Burger Joys (第一街)

呢間餐廳隱藏喺樓梯下嘅小巷入面，真係應咗嗰句「好嘢都喺巷仔入面」！餐廳雖然唔大，但幾張枱啱啱好適合一班人聚餐，位置易揾係大道西行入去就到。下午人唔多可以慢慢坐！我哋點咗芝士炸薯條🍟，嗰啲流心芝士簡直好似熔岩，好match 又夠芝士汁。我同朋友都點咗牛肉漢堡🍔，新鮮嘅牛肉Juicy，熱辣辣，好有肉味，加上自家特製嘅醬汁，正！ 漢堡包個包都係有質素都好好味🤤！軟熟嘅麵包焗得啱啱好，有牛油香，又帶少少的甜味，好食過不少漢堡包店。最後上枱嘅係水牛城雞翼。雞翼炸得金黃酥脆，肉質鮮嫩多汁。自製嘅辣醬，酸辣味道啱啱好，唔會蓋過雞肉嘅鮮味，刺激到你一口接一口，食到停唔到口！呢間餐廳真係隱世好味，下次一定要再嚟試吓其他嘢！…Read More

自從老麥同老鄉雞偷工減料又貴又唔好食質素每況愈下拒絕幫襯之後，已經好少食漢堡飽同薯條.雖然以前已經唔多幫襯!今晚女友小熊出差上環，就約我落去西環嘅 Burger Joys 開餐.係灣仔幫襯過一次質素滿意，所以今次嚟西環分店好放心幫襯.今次點芝士味薯條同蒜香味薯條，芝士漢堡同魚柳包.魚柳包係足一塊芝士，老麥嘅魚柳包得半塊芝士咋! 而枱上嘅魚柳包魚柳炸得啱啱好外層香脆內裡有肉汁 Juicy，沙律汁夠多，咬落去好複雜，又有麵包軟綿又有生菜洋蔥脆口又有沙津汁帶少少酸.芝士漢堡塊牛肉漢堡夠厚足料，牛肉 Juicy 再加上惹味芝士一同入口，滿足!薯條分量足，食薯條已經飽肚一半，最特別係蒜香薯條，感覺蒜蓉係生蒜泥，一上枱蒜味已經撲鼻而來，再加上兩個足料份量大嘅漢堡包，晚飯都唔洗食.蒜香雞翼亦都係足料之作，用嘅係D比較大隻嘅雞翼，唔似D什麼老鄉雞用D瘦雞雞翼，甜中帶酸又有輕微辣味，夾自己唔食辣口味.原本想點洋蔥圈，但係兩個包實在太足料，再加埋薯條，已經頂肚，唯有下次再叫洋蔥圈!…Read More

呢間餐廳主打傳統美式漢堡包🇺🇸曾被國際旅遊網站Big 7 Travel票選為「亞洲地區的頭50位最佳漢堡店」中嘅第5名🏆💗芝士牛肉漢堡 ($110)選用法國牛油包，依照米芝蓮得獎大廚主理嘅獨門配方，口感鬆軟又挺身，好似海綿咁有回彈力，自身帶牛油香，額外再刷上牛油烘脆🍔；漢堡扒選用USDA 1855黑安格斯牛肩胛肉，每日新鮮手打而成，只加黑椒同鹽調味帶出肉香，但冇想像中咁Juicy🐃；再配上芝士、番茄、酸瓜、紫洋蔥、生菜同秘製醬汁，層次非常豐富👍🏼💗雞肉漢堡 ($90)同樣選用法國牛油包，厚切雞胸扒炸至金黃香脆，肉質嫩滑細緻，但肉汁唔算豐富🐓：配上番茄、酸瓜、紫洋蔥、生菜同秘製醬汁中和油膩感🥙💗套餐(+$42)🍟扭扭薯條：扭扭薯條焦脆惹味，蘸上茄汁更有風味🥤飲品：Coke💗經典水牛雞翼 ($60 /6隻)雞翼炸至皮脆肉嫩，但水牛城醬汁完全出哂事😵 醬汁只有強烈嗆口嘅酸味，辣味亦非常單一冇層次，藍芝士蘸醬亦冇獨有濃烈鹹香味🙄…Read More

好耐之前已經聽朋友介紹過呢間漢堡店，加上佢之前有個幾勁嘅頭銜，係全球頭50間最佳漢堡店，仲係唯一一間香港入選嘅漢堡店🤩 前排終於去咗西環分店試吓究竟佢有幾犀利😌我哋嗌咗一個最classic嘅cheese burger，個包微微烤過嚟，食落外皮脆脆哋，但內裡超級鬆軟，仲有淡淡牛油香😋，而主角漢堡牛味濃郁，煎到好香，亦有唔少肉汁，配上超多配料，惹味十足☺️另外，我哋仲嗌咗個mushroom cheese burger，一開始仲以為佢係有個大啡菇係入面，點知原來係將蘑菇碎製成漢堡扒狀，再經油炸完成，非常有心機😳 菇堡配上醬汁，香脆惹味，不過略嫌油咗少少🤏🥤+🍟 Combo $42另外嗌咗一個套餐，配以一包薯條同汽水，不過難得一場嚟到，我哋就加咗少少錢食自己想食嘅嘢😝🍟 黑松露薯條 +$22呢個黑松露薯條冇得頂呀🤩 黑松露落手非常重，鋪滿晒係薯條上面🤪 黑松露味非常香，配上新鮮炸起嘅香脆幼薯，食落非常滋味！🥤 曲奇奶昔 +$32鍾意飲奶昔嘅朋友絕對可以一試呢度嘅奶昔😆 嗌咗曲奇味，邪惡得嚟仲咬到曲奇碎，而且飲落奶味都幾濃，配埋面頭啲cream，真係肥仔必備嘅夏天飲品😎總括而言，呢間漢堡店真係幾值得一試！特別係佢最經典嘅芝士牛肉漢堡，淨係個包嘅quality已經好高😋 不過地理位置就有啲啲難搵，佢話就話係第一街，但要落條樓梯仔先會搵到佢嘅🤔 想試嘅朋友仔就要留意返啦！…Read More

今日放假去西環試下呢個漢堡，店舖係條巷仔入面唔易發覺，裡面得幾個座位。叫左個最出名叫芝士牛肉漢堡加黑松露薯條，個包皮鬆脆，牛肉有牛味，肉汁鮮嫩，個醬汁都幾好。 薯條太多油，咬落去全部油，應該係翻熱淋油，食左一半就無食，如果薯條落單先炸比較好。。 個人建議單點漢堡比較好，薯條一般…Read More

今日和屋企人過西營盤買鹵水鵝， 偶然經過這間漢堡店， 入囗就在小巷中，認得這個品牌喺其他地區也有而且口碑不俗。屋企人都好鍾意食漢堡， 一於入去tea一tea先。冇理由兩個人都食牛肉漢堡， 一於share食一個魚柳漢堡和芝士牛肉漢堡。魚柳漢堡質素喜出望外， 上面望落去平平無奇。但塊魚柳絕對係fish and chips main course 嘅 質素， 切開睇真啲份量有返咁上下， 魚扒厚肉， 極有魚味， 魚肉仲係一梳梳～ 配合生菜, 蕃茄，紫洋蔥和經典嘅沙律醬， 非常美味！！芝士牛肉漢堡牛肉漢堡做得好好， 肉質唔會鬆散，夠柔軟， 重點係好juicy， 好夠肉味， 芝士份量啱啱好，唔會太多， 酸瓜切開薄薄小片也很爽脆， 酸酸哋中和番整個漢堡肉。 同時好欣賞佢選用嘅麵包， 厚得嚟好夠鬆軟，甜甜地好夾肉類。Fries with melt cheese 幼薯條放上大量 melt cheese, 一定要襯熱食㗎～ 芝士味道好濃郁， 發現幼身薯條係食極唔完， 每條都沾滿芝士醬～這裏的漢堡真材實料， 材料配搭亦突出食材嘅味道 👍💖，不花巧亦冇乜古靈精怪嘅款式。…Read More

我一直知道西營盤有家頗有名氣的漢堡店Burger Joys，到今天我終於來買外賣回家。雖說地址是在第一街，但原來要往下走一段樓梯才看到，幸好有香味指引我。這家店超忙的，外賣接不停手，可想而知有多受歡迎。看來他們主打漢堡、薯條和雞翼，我全都要吧。等了十五分鐘左右就提著外賣回家，包裝很嚴實，沒有漏汁等問題。有橡筋的兩盒就是漢堡，塞好塞滿。先來熱門的芝士牛肉漢堡，包的表面光滑，包身也挺，夾著色彩繽紛的食材：帶辛辣感的生紫洋蔥、非常醒胃的酸瓜、清甜的蕃茄和生菜、半溶的芝士和厚厚的牛肉，非常養眼又豐盛。麵包充滿牛油香、質感鬆軟，配合爽脆的蔬菜和軟的牛肉，有多重口感。牛肉的部分有肉汁，不會乾身，牛味也突出，正！然後到奇津辣味雞翼，是以不同調味料焗製而成，表皮香脆，有黑椒、辣椒和蒜的刺激味道。咬開後，嫩滑的肉形成了對比。蕃薯條我一定要推一下，是坊間比連少有的。薯肉量多又甜，完全不用沾任何醬汁已經很美味。最後就是雞肉漢堡，跟芝士牛肉漢堡的配菜一樣，但它有特製的蜜糖芥末醬，味道溫和帶甜，跟嫩滑juicy的超厚雞扒相當配合。雞扒超厚切，份量十足！四款食物都很好吃，是一家要再encore的店！…Read More

今次要介紹嘅餐廳係位於西營盤嘅 Burger Joys，主打美式漢堡。位置頗為隱蔽，卻座無虛席。漢堡即叫即製，保證熱辣辣，而其他小食嘅質素同樣唔錯，值得一去。Burger Joys is located in the Western district, specializes in American style burgers. The location is actually quite hidden, but the restaurant is full of customers when we arrived. Burgers are cooked after you've made the order, which keeps them hot. The quality of other snacks is quite great in likewise. We recommend you to have a try.◾芝士牛肉漢堡 (Cheese Burger) $109牛肉生熟拿捏得好好，保持住多汁嘅狀態。而加上芝士令味道更加吸引。麵包有事前烘過，令質感更脆。惟洋蔥略生，令味道有少少辛辣。The burger is well-cooked, which keeps it juicy. The addition of cheese makes it mouth-watering. The bread has been slightly heated, which gives it a crispy texture. The onions are quite raw and sharp.◽經典水牛雞翼 (Classic Buffalo Wings) $59 / 6pcs水牛雞翼味道頗辣，而且調味做得入味，同時惹味，值得一試。The buffalo wings taste quite spicy. The seasoning is delicious and tastes gamy, which worth recommending.◾美式炸雞配車打芝士醬 (Southern Fried Chicken Nuggets) $59本身炸雞嘅調味好強烈，配上車打芝士醬，令質感冇乾。惟食完之後比較口渴，建議至少兩個人一齊分享。The seasoning of the chicken nuggets is quite strong. It tastes less dry together with the cheddar cheese sauce. However, you will feel quite thirsty after having this, in which we recommend you to share among at least two people.◽紅莓汁 (Cranberry Juice) $39紅莓汁酸酸嘅味道好開胃，正好抹去炸物嘅油膩感。The cranberry juice tastes sour and appetizing, which removes the greasiness of the burger and snacks.◾Burger Joys📍西環西營盤第一街27-29號太益樓地舖📍LG/F, Tai Yik House, 27-29 First Street, Sai Ying Pun, Western District…Read More

成日食麥記都食到好悶，今日試吓新野，去咗西營盤呢間Burger Joys，地方都幾隱蔽，要喺橫街落樓梯，搵咗一陣先見到。驟眼睇價錢好似偏高，但係其實個餐分量十足，絕對值回票價。首先要講吓飲品，因為真係太驚喜。本身唔係特別鍾意飲汽水，諗住如果係樽裝水會好唔抵，點知佢哋俾咗支斐濟水我哋。然後嚟咗沙律，雖然係跟餐嘅，但係都唔馬虎，有番茄有青瓜，酸酸地嘅醬汁，非常開胃。朋友叫咗芝士牛肉漢堡，一睇就知同平時麥記好唔同。除咗牛肉明顯地厚身之外，包亦都比較鬆軟，唔會好乾，當然牛肉味亦都非常濃厚啦。薯條方面，簡直可以用出色嚟形容。雖然外型同麥記相似，但係比較硬身，食落去比較脆比較香口，同時亦都鹹度適中，原本揀咗沙律嘅朋友都食到停唔到口。我自己就叫咗個雜菌蘑菇漢堡，本來想像係烤大啡菇，但其實佢哋係用炸嘅，但係感覺都好新鮮，炸菇好juicy，亦都唔覺得油膩。最後叫咗個水牛雞翼，酸酸辣辣咁，雖然好食但係有少少重口味，好彩有西芹同甘筍做配菜平衡返。…Read More

新嘅一年繼續搵朋友去試下新嘢，今日經”西環友” 帶嚟到西營盤第一街的小巷中 “Burger Joys”店舖位置有少少隱蔽，好彩朋友帶路。小店內環境佈置精緻，坐位只有4張2人枱，好彩避開午餐繁忙時間，唔係就未必有位。喺選擇食物嘅時候，都見到有不少外賣人員嚟攞外賣送餐漢堡有6款可以選擇小食方面，有薯條、雞翼同炸雞可以選擇。而飲品方面都有唔少選擇。1. 芝士牛肉漢堡($109) ，牛肉好juicy，好多肉汁。麵包有烘底，外脆肉軟店員知道兩個人食已切了一半好方便漢堡內材料豐富，有蕃茄、生菜、洋蔥、酸瓜，再配上半溶芝士，十分美味2. 朱古力奶昔配洋蔥圈($72)，洋蔥圈炸得好脆，唔會覺得油膩，點芝士醬好好味奶昔有濃郁朱古力味，用料充足。3. 蒜蓉雞翼 ($59) 即叫即整，蒜粒同蒜香味十足，一共有6隻，二人share 剛剛好4. 美式炸雞配秘製辣醬($59)，份量多，雞肉炸得外脆，雞肉炸得少少乾身，同樣二人share 慢慢食一流整體來講，漢堡十分出色，牛肉十分美味。除此之外，小食亦都無得輸，適合同朋友及情侶嚟幫襯的小店…Read More

住西環的朋友說有一間隱世漢堡店，若果來幫襯，不可不試其薯條，保證一試難忘！店舖地址是在大街，但店面卻在半層樓梯之下，一條後巷之中，很不好找！店內空間不大，只得十個座位左右，牆壁上貼滿了客人的打咭照；啊！看來是外國年青顧客為主！餐牌也是英、中對照呀:)我們點了一牛一雞的漢堡包，外加一份甜薯薯條!薯條用甜甜的蕃薯切條去炸，外皮炸得香脆無比，內裏粉糯又帶香甜蕃薯味，相對於傳統薯仔條， 極富新鮮感！厚厚的雞肉漢堡，鬆軟的漢堡包，夾著豐滿的餡料，一啖咬落去，口感覆雜但層次分明，酸甜爽脆香口又有肉汁香，難怪朋友大力推薦！將雞扒換上牛肉同樣出色，沒想到牛肉漢堡都能有這麼香濃的牛味。。。我的好味餐廳名單上，又多咗一間啦！…Read More

在西營盤玩完藝術墻之後發現一間漢堡餐廳。在街巷角落。之前好似在中環見過，因此當是下午茶外賣回家食。恰是疫情期間也不敢多做停留。裝潢風格少少街邊咖啡室味道，如果是以前的日子應該也是人山人海。|黑松露薯條^菜單打開，黑松露薯條就好吸引。類似這種餐廳，似乎炸物必選。由於不想食太飽，所以都只系選擇漢堡，薯條等。黑松露薯條。價錢59港幣，菜單有五星推薦。想必的確很多人都會有選擇，無一例外。外賣買完回到家，發覺外賣的薯條依然鬆脆，而黑松露的惹味已經在打開外賣的陣間飄香而出，含入口中可以感覺及口感柔軟。|芝士牛肉漢堡^牛肉漢堡是我最鍾意的漢堡之一，不論什麼品牌的漢堡店。牛肉都係衡量水準的一個最基本。肉質質地鬆脆，距離外賣到家再影相差不多一小時之類。牛肉飽實而夠味好似成塊扒實淨在麵包生菜之間。回到家切開四等分都可以不散。可想而知肉質厚實。由於無特別飲品想飲，叫左椰青水，剛剛好中和黑松露的濃味道。如果真是完全美國風味的漢堡，是否應該加埋大可樂，咖啡，啤酒。配椰青水中和了芝士膩味。菜單還有一個加百利甜酒的奶昔，可惜外賣不同堂食。🤔…Read More

遇上全球top 50間嘅burger joy，仲要咁岩見openrice 有優惠$109包一個burger，一份薯條同野飲，咁就梗係去試下！個set嘅burger係5選一，我最後揀左最classic 嘅芝士牛肉漢堡，薯條就只得原味。個包非常鬆軟之餘仲帶陣陣嘅牛油香，再加上微微烘過，唔會有比汁搞到淋哂嘅情況。牛肉一咬落去非常juicy😋😋 ，配上芝士，蕃茄，酸黃瓜，洋蔥同生菜，難怪係全球頭50。值得一提嘅係成日係其他地方食burger 都會有一口咬唔哂嘅情況，而呢度嘅burger就做得岩岩好，一啖可以咬哂所有材料！加左唔少分💯至於薯條就稍為平凡左啲，無乜特別。值得欣賞嘅係佢地用嘅飲筒，以70%大米同30%木薯所制，夠哂環保👍🏻總體而言，用優惠價試倒呢個burger真係抵，平時單點一個burger都要呢個價，希望下次黎再有機會試另一隻口味喇😌…Read More

我們點了2份芝士牛肉漢堡 （各$109），一份套餐（+$41）。點餐時可以請服務員把漢堡切半，方便食用。點菜後大概等15分鐘，就能享受到新鮮預備，香氣撲鼻的漢堡。- 漢堡麵包層是烤過的法國牛頭麵包，外面香脆 裡面鬆軟。甜甜的麵包跟裡面鮮甜的蔬菜和濃厚的牛肉漢堡扒是很好的搭配，味道層次豐富。- 漢堡的材料很豐富：牛肉扒厚度>1cm，不粗也不太肥膩，非常新鮮和多汁，味道很好。蔬菜有蕃茄、青瓜、酸瓜、洋蔥，新鮮，開胃。還配上特製醬汁和烤得半溶的片裝芝士。套餐可以從傳統薯條、薯角、洋蔥圈、扭扭條中四選一，再加一份飲料。我們點了扭扭條：份糧不少，調味料很香，味道不錯。漢堡用的材料和作法都很不錯，現在回想起來會流口水。。。。。。…Read More

好鍾意食burger pizza嘅我 成日係OpenRice 都見到burger joy 好多人話好食 咁岩朋友係西營盤番工 咁就lunch time過去試下啦 店舖位置真係有d隱蔽係巷到 地方唔大lunchtime無咩人 坐低緊係諗食咩burger 我最後就揀左芝士牛肉 朋友就揀左最普通嘅牛肉burger 再加左個炸蕃薯條Burger 即叫即整 人唔多等左唔太耐就有啦 一上枱其實個樣唔係話太吸引嘅 感覺有少少分離 加上見到我好唔鍾意嘅生洋蔥同酸黃瓜(純粹個人喜好 有多人好鍾意嘅)佢地只係單單咁夾左入去 有少少食Mcdoanld嘅feel 咁我拎走左就一啖食落去啦 主要嘅味係千島醬嘅味 個塊牛肉係okay 嘅 但唔夠juicy 不過at least 唔會好似連鎖快餐店個d dry到食唔到 (不過中高間嘅burger好應該做到嘅) 芝士係我幾失望嘅點 我唔太feel到食到塊芝士 話曬芝士貴過普通$20 我食完有感覺可有可無 個包方便一睇就知好有光澤 即係油油地 我明嘅令個包好香但我個人就認為油左d 口感係嘅差嘅 偏向鬆軟 少少似餐包個type 講左咁耐整體一般 又唔叫差嘅 可能我對佢有期望啦 但值得一讚嘅係炸蕃薯條 雖然唔係即炸好熱但外脆內軟 而且甜度好好 儘管食完個burger再食都脆 食厭左炸薯條叫蕃薯條 好okay ah~…Read More