尚鮮海鮮料理

Open Now

Now Closed

今次嗌咗一個鴛鴦鍋，分別俾尚鮮血池麻辣湯同姬松茸冬瓜湯~兩款湯底都好正，麻辣湯底夠辣夠香濃，而冬瓜湯就夠鮮甜😍-​🔖手切安格斯牛💰209牛肉雪花分佈均勻~肉質鮮嫩，牛肉味夠香濃🐮有入口即融嘅感覺🤤💫推薦指數: 9/10🔖鮮炸脆響鈴🌟💰55嗌響鈴嘅話會等耐少少，因為真係新鮮炸起，熱辣辣😍響鈴大大舊脆卜卜，滾1-2秒就已經可以，會索哂啲湯汁，好食🥰💫推薦指數: 9/10🔖有機菜芯苗💰39菜芯苗夠新鮮😋同姬松茸冬瓜湯好夾添🤩鮮甜味🆙🆙💫推薦指數: 8/10​🔖鮮打四寶丸💰86四寶丸分別有牛肉丸、豬肉丸、鮮蝦丸同墨魚丸😋各款肉丸都係自家手打，爽口彈牙🙌🏼絕對係必試推介☺️💫推薦指數: 10/10🔖黑豚肉片💰55擺盤精美，將一塊塊黑豚肉片砌成一個花形，望落去已經夠吸引☺️油脂分佈均勻，食落去唔會有油膩感😋💫推薦指數: 9/10🔖豬皮拼豬紅💰51呢個配料就正正常常，唔會有咩好大嘅驚喜🙈不過值得一讚嘅地方係豬皮爽口彈牙🤗鐘意食豬皮嘅朋友都可以嗌😆💫推薦指數: 7.5/10-🌟餐廳推薦食品

同男朋友係屋企想打邊爐但係又唔想咁煩周圍買配料，就上網見到尚鮮有幾多好評，就一於試吓～我哋就揀咗呢個外賣火鍋set $398 包湯底，海鮮，肉類，同埋蔬菜等等 餐廳將啲食物包裝得好靚，完全唔會話流晒啲汁出嚟湯底方面有三種，我哋揀咗姬松茸冬瓜湯～拎外賣嗰陣啲湯仲係熱辣辣！餐廳包裝得好好，好方便拎！倒左湯底同配料一齊就Ok!海鮮方面就有聖子，花甲，生蠔，蝦等等～ 食物個樣同埋都好新鮮～ 又夠大隻，好有鮮味餃子，雲吞都各有兩粒，仲有四粒手打丸～正正常常冇乜特別～仲有黑豚豬肉同埋豬潤！豬肉夠肥，入口好香～但薄切唔會太油！ 豬潤唔腥仲有啲薑汁味，重點夠新鮮，好食點少得手切安格斯～ 睇個樣都覺得牛肉好靚，油脂分佈好均勻，果然食落好有牛肉味，好香份量就比想像中多，正！油脂好靚！蔬菜盤都冇呃人，份量好多！餐廳仲提供埋啲醬料，有時有，蔥，辣椒，蒜頭同埋芫荽都有！真係啱晒懶人，開個爐就可以食得總括嚟講覺得好高質，分量多到兩個人都食唔晒冇得出街食嘅情況之下，喺屋企都一樣可以食到高質火鍋

由疫情爆發後都減少左好多出去食飯見疫情稍為緩和就要約友人聚舊 重點緊係要食好野啦🤩餐廳店員會為你量度體溫+用噴霧消毒你雙手🙌🏻入到去個環境好舒適 唔會太嘈好適合同一大班朋友食下野飲下野🍻chill下叫左個星級set🤭岩哂我呢d選擇困難症ge 人🔸冷盤- 清酒鮑魚+泰式生蝦好開胃 鮑魚好彈牙👍🏼🔹湯底- 因為友人唔食辣，而我又無辣不歡（少辣😂)所以分別叫姫松茸冬瓜+血池麻辣湯姫松茸湯配埋堆蔬菜蘿蔔食🥬好清甜血池麻辣湯 唔係淨係食到個種麻同勁放辣椒個種🔸海鮮- 海蝦🦐+聖子皇+鱔片🐠+大蜆個擺盤擺得唔錯食落仲係好新鮮最鐘意係聖子王 好爽口👍🏼🔹手切安格斯牛單睇d紋路已經覺得好吸引😍食落緊係相當唔錯啦🔸鮮打豬肉丸+墨魚丸🔹木耳鮮蝦雲吞🔸豬三毛（豬紅+豬皮+芝心獅子狗卷+脆皮芝士腸)🔹蔬菜野菌盒食咁多肉類 點都要有番d蔬菜中和一下🔸稻庭烏冬💬整體黎講，餐廳食材同環境都算高質值得一提,店員服務態度好好同細心除會主動幫你添水之外仲會幫你隔油👍🏼👍🏼下次一定會再黎💪🏼💪🏼

升級自選套餐$328一位呢款套餐係專比一啲唔係好想諗食咩嘅人選擇即是像我這款🤣🤣咩都想食一啲首先黎個冷盤先有清酒鮑魚、泰式生蝦 大大隻嘅生蝦配上蒜片同埋辣椒🌶️片。呢個套餐可以揀兩款唔同嘅湯底我哋今次就點左姫松茸冬瓜湯底加血池麻辣湯底有辣有唔辣，任君選擇！麻辣湯底真係幾正，少少麻夠膽可試試。海鮮方面，有海蝦，聖子王，鱔片仲有大蜆令人驚訝嘅大海蝦，大片聖子我最鍾意嘅係新鮮又彈牙嘅鱔片。一嚟到見到手切安格斯牛吸引着，啲牛真係好靚，脂肪分布好平均，食落真係超有牛嘅味道到我最鍾意食嘅丸子同埋餃子啦，上碟方法真係好特別，係用cup cake stand 放上絕對係港女打卡必備❤️❤️❤️唔好笑我大鄉里，真係影咗好多張相。佢啲雲吞真係好特別係木耳鮮蝦雲吞有健康，食落入面嘅蝦仲好新鮮彈牙。喜歡食內臟嘅人有福啦，因為呢個套餐入面有埋珠江豬血同埋豬皮 ，配辣嗰個湯底就最適合呢最尾叫埋個到庭烏冬就啱啱好夠晒飽又滿足。服務員招呼都好周到係咁幫我夾油同埋清理碗碟唯一不足之處係呢度冷氣唔夠大。呢個套餐加$38有啤酒同汽水任飲， $58更加有埋清酒汽水任飲，今次揸車無飲酒，下次有機會再黎。

(尚鮮海鮮料理)位置在佐敦道吳松街23號的幸福商業大廈，大堂比較狹長裝潢簡樸，整幢大廈只有一間食肆，其餘均作寫字樓用途。餐廳位置不太容易尋找，不太熟悉佐敦的朋友需要事前做一做research。店舖佔地一樓全層，食客可以享受一個較安靜舒適嘅用膳環境，而且係一間黃店，門口有Pepe，亦做足所有防疫措施，門外放有消毒搓手液，貼有告示，恕不招待客人如過去14日曾經外遊或曾有發燒咳嗽等徵狀，所以可以安心在此用膳。沖繩生啤祭，買一送一！雖然而家冇得去日本，都要Have a taste like Japanese！友人預先與告知餐廳我們的預算budget大約$300元，大廚安排此款八道菜的Omakase，$278蚊/位。三色刺身拼盤，油金魚(右)、帆立貝(中)、磯煮鮑魚(左)。需要特別讚一讚嘅係每一粒每粒帆立貝都夾住檸檬片，增添清爽口感。磯煮鮑魚的(溏心)做得頗出色，放入口咀嚼時佈滿鮑魚濃濃香氣，回甘。蒜香燒生蠔，肉質飽滿，份量十足，很大隻，惟個人認為蒜香一般，可以多刨一些蒜粒，提升層次。雙色活海蝦(上) 茄汁海蝦，選用優質濃郁鮮茄膏，加上有煎封效果，特別香口，口感似不會像阿活焗豬扒飯的死甜假酸味。

今晚在家食好西！上網見到尚鮮有個住家火鍋 2人精選套餐，啲食物好似都好正好豐富！有姬松茸冬瓜湯，有豐富海鮮盛1盤 (帶子,大花甲,海蝦,白鱔片,廣島蠔)，有超正嘅手切安格斯、黑豚片、黃沙豬潤、自家制四寶丸、手工雲吞西菜餃同埋新鮮蔬菜！調味料亦準備好！外賣嘅湯底包裝好靚，用保溫嘅袋裝住，拎到返屋企都仲暖粒粒㗎！湯底唔係剩係得水，連湯渣都俾埋你，好有誠意，同喺堂食打邊爐嘅感覺一樣㗎。海洋好正，大大隻海蝦同好厚肉嘅帶子非常新鮮好味！白鱔亦係好味推介！二人份嘅手切安格斯份量唔少，好高質，牛味重，口感正！仲有其他嘢都好好食！其實套餐啲嘢食已經多到食唔晒，不過湯底太好味，我哋最尾仲煮咗個烏冬，飲多兩啖湯！外賣自取有額外優惠，送多份安格斯牛，仲可以75折散點火鍋餐牌 (牛肉/丸餃/配料/菜蔬)。下次可以再嚟買外賣打邊爐

今日嚟到佐敦呢邊食dinner~睇到呢間火鍋料理餐廳好評如潮👍🏻就想嚟試吓😆餐廳係幸福商業大廈嘅樓上鋪，入面幾闊落～坐得幾舒服🥰同埋餐廳而家做緊優惠👏🏻而家喺沖繩生啤祭🤗買啤酒禮拜一就買一送一，禮拜日就買七送七🤣餐廳播嘅歌都幾relaxing~一坐低揀好火鍋湯底同食物之後，職員就會俾你選擇唔同款式嘅醬料😍鍋底雙拼($165)火鍋底係鴛鴦鍋☺️一個麻辣湯，令一個係以茶底為主嘅火鍋👍🏻血池麻辣湯好適合鍾意食辣嘅人🤣好香濃嘅辣椒味😋浸啲火鍋料入麻辣湯，食落一開始有少少辣，後勁凌厲，有麻辣嘅感覺😆真係幾正👍🏻98三高茶什菌素鍋比較清淡嘅鍋底😆適合鍾意健康飲食嘅人☺️以茶包作為湯底，仲有好多蘑菇🤣浸左火鍋料入去，出嚟有淡淡清香嘅味道😋而且仲可以中和麻辣湯嘅辣味👍🏻雙拼餃子($96)係餐廳手工整嘅餃子😍西洋菜香菇餃食得出新鮮嘅豬肉味，幾香滑😋一咬出嚟仲有肉汁流出添💕木耳鮮蝦雲吞嘅蝦肉好新鮮👍🏻好大隻蝦🤣同樣有好多肉汁☺️皮薄餡多🥰黑豚肉片($55)一大碟好靚嘅黑豚肉😍雪花片咁嘅顏色同形狀🤣紋理分明😆半肥瘦嘅豚肉，食落新鮮嫩滑👍🏻好有咬口😋鮮炸脆響鈴($55)好大舊響鈴😍一碟好多響鈴👍🏻擺落鍋底幾秒攞出嚟

記得之前黎過💕尚鮮💕打邊爐，覺得質素頗高！😋而家尚鮮選擇更多，除左火鍋🥘，仲有刺身、串燒🍢、日式料理、中式料理等！當然要試下！💕章紅魚刺身 $208賣相吸引！🤩 章紅魚份量唔少，相當鮮甜美味，肉質爽彈，好正呀！❤️ 大滿足！😘💕串燒酒魂拼盤 $169好豐富嘅串燒拼盤，重點係抵食又美味！😍包括有：安格斯牛粒、有鹽燒海蝦🦐、厚切牛舌、蒜香燒蠔🦪、芝芯獅子狗🍡、燒粟米🌽，仲有兩杯啤酒🍻或者特飲🍹！💕日式味噌蠔鍋 🦪$129蠔🦪嘅份量非常多，而且好鮮甜肥美🥰，配埋味噌湯、蘿蔔片、日式苣蒻等，好滋味！😋💕紙包燒野菜 🥬$39加入好多蒜蓉，健康美味！

好耐冇打邊爐啦，起碼自從禁夜晚堂食之後都幾十日啦，開放堂食後乜都要再試一次，中式茶樓，西式餐廳，泰式，越式，火鍋，因為有啲嘢真係要喺舖頭食先有氣氛嘛，好似今晚喺『尚鮮』都有唔少食客陪伴，咁樣先至係吖嘛。唔想动腦筋散嗌，叫咗個星級套餐，貪佢乜都有。『泰式生蝦』和『清酒鮑魚』是呢餐的頭盤，好開心，蝦大隻又彈牙，鮑魚同樣彈牙兼有啖啖清酒之香，鋪頭又細心切成片，方便客人食用。問咗我哋知道唔係好食得辣，就推介咗姬松茸冬瓜同埋有機田園雜菜湯两個湯底，而唔揀血池麻辣湯。而姬松茸湯底喺未落嘢之前係可以當湯飲嘅，真係好清香，成個人爽晒。海鮮有我鍾意的大扇貝(有時可能係大蟶子，生蠔視乎供應)，大蝦，大蜆，鱔片，全部新鮮好味，諗住可以再多D就好啦，又有手切安格斯牛，其他仲有擺盤好靚，好似嘆high tea 咁嘅豬紅，豬皮，豬潤，又有鮮打豬肉，墨魚丸，仲有鮮蝦水餃，及特别嘅芝心獅子狗卷……豐富又满足的一餐。

之前都食過呢間嘅火鍋，但而家疫情關係，我哋都冇得夜晚打邊爐🙈🙈 所以我哋就試吓佢新出嘅外賣～私房菜！😎日式味增蠔湯🦪佢好細心咁分開湯同配料，而且有保鮮紙包好。味增湯底好有海鮮味，配上少量嘅蠔仔、粉絲同黑木耳。配搭同味道幾特別！只係我覺得份量比較少，大約係一人份量。建議餐牌上可寫上人數分量。串燒拼盤😜我哋亦試咗幾款唔同嘅串燒～比較好味嘅係魷魚圈串。可惜拎到返到屋企已經冇咁熱，可能現場食、熱辣辣會比較好😂😂蒜蓉炒雜菜中規中矩，有日式小店炒出嚟嘅味道🤣🤣 分量亦OK😂我覺得呢間餐廳都係打邊爐比較好😛 私房菜始終欠缺一番風味😌 但既然而家疫情嚴重，我地最好都係乖乖留係屋企。而家暫時忍下口吧😹

之前來過這間火鍋店，上次覺得食物不錯而且很新鮮，想不到原來有私房菜呢，所以今次買了點外賣回家吃。煎蠔餅蠔仔大大粒，很飽滿，配上雞蛋煎香後，火候剛剛好，帶回家吃，仍然不失風味，下次想在店家吃新鮮現製的，相信更好味。蘑菇炒菜菜和蘑菇的份量也不少，而且菜很新鮮， 十分翠綠，配上蘑菇後，讓這一道菜更添不同的口感。串燒我還點了一些全消呢，有燒魷魚、燒螺頭和雞腎。魷魚非常厚肉，而且帶有淡淡的焦香，相當惹味！雞腎煙煙銀銀，還有一些香料味呢，而螺頭也是大大隻，咬下時很爽口！相信現場即燒即食更加美味。上網見到還有其他的餸菜也看似美味，下次還想再來試試，希望疫情快點過去吧。

依排我地都係work from home，夜晚又冇得出街食飯，真係無左唔少樂趣🙊🙈🙈 好彩今晚有人為我送上外賣，咁我就唔洗煮啦👏🏻👏🏻都忙左成日，其實唔想食太多野，咁啱見有有串燒👍🏻👍🏻 依款幾特別，好似係雞肉串，幾有口感！我地一人一串🙃🙃 仲有其他海鮮串，我就無食，但見屋企人食都幾ok🤣 我地仲自己加左d泰式辣醬，又開左罐啤酒咁，chill❣️除左串燒，仲有個炒雜菜。因為我地放左一段時間先食，所以我地炒一炒佢，咁就熱d😅😅😅 依間餐廳其實出名係火鍋。拎外賣既時候見佢餐廳入邊環境都唔錯。睇下個火鍋餐牌，有好多唔同種類嘅海鮮餐。等遲d政府放寬咗，搵機會黎打邊爐都唔錯😎😎🧚🏻

今次食咗呢間尚鮮😋果然佢嘅嘢食都好新鮮。餃子的味道頓時在口裏化成美味，各種丸有不同的口味手切安格斯牛肥而不膩，香濃多汁又爽滑，絕對係火鍋的拍檔黃沙豬膶嘅口感與普通嘅豬膶並不一樣，佢入口粉嫩佢入口粉嫩又爽口，好適合大眾嘅口味😋豬頸肉嘅肉好瘦，相信脂肪含量甚低😚相信大家都會鍾意食🥰整體來說，食材好新鮮。不過可能食物嘅價錢有少少貴。間唔中食一餐都未嘗唔係一件好事💖所以都推薦大家去試吓呢間火鍋店