Kane Tsuru Ramen (Shell Street)

依間日式拉麵店香港有幾間分店今日見有時間就排下隊入去食餐牌主打招牌係佢地嘅雞肉湯拉麵入裡有鮮炸脆左嘅牛蒡同半隻溏心蛋溏心蛋煮得岩岩好唔過老蛋味都好出而個湯非常濃郁 第一次食用雞湯底味拉麵同我想像中好多油 似中湯咁嘅好唔一樣反而係奶白色 應該熬左好耐先有咁出色雞肉同叉燒以慢煮方法烹調所以同一般嘅肉質感好唔同餐廳有好多限定限量菜式我地決定食鰻魚飯師傅每日新鮮處理包括去魚骨 燒 加埋秘制燒汁去煮 一手包辦好幸運今日仲未售罄可以食到魚肉爽彈 接近3cm厚 雖然價錢唔算抵食但要係香港品嚐到咁正宗嘅日本鰻魚飯真係好罕有鍾意鰻魚嘅你要品嚐下…Read More

▪️金鶴雞白湯拉麵ᴋᴀɴᴇᴛsᴜʀᴜ ᴄʜɪᴄᴋᴇɴ ᴡʜɪᴛᴇ sᴏᴜᴘ ʀᴀᴍᴇɴ + 炸日式餃子 $𝟷𝟸𝟾拉麵拎出嚟熱辣辣，但湯底就比起其他地方試過既雞白湯淡好多，奶味偏重少少，冇咩鹹味😅雞肉同叉燒肉質正常，但唔算好嫩滑，味道都較淡。牛蒡就炸得比較香脆，溏心蛋都有少少流心但味道唔算濃，拉麵麵質就唔錯，軟硬度啱啱好，但唔算好掛湯。日本餃子皮夠薄，炸得幾脆，但味道亦係偏淡🙈♡好味指數 🌕🌕🌗🌑🌑✔︎性價比🌕🌕🌗🌑🌑✔︎環境服務🌕🌕🌕🌑🌑✔︎打卡指數🌕🌕🌕🌑🌑✔︎推介指數🌕🌕🌗🌑🌑✔︎回頭指數 🌕🌕🌗🌑🌑…Read More

第一次黎到位於天后既金鶴拉麵，當然要試下佢既招牌啦。個招牌拉麵印喺set lunch menu 上，叫金鶴雞白湯拉麵。加少少錢就可以擁有其中幾款小食，但係我冇加到。由於做緊會員優惠，所以新登記嘅會員只要出示QR code就有免費一罐可樂。身邊嘅朋友反而叫咗一份炸雞，慶幸我都可以識到。熱辣辣嘅唐揚炸雞，浸落少少麵湯再食一啖，外脆內軟嘅雞有着雞湯嘅鮮味。咁既食法真係令人回味無窮。個拉麵等咗差唔多15分鐘就已經上枱。拉麵上面有大量加牛蒡做裝飾。脆卜卜既牛蒡浸落湯度比起齋食更加好味。麵中間有兩塊雞胸同埋好大塊嘅叉燒。我認為叉燒係肥瘦適中。比其他拉麵店嘅叉燒切得更加薄，但係好大塊。兩塊雞胸比較嫩滑，一咬落去係食到好淋嘅口感。麵中間有糖心蛋，一啖麵配一啖糖心蛋真係好正。雞湯其實比較濃稠，飲太多會覺得比較肥膩。總括嚟講，人均$100嘅拉麵店呢一間算係超高水準，值再三回味。…Read More

收工後係天后炮台山蜆殼街到發現一間隱世高級拉麵店，店外裝潢特別，有種神秘感吸引我和同事決定入內一嘗。進入店舖後，映入眼簾的是一張別有特色日式的長拉麵bar枱，防疫措施亦非常齊全，讓人感覺安全又不失格調。 店內裝修以黑色木質製造為基調，金鶴嘅圖案作為裝飾，燈光配合下，營造出豪華又精緻的感覺，十分舒適。 餐廳店員服務周到，態度禮貌，熱心推薦店內人氣美食，我和友人分别選擇了金鶴雞白湯拉麵和慢煮雞胸肉飯。 雞白湯的湯底蘊含著雞肉本身的鮮味，十分濃香，加上兩片肥瘦均勻的叉燒和嫩滑的雞胸肉，配菜高質且分量十足，麵既質地軟硬適中，最後放上炸牛蒡作為點綴，令人食慾大增。整體而言，不論拉麵的湯底，配菜，用料和味度都十分岀色。 友人的慢煮雞胸肉飯亦非常驚喜，精緻的盒裝佈滿兩層鮮嫩的雞胸肉，加上各種配菜點綴和醬汁搭配，配上一口日本珍珠米，令人回味無窮。套餐配有小食一份，炸雞配上海鹽，口感豐富 最後當然不能錯過串燒的部分，我們嘗了明太子雞翼、黑豚肉串及日本多春魚，全部即場燒製，香味四溢。雞翼去骨再釀入明太子，可見背後心思和工夫，入口帶有一點芝士香濃配上明太子口感，十分難忘。最後喝上一口日本麥茶，豐富的味覺饗宴以清新的感覺作結，金鶴拉麵絕對需要encore！…Read More

今日想走日式食物又唔想食生冷野所以選擇了拉麵，我炮台山附近拉麵店唔算多選擇同事推介所以去了這間，金鶴有五所分店我都未去過第一次試，今次試完我對香港日式拉麵有了新希望一般我都是大約兩個月先食一次拉麵，每次食完都好口渴...就算已經點了淡一點...入到去本身諗住叫午餐，但午餐唔算太吸引就點了一個正常套餐（主食，小食，飲品）點了金鶴雞白湯拉麵為主食，黎到嘅時候見到本上有一個浮誇嘅’裝飾‘，本身以為得個睇字同事叫我快啲食，食咗落口好香口有啲脆有啲甜.....好好吃....問店員得知是炸牛蒡...第一次食到個湯底冇‘鹹味’...好神奇...好真嘅雞味有少少好似溶咗嘅芝士味(如果食開重未或者食開味精會覺得呢個好淡可以加$20轉特濃，我同事好誇張覺得個湯好味到要飲晒佢..食完完全唔覺得口渴碗麵入邊有雞，黑豚肉，黑木耳，筍，炸牛蒡，溏心蛋.（雞食落去似係慢煮雞胸肉好林好林黑豚肉味道也很不錯）和朋友分別點了小食炸唐楊雞及炸日式餃子，餃子不過不失而雞就真係好出色，個面炸得剛剛好，又香又脆....重點係入面嘅肉一啲都唔乾又滑又多汁！！另外佢哋有出名嘅日本同本地嘅手工啤選擇，好可惜午飯冇加到錢叫，晚飯一定加錢飲埋，鍾意飲啤酒嘅客人可以夜晚過嚟食夜晚飯或者過嚟叫個串燒餐，優惠價加啤酒～總結食物：70環境：60衛生：60服務：60回頭率：70性價比：70*…Read More

媽媽鍾意食日式拉麵🍜，見到近期大熱嘅金鶴拉麵🦩，主要賣點係雞湯湯底🐓，比較少有👐🏻，而且，比起其他豬骨湯拉麵都特別🐷，所以，今日母親節👩🏻，就帶媽媽一齊黎做吃貨🤤。金鶴拉麵有五間分店5️⃣，當日我哋去咗就近嘅炮台山分店。蒲入餐廳，店內燈光柔和🏙，幾有情調🕯，店子細小座位唔多👐🏻，以兩至四人位及吧枱為主。店員服務態度友善☺️，招呼周到😉，我哋想再睇餐牌📃，有冇其他小食🥟，店員十分細心上前遞上。金鶴雞白湯拉麵🐓 $98 (7/10)既然selling point係雞湯🐓，當然係飲湯先😋，奶白色嘅雞湯底，湯底嘅顏色已經睇得岀淆咗好耐😚，飲第一啖，非常濃郁嘅雞湯係口內蕩漾🤩，之後完全停唔到口😋，每食一注拉麵都一定要大大啖咁講飲湯😉。至於拉麵，只得一款🧐，亦無提硬度選擇，粗身嘅拉麵質感普通🤓，平平無奇😐。另外，有牛蒡🐮、雞胸🐔、豚肉🐷、半隻糖沁蛋🥚做配料。薄薄牛蒡片炸得非常脆口😲，雞胸同豚肉零脂肪🔥，啱曬修身一族👍🏻。香蔥赤雞鹽味湯拉麵🧂 $78 (6/10)呢個係當日午市套餐list上面嗌嘅，送沙律做前菜🥗，沙律新鮮，配芝麻醬食一流👍🏻，拉麵我同媽媽見到，都異口同聲咁嘩咗一聲😵，啲蔥真係多到滿瀉🥳，鍾意食蔥嘅朋友一定要嗌🤗。鹽味雞湯🧂，一啲肥膩都無✅，清清淡淡都幾清甜😌。小總結，湯底非常岀色🥳，濃厚嘅雞湯好飲到我幾乎飲曬🤤，而且無味精飲得岀係自家煲😋，就係值得一讚👍🏻！雞胸🐓、豚肉🐖偏瘦，而且係清煮，十分健康😏。不過，拉麵普通咗啲🤓，質感有待改善💪🏻，始終拉麵唔止湯底，拉麵口感都好重要🙂。餐廳餐牌及當日嘅午市套餐餐牌如下:…Read More

日式拉麵算是日本的國民美食之一，隨著近年不少東洋過江龍拉麵店進駐香港，市面的拉麵店百花齊放，而大多都是以豚骨魚介湯底掛帥，雖然是想當然的高質，但味道仍是大同小異，變化不大。最近筆者造訪了一間位於天后一帶的拉麵店，店家反潮流以雞白湯為主打，從網上的資料得知出品甚得人心，當然要試一下！餐廳位處蜆殼街內，屬靜中帶旺的地段，離炮台山地鐵站也是5分鐘左右腳程。小店佔地不算太大，只有約5 - 7張枱左右，店內裝修時尚型格中滲著點點東洋味道，灰黑的主調襯上一大幅金碧輝煌的白鶴展翅圖，配上昏暗柔和的燈光形做氣氛，感覺高雅脫俗，環境雖不算寬敞但仍算舒適自在。翻閲餐牌發覺小店的菜式也不算單調，隨了主打的雞白湯拉麵之外，還有其他口味如醬油、鹽味和辛辣的湯底，更有其他小食、串燒和鰻魚飯，而且還有冷壓果汁、幾款個性獨特的手工啤酒和清酒吟釀，選擇較一般拉麵店為多，但既然是為了一試雞白湯拉麵而來，那便索性來一趟「全雞宴」吧！日式唐揚炸雞，一客3塊大大件的雞肉，炸得金黃香脆，肉質鬆軟，嫩滑多汁，蘸上伴碟的岩鹽調味，更添美味。日本明太子雞翼炸得金黃帶焦糖色澤，賣相飽滿一見垂涎，微脆的外皮包著滿滿的橙紅明太子，香辣惹味但不會過濃，配上嫩滑多汁的雞肉，做得頗是到位。日式餃子一客4隻，薄薄的外皮煎得香脆，皮薄餡足，入口Juicy而不油膩，沾上醬汁同吃添上酸香減少燥熱感，更覺醒胃。極濃雞白湯拉麵，這店的雞白湯拉麵有極濃和普通之分，筆者和朋友遂每人試了一款，一嚐差別。這店的雞白湯以日本赤雞熬製六個小時而成，奶白鮮甜的湯頭實在濃厚到一個點，極濃版本據講是普通版的2倍濃度，口感比預期中更濃稠，啖啖雞香滿滿，膠質豐富，感覺滋補足料，掛麵度亦高，配上爽口的白麵條，順滑濃郁，活像西式忌廉湯佐麵一般，相對於豚骨湯麵，又是另一番的滋味，但亦真心比較濃膩，感覺較適合追求傳統日式味道的客人。而當中的配料也一點不馬虎，火炙日本黑豚腩肉叉燒，大大塊肥瘦適中，肉香鬆軟；慢煮日本薩摩赤雞肉以簡單調味，清新粉嫩。溏心蛋，見到橙黃半熟的蛋黃心心眼已即現身，加上滑溜口感和淡淡的醬油香氣，佐上點點雞白湯，好味得實在無話可說。而最特別就是放在湯麵之上的炸牛蒡薄片，端上來時店員已特別提示要盡快食用，以免浸腍了，果然入口薄脆即化，浸湯後會變得帶韌性影響口感，十分獨特過癮，美觀得來又美味，在一般拉麵店是較少見，頗有驚喜。相對於極濃雞白湯，普通版本的金鶴雞白湯拉麵的湯汁也是一樣的乳白，只是飲落會較順滑清爽，但其實仍然很濃香鮮甜，喝湯後亦沒有口乾涸喉之感，個人感覺會較適合沒有那麼重口味的客人享用。而配料則跟極濃版本大同小異，兩款麵同樣出色，讓人食完回味再回味。除了食物出色之外，此店的飲品也是經過精挑細選，像是純天然冷壓果汁、得獎的日本和本地手工啤酒，全都蠻有特色，佐著香口小食同吃，別有一番風味。最後，店員還贈送了一客2件的抹茶軟凍給筆者和朋友作為甜品。小正方形的軟凍表面灑滿了抹茶粉，咬下去滲著淡淡的綠茶香，口感帶少許韌性，甘甜軟彈，清新怡人。整頓晚餐頗有驚喜，想不到在豚骨魚介湯以外，雞白湯也可以做得如此濃厚好味而不太膩，曾幾何時筆者在銅鑼灣也試過另一間雞白湯拉麵，那裡的傳統雞白湯就是濃郁得過份了，不是人人接受得來，所以這店的味道實在拿捏得很好，令人回味！相信會是豚骨濃湯拉麵以外的另一黑馬，難怪在短短時日已受到網上熱捧，更多開了幾間分店，值得一試。…Read More

普遍雞湯拉麵清湯為主，金鶴雞白湯可算特別，打入香港市場一段時間，不知不覺已經開幾間分店，朋友相約去到試試天后新店店內型格黑色日式裝修，用鶴為主題壁畫，相當有特色。店內有吧枱獨立座位，最適合一個毒食。另一邊四方枱可二人撐枱腳或一家幾口店內日式裝修，有吧枱獨立座位，最適合一個毒食。另一邊四方枱可二人撐枱腳或一家幾口金鶴雞白湯拉麵 $98招牌雞白湯拉麵，基乎係必食！上面炸牛蒡好似增加幾份藝術氣息，入口都幾香。再呷湯底超香濃creamy，原來湯底用赤雞熬製六個小時，非常香濃，掛湯能力高醬油溏心蛋滑溜入味，味道不錯拉麵係曲身，麵質煮得偏腍，如果喜歡硬麵要早揚喔兩片慢煮赤雞，肉質軟腍，有淡淡雞味，不錯 限定北海道極濃蝦湯拉麵 $138蝦味湯底香濃厚身，加上纓花蝦更加鮮味。大蝦新鮮無雪味，加上一塊大叉燒同溏心蛋，完全大滿足 燒鰻魚 $68鰻魚肉質厚實，外層加上鰻魚汁微微燒至脆面，非常美味．menu…Read More

話說約咗死黨食晚飯，咁啱佢喺天后附近返工，就搵咗依間主打雞白湯既拉麵店試吓！地理位置上其實係近炮台山站多啲嘅，一去到門口已經覺得好日本feel，望入去有日式拉麵店常有嘅吧枱，隔離就係普通枱枱櫈櫈，加埋牆上既日本白鶴牆紙，真係好有日本嘅感覺！當然要試試招牌嘅金鶴雞白湯拉麵，有史上極濃版同普通版，咁就叫晒兩款試吓有咩分別，再嗌多左碟日式餃子。等左10分鐘左右就上哂菜，驟眼睇兩款冇咩分別，但係仔細一睇就睇得出極濃版既湯上面係帶有少少泡，然後一飲落就知道分別好大，普通既雞白湯都好有雞味，飲落去唔太咸好順滑，而極濃嘅雞白湯飲落好Creamy，味道比普通既再重口味D，濃稠既湯汁配埋拉麵食真係一流！慢煮嘅雞肉亦都好出色，肉質嫩滑重雞味，牛蒡絲炸得好有咬口，味道先甜後甘，溏心蛋就正常水準，無咩特別！另外加配既日式餃子幾有驚喜，炸得好香脆而個餡仲有少少Juicy，點埋醋食好開胃唔會滯！整體食物水準唔錯，重口味既人士建議嗌極濃雞白湯拉麵，服務態度都唔錯，加茶都加得幾密，有機會會再黎食！…Read More

之前喺openrice見過金鶴拉麵嘅推介，今次一於同朋友黎近住炮台山出口嘅新分店品嚐一下！一坐低就order一人一碗鎮店嘅金鶴雞白湯拉麵🐥🍜睇相已經覺得碗麵好架勢！碗麵一到，果然同圖片一樣，有舊炸左嘅牛蒡條，我地覺得呢個combination非常特別因爲平時除左屋企煲湯會加牛蒡之外，我地冇食過咁嘅牛蒡配菜！真心我唔知其實牛蒡本身係咩味，至於呢個炸牛蒡，就係微微藥材味亦有微微蜜糖味咁。呢碗麵嘅精華喺個湯度，係好好好濃郁又creamy嘅雞湯😍係令你每一啖麵都好想不一大啖湯去食，真係好好味好上癮呀，要比滿分😍另外雞肉切得夠厚身，亦唔鞋我地scan左下面呢個QR code, 仲送多隻溏心蛋，好抵食晒碗麵加上飲左好多湯再加多半隻蛋，已經好飽，但我地本身仲嗌左小食😂點都食埋佢！燒黑豚肉串💁🏻‍♀️我地唔小心放到凍晒先食，所以覺得舊肉有啲乾。但本身個燒汁係好味明太子雞翼💁🏻‍♀️啲明太子釀左入雞翼入面，唔腥，咸咸地幾好味…Read More