Seansin Seafood Experts

繼續用消費卷食好野今日去番旺區嘅佐敦，地鐵站行2~3分鐘就到餐廳係商廈入面，門面正常餐廳內里簡潔，員工服務質素十分次高，拍得住高級日本餐廳，係差句日文廢話小講，立即睇相同講野食試左個好出名嘅姬松茸冬瓜湯，個湯十分之清甜，打邊爐唔會搶過食材嘅味道。個湯我都飲左好幾碗，冇味精，真係好足料。新鮮手打丸，食開凍肉嘅丸都知，味精十分之重。手打丸可能冇凍肉丸咁大粒但肉質十分之真實，依得出原材料嘅味道。又係新鮮炸嘅響鈴，好熱，索哂d 湯主角，牛尚盛，可以睇番menu 有d 咩肉，太肚餓嘅我，都唔太分到係咩肉。不過牛舌係好出色，可能因為我係牛舌嘅fans. 其他牛肉，食得出係高質嘅牛肉，肉質口感可以話係打邊爐嘅最高層次。唔un,好咬口。必叫最後送張大合照，仲有菜的。其實成間餐廳氣氛好好，燈光好適合傾計。幾適合約會嘅餐廳，如果唔想成日食貴西餐嘅話。…Read More

大學同學gathering搞手book左呢度，我地呢d唔知頭唔知路既就淨係掛住食同吹水架咋，估唔到佢揀呢度係有原因架喎，都幾有我地成班女同學心~鍋底揀左係女仔聽到都會鍾意、覺得好滋補養顏既姬松茸響螺燉雞，打邊爐之前人人都輕輕飲左細半碗湯試試先，飲得出好足料，好似阿媽d愛心燉湯，果然撈起d料之後發現真係真材實料而唔係味精湯，good~配料方面我地成班女仔都係無乜意見，等d男仔發辦啦，等食等人安排好晒係最開心既~咦？！打邊爐食午餐肉請問係咩玩法呢？平日佢只會出現係我碗餐蛋公仔面入面架咋喎，何解打邊爐要點埋d下欄野？呀！又估佢唔到喎，原來用午餐肉打邊爐係咁得意架喎，然後成班男仔起哄話：！哈，又點估到餐肉會同個鍋咁夾，呢度師傳砌到細細件長條型又好方便食，入口口感又好~食食下就上左個前菜粵式煎蝦餅，勁搶手比大家秒殺左，真係叫多幾碟都唔夠滿足我地呢班為食友~蝦餅煎到金黃色，一咬落去勁脆卜卜好香口，蝦味濃郁相當唔錯~另一”相機食先”既火鍋料就係呢個牛尚盛喇，多款靚牛排得靚靚咁等大家品嘗，放喺個平時high tea先會見到既三層架勁架勢，一個set入面有唔個牛不同部份可以食得到：牛柳粒、安格斯、牛頸脊、手切牛同牛邊位，款款口感都唔同，有d比較鬆化入口即溶，有d就比較有嚼口，而牛味既濃郁程度亦有唔同，唔話比大家知邊款最好味喇，始終人人口味都唔同，你自己黎試下啦！呢個combo又係叫得好，可以一次過試到4款丸，牛肉、豬肉、鮮蝦同墨魚丸，一睇就知係手打，好新鮮咁呈現係大家面前，食落肉味夠濃，彈牙爽口，中間仲包住黑松露同紫薯，至於係邊款mix邊款，就容許我賣個關子啦！食完大家都激讚個搞手做到野，下次gathering都任佢話事啦！…Read More

趁涼涼地又係打邊爐既好時候，不過香港人打邊爐其實洗乜理咩天氣，一年四季火鍋店都係咁多人，就知道大家真係好鍾意烚下烚下。有同事黎過呢度食話幾好，又放晒相上網咁，所以今晚一早訂好枱同屋企人喇開餐。呢度既鍋底選擇都幾多，又幾特別，阿爸阿媽鐘意有益啲既養生燉湯，所以揀左個姬松茸响螺燉雞。個鍋黎到梗係第一時間睇下夠唔夠料，撈幾撈又真係好豐富，試下啖湯堅係好入味。叫左啲小食share，好似呢個百花釀油條煎到兩面金黃色脆卜卜，口感爽滑香脆，鮮美可口。我自問係芝士控，所以唔理屋企人like唔like，就決定點芝心獅子狗卷同台式黑椒腸。輕輕咬開獅子狗卷既外層，啲流心芝士就”爸爸”聲湧出黎，好正；而台式黑椒腸就好香脆，我完全滿足晒!!講返火鍋配料，一定要叫就係牛尚盛，因為成家人都係牛魔皇，可以一次過食到五款靚牛，有牛頸脊、手切牛、牛邊位、安格斯同牛柳粒，最啱我地。牛頸脊結實、肥瘦適中；手切牛雪花紋細緻，嫩滑有咬口；牛邊位就牛味濃郁而且油花均勻；安格斯鮮嫩多汁；牛柳粒好有質感，總之款款都各有特色，而本人覺得最正係手切牛！另一樣一定要食既係午餐肉，唔好覺得出去打邊爐食唔餐肉好似好唔抵好傻仔，我見枱枱都有叫就知道一定有啲特別野。砌到靚靚咁上枱，午餐肉本身油份高，吸收左湯底既汁料，咬下去厚厚地好有口感，啖啖肉，正！呢餐結論係：滿足！滿足！…Read More

同朋友漫無目的咁喺佐敦區遊蕩，遊遊下就遊左上黎呢度，見個環境幾啱坐低慢慢傾計食野，同朋友打一打眼色後就就決定入黎試下。幾個女仔望望餐牌，揀左個聽落都知道勁補身嘅養生燉湯鍋底──姬松茸響螺燉雞，好滋陰，而家入秋飲呢D好啱女仔，完全可以平衡返打邊爐嘅上火feel。嘩！一睇D湯料，先發現真係非常足料，似足阿媽煲嘅愛心老火湯，用呢個湯底夾落唔同嘅火鍋配料，肯定好入味。呢度除左火鍋之外都有唔少小食可以揀，我地就點左個金不換黃金蝦，D蝦肉食落有甜味，而唔係只係得個鹹字，食得出用新鮮貨整，讚！ 火鍋配料都叫左好幾款，印象特別深刻嘅有牛尚盛，肉味濃郁滿口油香，鮮嫰多肉汁，放入濃湯底索晒所有精華。仲有比較特別嘅就係蟹皇餃，有D似蟹粉小龍包，皮薄饀靚，蟹味濃郁，鮮味十足，又有嚼口。整體上呢度環境唔錯，食物質素亦有一定水準，可以encore！…Read More

天寒地凍，最想就係喝一口暖湯。但煲一壼湯對工作忙碌嘅我，談何容易？所以，上星期就同左幾位與我並肩作戰多日嘅同事，去左位於佐敦吳松街嘅"尚鮮"，品嚐一下滋潤湯水 😉甫入店內，衹見餐廳人頭涌涌。湯底亦有好多選擇，我哋揀左“蟲草花花膠燉雞腳湯”  ，富含豐富蛋白質和膠質的花膠，都算好大件，而且份量過得去，食落好滑，是冬季最好的滋補湯水，食完感覺充滿骨膠原啦😅。雞件亦很好多， 應該有成隻，肉質滑嫩。蟲草花好香滑，不加任何佐料的雞湯都够鮮甜。牛尚盛，派頭十足，細緻地盛載於三層碟架上，分別有五種不同口感的牛肉，手切牛、牛邊位、安格斯牛、牛柳粒及牛舌。其中手切牛，雪花分布均匀，牛肉味濃郁，其他的牛肉，肉質亦相當鮮美！百花讓油條，上桌時，新鮮熱辣，就咁食入口香脆無比，放湯裡烚一烚黎食，又是另一番滋味。鮮炸響鈴相信亦是很多港人食客的至愛，食落微脆的口感，索左湯汁後，滿口香滑的腐皮令人很有滿足感！厚切的烧牛舌也很不错，彈彈的口感，食落好香！餐廳食物用料新鮮，主打湯鍋健康美味，服務方面亦週到，下次會再黎！…Read More

天寒地凍，火鍋就成了人們的最爱，美味不上火的海鮮火鍋更是得到食客們的青睐，想要品嘗正宗好味道，尚鮮海鲜火煱料理自認为是不錯的選擇！前幾日就同班朋友去試過！ 我地選擇了招牌鍋--尚鮮龍皇海鮮鍋 ！香港租金高昂，很多餐廳都向樓上發展，尚鮮也不例外！餐廳在餐牌上采用了環保的概念，衹要在所選食物上用水筆圈起，既不浪費紙張也不繁複  ！選料上乘，品種豐富的海鮮鍋裡面有：龍蝦、蟹、帶子、大蜆、鮮蝦等！新鮮的食材在慢火熬煮下，將各種鮮味融為一體，“鮮”字的主題更加得到認證。蝦肉嫩滑爽口，緊密的蟹膏入口即化，大大隻的帶子和大蜆就無比鮮甜，最後係飲所有海鮮的精華～湯，超級鮮甜😅。吃火鍋少不了牛肉的。牛尚盛，以三層盛裝擺放，很精緻。给人視覺上的盛宴，即刻勾起食欲，牛肉都很鮮美！ 店員推介的自家製蟹皇蛟，果然好有水準，餡料鮮甜好食👍👍，再來份田园盛，有粟米、白蘿蔔、金针菇，生菜等，分量足，十分抵食 ，砌得精美的午餐肉也很好吃！該店是采用无煙環保的火鍋盧，唔使驚食完火鍋後頭髮、衣服一陣味。店員的服務貼心週到，值得推介！…Read More

呢幾日落雨天，增添了寒意，令人想到食火鍋，而不少餐廳亦“應節地”推出既滋補又暖身的湯水。好似以海鮮作招徠的“尚鮮”，有多款嘅滋潤湯水就幾吸引。今日我就同幾個朋友去到佐敦呢間朝拜一番！我地揀左既清潤又滋補，最啱冬天飲嘅“雲南黑虎掌菌燉豬腳根”，湯料用雞腳、豬腳根、黑虎掌等熬製而成，湯色微紅，菌香撲鼻，黑虎掌菌口感軟糯，味道香郁可口，雞腳又唔會太腍，有口感，而豬腳根應該係豬掛，總之就好香滑，仲保留到肉汁的鮮甜，啖湯更是鮮香滋潤，飲完令人有輕鬆愉快的感覺！牛尚盛，別緻矜貴地放於三層架上四色丸尚成，四種口味我都非常喜歡，皆因真材實料，肉味香濃，爽口彈牙！炸響鈴，好新鮮香脆特色燒烤亦好出色，燒芝心獅子狗卷，一口咬落，頓時滿口芝士香，好好食，而黑椒腸本人就一向唔欣賞！盬燒牛舌，厚切但唔韌，好腍好有牛味，味道亦啱啱好👍👍…Read More

香港租金高昂，令愈來愈多餐廳趨向上樓發展。因此平時逛街時，都會對樓上食店多加留意。好似前幾日，我同幾個朋友就到訪樓上海鮮火鍋店"尚鮮"，主打海鮮火鍋，強調海鮮來貨新鮮，直接從外地入貨，質量有保證！經店員推介，我地點左個“龍皇海鮮煱”，有龍蝦、扇貝、花甲、大蝦、蟹、帶子等。以為食完入面的海鮮就用呢D湯打邊爐，但店員建議我地可以飲湯先，然後加豬骨湯再烚野食，真係細心周到。啖湯鮮甜，龍蝦爽甜，蟹啖啖肉好滋味，成煲滿滿食唔切，店員驚過火嗱嗱聲幫我地撈晒D海鮮上黎先，讚！除左海鮮出色之外，熟食亦極富水準，芝心獅子狗卷拼台式黑椒腸，獅子狗卷睇落無乜特别，點知一口咬落去，D芝士溜晒出來，頓時滿口芝士香😄；黑椒腸燒至微脆，黑椒混和肉香，口感和味道都一流！如果吃火鍋冇牛肉，硬係會覺得爭D野，一次過有齊幾樣嘅牛尚盛，就可以滿足各人的要求，嫩滑嘅牛柳粒係我最愛！最後黎個田園盛蔬菜拼盤，蔬菜新鮮，粟米好甜！整體水準唔錯，食材新鮮，且有好多富特色的自家手工精品，例如手打丸、餃子、雲吞等！服務亦細心周到，值得推介！…Read More

一到寒冷天氣，最岩一班人去打邊爐~雖然我一年四季都愛打邊爐..XD 就是一班朋友一齊烚下烚下很過癮吧~今晚一班走到佐敦搵食…來到＂尚鮮無煙火鍋海鮮料理 ＂，也許是先被其名字吸引~無煙…XD 女孩子就是喜歡自己的身體香噴噴麻 ，不想帶有的食物及油煙味～我們點了很多食物呢（^^）不過涮食物前，湯底也不能忽視～是燉湯啊！蟲草花花膠雞腳湯底～很足料呢！滿滿的雞腳、花膠～每人先來一碗燉湯，味道香濃，夠火喉～花膠、雞腳可是女人的恩物，來打邊爐順便養顏。。XD之後加湯底，開始烚下烚下～這火鍋爐又好像真的跟平時使用的有點不同，據說是無煙環保的火鍋爐，可吸走油煙～四色丸眼看像普通的四色丸，原來內有乾坤~丸子當中有餡料，而且每款丸內不同餡料呢~墨魚丸配紫薯 ，蝦丸配玫瑰露，豬肉丸配黑松露，牛肉丸配蟹黃，四款丸真係令人難以選擇呀!!豬肉丸肉質帶點嚼勁，帶著黑松露淡淡的清香， 令豬肉丸更鮮香~打邊爐點少得牛肉⋯⋯XD牛尚盛！有齊牛柳粒、手切牛、牛頸脊、牛邊位、安格斯～以兩層架式盛上，很像HIGH TEA SET⋯⋯XD牛肉色澤紅潤，滿佈油花～食進口牛味濃郁，肉質軟嫩不帶筋，牛魔王既我很滿足呢！還備麻醬沾點牛肉，令牛肉帶微微芝麻香～其實除了麻醬，還帶多款醬料選擇，就隨自己口味喜愛而混醬吧！這個不用多說吧。。。XD 午餐肉擺放得很有心思，像玩層層疊般，哈哈百花釀油條可即食，或涮一涮先食，我個人就喜歡涮一涮先食～脆脆的油條配上蝦膠 ，脆得來有蝦膠的彈牙感...讚!雖說經過油炸，但口感不油膩~同樣喜歡涮一涮先食的響鈴~蟹皇餃餃子皮不太厚，包著滿滿饀料，蟹味濃郁～墨魚滑釀冬菇這個就有點失望，墨魚滑沒我想像中的嚼勁感~不過墨魚滑加冬菇確是很夾的配搭~象拔蚌可作刺身，又可以火鍋湯底輕灼~這一盤象拔蚌可分為3 部份，前、中、後前端較薄身的可作刺身食用，味道鮮甜~中間部份的就輕灼約3秒 ，味道同樣鮮甜，只是多一分微溫~後端部份會較厚身，需輕灼約30秒，多了一份煙韌彈牙感~要有均衡飲食，來個田園盛金菇、蔬菜、栗米，岩晒喜歡多選擇既人士~雖說這裡是以火鍋行頭，但也備有其他小食~泰式海生蝦蝦刺身挺新鮮，肉質爽口~配上特製辣汁，令人開胃，作餐前小食很不錯!估不到來打邊爐都可食到泰式食品 (^ ^)香炒蒜牛粒牛柳粒帶著蒜香味，很惹味~而且切割得大小剛才，放進口一口一啖，不覺一口…不覺又一口..XD就是惹味得令人追住食~燒芝心獅士狗卷~這個平時打邊爐常吃到，今次一試燒烤，味道更討好!表面燒得剛好，帶點適度燒焦感~一咬…芝士要流出來了，食的時候要小心當中的芝士流出~一伙兒烚下烚下，傾著談著…不經不覺又夜深，要回家了~往時打完邊爐身上總帶著濃烈的氣味，而當晚在回家的路上，發現頭髮、衣物都沒有臭臭的油煙味，不錯！…Read More

個到唔係地舖, 要入商業大廈1樓, 去到可能比較FULL既關係等左陣, 入面坐到7,8圍到所以有時要等下. 入到去咩都可以唔叫但有個叫"牛尚盛"既一定要叫, 對於我呢種男仔食肉獸真係好想好似"食神"入面個家燕姐大叫"好好食呀"其他就平均都OK!! 整體價錢跟食材都抵食 :)…Read More