家後

Open Now

Now Closed

深水埗餃子店十分多，間間都話係老字號。所以好難揀食邊間。抱住一個有位就入嘅心態，行左幾間都超爆，lunch hour 嘅關係。最後去到依間有一個單邊位，所以稔都唔稔就直入。最後竟然有驚喜。其實都有人等緊位 可惜佢地係幾個，我一個人先可以直入。menu 好簡單，兩張紙睇哂。出名食餃子，所以叫咗兩款出面比較少見嘅煎餃試吓，有菠菜豬肉同洋蔥豬肉。洋蔥豬肉十分足料真係食到洋蔥味，洋蔥冇嗰陣生味但有鮮甜味係到。同豬肉好夾。菠菜豬肉呢個組合10分少見但有驚喜菠菜味好夠，有一種健康又香嘅感覺，可以調出豬肉嘅香味出黎。麻辣雞翼十分入味又就夠辣，好開胃。日式住家飯團好住家feel有肉同醬油嘅味，好開胃。豬手炆到好淋，好入味啲骨一咬就開。好重骨膠原。menu 冇嘅，要問。老闆推介開心果芝士蛋糕。好重開心果味，估唔到喺深水埗依啲餃子店竟然食到開心果芝士蛋糕。