叉燒大王

Open Now

Now Closed

今日黎到沙田圍呢邊開工，想食下燒味飯，所以就去左叉燒大王個度食。醒目既我已經一早係food gulu度攞定飛，因為去到既時候，見到人山人海，我就好彩唔駛點等位就入左去食。入到去裝飾簡約，都算坐得幾舒服。佢既menu係主打燒味飯，不過都會有炒粉麵飯，如果係學生既話，仲有得平添。另外佢都有下午茶同特餐提供。我自己就叫左燒鵝脾乳豬雙拼飯，餐飲就配左紅棗蜜 。個燒鵝脾乳豬飯，賣相唔錯，仲香噴噴添，未食已經令到我流哂口水，食指大動。 隻燒鵝脾好大隻，啖啖肉，肉質鮮嫩，一啲都唔韌，而且唔肥膩，無咩脂肪，啱晒我呢啲鍾意食燒味但又想食得健康既口味。 而個乳豬片個皮非常脆，半肥瘦，口感無得輸。佢另外都會附送酸梅醬同乳豬醬俾客人佐送。至於個紅棗蜜，個人覺得好清甜，味道唔錯。