劉興記生煎包專門店

Open Now

Now Closed

女人街咁多好嘢食都排長龍究竟係咩事呢，應該係好食先有人排嘅，一於就入去試吓啦😲招牌上海排骨菜飯+生煎包 $54呢個係佢哋嘅招牌王牌套餐，份量十足，排骨外層酥脆，有啲似日式吉列豬扒，估唔到呢類中式豬扒咁炸又幾好食喎🤫菜飯都非常之大碗，因為餸同埋飯分開上嘅關係係唔會令到啲飯油淋淋，平時去啲上海舖食嗰啲菜飯都好油膩，呢個唔錯😌至於個生煎包真係一咬就爆汁，真係低估咗佢，差啲焫親個口添😳生炸雞扒蔥油拌麵 $42今日天氣熱唔係幾想食湯麵，就叫咗個蔥油拌麵，個蔥油調配得幾唔錯，唔會食到成口油，拌麵食落都幾有咬口，塊炸雞扒份量都幾多🤫蟹黃生煎包 $18普通嘅生煎包就食得多啦，蟹黃生煎包都真係第一次食，一咬落去就爆汁之餘，個肉餡係滿滿嘅蟹黃啊，果啲咸鮮味啱啱好唔會太膩，黎呢度必點👍🏻

聽同事講劉興記生煎包好出名，排隊都一定要去食。我本身最怕要排隊，今晚落雨，又未到繁忙時間，經過女人街附近，就諗住博吓有冇得食。好彩去到仲有位，我哋被安排坐喺卡位嘅一邊，因為繁忙時間需要搭枱。來到這一定要食生煎包，但我哋又想食得豐富啲，就點了一個麻醬手撕雞絲粉皮配2隻生煎包套餐，佢仲有一杯豆漿送另外再點咗兩隻蟹皇生煎包, 肉汁變成蟹皇，入口熱度剛好，鮮味更加濃厚，值得加點一吃。個普通生煎包摺面煎到脆卜卜，裹面的湯汁滾熱辣，如果就咁咬落去，會俾滿晒嘅湯汁焫親。甜點豆沙窩餅餅片脆但豆沙餡比較少，這個價錢也差不多了。麻漿手撕雞絲粉皮比想像中大份，麻漿很香濃，雞絲份量多，粉皮是爽口卷起的，是非常適合夏天的食品。另外點了生炸雞扒蔥油拌麵，雞扒厚肉有肉汁，外脆內嫩。蔥油拌麵香口，不知不覺已經吃完。反而上海排骨湯麵的排骨比較乾，湯麵有蛋𢇁菜遠及炸蔥，很吸睛但湯底略淡。見到寫有「生煎包無爆汁，可免費更換」老闆對出品好有自信呢！

電視都有推介既人氣大熱生煎包店，近排開左好多間分店，呢日假日去，都有吾少人係門口排隊，但條隊都郁得快，等左一陣就入得☺️食既就係基本上海菜，價錢親民，除左單點仲有套餐😇.👁‍🗨 招牌生煎包(7.5/10)💲20 / 2隻.➰生煎包大細正常，熱辣辣上枱，外皮吾會話好厚，岩岩好，又煎到微微脆身🤤入面有滿滿既湯汁，真係要慢慢細細啖食先得，如果吾係好易爆哂啲汁😂.👁‍🗨 蟹黃生煎包(7.5/10) 💲18 / 1隻.➰比預期出色😎生煎包同樣外皮脆脆地，一咬爆汁🤤入面既蟹肉份量都幾多，食幾啖都仲見倒啲蟹肉🦀而且有濃郁既蟹黃味，帶點鮮甜🫢.👁‍🗨 上海排骨湯麵(7.5/10) 💲42.➰排骨既賣相整到好似日式吉列豬扒咁😂每舊都吾係好厚，肉質腍身，食落感覺好似冇平時既咁熱氣🤔上海麵粗身，似烏冬口感，個湯清清地.👁‍🗨 手工豆沙窩餅(件)(7.5/10) 💲28.➰個餅皮做得略嫌厚左些少，不過味道搭夠，帶點餅皮同蛋漿既香味，甜度吾係好甜，豆沙餡如果多啲會更好.🔛 整體評分（7.5/10）

人氣生煎包👍🏻👍🏻講到明，唔爆肉汁可以即刻換！-招牌生煎包🐷真係超級多汁，一咬落去爆哂啲汁出黎，好鮮甜，餡料大細都岩岩好，煎到脆皮，口感非常好！-蟹黃生煎包🦀好濃蟹粉味，餡料都好多蟹肉，真係足料！啲肉汁好似飲緊湯咁👍🏻-排骨蔥油拌麵🍜超級大碗拌麵😂份量十足，蔥油都好出色，好夠味排骨炸粉一啲都唔厚，而且排骨都好大份，肉質唔乾🥰-酥炸小雲吞💛一口一粒，夠哂香口酥脆，沾埋甜酸醬食，不得了！

今次去旺角分店，有試吓佢哋嘅蟹粉生煎包。入邊嘅肉餡同埋蟹粉份量都好足，淡淡蟹肉味道。每一隻都爆汁，用上本地的新鮮梅頭肉，以人手搓製、推皮、包餡，再放到特製上海生鐵鍋上以混水煎法煎製。的確生煎包一篤已經有湯汁爆出。不論堂食或外賣都要預咗要等，因為生煎包一造起就賣清光，特別係原味版本，人人都會嗌，一定要等。除咗生煎包，佢哋嘅蔥油餅都幾好食，做到好酥脆，入面塞滿鹹鹹地嘅蔥油餡。加埋杯豆漿做小食就一流。👍🏻

-「發哥都幫襯過 ！」(✪ω✪)上網見到呢間生煎包店好吸引，仲開咗好多間分店，價錢又幾抵，所以今日去旺角食吓，當然一定要點生煎包！🤎生煎包🥟 $20/ 2 pcs重點是要做到「一口爆汁」 𝒥𝓊𝒾𝒸𝓎外皮煎得夠香脆，入面充滿湯汁，豬肉方面醃得剛好，味道唔會太過鹹，表面上有白芝麻，記住趁熱食，享受湯汁滿滿的口感！🧡蟹黃生煎包 18/ pc兩隻比較我更鍾意蟹黃生煎包，一咬入去感受到蟹黃的香濃，原來入面仲有蟹肉碎碎，口腔入面咸鮮味久久不散，推薦！🩷麻醬手撕雞絲粉皮 $35充滿青瓜同雞絲碎，再搭上滋味的麻醬，粉皮有別於平時的扁平狀，屬於圓條型，咬入去有口感略帶煙靭，都不錯，份量仲要幾多！🤎排骨蔥油拌麵 $42蔥油拌麵有驚喜，麵表面充滿油香光澤，入口充滿蔥油香，但唔會太過油膩，呢隻麵質亦有口感，唔會煮得太腍！排骨使用上海傳統炸法，炸粉厚度算適中，咬入口酥脆，2者配合一齊食都不錯。🤤價錢好抵，呢個價錢配呢個質素絕對收貨，另外味道方面唔會太鹹，調味啱啱好。另外侍應姐姐對客人都好友善。(๑´ڡ`๑)

一名上海朋友帶我去食上海美食， 當然要跟去啦～店面唔算好大，唔知味道如果尼～（5⭐️最高）招牌生煎包兩兩隻（5⭐️）招牌果然唔錯👍🏻， 一落唔太熱， 是岩岩好的😋， 底部因為煎一煎， 所以特別有咬口🤗。 內部的肉質鮮甜， 又多汁… 蟹黃生煎包（兩隻）（5⭐️）尼款蟹黃味相對比較重。食落都有肉汁爆出。外皮唔算太厚。好味🤤上海排骨菜飯（5⭐️）菜飯嘅份量好多，排骨脆炸之後切成大約五至六件🤩，雖然唔係厚切，但係都肉質鮮嫩🩷生炸雞扒湯麵（5⭐️）以上海粗面為主打，湯底鮮甜，而且有雞嘅鮮味，肉質鮮甜，而且嫩口🥰手工豆沙窩餅（5⭐️）豆沙鍋餅係我食過嘅最好食😋。外皮充滿蛋嘅鮮甜味😍，鬆軟之餘，內裏的豆沙餡亦都唔會太甜，份量亦都啱啱好。 低糖豆漿（5⭐️）好滑， 好味🤤，豆味濃郁。

🔥近期爆紅的「噴射式」🚀爆汁生煎包- 劉興記🫨短短一個月, 📍分店已遍佈港九新界🌟主打爆汁生煎包, 保證唔爆即換🫡🤚🏻手工製作｜即包即煎🧑🏻‍🍳套餐☑️主食+生煎包+豆漿, 一個人都可以享受一人浪漫😌🥳另提供菜飯🍚, 湯麵拌麵🥢, 小吃等上海菜式🥣份量十足, 價錢親民💰🤑難怪連貼地的發哥都係常客🤩～🔸招牌生煎包🌟 $30/4隻 8.5/10💧以混水煎法, 包底金黃香脆💖, 脆卜卜😻肉餡選用🇭🇰本地新鮮梅頭, 🐷肥肉比例較少👍🏻😚鮮甜飽滿, 湯汁真的超級多🫨⚠️前方注意⚠️👄小心燙嘴同爆汁♨️🕳️輕輕篤一個洞仔, 吸咗部分湯汁先🫣🤧會冇咁易噴汁, 整污糟自己/對面🤣🙈🔸蟹皇生煎包🦀 $18/隻 9/10🦀蟹控必食｜每日限量發售✴️爆汁程度同樣地驚人🫨入面仲有一絲絲蟹肉絲🦀加咗蟹黃後, 味道更鮮甜🤤, 層次昇華🆙\(≧▽≦)/大推！🔸蟹黃拌麵🥢 $78 7/10🧚🏼‍♀️記得撈勻食🥢每條都沾上滿滿的蟹黃同蟹肉 🦀旁邊有🥒青瓜絲中和解膩👻建議share食, 會冇咁膩🙌🏻同分擔吓膽固醇🤫🔸麻醬手撕雞絲粉皮🥜 $35 7.5/10份量足料大碗🥣😌粉皮爽滑厚身, 🈶雞絲及大量青瓜絲🥒🥜麻醬口感順滑, 花

餐廳雖然唔太顯眼，但有唔少人排隊等位，而且員工有禮又好服務，價錢合宜味道又唔錯😆.🥣蟹黃生煎包🥣：💰$18/隻爆汁，蟹黃鮮肉甜，肉餡有蟹黃粒，外皮底部煎得金黃酥脆，一口咬下去，湯汁有蟹黃香濃同肉餡鮮嫩，口感夠豐富。🥣生炸雞扒🥣：💰$22炸至外皮酥脆，內裡肉質彈牙，香氣十足，唔覺油膩感。🥣招牌擔擔麵🥣：💰$42秘制湯底花生味濃，偏稠，有櫻花蝦、花生碎同肉碎，甜甜地又少少辣，辣味麻味比例幾好，每條麵都可以掛汁咁食。🥣麻醬雞絲粉皮🥣：💰$35細軟Q彈粉皮加上醇厚麻醬同鮮嫩雞絲，香氣濃郁且不膩口，秘製麻醬係整碟靈魂，濃郁芝麻香味同醬料滑潤口感完美融合。🥤豆漿🥤：💰$8豆味濃郁且少甜健康。

今日去咗旺角通菜街一間叫「劉興記生煎包專門店」嘅餐廳食午餐，間餐廳嘅職員非常熱情好客，睇得出係主打街坊生意。我哋嗌咗招牌生煎包、蟹粉生煎包、上海排骨烏冬、蔥油拌麵、雞絲酸辣湯小雲吞同麻醬手撕雞雞絲粉皮。生煎包即叫即煎，招牌生煎包嘅豬肉餡大小適中，包皮唔會太厚，一咬落去就爆出濃濃嘅湯汁，食嘅時候要小心燙；蟹粉生煎包嘅豬肉餡料混合咗蟹粉，食落味道特別濃郁，爆出嘅湯汁亦有濃濃嘅蟹味，而且餐廳寫到明所有生煎包如果冇爆汁都可以免費更換，俾到客人信心保證；排骨烏冬嘅排骨炸得香脆，唔會太乾身，而且肥瘦適中，配上清淡嘅烏冬食落都好舒服；蔥油拌麵嘅味道較濃味，麵條粗幼適中而咬落去彈牙，蔥油嘅醬汁亦都炒到好香，令到成個拌麵都好惹味；雞絲酸辣湯好重胡椒味，酸味同辣味都好開胃；麻醬雞絲粉皮亦都好足料，滿滿嘅青瓜絲同雞絲夾埋粉皮一齊食都好清涼消暑。📍旺角通菜街1M-1T號華發大廈地下D號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

今日下午去了近期爆紅的生煎包專門店～劉興記試試店內的招牌食品，果然是一個字～“爆”！🥠招牌生煎包2隻～生煎包熱辣辣，皮脆肉嫰，一啖咬下便即時爆汁。🦀🥟蟹黃生煎包1隻～比招牌生煎包更鮮味，滿滿的蟹黃蟹肉餡料，令人吃得滿足。🫓百步香葱油餅1件～葱油餅一開四，餡料滿是惹味香口的青葱，值得一讚是師傅煎得外皮鬆脆得來卻一點也不油。🥣雞絲酸辣湯～湯料份量十足，包括雞絲、木耳絲、荀絲、冬菇絲及豆腐絲，酸辣度適中，又不會太濃味，喝後也沒有口渴感覺。🥛現在只要願意在Openrice 發放相片及20字的句子，更可獲免費豆漿一杯，豆味香而不會過甜，冰涼解膩。

個個朋友都話呢間生煎包好食，終於輪到我試吓，最出名就係爆汁生煎包，門口見到有張相 原來發哥都有幫襯旺角店夠晒方便，所以每逢去到食飯時間都坐滿晒，我哋早少少就去到，完全唔使排隊，環境乾淨企理，落單之後唔使10分鐘就有得食啦招牌生煎包即叫即煎，店員姐姐細心提醒會爆汁，估唔到我輕視咗，一口咬下去啲汁真係多到爆出黎，用上新鮮豬肉，肉質比較鮮甜，呢個質素同呢個價錢真係冇對手蟹黃生煎包食完普通版本再食呢個高級版，又有唔同感覺，喜歡蟹黃的一定不要放過，超級鮮味很足料，唔使$20就可以食到蟹粉好抵另外點咗套餐包括咗麻醬手撕雞粉皮單點都唔貴都係$35 最緊要多醬仲好食粉皮夠晒滑 又唔會太厚雞肉和青瓜絲都很多份量比平時頭盤份量的更多作為一個正餐都唔過分套餐仲包咗豆漿 可以揀凍或者熱食完生煎包啱啱飲番杯豆漿總括而言，都係一定會再嚟無論價錢同食物質素都係性價比極高仲有咁多分店 好方便

聽咗劉興記呢個名好耐，好鍾意食生煎包嘅我終於搵到時間去試🤩一去到都排長龍，同朋友等咗一陣之後就可以入去食，見到所有嘢食價錢都好抵，質素幾好，下次都想再嚟食。⭐️招牌生煎包果然係招牌，入面超多肉汁，個底好脆，全部都係新鮮煎好熱所以真係要小心啲食。我自己就比較鍾意吸晒啲肉汁先🥳😋蟹黃生煎包肉汁會少過招牌生煎包，原因係入面有大量蟹肉，好濃蟹味，鍾意食蟹黃嘅人一定好開心。🍜生炸雞扒蔥油拌麵雞扒炸得皮脆入面都唔老，蔥油拌麵入面加咗少少醬油非常惹味。☀️手工豆沙窩餅窩餅外皮好脆，豆沙唔太甜。

行街途中竟然比小妹見到呢排人氣大熱嘅爆汁生煎包😍同我最愛既蟹黃拌麵，即刻忍唔住要入去試吓🤩我食左：👉🏻✨蟹黃拌麵✨ $78呢份蟹香四溢既蟹黃拌麵上面滿滿都系蟹黃，份量唔少，食落鮮香味美超滿足😌✨蟹黃生煎包✨ $18豬肉或者牛肉生煎包小妹就食得多，蟹黃生煎都係第一次😆可能系個包皮夠薄、餡料夠多既關系，有d似食緊個加大版既蟹粉小籠包咁，試過－定唔後悔🤣✨低糖豆漿✨ $8豆香好重唔太甜，好飲❣️🛑劉興記生煎包專門店📍旺角通菜街1M-1T號華發大廈地下D號舖港鐵油麻地站 A2 出口,步行約5分鐘

呢間主打生煎包的上海菜餐廳，據聞最近都幾hit，而且多區都開咗分店。今日就嚟旺角店試下地點位於女人街近家樂坊，好容易搵。店舖面積唔算大，呢日係星期日下午，都幾多人嚟食，亦見有好多人專程嚟買生煎包外賣❇️招牌生煎包 ($20/2隻)▶️嚟到當然要試下招牌菜生煎包啦！新鮮熱辣每日即包即煎，食的時候已經好小心，但都依然爆汁！外皮唔會太厚，煎得脆脆地，一咬開入面湯汁真係好多，而且好夠鮮味，食完真係會想再食！❇️秘製上海炸排骨($22)▶️即叫即炸，外皮酥脆但又唔會好多油，入面肉質粉嫩亦有肉香❇️麻醬手撕雞絲粉皮($35)▶️粉皮非常爽口彈牙，頂層舖上厚厚的麻醬及芝麻，味道香濃，中間有好多青瓜絲，減輕油膩感❇️蟹黃拌麵($78)▶️蟹黃醬舖得滿滿，入口食到蟹的鮮味，麵條較乾身，但撈勻蟹黃同埋青瓜絲一齊食就會剛剛好，成碗份量都幾多❇️酥炸小雲吞12粒($25)▶️同樣即叫即炸，外皮炸得香脆，一口一粒，配埋酸甜醬味道惹味❇️手工豆沙窩餅($28)▶️一碟切開8小件，皮同餡的份量及厚薄均等，唔會太甜總括來講，價錢非常親民，而且整體食物都有質素，尤其生煎包的確是必點推介，而且服務態度殷勤有禮，值得再來幫襯！（唯一建議堂食最好用