Read full review
2021-01-29
162 views
星期日我同朋友去咗中環威靈頓廣場M88食素食午餐，餐廳係位於六樓嘅「珺」。朋友最近食過話唔錯，我上網睇食評評價亦然，令我有啲期待😁。餐廳環境好舒服，裝修簡約但不失氣派，其中有一排座位靠窗🪟，可以望到藝穗會。呢度嘅氛圍能夠提升整個用餐體驗。坐低冇耐，店員就為我哋送上餐牌，簡單介紹菜式，而且佢仲提及餐單係會每星期更新😮。呢度有提供套餐，同時亦可以單點。我哋揀咗價值$428嘅二人套餐👫，套餐內容好豐富。素芝士蕃茄配黑醋珍珠，呢個係西式頭盤。頭盤賣相吸引，蕃茄同芝士梅花間竹咁疊住，但如果想切開食就有啲難度，因為芝士易碎。素芝士質感似水牛芝士，估唔到都幾香。蕃茄好新鮮，但配埋黑醋食真係有點兒太酸，但開胃嘅。麻辣繡球菌萵筍絲，呢個係中式頭盤。本身以為萵筍絲係主角，但原來繡球菌更令人難忘。繡球菌個樣有啲似雪耳，但食落發現口感超爽，配以萵筍絲，可算係脆上加脆。我自己幾鍾意麻辣浸味，辣度幾勁，但麻味更出，同時亦有芝麻香。特濃蘑菇湯，呢個係西湯。餐牌冇寫錯，蘑菇湯確係比平日飲開嘅濃郁。每啖都充滿蘑菇蓉，所以好香，口感亦比較稠糊。另外，蘑菇湯會配一片法包。雞油菌竹笙素翅，呢個係中湯。佢比我嘅感覺有啲似碗仔翅
星期日我同朋友去咗中環威靈頓廣場M88食素食午餐，餐廳係位於六樓嘅「珺」。朋友最近食過話唔錯，我上網睇食評評價亦然，令我有啲期待😁。
餐廳環境好舒服，裝修簡約但不失氣派，其中有一排座位靠窗🪟，可以望到藝穗會。呢度嘅氛圍能夠提升整個用餐體驗。
坐低冇耐，店員就為我哋送上餐牌，簡單介紹菜式，而且佢仲提及餐單係會每星期更新😮。呢度有提供套餐，同時亦可以單點。我哋揀咗價值$428嘅二人套餐👫，套餐內容好豐富。
素芝士蕃茄配黑醋珍珠，呢個係西式頭盤。頭盤賣相吸引，蕃茄同芝士梅花間竹咁疊住，但如果想切開食就有啲難度，因為芝士易碎。素芝士質感似水牛芝士，估唔到都幾香。蕃茄好新鮮，但配埋黑醋食真係有點兒太酸，但開胃嘅。
麻辣繡球菌萵筍絲
15 views
0 likes
0 comments
特濃蘑菇湯，呢個係西湯。餐牌冇寫錯，蘑菇湯確係比平日飲開嘅濃郁。每啖都充滿蘑菇蓉，所以好香，口感亦比較稠糊。另外，蘑菇湯會配一片法包。
雞油菌竹笙素翅
12 views
0 likes
0 comments
玫瑰叉燒
15 views
0 likes
0 comments
至尊猴頭菇
12 views
0 likes
0 comments
蕃茄獅子球螺絲粉，上述兩款我覺得似餸菜多過主菜，而螺絲粉呢碟先係我心目中嘅主菜。如果齋講螺絲粉，我就覺得冇乜特別，純粹係用上較為濃郁嘅蕃茄醬。反而獅子球就幾有驚喜，因為食落覺得同真嘅幾似，而且口感幾煙韌。
生磨蓮子露，甜品方面係每份另加$30。蓮子露比較少見，但食得出真係用咗好多蓮子磨製。不過我自己本身就麻麻哋中式糖水。
純素朱古力蛋糕，呢個係西式甜品。純素蛋糕唔係第一次食，每次食都覺得係有少少分別，但唔識形容。蛋糕質感軟身，朱古力味好出。
總括嚟講，呢餐素食午餐唔錯，每樣菜式嘅賣相都非常精緻💚，有經過精心擺盤。另外，我覺得呢度幾特別係因為佢提供多國菜，套餐入面中西式都有得揀🍽🥢。整體我係幾滿意，我鍾意佢用上各式各類嘅菇菌🍄。不過我覺得如果份主食(即係飯麵嗰啲)份量多啲就更好，因為食素始終冇食肉咁飽嘛😝。
Post
