增煇大排檔 & 增煇藝廚

Open Now

Now Closed

同友人ss 平時都鐘意食大排檔，貪佢夠鑊氣，今日黎開深水埗見評分幾高就試下🔹胡椒蟹 2斤幾 $5xx (時價)胡椒味夠晒香濃，炒得好入味，兩斤幾重ge肉蟹啖啖肉😋😋🔸風沙炸豬手$118 炸豬手即叫即整，所以等得耐d，但呢味不過不失🔹椒鹽九肚魚 $118炸得好脆身可以連骨食埋😋唔會覺得好多炸粉🔸薯仔牛柳粒$98d薯仔🥔似炸過先再炒，食落就有層脆邊包住，牛柳都好腍身😋友人超鐘意 成碟清哂👍🏼🔹蠔仔肉碎粥(細)$45 好多蠔仔🦪粥底都好鮮甜，但飯就少左d，葱同西芹都好重手，一d都唔吝嗇😂唔食西芹記得落單同店員講，如果唔係就好似我咁，夾番哂出黎🤣同友人ss食到捧住個肚走🤰🏼d餸好夠穫氣，店員又幾好傾，呢餐好滿足😋😋

今日想食下大排檔 未試過呢間 諗住試下訂左位都唔駛等 去到就有去前都上黎睇下有咩推介 睇完餐牌就揀左三樣今日點左椒鹽鮮魷 鬼馬油炸鬼同魚香茄子煲先黎鬼馬油炸鬼 唔算熱 份量係幾大但係墨魚膠口感唔算彈牙 食落好似撈左唔少魚肉咁 白色嘅膠見到有灰色嘅鯪魚肉咁 個油條明明炸 但都唔脆 非常一般椒鹽鮮魷 今日差唔多塊塊都勁細片 條條都營養不良咁 又薄 食落無口感個粉都好似包唔住塊魷魚咁 成碟野幾鬆散魚香茄子煲都係正常 雖然食唔到任何鹹魚味 但起碼唔怪囉 係唔係普通市民去 質素係會下降？🤷🏼‍♂️

又係時候約一家人提早做冬!訂枱前已預先留定頭抽鷄及半份乳豬( 必食之選)天氣咁凍適逢羊腩煲跟生菜當造 ,咁當然要order返個暖胃啦 。果然冇失望, 羊肉炆得夠淋及無騷味 ,大人細路都啱食 ,羊腩汁佐飯仲係指定動作, 再order咗豉汁蒸大鱔 金銀蛋浸 豆苗 ,啫啫芥蘭煲,大滿足!

邀請朋友嚟呢間有些名氣大排檔食飯，因為比較偏係一些內街，所以落左車都要行小段路先黎到店鋪，呢道環境比一般大排檔乾淨，似舊式酒樓環境都比較嘈吵，不過最緊要係食物味道首先黎一個黃金炸魚皮，鹹蛋香味濃郁，炸魚皮脆卜卜入口香脆食唔停口鬼馬油炸鬼，油炸鬼釀入厚厚墨魚膠，外脆內彈配上酸甜汁惹味可口胡椒豬肚花甲湯，湯比較清淡胡椒味不濃，豬肚同花甲都相當料芥末芝麻蝦球，雖然係雪藏蝦但係炸得香脆配上酸甜芥末醬汁，味道獨特坊間小有避風塘墨魚咀，墨魚咀爽脆，配上鹹香避風塘調味，送酒一流豉油皇鵝腸，係用新鮮鵝腸加上靚豉油，豉油豆味香濃配上新鮮爽脆鵝腸，味道口感都無得輸呀砵酒焗蠔一黎到香噴噴，蠔大大隻調味濃郁燒鵝，雖然比起某些燒鵝名店差一點點，但係都屬於中上水準，香料味充足外皮燒得香脆刀工精湛，唯一缺點係唔夠熱同埋鵝肉偏硬風沙炸豬手，外皮炸到脆卜卜肉質唔會太乾嚡，但係調味過重肉部份太過咸瑤柱扒豆苗，豆苗抄得乾身唔會過老，配上滿滿瑤柱蠔油汁，簡直係絕配甜品金玉滿堂，好似湯圓炸到外層香脆，內有甜甜的芋泥，作為呢一餐圓滿結束

今晚同朋友兩個去食飯，一共嗌左三個餸。第一個餸等左十分鐘就到，以為另外兩個餸都好快到，於是就叫埋白飯同啤酒。但係等多三個字後覺得唔對路，叫左侍應跟一跟。然後再過左三個字後叫人跟又係無反應。到最後又等多三個字，姐係距離落單差唔多一個鐘後然後無動靜，索性叫埋單算，而到最尾亦都無人同我講過究竟淨低果兩個餸係漏單定點。成間野好旺場睇落都好多人幫襯，但係有咁大甩漏而完全無交代既話，根本就係不知所謂，禮禮貌貌問足三次都係hea 應客人，完全係當人無到果隻

早前難得放下筋肉寶寶讓老公照顧享受屬於自己的Mamitime，與公司一班同事慶祝生日，當晚我們來到同事力推的增煇藝廚，這間每日下午五點開始營業，想訂位就要預早Whatsapp訂呢，Whatsapp訂位回覆亦很快速！！講講讚好位：一見到我拿著蛋糕就馬上幫手先放雪櫃！當晚我們見了很多餸菜，然後其中一款菜式味道有問題，待應試試下都馬上更換！每道菜式味道也很不錯，充滿大排檔風味呀！講講不讚位：到最後我們說吃蛋糕就立刻收好所有食物及大部分餐具，完全沒問過有沒有需要打包 ！我們六人安排了六人桌，不過枱面只能放三道菜，最後就要轉另一張大桌 ！香炸鮮魷鮑魚雞煲南乳蒜香豬仔骨炸鮮魷芝士蒸蜆上湯龍蝦蒜汁蒸蟶子皇豉油王炒面金銀蛋肉鬆浸時蔬部分菜單提供

😋 No.304 香港 | 增辉🔹地址：深水埗石硤尾街31-33號地舖🔹是深水埗非常适合一群人聚餐的大排档餐厅，除了稍微嘈杂一些之外，环境其实还不错。🔸花枝皮蛋，酱皇墨鱼须，鸡胗，都是很好的开胃菜，清爽清淡，。🔸头抽豉油鸡：好大的一盘哦，味道不是很厚重，鸡肉很松弛，口感超棒。🔸脆皮炸大肠：其实我不吃大肠，但是看大家吃的好开心，看起来有点油🔸椒盐排骨：这个时间能吃的起猪肉的都是大户人家，排骨给的分量很浪新，椒盐入味不突兀，推荐！🔸砵仔焗鱼肠：据说要用很新鲜的鱼肠做原料才不会有腥味，是店家的招牌菜。北方人至今不知道砵仔是个什么东西，谷歌之后才知道是用黄糖和粘米粉做的港式小吃。🔹人均100-150，口味8/10，环境6/10，服务6/10 

深水埗火熱🔥小炒王，結友初嚐大門，擺設大魚缸，大肉蟹一字排開，為之搶👀，一隻可重達三至四斤可惜友人不好蟹，有機再嚐。店內有點陳年飯店feel,勝在不太擠擁，開懷暢談也不太擾人小菜幾味，美極煎魚嘴、砵仔焗魚腸、胡椒豬肚浸花甲和雜菜煲。魚嘴上枱變了魚頭，鑊氣十足，入口香脆，佐酒良品，超正！砵仔焗魚腸，魚腸新鮮無腥味，香脆面層，口感十足，可惜焗過火了，蛋層有點乾，整體仍不錯👍推胡椒豬肚浸花甲，豬肚爽滑，花甲新鮮無沙，但胡椒味不足，整體可以。

相信大家都知道深水埗有好多大排檔，聽聞增輝既品質都唔錯，所以今次就一家人去呢間試試佢！訂左晚上7點半，去到已經留左枱可以即刻入座，餐牌既款式唔係話好特別，都係大排檔有既菜式。我地叫左6個餸，基本上係失望大過期待......1）雞蛋焗魚腸魚腸份量都多既，不過食落口好苦好腥，可能唔新鮮啦，所以唔好食！2）啫啫通菜呢道菜係最正常唔會難食既，的確佢整得好有鑊氣，辣辣地又夠香口，見到其他枱都必叫既，值得推介！3）餃子釀雞翼佢個名同樣貌都係吸引既，所以就叫黎試下，黎到係熱辣辣即叫即炸既，不過略嫌炸得乾左啲，食落淨係得椒鹽既粉味，如果有汁醬會好好多！4）士多啤梨骨一個無士多啤梨味又無肉既骨，份量都多既，不過食左一條就好失望。5）芥末牛柳粒呢個牛柳粒都係推介既，一黎份量多，二黎佢牛柳唔會乾身，醬汁又調得好食，送飯一流！6）胡椒豬肚蜆湯本身睇圖以為蜆先係主角，點知黎到個湯先係主角。蜆既份量唔算少，湯頭都好濃既胡椒味，食完成個人都好溫暖，冬天食一流！總括黎講，其實都係失望既，其他大排檔食完會有滿足感，但呢間竟然冇！大家試下會唔會有得既感受啦～

今次係一次好特別嘅經歷， 我平時根本唔會去大排檔，但有一日喺電視見到電視機介紹呢間大排檔，令到我好想即刻飛撲去，係節目入面介紹咗胡椒炒蟹，大排檔，令到我好想即刻飛撲去，喺節目入面介紹咗胡椒炒蟹，隔住個電視我簡直見到新加坡嘅風味，即時call朋友聽日一齊去食，介紹俾朋友時，大家都好有picture，去到一攞起餐牌，即刻可以order，胡椒炒蟹，煎蠔餅同豆豉鯪魚油麥菜，樣樣食物都好平均，最值得讚隻蟹好新鮮，落鑊炒之前店員俾我睇下，仲識郁架。

今日朋友聚， 想搵達地方傾下偈唔會限時趕人走。 最後 找到增輝原來有上下兩層。 挂名大排檔， 格局有啲似平價酒樓， 起碼枱上是鋪布，5糸 膠紙花枝鑲皮蛋: 皮蛋比較樂, 咬口一般泰式生蝦: 蝦新鮮, 但醬汁不正宗薑蔥撈黑栢葉: 灼得剛剛好， 爽口， 不過價錢略貴， 我們先後order 咗兩碟豉椒炒花甲: 真正大排檔風味.入味。 鑊氣夠餃子釀雞翼: 不過不失, 個人略嫌裏面的肉比較硬還有其他， 不一一盡數， 總括來說， 價錢比大排檔高端， 但坐得舒服， 但質素一般， 可能我們點的不是大 排檔 的主流菜

十多年前，深水埗一帶的大排擋小炒風味十足，環境未必好，但食物質素卻是出奇地高。隨著環境變遷，大排檔也相對搬入店內，風味不再。朋友今天提議去增輝，我當然贊成，因為十年多無去過深水埗一帶食小菜，不知道質素是否依舊？我們一行八人6:45pm已入座，場內已坐了多檯客人。港式地道菜始終是港人至愛，相信大家都是"鑊氣"的擁躉。豉鹽鮮魷外脆內軟，難得不是太鹽，但鮮魷切得太細舊，口感欠奉。蒜香牛肉粒入口未咬已覺得鹹得厲害，牛肉被梳打粉腌製過，所以肉質腍但卻無牛肉味，失望😞招牌豉油雞這菜需要大概35分鐘製作，上檯時整隻雞切件浸在豉油內，肉質鮮嫩而不太鹹，內裡還配有雞的內臟，顯然可見這是新鮮雞，真心，此菜是全晚的至佳菜👍🏼辣酒煮花螺辣味十足，香料豐富，花螺尚算新鮮無沙，但頗細粒口感不足。砵仔蒸魚腸這道菜不是很多地方可以食到，難得這裡有當然要點。可惜是當一用湯匙挖一下已知質素一般，雞蛋已經蒸得過老，好鞋，但幸好沒有腥味。這道菜還是當初在珠江酒家食的最為回味😋豉油皇鵝腸每逢食小菜，鵝腸係我必點的菜式，雖則膽固醇含量高，但還是豁出去😆這碟豉油皇鵝腸好正，係新鮮鵝腸，內裡有點肥膏，入口很香，煮得恰到好處，不會過火

一轉眼原來已經三年無去過增煇，原本想話落大角咀食豬骨煲，點知成班群友話大角咀交通唔太方便，所以轉去交通方便D嘅增煇.點咗泰式生蝦，花枝釀皮蛋，蝦多士，餃子釀雞翼，砵仔焗魚腸，豉椒炒花甲，脆皮西施豆腐，薑蔥撈牛柏葉同魚皮，椒鹽鮮魷.優點 :1,最正係椒鹽鮮魷，外脆內軟，份量足夠，推介!2,熟識我嘅朋友都知我中意原味，泰式生蝦無點醬汁，蝦肉鮮甜彈牙，但群友話個醬汁味道古怪.3,蝦多士唔係間間餐廳有提供，所以一見必叫，餡料足夠，多士香脆，唔錯.4,脆皮西施豆腐係另一個推介，內裡超滑，外皮香脆，熱到辣咀.5, menu 有齊中英日文，方便外地朋友.缺點 :1,餃子釀雞翼餡料足夠，可惜炸得過火，咬落去比較實，無哂肉汁.2,豉椒花甲，牛柏葉，魚皮份量都偏少.3,價錢略貴.4,上二樓條樓梯好滑，小心!

朋友話呢間大排檔好出名，本身想食愛文生但無開，就轉戰呢間啦！九點嚟到仲係好多人排隊，我地兩個人，大概等咗半個鐘，入去坐底，俾咗張幾寬闊既檯我地。嗌咗三個送，又等咗半個鐘⋯⋯廚房好忙，但侍應都有幫我地催，態度亦唔錯。終於有得食！椒鹽鮮魷好香口，而d脆脆用嚟送飯就最啱，胡椒味好重，好惹味。至於芥末蝦球，個wasabi落得無留力呀，成陣芥末味直衝上腦，好刺激，哈哈。朋友仲食到標眼淚添！整體嚟講，嘢食的確唔錯既，但等得比較耐，上菜亦都要等好耐。但我相信唔係次次都係咁既，下次有機會會再試其他特色小菜～

十點幾貪吃二公婆出去食消夜輕鬆下，去咗正常時間好爆的增輝，仲好彩到門口有錶位～唔香口惹味高高高都晤叫椒鹽鮮尤 - 熱辣辣鑊氣足，食完口中仍有「鑊」味！不是尤魚鬚，啖啖肉～水煮牛肉 - 細爐細鑊仔上，肥牛下其實係椰菜，個汁出奇地合我倆口味～炸大腸 - 吸引而極邪惡，好好好好食～ 高高高之選太惹味痕痕地想再叫但太過份了，只好遲D再來食其他，哈哈埋單共$319，抵食！冇加一，勻真～好幾枱高高興興地食飯飮得開心，我斎飮茶都開心埋一份～