EMERALD

7月18日星期日，我和父母到中環的珺吃午餐。珺是東方素的分餐廳。與東方素不同，珺是純素餐廳，而且定價較高。有中菜之餘，也有西式餐點。餐廳佔用全層，地方不算小。離開時才仔細打量門面。櫃台上有六瓶無酒精香檳。每一款我都想喝。步出升降機，右面有一個小空間，可以讓四人一組客人用餐。另有一個房間，可供客人私人聚餐。左邊是較大的用餐區。這邊的餐桌大多靠窗邊。窗下有沙發椅，對面則是低靠背椅。一排的大窗戶讓餐廳能足夠採光。空間感亦較大。餐廳中間是廚房。廚房後面有洗手間。女洗手間內有三個厠格，但空間狹窄。我們點了二人商務套餐，$398。另加一個湯品。食物份量多，我們三人都吃得很飽。餐廳並不是傳統中菜館，所以客人不一定要點中國茶。店員可以提供免費的水。我們想喝茶，於是便各自點了茶。爸爸要鐵觀音，我要玫瑰，媽媽要荔枝茶。以每位$15計算。每人一個茶壼，並可以續壼。鐵觀音和玫瑰的味道都濃。荔枝味則淡，只隱約聞到荔枝香味。所以，媽媽添加鐵觀音或玫瑰到杯子內，混合荔枝來喝。此套餐的前菜有萵筍絲雲耳配XO醬或牛油果沙律。前者辣，我便選了兩客牛油果沙律。看起來份量很多，其實被那器皿設計騙了。裝食物的空間只有球形器皿上半部份。也幸好份量不多才能吃得完。牛油果軟滑鮮味。沙律菜看起來很新鮮。我猜沙律醬汁是千島醬，甜味會比較多。媽媽喜歡這醬汁。湯品也有兩款選擇。分別是桃膠雪耳粟米豆腐湯和白甘筍紅菜頭椰汁湯。兩款湯我們都選了。額外點了一客雞油菌竹笙素翅（碗），$68。我們選了各自的湯，然後嚐一點別人的湯。爸爸要桃膠雪耳粟米豆腐湯。味道清甜。我選了白甘筍紅菜頭椰汁湯。表面有兩片麵包。略脆的口感。湯的味道甜。椰汁味不會太突出，或許紅菜頭的味道比椰汁更濃烈。兩者融合起來感覺搭配。質感不會太稠厚。媽媽要雞油菌竹笙素翅。跟往常喝到的素翅不同。這裡有雞油菌，多了菌類濃郁芳香的味道。那味道不會一吞進喉嚨裡便消失。還會縈繞在口腔中一陣子。加深我們對湯的味道的記憶。主菜有八款，可以任選三款。我們選了玫瑰叉燒、法式芥末蛋黃醬素蝦和雪裡紅新肉絲炆米。玫瑰叉燒是這裡的招牌菜式。本身我對叉燒的喜好不大。所以，這裡的叉燒沒有給我特別的好感。味道有點甜，就是我不喜愛叉燒的原因。這道法式芥末蛋黃醬素蝦，素蝦外層的粉漿不厚。不會炸得十分焦脆。咬開薄薄的脆皮外層，素蝦是爽滑的口感。本身已沒有令人飽膩的感覺。再沾上法式芥末蛋黃醬，微微刺激著味覺和嗅覺，誘發我們的食慾。雪裡紅新肉絲炆米。是較普通的一道主菜。那並不代表味道不好。新肉絲處理得不錯，我們嚐不到原本那怪怪的味道。另外，此套餐可讓客人多加$30要一客甜品。共有四款甜品。沒有限制點甜品的數量。我們點了脆皮燕麥奶和生磨蓮子露。脆皮燕麥奶是推介甜品。而且，很少吃到純素的炸奶。我早已想好要點了。外層的米粒炸得十分脆。那粗糙的表面讓我們冒著因燥熱而弄傷口腔的風險。裡面的燕麥奶帶有少少甜味。液體燕麥奶變成固體，密度變多了，就像濃縮了的燕麥奶，感覺會變得飽膩。廚師心思細密，甜品搭配水果和芒果醬。炸奶沾上香甜鮮味的芒果醬便減去一點點飽膩感。水果的酸甜味能解膩。這生磨蓮子露給我們驚喜。我是第一次吃蓮子露。想不到是那麼清甜。比合桃糊稀一點。沒有那麼膩。稠厚的感覺剛好。口感很綿密。除此以外，亦可多加$20要咖啡一杯。這要留待下一次才可以品嚐了。…Read More

近年愈來愈多人找素，素食餐廳都愈開愈多，唔再局限傳統中式素食。今日就由素食朋友帶路，去中環一間精緻嘅中法fusion素菜餐廳，全部菜式都以精緻賣相登場，吸引度大增！黑金竹炭豆腐配法式紫椰菜 $118黑色的外皮因為加入了竹炭，每一塊都抹上少許沙律醬及食用花，切開一半看到雪白的豆腐，豆味香又滑溜，一口咬下會聽到代表香脆的「咔咔聲」，但沒有油膩感，清甜的紫椰菜能踢走熱氣。香脆意大利夜明珠配繡球菌青汁 $128曾經喺意大利食過平民小食炸risotto波波，估唔到呢度都有素菜版。炸到金黃色嘅risotto波波外皮酥脆，內裡係意大利同粟米粒，如果口感再煙韌少少就perfect，伴碟的雪耳爽口好味，加上有微辣土菠菜青豆花椒汁，微辣增添香氣。玫瑰叉燒 $118驚喜之作！一上枱已經玫瑰露香撲鼻，賣相色澤都好像真，仲有花瓣伴碟好精緻，趁熱夾一舊，一咬落去，竟然食到半肥瘦叉燒嘅口感！！！有鬆軟有結實，唔會成舊死實實，仲燒到有燶邊，火喉控制得好好，對於好耐冇食過真叉燒嘅我嚟講，好感動🥲 蜜汁濃而不膩，剛好附係叉燒表面又唔會過黏，啖啖玫瑰露香，即刻想加個「靚仔」送飯番茄牛油果素蟹肉千層 $108番茄的外表，裡面係滿滿番茄粒同牛油果粒，好fresh！生磨蓮子露 $68甜品生磨蓮子露有蓮子香，口感濃稠又順滑，唔太甜食得出真材實料，滿足！黃金脆皮燕麥奶 $68外皮炸至金黃色，口感香脆，甜甜的奶香令人滿足。餐廳環境舒服，又唔會太嘈，加上店員態度都好nice，一定會再嚟幫襯。…Read More

近年愈來愈多人吃素，普通的餐廳也多了很多素食的選擇，也多了很多特色的素食餐廳，連不吃素的人吃慢慢對素食改觀，就算不是長期吃素，偶爾轉換一下吃清一點也很好呀！你看，剛過去的五月已經迎接了有記錄以來最熱的五月天了，所以如果大家少吃一點肉，實踐低碳生活，對身體或是對地球，也是會有很大的幫助呀！-好了說回正題，晚上約了吃素的朋友R吃晚飯，她選了一家很特別的素食餐廳：珺，位置在中環地鐵站的附近，很方便的，而且位與位之間是很寬敞，很有私人空間。而且我們最喜歡的是，它的菜式很多元化也有用心，無論是食材、擺盤、還是菜式名稱，也是花過心思的，而且味道也是很自然，不會加太多多餘的色素或調味。-蕃茄牛油果素蟹肉千層 $108頭盤先選一個清爽的番茄牛油果素蟹肉千層，首先是擺盤很美，像是法式料理的感覺。外層是一個已去皮的蕃茄，切開裡面釀了牛油果和素蟹肉，味道有點像蛋沙律，但更清爽，旁邊有一些素芝士和黑醋，可以一起吃增加層次感。-玫瑰叉燒 $118聽聞這是每人必點的玫瑰叉燒！果然沒令人跌眼鏡呢，首先擺盤也是超級很美，碟旁畫上粉粉紅紅的油畫，增添美感。叉燒的份量也很多，看上去跟真的叉燒算是十分相似，味道也是很令人印象深刻，有點像外脆內軟版本的齋燒鵝，而且不油膩。-黑金竹炭豆腐配法式紫椰菜 $118這是我選的豆腐！其實原理跟黃金豆腐磚差不多，只是炸的外層轉了竹炭的感覺，薄薄脆脆的很好吃，裡面的豆腐是滑滑的，所以整體就是外脆內軟的口感，小朋友和大人也會喜歡。-法式素海鮮貝殼粉配素芝士汁 $118這個法式素海鮮貝殼粉配素芝士汁也是很令人驚喜呀，推薦如果跟小朋友去吃的話，一定一定要點！味道有點重奶味，但配上貝殼粉後會一口一口吃不停，而且還有一些像蟹柳的素海鮮，口感有點彈牙的，非常討好。-生磨蓮子露 $68甜品我點了一款熱的生磨蓮子露，蓮子露算是比較少見吧，味道超香超濃，但又不會過甜，還有粒粒蓮子，增加整體的口感，吃完就是有滋潤的感覺。-雪影酪梨 $68朋友選了一個冷的雪影酪梨，外觀真的是美美的很吸晴，其實綠色的主體就是牛油果，上面白白的泡沫竟然是薑！配起來竟然有種說不上來上熟悉感，但是很清爽很好吃，，就算不吃牛油果的我覺得也會愛上。…Read More

❀ 珺 #中環 ❀❗️創新中法fusion素菜 蒟蒻蝦分分鐘彈牙過真蝦❗️——————————————————呢間新開嘅中法素食餐廳最近頗有名氣！以前一向唔食素菜嘅我，眼見近來越來越多新花款，慢慢地愛上！呢一間更將素菜整得越嚟越精美，而且素肉像真度都幾高，絕對係素食者嘅天堂！即使唔太鍾意食素，嚟到呢間都應該會OK😆我自己覺得佢嘅味道都幾獨特，有種西式嘅擺盤但係深透煮中菜嘅味道，例如羅宋湯味嘅gnocchi🤯。餐廳裝修唔算好高貴，但座位寬敞舒適，價錢都算合理。.✷𝑀𝑒𝓃𝓊✷☞ 蕃茄芝士千層 (3/5)仿製意大利前菜，都算常見。芝士蕃茄互相夾住，係咁多道當中相對普通🙈。.☞ 日本南瓜盅 $98 (4.2/5)雖然等咗一段時間，到食晒先送上🤣但呢個真係好好食！南瓜盅超級稠身，簡直係南瓜醬咁，香甜濃郁，喜愛南瓜嘅人一定會鍾意。然後個南瓜肉都燉到好淋，最終成個南瓜食晒，好味💖！.☞ 千絲素蝦配日式純素蛋黃醬 $128 (4.3/5)呢個超有驚喜🤩！蝦係用蒟蒻整成，分分鐘彈牙過真正嘅蝦。顏色仲整到非常像真，唔講係素都真係未必分得出。包住香脆嘅麵條拎去炸，香脆可口。表面仲有啲純素蛋黃泡沫，雖然味道就唔算好強烈，但絕對有看頭！最後底下仲有少少薯蓉(?)(帶點椰子味)同埋少少酸酸地嘅醬汁，特別又好💖！.☞ 繡球菌馬鈴薯丸子 $138 (3.9/5)個汁有啲似羅宋湯，有少少甘筍南瓜嘅甜味，配上大量繡球菌，富有中式味道，但居然同西式嘅馬鈴薯丸子幾夾。好少喺香港食到馬鈴薯丸子，而且要好食絕對唔容易。呢度嘅丸子真係煙煙銀銀，好好咬，又掛湯，唯獨係稍嫌有少少粉感，不過整體而言都算唔錯👌🏻。.☞ 純素芝士蛋糕 $68 (3.5/5)依個就有少少跌眼鏡🥺。個口感有少少奇怪，同平時軟滑嘅芝士蛋糕唔同，反而有啲似莎莉蛋糕嘅冷凍芝士蛋糕版本(唔知大家有冇食過)，係冰感較重，有少少似食緊雪條咁。而且再有少少檸檬青檸味，覺得怪怪地。.☞ 生磨蓮子露 $68 (3.7/5)平時芝麻糊花生嗰啲都飲過，但好似係我第一次飲蓮子露🙈。未能作出比較，但覺得味道濃郁嘅，而且磨微得細滑，以中式甜品來講都算唔錯，不過就唔算好有驚喜或者印象深刻。——————————————————✨整體味道: 4/5 ✨環境裝修: 3.7/5✨服務態度: 3.8/5✨性價比: 4/5✨再訪興趣: 3.8/5 .💞整體來講幾欣賞佢哋嘅概念，將素食融入喺法國煮法當中，的確幾獨特，亦將素食嘅等級提升，更能推廣素食文化👌🏻自己覺得佢哋嘅蒟蒻素蝦的確幾有驚喜，其他地方從未試過，非常彈牙。不過某部份尤其係甜品就相對普通，推薦熟食多啲！…Read More

今日返完part time，夜晚同男朋友去食素食。呢間素食同我想像中既好唔同，行精緻路線，係高級既新派素食。蘑菇湯好濃郁，作為第一道菜十分適合。素芝士番茄配黑醋珍珠一層番茄一層素芝士，番茄新鮮，素芝士食落唔似係素，同真芝士無分別。黃金素鵝肝球佐松露白汁好脆口，外面包住麵包糠，入面包住用菇類同豆類製成既蓉，配以松露白汁，十分美味。黑金獅子球薯蓉時令蔬菜有驚喜，獅子球既味道真係好似食緊肉甘，好香口，薯蓉又綿滑，好食。君子炒飯材料豐富，除咗飯，仲有藜麥、素叉燒、粟米、蔬菜、夏威夷果仁。素叉燒好出色，用豆類同麵粉製成，同真叉燒十分相似。炒飯粒粒分別又乾身，唔太油膩，好味。生磨蓮子露味道清甜，蓮子唔會苦澀，正。純素朱古力蛋糕無蛋無奶，但同平時食既唔太大分別，朱古力味仲好濃郁添。…Read More

記得以前我唔太喜歡吃素食，每次吃素食都有啲唔太情願，因為實在太清淡好單調🙈但近年社會都致力推廣綠色生活態度，感覺市面上都多左好多形形式式的素食餐廳～今次同母親大人👩🏻尋覓到呢間中環新式的純素餐廳，呢度既素菜打破了傳統既素食，以中西融合去作概念😎網上睇相完全唔覺得似食素食的，因為擺盤好精緻仲要menu有埋fine dining🤣😅食完果然冇失望，一致覺得要回頭再食喔🤩-🎈昆布天使麵配欖油爆珠 $98呢款頭盤食落好特別😝平時天使麵真係比較少係凍食，但呢度做得幾好，用左少許醋去帶出黑松露個味😌食落好開胃～-🎈玫瑰叉燒 $118呢個仿真度真的太似了吧(?)😍好有驚喜喔！無論係賣相定係食落既口感都完全係食緊真叉燒咁啊🙈母親大人👩🏻食完第一舊就話😱好似之前係上環買既個間啊～其實我食完都覺得好似，但認真講又唔係每一舊都食到咁既味道😝原因係上層擺係面個啲既厚度同真叉燒比較類似，所以儘管裡面只是麵筋，但完全有真叉燒的口感！另外比較欣賞既係佢果真做到真叉燒的燶邊同食落有啲半肥瘦既感覺，而玫瑰果醬食落不會太假，帶出淡淡玫瑰的清香，完全係昇華了整道菜式🤩-🎈風雲水煮珍菌薈 $138起初我仲以為水煮會蓋過左珍菌既味道，點知黎到之後就發現真的完全沒有！先講份量超多，裡面有涼皮、豆腐、生菜、雲耳、羊菌、雪耳、冬菇、繡球菌等。吃起來非常惹味，辛辣味不但沒有蓋過反而還能帶出菌類的鮮味😋這個超級推薦，愛吃辣的朋友不要錯過喔，真心有驚喜！🥰-🎈君子炒飯 $148君子炒飯用上鮮百合、夏威夷果仁、素叉燒、粟米、爆珠等，飯吃起來有嚼勁，同埋都炒得好乾身😝最愛黑松露濃郁既味道！！-🎈純素芝士蛋糕 $68第一啖食就覺得個口感同普通既芝士蛋糕好唔同🤣甜度剛好，但就比較濕潤同黏啲～個人覺得甜品沒有主菜咁驚喜，不過有可能係我食唔慣純素的甜品🤭-🎈生磨蓮子露 $68蓮子露之前真係冇食過🙈食落好順滑好養生～個口感就似係芝麻糊的質感吧！-整體都好滿意，絕對會再黎食！！🥰想不到素菜都可以咁有驚喜！推薦👍🏻🙆🏻‍♀️-🔸珺📍中環威靈頓街2-8號威靈頓廣場M88 6樓…Read More

朋友說你經常吃肉不太健康，說要帶我去吃一下素中和一下，順便看一下會不會多關注素食一點！然後就帶我來這間特色的素菜店試下，還是意想不到的是中菜！桂花柚子拔絲猴頭茹（１１８元）這個應該是參考咕嚕肉來創作的一款菜式，首先是賣相挺吸引的，面上又撒了點桂花作點綴。猴頭茹裹上面漿再經過油炸，外面炸得酥脆，又沾上了酸甜可口的柚子醬汁，吃起來還真的跟咕嚕肉有幾分相似，猴頭茹一絲絲的感覺就跟肉有點像，而吃到最後就慢慢散發出猴頭茹的香甜，整體感覺不錯，是意想不到的感覺！普羅旺斯燴羊腩（１１８元）有多少人看到這個名字會想到異型那套電影的舉一下手！我是其中一個，所以就本著異型燴羊腩的感覺叫了這個，亦想試下怎樣仿羊腩出來！回到家查一下才發現原來普羅旺斯是法國菜的一種，這裡加上了黃、綠櫛瓜，再配合蕃茄醬和黃、紅甜椒醬，最後燴素羊腩，醬汁最後吃起來很香甜，又帶點甜椒味，配上素羊腩，味道不錯，素羊腩吃起來挺有肉的感覺，有撕咬肉的質感，但能吃出是豆製品。君子炒飯（１４８元）單看名字完全想像不到是什麼炒飯，但既然是君子，那就叫一下來試吧！送到來的時候，看到炒飯上面放了３個經過油炸的堅果，挺特別的一個配搭！這個炒飯感覺是在仿楊州炒飯的，因為看到他加了素叉燒，粟米，竹筍等材料，雖然沒有下蛋，但這裡很特別的是下了黑松露醬去為炒飯增香，吃起來還真的有幾分似楊州炒飯，素叉燒的味道也挺真的，飯也炒得比較香，整體味道不錯！水晶粉撈素翅配芝麻柚子醬（９８元）這個有點像海蜇的感覺，都是透明的，吃起來爽滑，配上芝麻柚子醬後，吃起來十分清爽，又有柚子香，芝麻醬又香甜，作為開胃前菜不錯！純素朱古力芝士蛋糕（６８元）之前吃過純素雪糕是挺特別的感覺，這裡弄成了純素朱古力芝士蛋糕感覺更可以試試是什麼！這純素朱古力芝士蛋糕味道是比較香濃的，應該是用上了７０％的朱古力來製作，雖然是純素，但吃起來依然是十分香滑的，如不說，應該也分辨出來這是不是正常的朱古力芝士蛋糕！生磨蓮子露（６８元）這個一送到就聞到很香濃的蓮子香味，吃起來滿滿的蓮子蓉，內裡還放了整粒的蓮子來增加口感，味道不會太甜，可以慢慢品嚐到蓮子的香和幼滑的質感！…Read More

近年都推崇環保回收，減碳生活，可持續發展，就連飲食都唔例外，外國嘅beyond meat 未來肉亦開始流行起來，香港茹素嘅餐廳愈來愈多，但好似呢間主打中法fusion 素菜嘅珺應該係第一間。呢度嘅每一逆道菜無論賣相、味道，都令人眼前一亮，係素菜之中fine dining 嘅代表。坐低冇耐，店員就奉上小食，係佢地自家製嘅腰果，外面嘅糖粉有薑糖嘅味道，咬入口亦都好鬆脆。啲炸粉仲要係勁薄，冇諗過茶樹菇炸完之後都可以keep到菇既形狀，底部仲有啲薯蓉支撐着，咁菇可以垂直企喺度，構成一個好靚嘅圖案鮮花椒麻鳳尾蝦蝦肉非常彈牙，配上麻辣嘅外皮令人愈食愈上引。咬開一半俾大家望吓，其實同真蝦嘅色水係差唔多呢度嘅素羊肉都係非常之出色配上意大利青瓜，有兩種顏色分別綠色同黃色口感就有啲似麵筋嘅質地君子炒飯炒得粒粒分明，而且每一啖飯都滲出淡淡嘅黑松露味。蓮子露係第一次試，味道似蓮蓉，但質感就似芝麻糊、杏仁露，蓮子露入面仲有原粒蓮子豐富咬感。…Read More

前排去了中環跟朋友吃午飯，我食到中段才知道這間是素菜餐廳，叉燒口感非常似真豬肉，質素非常好，每一碟餸菜都非常有心思去設計，而且並非普通食材，例如蓮藕BB、繡球菌、牛肝菌。。。二人套餐$428頭盤朋友選了素芝士蕃茄配黑醋珍珠，黑醋及蕃茄同芝士非常夾。我揀咗麻辣繡球菌蒿筍絲，第一次食繡球菌，味道香濃而蒿筍絲非常爽口，配上麻辣，加強了兩者嘅口感。特濃蘑菇湯，一放低就聞到蘑菇味，好多蘑菇蓉。主菜有三款  1 . 玫瑰叉燒  2.  至尊猴頭菇（食落口感真係好似咕嚕肉，如果唔睇餐牌根本唔知道佢係猴頭菇）  3.  雲耳、蓮藕BB、撈擔擔麵 (蓮藕BB外型好幼，非常爽脆)甜品需要加$30，我叫咗一個生磨蓮子露，好香甜，朋友叫咗脆皮燕麥奶，雖然係油炸，但係一啲都唔油膩！好多時食素菜都會感到好油膩，而這間餐廳真係好與別不同，係一間非常有誠意去營運嘅素菜餐廳。…Read More

星期日我同朋友去咗中環威靈頓廣場M88食素食午餐，餐廳係位於六樓嘅「珺」。朋友最近食過話唔錯，我上網睇食評評價亦然，令我有啲期待😁。餐廳環境好舒服，裝修簡約但不失氣派，其中有一排座位靠窗🪟，可以望到藝穗會。呢度嘅氛圍能夠提升整個用餐體驗。坐低冇耐，店員就為我哋送上餐牌，簡單介紹菜式，而且佢仲提及餐單係會每星期更新😮。呢度有提供套餐，同時亦可以單點。我哋揀咗價值$428嘅二人套餐👫，套餐內容好豐富。素芝士蕃茄配黑醋珍珠，呢個係西式頭盤。頭盤賣相吸引，蕃茄同芝士梅花間竹咁疊住，但如果想切開食就有啲難度，因為芝士易碎。素芝士質感似水牛芝士，估唔到都幾香。蕃茄好新鮮，但配埋黑醋食真係有點兒太酸，但開胃嘅。麻辣繡球菌萵筍絲，呢個係中式頭盤。本身以為萵筍絲係主角，但原來繡球菌更令人難忘。繡球菌個樣有啲似雪耳，但食落發現口感超爽，配以萵筍絲，可算係脆上加脆。我自己幾鍾意麻辣浸味，辣度幾勁，但麻味更出，同時亦有芝麻香。特濃蘑菇湯，呢個係西湯。餐牌冇寫錯，蘑菇湯確係比平日飲開嘅濃郁。每啖都充滿蘑菇蓉，所以好香，口感亦比較稠糊。另外，蘑菇湯會配一片法包。雞油菌竹笙素翅，呢個係中湯。佢比我嘅感覺有啲似碗仔翅，但就冇咁多料，啲料亦唔同，因為呢度加咗雞油菌(菇嘅一種)、竹笙同素翅。湯品都幾夠味，但胡椒就落得重手咗啲。玫瑰叉燒，素叉燒係由麵筋整成，顏色同真叉燒相若，我認為佢可以稱得上係色香味俱全。麵筋有嚼勁，唯獨外皮有少少硬。而我最欣賞嘅係餐廳自家製嘅玫瑰汁，清甜得嚟唔搶味，而且真係滲透出淡淡的玫瑰花香。至尊猴頭菇，呢道菜我都唔知稱佢為中式定西式好，佢嘅造型有啲似爆谷炸雞。猴頭菇嘅外皮脆脆係用上花生，咬落覺得有啲印度咖喱味，幾特別又幾惹味。而猴頭菇嘅味道同口感就同我預期差唔多。蕃茄獅子球螺絲粉，上述兩款我覺得似餸菜多過主菜，而螺絲粉呢碟先係我心目中嘅主菜。如果齋講螺絲粉，我就覺得冇乜特別，純粹係用上較為濃郁嘅蕃茄醬。反而獅子球就幾有驚喜，因為食落覺得同真嘅幾似，而且口感幾煙韌。生磨蓮子露，甜品方面係每份另加$30。蓮子露比較少見，但食得出真係用咗好多蓮子磨製。不過我自己本身就麻麻哋中式糖水。純素朱古力蛋糕，呢個係西式甜品。純素蛋糕唔係第一次食，每次食都覺得係有少少分別，但唔識形容。蛋糕質感軟身，朱古力味好出。總括嚟講，呢餐素食午餐唔錯，每樣菜式嘅賣相都非常精緻💚，有經過精心擺盤。另外，我覺得呢度幾特別係因為佢提供多國菜，套餐入面中西式都有得揀🍽🥢。整體我係幾滿意，我鍾意佢用上各式各類嘅菇菌🍄。不過我覺得如果份主食(即係飯麵嗰啲)份量多啲就更好，因為食素始終冇食肉咁飽嘛😝。…Read More

之前同朋友講開素食，佢介紹我去位於中環威靈頓廣場M88嘅珺。佢哋嘅素食打破傳統、考慮食材嘅特性同埋調味料嘅配搭，以中法混合嘅作式，將素菜以一個嶄新嘅面貌展現出來。咁胃食嘅我，就當然環去品嘗啦。珺嘅午市餐牌，會喺每個星期一更新，咁樣每次去到，都珺可以食到唔同嘅中法fusion素菜，真夠心思。我就約埋朋友，兩個人一齊去，叫咗二人套餐，$428就有頭盤、湯同三道主菜。牛油果配青瓜蘋果啫喱其中一款前菜，整個菜都係牛油果、青瓜同青蘋果組合而成，係法國菜風格嘅前菜。底下有青瓜蘋果打成嘅凍啫喱。青蘋果味嘅foam。整個菜都非常清新，一開場嘅前菜，我已經好喜歡。麻辣繡球菌萵筍絲今日另一款前菜，亦都係一度涼拌菜式。繡球菌係一款藥食兩用菌菇，餐廳以麻辣嚟處理，繡球菌清香之餘、帶微微嘅麻辣味，口感軟彈，再加上萵筍絲，整個菜清新開胃。特濃蘑菇湯蘑菇味好香濃，湯入而仲有蘑菇粒粒。味道同我以往飲嘅蘑菇湯都幾大分別，而依個味都我非常喜歡。雞油菌竹笙素翅湯羹非常鮮甜，雞油菌入口感覺都幾似肉絲。而且素翅亦非常環保，附合哂現今社會嘅潮流趨勢。至尊猴頭菇不論外表、味道、口感都同糖醋排骨非常之相似。原原全全忘記咗自己係食緊素菜表面再加試果仁碎，令到至尊猴頭菇更加香口。藥饍雞頭米薏米百合浸時蔬雞頭米、薏米入口幾好味，菜芯同百合都好新鮮。配埋個上湯，非好清同好味，相比起其他食肆嘅上湯浸時蔬，珺嘅依度菜更加健康，飲埋啲上湯都無問題。番茄獅子頭螺絲粉素食獅子頭唔似普通獅子頭咁大粒，可能獅子頭確係比較難模仿啦。番茄汁反而有驚喜，味道好夠，螺絲粉可以掛起哂番茄汁，相當惹味。生磨蓮子露非常濃郁蓮子味嘅生磨蓮子露，非常之足料，感覺好似係食緊白蓮蓉咁，甜甜嘅美道，真係令人好滿足。…Read More

睇見相熟食友嘅食評，大讚呢一家中西合璧嘅新派素食餐廳，故趁周六方便，同老婆過嚟試試，因為佢喺偏素愛好者，而是日天氣又好，暖暖哋加上陽光普照，更可以順道行一行港島區嘅行山徑。「珺」字，究竟讀「君」定「郡」？原來正音喺讀「菌」，查查字典解美玉，而店名英文用了「Emerald」，即綠寶石，未知喺咪配合店名，一排梳化椅都用上綠色；然而，從店名，約略感到其所想帶出的君子雅氣。大部份座位都設晌靠玻璃窗一邊，所以，當日陽光充沛，拉下半簾，既有天然光照入嚟，但又唔會太曬，予人感覺寧舍舒服。 而餐廳裝修簡約得嚟又幾雅緻，除了一些「草牆」，增加綠油油嘅感覺，每枱更放有鮮花作點綴，多添幾分自然氣息:)。 此外，枱上嘅擺設都頗有心思，中西合璧嘅裝飾碟，喺打卡焦點；而餐具方面，既有刀叉，亦有筷子，更特別把餐紙巾摺成一層層，套上所有餐具，單喺呢樣都睇到店家嘅誠意。 反沙腰果（免費）坐落無耐，仲未點菜，侍應先送上小食「反沙腰果」，喺以潮州菜反沙芋嚟處理啲腰果，除好脆口之外，有種粉粉甜甜嘅感覺，而且，個小盛器都份外別緻。 再介紹吓餐牌，我估可能仍處開業初期，所以，散點餐牌都只喺以一大版A3紙印出嚟，雖然簡單，但都清晰易睇。大致上，分咗前菜、湯品、主菜、飯麵，除咗走蛋奶五辛之外，用料配搭都頗顯心思。散點外，當然有啲套餐供選擇，分一人餐及二人餐，當然，套餐點都比散點划算。前者定價$188，包前菜、湯品及主菜（4揀1），後者定價$428，都喺包前菜、湯品及主菜（8揀3），分別在於多一份主菜，以及選擇範圍亦多啲。而兩者都可以額外加配甜品、咖啡，據店員講，每星期會轉一次餐牌，可留意番官方臉書。特別一提，餐廳會將西式嘅用餐體驗帶入服務中，即喺注重擺盤、留意客人用餐進度、同步上菜……等等。 昆布天使麵配欖油爆珠不甘於傳統，所以，簡單嘅冷盤亦可以好有創造性，更加點食用花增加美感。天使麵做到好爽口，帶點涼意，細味到點點昆布嘅鹹鮮味，而橄欖油以分子料理方式做成「魚籽」嘅效果，一咬即爆，令麵條添了幾分油潤感。 水晶粉撈素翅配芝麻柚子醬同樣喺賣相清秀，透明嘅水晶粉入口好滑溜，加入素翅，令口感多添爽口嘅感覺，再拌以芝麻柚子醬，柚子嘅香味非常突出。如果食我辣嘅，可以試試麻辣醬，相信清爽中帶來點點刺激。西班牙蕃茄波椒湯點解特別加上西班牙之名，店員話師傅好有要求，蕃茄及紅椒都用上西班牙貨色，之前食西班牙菜時，都知道西班牙紅椒喺特別甜。這一道湯色澤橙紅，呷一口，蕃茄味好濃郁鮮活，又帶點甜香。此外，較西式咁配上一片西班牙水晶包（Crystal lot，店員介紹時我先識），香脆到不得了，但感覺幾似我哋廣東嘅油炸鬼。 秘製牛肝菌酸辣湯簡單嚟講，就喺一道滬菜嘅酸辣湯，亮點就喺加入牛肝菌，不過，飲落就唔喺太覺有菌香，因為胡椒下得重手咗，辣味比較搶；不過，配料仲有木耳、竹笙、豆腐、素翅，而豆腐切到如文思豆腐般幼細，故每一口湯都充滿唔同口感。 玫瑰叉燒主菜之一選了玫瑰叉燒，喺店家嘅推介菜式，初以為個叉燒喺一碟過，但原來細分為兩碟，方便我哋各自食（我方便我慢慢影相）。啲叉燒唔會紅到好似平常齋鋪好色素染到咁紅，細問之下，喺用咗自家浸泡嘅玫瑰花茶、自家製嘅玫瑰醬去做，故食落有微微一陣陣玫瑰花香。口感方面，又幾像真喎，咬落外層脆脆哋口，裡面就軟軟腍腍，面頭灑了少少開心果仁碎，純粹令賣相好睇啲。 菠菜瑞可塔芝士雲吞食完道叉燒後，意式雲吞及炒雙色飯就同步登場。先分享道雲吞先，一客裡面有3大隻意式雲吞，選用嘅器皿，菜式嘅顏色配搭，都展現出繽紛嘅一面。手製嘅雲吞皮煙韌有咬口，裡面填滿菠菜及芝士，食味很搭配，而碟中嘅喺上述嘅波椒湯，又可以美味重溫。特色紅菜頭炒新豬肉炒雙色飯西式代表嘅意大利雲吞做得出色，中式嘅炒雙色飯又會點呢？賣相同樣好靚仔，因為飯粒加入紅菜頭汁去煲，又伴以紫椰菜，仲加咗幾片牛肝菌作點綴，色彩亮麗。一入口，就食到除白米外，就喺加入咗小米，所以叫雙色飯，飯粒炒得爽身，絕對食得出喺少油，飯內混有栗米粒、青豆、新豬肉，既口感豐富，亦非常健康。 店員知我哋啲甜品喺共享，所以，好醒目自動送上一套新嘅碗碟。脆皮燕麥奶 +$30有啲人對乳製品會有敏感，所以，由植物所做嘅燕麥奶就為呢一類人提供多一個選擇。而呢一款賣相西化嘅甜點，炸到金黃，伴以雜莓及芒果汁，睇樣已經好吸引吓。外層沾上麵包糠，炸過後入口自不然非常之香脆，重點喺一啲都唔油，而裡面嘅燕麥奶咬落軟滑，感覺有啲似食順德名菜大良炸鮮奶，總之就好睇又好食。 生磨蓮子露 +$30另一款純素甜點揀咗生磨蓮子露，皆因芝麻糊、花生糊、合桃露……等等乜糊物露都食得多，蓮子露就印象中喺第一次喇。夠膽稱為生磨，就唔喺現成貨，稀杰度啱啱好，口感十分綿密，而且，蓮子味濃郁而清甜，此外，裡面仲有加有原粒蓮子，非常好食嘅中式甜點，果然真材實料。 晌每一個環節，無論前菜、湯品、主菜，抑或甜品，都有西式、中式可揀，既可遷就到唔同口味嘅人，又可以有機會試到中西素食嘅唔同處理手法，最難得喺，無論中式，還是西式，菜式都做得色香味全，師傅可謂使出渾身解數。再者，用餐環境，以及服務，都予人稱心滿意，老婆亦少有哋大讚今餐好好。…Read More

一行二人星期六十二時半到中環M88的珺食素.  裝潢簡潔而典雅,自然光線下用膳舒暢十分. 二人午餐由頭盤到甜品豐富而且選擇又多. 餐碟也份外雅緻. 頭盤各點一款, 昆布天使麵配欖油爆珠和水晶粉撈素翅配芝麻柚子醬.  麵線乾爽,滿滿橄欖油. 麻醬水晶粉彈牙, 素翅爽口. 餐湯素西湯有西班牙蕃茄波椒湯. 蕃茄味濃,湯身厚厚,配有鬆脆酥物. 而另一碗秘制牛肝菌酸辣湯, 材料豐富,酸辣醒胃,主菜我們選了三款, 有玫瑰叉燒, 金湯鮮竹竹笙浸時蔬和大烤菇意大利飯.  平時素菜以中式為主, 西式菜單也來得特別.  玫瑰叉燒, 最喜歡的一道, 蜜香撲鼻, 質感軟腍, 份量剛好. 而金湯鮮竹竹笙浸時蔬, 同樣也很喜歡. 波菜竹笙菇菌片跟濃滑南瓜湯汁, 意外地配襯. 旁邊的鮮竹卷尤其吸收南瓜湯味, 美味豐富. 最後主菜,大烤菇意大利飯. 比平常意大利飯少些忌廉感,不至飽滯. 而意大利飯亦非軟淋, 有嚼口. 甜品脆皮燕麥奶和生磨蓮子露也很值得點.  脆口米通炸層,內裡香滑燕麥奶. 很讚的口感.  而生磨蓮子露, 很喜歡那綿滑濃郁的質感, 微甜柔滑,不錯啊. …Read More