叉燒大王

沙田市中心d餐廳每逢晚餐時間都好多人，所以今日就行遠d，特別黎到河畔試下呢間多like餐廳- 叉燒大王！

就算位置比較遠，但都好多捧場客，剛到七點已經坐爆！

除左出哂名的燒味，亦有好多其他特色小菜，睇到花多眼亂！

最後點左招牌叉燒例牌、頭抽雞半隻、胡椒浸豆卜和石窩生啫芥蘭。

半肥瘦叉燒，又冧又香🤤

頭抽雞都好有驚喜，豉油味好濃，送飯一流

胡椒浸豆卜
胡椒湯唔會太辣，啱哂唔係好食得辣的朋友，每塊豆卜都饟滿鮮肉，再大量粉絲，可以送成碗飯都得👍🏻

強力推薦鍾情中式小菜的朋友黎試下！