叉燒大王

Open Now

Now Closed

近期天氣熱到不得了幾條男人老狗放工無理由去打邊爐咁鬼熱，咪搵間餐廳食小菜好過，就揀咗去叉燒大王聽個名就知多燒味食，就入去食晚飯。坐底諗都唔諗即叫咗幾款燒味先嚟個招牌叉燒，係半肥瘦架好耐無食過，再揀多個頭抽雞味道可以啦，燒鵝都好味，而紅燒乳鴿跟出面嘅有D唔同，依個乳鴿食落去有頭抽味外面又炸到脆同乾身，4條友除咗食肉都要飲個豬肺燉唐排，味道有少少咸但個豬肺同排骨都煲得好淋。食咗幾個肉都係要搵D蔬菜食吓…石窩炒芥蘭夠香因為有好多蔥同蒜最緊要有豬油渣所以超級野味叫多個蒸滑豆腐，面有個梅菜肉醉係面再配個豆腐，味道好夾豆腐又夠滑清清地攞嚟送飯一流。其實依間餐廳多圓枱跟朋友食飯傾計方便好多，啱灑同D同事或者跟屋企人食飯嘅地方。

今日係假期兩條友已經係屋企hea足全日，突然老公叫我唔好煮飯出街食拍吓拖喎咪出去行行，知佢平日鍾意食中菜咪去就吓佢，咪搵間有冷氣又坐得舒服嘅中菜館，去到叉燒大王見好多人等位應該味道唔差嘅，咪先攞張飛等位，我哋大約等咗半個鍾左右就可以入坐，好彩餐廳內冷氣都夠涼。個餐牌內面都有好多小菜揀，但兩個人又可以食得幾多，不過老公話人哋叫叉燒大王點都要叫份嚟試，所以就叫份例牌嘅叉燒，嚟到果然名不虛傳賣相都吸引味道都ok肉質夠鬆軟，仲有少少燶邊西蘭花炒帶子味道ok，個帶子仲係大大粒應該係日本M size嘅冰鮮帶子，再叫多個金腿鮮淮生蒸魚雲，個魚雲無腥味蒸得剛剛好，我第一次食蒸嘅淮生估唔到咁好食，首先蒸已經唔熱氣，配有蒸魚豉油個淮山食落去仲係爽口

今日黎到沙田圍呢邊開工，想食下燒味飯，所以就去左叉燒大王個度食。醒目既我已經一早係food gulu度攞定飛，因為去到既時候，見到人山人海，我就好彩唔駛點等位就入左去食。入到去裝飾簡約，都算坐得幾舒服。佢既menu係主打燒味飯，不過都會有炒粉麵飯，如果係學生既話，仲有得平添。另外佢都有下午茶同特餐提供。我自己就叫左燒鵝脾乳豬雙拼飯，餐飲就配左紅棗蜜 。個燒鵝脾乳豬飯，賣相唔錯，仲香噴噴添，未食已經令到我流哂口水，食指大動。 隻燒鵝脾好大隻，啖啖肉，肉質鮮嫩，一啲都唔韌，而且唔肥膩，無咩脂肪，啱晒我呢啲鍾意食燒味但又想食得健康既口味。 而個乳豬片個皮非常脆，半肥瘦，口感無得輸。佢另外都會附送酸梅醬同乳豬醬俾客人佐送。至於個紅棗蜜，個人覺得好清甜，味道唔錯。

有個好耐冇見既中同約我今日食飯，佢搵左間係佢屋企附近既餐廳，雖然遠遠地，但都應承左佢，去左沙田。聽個名以為係一間餐廳，但去到發現原來似係走中菜館路線。睇店名同餐牌都似係主打叉燒。其他菜式都影得幾近鏡同逼真。「餘韻悠揚」落左單後叉燒好快就送到，見到個樣已經覺得勁吸引，汁唔會太多，淋左小小係叉燒上面，覺得唔夠點返個汁。食落個肉係肥瘦分佈好均勻，油脂部分唔膩，有小小爽脆口感。瘦既部分好軟身，而且咬落肉汁多，唔柴。佢係少有既叉燒做到吞左落口後，仲有陣豬油香充斥住個口。果然招牌菜真係冇得頂！！！「固若金湯」朋友點既浸娃娃菜佢自己就好鍾意食，話呢啲夠嚼勁既菜好對佢胃口。不過我個人就偏向鍾意食啲較腍既娃娃菜。湯頭幾清，唔係死鹹，帶淡淡金華火腿味，整個菜式算幾夾。如果娃娃菜可以唔切，改為一瓣瓣咁整，再煮耐小小，我估應該會好岩我胃口。「破舊立新」用鹹蛋黃做炸皮既，多數都係配蝦，之前成日食黃金蝦，今日食呢個黃金鮮魷，感覺幾新鮮同特別。出面層皮唔厚，但蛋黃味幾出。魷魚個量亦都唔少，算係幾抵食。咬落個味有啲似平時酒樓點退炸魷鬚既昇華版，炸皮、魷魚都高級左咁。呢個拎黎做餸食飯都幾正！

同屋企人食飯如果食小菜 通常都中意黎叉燒大王 因為呢度除左叉燒出名 其他小菜都唔錯 又多款式🤤同埋呢間再夜d 都幾多人黎食 要等陣先入得 所以唔想等位 要早d 黎食🙈呢個係每次一定要叫嘅蜜汁叉燒😍好淋 而且每一舊都係半肥瘦 佢肥嘅部份唔多 剛剛好 最岩我怕肥但又鍾意食肥😆 而且面層嘅蜜汁甜甜地 送飯一流👍👍👍頭抽雞 半隻 醃得幾上色 而且幾有雞味同埋入口香滑 唔鞋 個雞皮最入味最好食😆 我最鍾意就係今晚呢個豬肺湯 鍾意佢清清地 冇味精 連我呀媽都話似屋企湯😆👍 食左d 燒味飲翻個豬肺湯潤一潤 🤤豬肺要自己洗工序好麻煩 佢竟然可以洗到咁乾淨 好白 要讚😍👍脆皮茄子🍆我都係第一次叫呢個 外面脆脆地 原本以為入面得茄子 點知有d 肉碎 入面軟軟地 加埋外面有少少芝麻香味 都唔錯😆鐵板牛仔骨咋咋聲 d 肉好捻 但個人覺得醎左d 比較重口味 要食多幾啖飯送🤣呢個餐廳幾適合帶屋企人黎食 價錢合理 又好食同多選擇😆👍

平時出街食飯，都係會諗西餐日本野或者東南亞野，再唔係就係去打邊爐。今次老公竟然提議食中菜，仲要係食返廣東菜！然後兩條友就走左去城門河附近，行過幾間中式餐廳，估唔到有一間係未夠７點已經要攞飛等位！好食既野自然人多，我地都相信街坊既選擇，就決定要幫襯下呢一間叉燒大王！好在等左一陣就有等入坐喇！特選蜜汁叉燒王＄８８來到叉燒大王，叉燒一定必試！質感夠鬆化，肥瘦適中，而且有好豐富既肉汁！叉燒加埋蜜汁嘅味道，好好味！！無誇張，真係我人生以來食過最好食既叉燒呀！鐵板黑椒牛仔骨　＄９８侍應未行到黎，我地已經聞到好香既黑椒味喇！牛仔肉質嫩滑，配埋香口惹味既黑椒汁，真係令人慾罷不能呀！原本驚兩個人食唔晒三碟餸，冇嗌到白飯；結果就係因為呢碟黑椒牛仔骨，所以叫左兩碗白飯木魚絲石窩茄子　＄６８以石窩上台，超級熱辣辣，香味令人食指大動！木魚絲加茄子好夾，份量相當多，送飯一流呀！

呢間鋪叫做叉燒大王，一聽就嚇親，仲以為成間野都係食叉燒燒味，但見門口除左燒味仲有其他小菜，又見d燒味睇落去幾靚，就膽粗粗入去試。睇詳細menu,又ok，除左雞鴨鵝叉燒個d，仲有茄子煲個d特色小菜。我地四個人叫左5樣野。第一個叉燒賣相好靚，咁岩揀中舊幾多肥肉，死啦又要做運動燒卡路里。食落幾入味，煙刃但又鬆化，幾有咬口，不過偏咸左些少，可能平時食開清d. 但真係幾唔錯既叉燒第二個頭油雞，雞好鮮嫩，仲有鵝肝拌碟，個醬汁唔算好特別，但因雞鮮，加唔少分第三個豬肺湯唐排，個湯底好清好岩我口味，食唔出味精湯味，忍唔住食多幾舊豬肺。第四個鐵板牛仔骨，其實相比其他，有小失色，因為牛汁唔算好重，醬有些少咸，可能係之前個d太出色。但整體肉質幾有咬口 配上咸咸地既醬汁都唔錯第五係茄子，係我最愛既茄子 但今次做法唔同炸口本來會油，但包住大份茄子可以接受，唔會太油膩，但個人都係偏好蒜蒸茄子哈哈 但真係可以一試Overall價錢都ok,野食唔錯，又大大份 行過有燒味癮可以試下👍🏻最啱大班人黎食

今天是農曆年前的星期日，相約了四位朋友敍舊。其中一位住河畔花園，建議到「叉燒大王」孝敬五臟廟，順道來一個年終聚餐呢！環境坐得舒服😌快快手打開餐牌啦！先叫一個「茶樹菇唐排湯」；湯料認真十足，唐排肉質稔滑，配合茶樹菇頓覺味道清甜。數碟小菜依序上枱。鎮店之寶的「叉燒（例牌）」賣相吸引，入口滋味濃郁。時近佳節，來個應景食物「半隻頭抽雞」，雞皮色澤鮮明，肉味香濃。怎能缺少生猛海鮮；「清蒸沙巴班」魚味四溢，清鮮無比，甜美甘香。有肉有魚之外，蔬菜類出場；「金銀粉絲蒸勝瓜」清新可口，勝瓜腍甜，粉絲幼滑；「金銀蛋」浸的「豆苖」鮮嫩翠綠，配上金銀蛋，鹹淡適中，送飯一流。「叉燒大王」地點方便，食物水準頗佳，味道很好，侍應態度良好。值得光顧享受！

晚上十點有多上完課返到入沙田，同老公搵嘢食，一係大圍一係河畔，好明顯呢度可以泊車方便好多， 雖然冇曬標位，大家泊喺附近都應該多數冇問題。見到餐牌上許多小菜都非常吸引，我們選擇了煲仔啫啫芥蘭及叉燒(例牌)加個白飯，再加個上湯米線。呢個石鍋芥蘭可能唔啱季節，芥蘭苗得葉同花，唔多莖，香口但好咸，送飯還可以。果然係叉燒大王，這個叉燒不得了，用咗梅頭，肥瘦含量好啱做叉燒，好淋，甜度恰到好處，配白飯，非常可口呢！上湯米線大大碗，湯底唔錯。 因為附近有一間酒店，這麼晚都仍有不少外國遊客光顧，餐牌上亦有英文註釋，十分體貼。走嘅時候門口好多人等緊外賣燒味，街坊都好捧場。

間野堂食ok的,但買外買就要要小心。之前買叉燒五次得一次啲質素似堂食都算，當係唔好彩。今次買雞上裝居然雞翼都偷，仲送雞囉柚！大家買完記得要睇下裡面。希望佢地正視呢個問題!

沙田河畔花園嘅叉燒大王晚晚都例牌爆場，同隔離既餐廳形成好大既對比，雖然要排隊等位先可以入去開餐，但都依然無改我地要入去食既決心。茶樹菇燉唐排湯:個湯非常清甜，又夠足料，唐排同茶樹菇嘅份量都好多，好有肉香且富有茶樹菇味，解渴亦滋潤非常。招牌叉燒:黎叉燒大王基本上個個都食招牌叉燒，肉質嫩滑幼細，又夠多肉汁，而且又有蜜汁果份香甜，味道不俗!鐵板黑椒牛仔骨:黑椒味濃郁，牛仔骨都好入味，肉質軟腍嫩滑，而配料嘅青椒同紅椒都好爽脆，唔會煮到腍曬。石窩生啫芥蘭:芥蘭爽甜，無平時嘅苦澀味，另外有咸魚調味，非常香口惹味。

尼幾日復活節假期陽光充沛最好做户外活動，我地去左沙田踩單車後響河畔花園食晚飯，屋企人想食小菜所以我地就選擇左位於D座樓下既“叉燒大皇”度食飯，我地六點半左右已經去到但已經需要等位，我地食完差不多八點走時就有好多人等位，可見尼間“叉燒大皇”好多捧場客。叉燒離到“叉燒大皇”更係要食叉燒啦，叉燒果然名不虛傳，叉燒帶一點點肥，肥瘦剛剛好，瘦既部份咬落好冧，肥既部份又唔會太多，簡直係黃金比例，而且例牌既份糧都幾多，絕對要食。胡椒浸豆卜胡椒湯底非常好味，胡椒味唔會太重，粉絲浸入胡椒湯再加埋釀滿魚肉既豆腐卜，飽肚又好味，但份糧唔算多，可以當作一道湯羹菜式。鐵板黑椒牛仔骨喜歡食牛既朋友一定要食，牛仔骨鐵板上熱辣辣，黑椒汁配牛仔骨係最佳配搭，牛仔骨肉質彈牙，完全唔會韌，而且夠曬鑊氣，送白飯食一流。薑汁炒芥蘭食左敢多肉更係要點返碟炒菜，芥蘭係我最喜愛既菜之一，芥蘭夠新鮮，夠爽脆，用薑汁炒，清得離帶點薑汁同蒜蓉味，如果你想要重味少少，可以另一個選擇，就係啫啫芥蘭，睇落更好味。温馨提示尼間餐廳以四至六人枱或大圓枱為主，如果你想兩個人撑枱腳就可能要等耐少少或者早dd去啦。

我哋呢啲沙田友，周圍去搵野食，發覺河畔一帶水準越黎越高，呢間，之前專登去試下佢嘅叉燒，果然名不虛傳，外面燒焦 裏面嫩滑，肥瘦剛好，肉汁豐富，油脂均勻…… 琴日一家大細就去幫襯下其他小菜，因為街坊小菜印像中都好好味，同埋好抵食！西蘭花炒帶子，帶子很大粒，帶子鮮甜爽口，西蘭花火候剛剛好，不會太淋或太生！石鍋咖哩牛腩，份量都很大，用石鍋上可以保持熱度，薯仔及牛腩都好多，用黎送兩飯一流！火腩鱔煲，火腩好入味，鱔很新鮮！叉燒乳豬拼盤，乳豬都有六七件，叉燒亦保持水準！

沙田市中心d餐廳每逢晚餐時間都好多人，所以今日就行遠d，特別黎到河畔試下呢間多like餐廳- 叉燒大王！就算位置比較遠，但都好多捧場客，剛到七點已經坐爆！除左出哂名的燒味，亦有好多其他特色小菜，睇到花多眼亂！最後點左招牌叉燒例牌、頭抽雞半隻、胡椒浸豆卜和石窩生啫芥蘭。半肥瘦叉燒，又冧又香🤤頭抽雞都好有驚喜，豉油味好濃，送飯一流胡椒浸豆卜胡椒湯唔會太辣，啱哂唔係好食得辣的朋友，每塊豆卜都饟滿鮮肉，再大量粉絲，可以送成碗飯都得👍🏻強力推薦鍾情中式小菜的朋友黎試下！

蒜蓉辣椒蒸鱼鮫，說成剁椒，㕑師只把 一大堆蒜蓉加只有幾粒辣椒 ，這不是剁椒。 其他食物尚算好味， 乳鴿 味道 不錯。 出菜速度比較慢，失望呢。不過，仍給予機會，最多下次唔食這味。