增煇大排檔 & 增煇藝廚

Open Now

Now Closed

睇完tbb曹永廉介紹呢間大排檔, 梗係搵機會去試下啦. 好彩有訂會, 唔係有排等呀, 勁多人. 大連鮑魚: 冇諗過原來係凍食 但係粒粒都入味, 少少辣又夠彈牙 呢個大蜆胡椒豬肚湯, 胡椒味夠濃喎,好正呀. 凍凍哋飲返碗湯暖胃嘛.嘩,呢個椒鹽鮮魷, 我覺得真係麻麻地喎.  個炸漿多到爆,  好難先搵到啲啲魷. no good.呢個金銀蛋豆苗, 一般般啦, 都冇咩特別驚喜呢一個潮州炸蝦棗: 拳頭咁大粒, 但係蝦棗呢就唔夠爽, 而且仲有少少霉,  同九龍城買返嚟嗰啲差得好遠呀, 失望舖頭推介呢個草莓骨: 又幾好食喎甜甜地,  攞嚟送飯就一流.呢個係主角頭抽雞:  肉夠嫩, 鼓油甜甜地. 但係要成三百又要等三十分鐘, 仲要叫一隻, 因為唔知有冇第二張枱夾到半隻. 我就覺得唔須要咯. 

新年期間同友人相聚去左愛文生點知去到先發現仲未啟市錯有錯着...就試吓增輝啦我哋八點鐘去到但都要等成10張飛左右🤨下次都係book定枱！我哋今次叫咗三樣餸三款都不錯👍🏻1) 炸花枝皮蛋，表面香脆，內裡熱辣辣佐酒小食一流2) 招牌菜豉油雞，好夠味唔知醃左幾耐呢？脾位肉質夠嫩滑，擺盤擺得整齊雖然唔錯，但試一次就夠！3) 炸豬手呢個超有驚喜💜豬手皮炸得脆口，一d都唔乾唔難咬🤘🏻另外肉質juicy，仲有肉汁配上少少炸粉椒鹽增加口感—-本身我哋揀餸諗住黎個第二round因為我哋坐街邊嘅關係突然有隻🐭響我哋腳邊行過我實在冇胃口再食啦唯有轉場啦有機會再戰

七點Walkin去，門口好多人呀即刻拎位先，排好多張檯呀中間有好多人無等走左，最後排左九個字就入座，室內座二樓叫左蝦多士係超鬆脆呀，無諗過係呢個口感係勁好味呀必叫呀！胡椒豬肚花甲湯好大煲熱辣辣呀，我覺得都OK,算夠胡椒辣不過真係好多，兩個人飲唔晒水煮肥牛，有個爐整住，一路滾熱辣辣好味，味道就唔算好辣，但都幾香既仲有好多肥牛，肥牛下面仲有好多菜正西蘭花花枝黃金蚌都幾鮮味

米芝蓮推薦（1）砵仔焗魚腸，上面果層油炸鬼片超香脆，香到硬哂👍🏻下面嘅魚腸無魚香，好彩唔腥，裡面d蛋就真係乾左d啦。椒鹽墨魚咀$108，香脆，唔覺有墨魚咀味花甲胡椒豬肚湯，鮮甜花甲，湯唔夠辣，豬肚夠林孜然珠串骨，唯一好彩係佢燒得唔乾，但我就覺得佢唔多有孜然味啦頭抽豉油雞$188,佢話係用孖記頭抽黎浸熟新鮮雞，話係必食嘅～係唔係鮮雞我就唔知啦，但d肉係真心滑嘅,豉油味都甜甜地，但唔知點解越食越咸！個雞腎幾咸味幾乾！

深水埗有嘅大排檔林林總總今次就黎試吓呢間都算出名叫增煇。辣酒煮花螺，辣到我食唔到。只係食咗一粒，個味都算OK如果鍾意食辣嘅一定好鍾意食。焗魚腸，焗到個表面好脆口，幾香。不過魚腸同魚肝嘅份量就相對少啦。鳳尾蝦，睇落好油食落一啲都唔油。幾好味。蠔仔粥，不過不失啦。呢個款式間間大排檔都差唔多啦。蒸白鱔，同屋企整的差不多，不用特登來食。招牌豉油雞，需要等40分鐘。好明顯見到隻雞好新鮮豉油汁都好入味。所以大家想食就記得一入鋪頭就要落單啦。

唔少香港出名既小菜館都係深水埗，而增輝可能係香港其中一間最出名既小菜館。鬼馬油炸鬼：外脆內彈牙，配上甜酸汁，一定要試🌟迷你佛跳牆：唔係正宗既佛跳牆，反而似鮮甜既雞湯，入面有雞腳，鮑魚，花膠，螺頭，瑤柱，金華火腿等等既食材🌟一份($218)夠2-4人飲。麻辣雞煲（半隻）：唔似雞煲火鍋果種，少左偏甜既味，反而更似小菜。小辣已經夠晒香口，幾岩咁凍既天氣或者送啤酒🌟啫啫芥蘭：不過不失，芥蘭比較老，亦略為唔夠鑊氣。

今日去左增輝食小菜， 見佢又米芝蓮 又上電視，咁要試一試佢啦。一早打黎訂左枱，去到等一等就有枱， 大排檔黎講， 算好坐。但係要收50蚊食蛋糕🎂焗魚腸，足料， 個皮好脆， 幾香口。辣酒花螺， 夠辣，好香， 好味。但今日市價16蚊一両， 呢度16両。 一共256， 都有啲貴。鳳尾蝦腐皮卷炸得好脆，好香口。蒜蓉蒸絲瓜，都好好味。蠔仔粥， 有啲普通。白鱔， 都幾大碟。頭抽雞， 招牌菜一定要試啦，要等40分鐘，隻雞食得出係新鮮雞， 好正。

今晚下班後與朋友來個臨時約會，想了很久也不知道吃什麼，後來朋友介紹說深水埗有一間食店口碑幾好，上次食完覺得不錯，他一直也想再去食，這次索性提議帶我來試試！其實我以前也聽說過這間食店不少好評，今晚就即管試試究竟有多好！看完餐牌後其實有很多東西都想吃，但礙於只有兩人的關係，所以最後只叫了一碟京都肉排和豉油王炒麵，還有兩罐汽水！😂京都肉排味道不錯，肉質酸甜，加上我比較不喜歡吃肥肉，剛好這碟一點肥肉也沒有，配上豉油王炒麵感覺好正。整體來說，員工態度很好，環境乾淨，價錢適中，食物值得我一來再來，朋友說上次食過豬手和那個好像叫做什麼蝦腐皮卷，很好吃！唯有等我下次有時間再來試試！

成班舊戰友好耐無見，又要有個地方食得飲得又坐得耐俾我地吹下水。上次去過呢間都唔錯，今次一於再去多次。上次食左洗臉盆咁大碟雞，原本諗住今次叫下燒鵝食，點知伙記話今日無燒鵝，推介我地食下乳鴿。上到枱仲熱辣辣，個皮又脆，又夠香口，啲肉質仲好有汁，又幾好食喎！之後呢個胡椒蝴蝶腩，係幾好味。不過肉唔夠淋，最重要係細碟左啲。。。呢個蝦醬骨就真係好好味，又唔會話因爲蝦醬搞到咸得滯，個骨又無炸得乾身，配合度好高。呢個就真係太重口味。芥辣炒蝦球，我地個個一入口，個個食到眼水鼻涕流，仲係咁咳🙈🙈。唔係有舊水蜜桃救下命，真係攻鼻到停唔到。。。一邊食一邊傾，又無人趕。下次同佢地再來飲過啦！

其實我唔知點解佢啲評價咁差老實講因為我係路痴嘅關係都幾難搵不過我堅係覺得佢好味夥記又有禮貌我知道 外國人真係好鍾意食咕嚕肉但係身為local都覺得咕嚕肉係大排檔嘅招牌貨色真係堅好味夠曬脆最好食係佢個豉油王炒麵夠乾身又彈牙又唔會痴埋一舊舊仲有啲特別嘢係油炸鬼咁樣佢係入面釀有蝦膠非常惹味送酒一流其實真係眼闊肚窄嗌咗好多嘢 不過我哋好環保有打包佢個梅菜 芥蘭 真係勁好味梅菜芥蘭都好靚個焗魚腸細碟咗少少不過 唔錯夠曬滑

超好食，難得九龍區有咁新鮮既海鮮食，中等價錢食到鯉魚門既級數，小菜都勁好食，蒸水蛋一流！滑到不得了！已經愛上增輝大排檔！鼓椒炒鵝腸用新鮮鵝腸整，極新鮮！CP值超高！

見好多好評，專程去食。第一次光顧，四大一BB被安排到樓上,多口問左一聲有無張大小小既枱，侍應好無禮貌大聲甘話”係依張枱，要大d你去樓下排過!”叫左一隻瀨尿蝦$315.基本上得中間小小有得食，勁細。燒鵝，肥到見吾肉，師博已經用刀偏走左d肥油，肉得返薄薄一片，圖片右下個幾件肥到我以為食緊燒腩仔。其餘係咸酸菜豬肚湯，椒鹽軟殻蟹，菠菜，wasabi 鮮魷。依四樣都係正常水平。食物質素真係好一般，好多小菜館/酒樓都做到。環境實在太迫，待應又無禮貌。吾會再去。

個天涼一涼就好想食大排檔😙感覺冇咁熱氣（自欺欺人）。同區愛文生都去過幾次，呢間見大家comments都唔錯就試吓啦。見有得電話留座所以都預約咗先，去到之後好快有得入不過坐樓上囉...唔知係咪咁存在感極低都冇乜人留意到....好唔容易先向伙計落咗order，然後就好快嚟咗個啫啫通菜煲，一如平時大排檔般菜好香好重味😋 但之後不如意嘅事就開始...南乳蒜香豬仔骨同蠔餅遲遲都未嚟....計吓時間都成粒鐘😫 遲過我哋入嚟嘅大枱都上咗四五樣餸😭真係食晒成個菜煲、嗌咗白飯都凍晒！中間有催一催，伙計話多人喎、海鮮要時間整喎仲話叫「叫多個菜啦、菜就好快有得上」....轉過頭check完話蠔餅賣晒！（反白眼反到後腦真係）於是就改單食蝦餅再加單雞軟骨，呢兩碟又出奇地可以喺15分鐘內上到枱....炸得真係唔錯，個粉厚度剛剛好，而且好香口！但蝦餅嫌佢薄到好似紙咁....性價比好差😪 雞軟骨大大粒冇得輸👍🏻 最後我哋決定唔等豬仔骨去埋單！點知埋單嗰陣佢先同我哋講賣晒豬仔骨....漏單漏到咁...真係無言。總括而言，佢嘢食係唔錯嘅，但就唔好餓住去喇～而且唔建議樓上坐，因為少侍應，侍應態度都一般般都好似唔係好想理你咁

港式大排檔最吸引的地方，就係小菜全部在半露天鐵皮大排檔內的明火大爐頭完成，即炒即上碟即上菜，中間唔需要經過唔同崗位酒樓員工傳菜的中斷過程；小菜送到客人面前時，甚至乎仍然熱辣辣至接近燙口。不過，另一方面，如果夏熱天時坐在街邊的摺檯摺櫈，那一種汗流浹背的苦況又的確非常難以忍受。可能正這個原因，在時代進步了的香港，再加上講求食物安全衛生，舊式大排檔已逐漸被淘汰；到了今天，仍然設有露天明火爐頭的港式小炒大排檔屈指可數，其中有兩三檔就在深水埗，今日就同一班舊同學去了「增煇」。唔係住深水埗區，唔清楚到底「增煇」植根深水埗幾多年；只不過眼見除了仍然擺在行人路上的幾張摺枱（以保持大排檔的身份認證），「增煇」一早已經入舖，還要霸佔了同一條街兩邊行人路的正對面舖位，其中一間還要佔據了兩層 ⋯⋯ 由大排檔發展成這個規模， 一點也不簡單。以這樣的規模，當然不可能單靠眼見的一個明火爐頭可以處理，鋪內肯定有正規廚房；保留這個街邊明火爐頭一方面是噱頭、另一方面當然是用盡大排檔牌照的權限。作為名牌大排檔，不再局限於明火鑊氣小炒，各款海鮮也不可缺少：大肉蟹、游水大花竹蝦、甚至阿拉斯加皇帝蟹都有。本來好想坐街邊，但在悶熱

食物超好吃，食材都很新鮮。店內乾淨，用餐時感覺很舒適，氣氛蠻好的。牛肉粒新鮮，入口感覺很嫩，薯仔外焦內軟，口感偏甜，很喜歡。菠菜湯很爽口，菜都幾新鮮。腰果很香。老闆和服務人員都很友善。總體來說，是一次很棒的美食體驗。