外皮超級香脆，咬落仲有汁係入面。除咗餃子好好食之外，呢度嘅芝士蛋糕都好出名。今日有好多款可以揀，有開心果味、抹茶、咖啡、原
見到menu 嘅款式都幾多，有啲係比較少食，所以我地叫咗椰菜雲耳豬肉湯餃同埋芫荽豬肉湯餃嘅雙拼，雙拼加兩蚊。同埋韭菜豬肉煎餃、洋蔥豬肉煎餃嘅雙拼，咁就可以試多幾款餃子！其中一個我地加咗做套餐，+$15揀咗要兩隻麻辣雞翼同埋熱菜蜜。
套餐仲可以揀麵或者飯團，但我地驚太飽就冇叫到呢兩款。
呢四款水餃都係皮薄餡多，非常多汁！
椰菜雲耳豬肉湯餃
非常清甜，入面有爽脆嘅雲耳同埋椰菜絲，食落口感十足。
芫荽豬肉湯餃
呢個絕對係鍾意食芫荽嘅人嘅必食之選，有超多芫荽，好重芫荽味！
湯餃嘅湯底係赤小豆粉葛湯，好有家的味道，真材實料，好鮮甜，冇味精味！食餃子嘅時候連埋飲湯，超級搭。
韭菜豬肉煎餃
韭菜嘅我比較鍾意煎餃，覺得煎先可以帶出韭菜嘅香味。
洋蔥豬肉煎餃
同樣，煎洋蔥餃超香，食落又甜。
相比湯餃，我更加鍾意煎餃，呢兩款煎餃都超級好食，煎得好好，外皮超級香脆，咬落仲有汁係入面。
除咗餃子好好食之外，呢度嘅芝士蛋糕都好出名。今日有好多款可以揀，有開心果味、抹茶、咖啡、原味同埋提子冧酒。
原本我哋只係叫咗開心果同埋原味，但係食完之後好想試埋其他，所以就叫多咗個提子冧酒。
開心果日式手作芝士蛋糕
超級濃郁嘅開心果味，又唔會搶咗芝士嘅味道，係非常少見嘅口味。
原味日式手作芝士蛋糕
濃郁嘅芝士味，又唔會太甜，結實軟滑嘅芝士蛋糕。
提子冧酒
非常濃郁嘅提子冧酒味，底層有好多嘅提子啦粒，好值得一試。
三款嚟講， 我最鍾意開心果味， 又濃郁，而且其他店都比較少有呢味道。
Post
