威尼斯海鮮酒家

Open Now

Now Closed

從來無打過食評，但今次決定打上黎。大澳天氣熱，諗住買啲冰涼既野食下。見到威尼斯酒家出面有新鮮冰波蘿同西瓜食，每個塊十蚊。價錢唔係平，但遊客地區好多人唔愁無客，都買黎試下，要冰西瓜同冰菠蘿各兩塊，俾左40蚊之後，個男人俾左啲唔冰既我地，完全係軟淋淋既，咁樣叫冰咩？咁叫凍咋。之後就叫個男人換啲冰啲既，點知佢話「係咁架啦，唔要就俾返我，我無咩所謂」勁串，原本我都想唔要，點知同行友人話算啦，廢事煩我地就買完走左。啲西瓜係普通一塊凍西瓜，但完！全！唔！甜！而啲菠蘿就係普通菠蘿，連凍都算唔上，又唔甜。再加上佢地既態度，雖然唔愁無生意，但都唔可以欺騙消費者。去街市買菜都可以揀新唔新鮮呀，依家你連揀都無得揀。如果想食「冰」菠蘿，千其唔好係呢間野埋。態度咁差，以後都唔會再幫襯，甚至酒家入面都唔會。