Wing Gor Kitchen

約了好友選了一間私房菜吃晚飯，可以慢慢品嚐美食，又可以閒聊一個晚上。前菜是有機沙律菜伴芝麻醬將青瓜卷起沙律菜，賣相美觀，吃下去爽脆新鮮，蕃茄仔很鮮甜，這道前菜把我的食慾大大提高。茶薰流心蛋伴黑魚子醬配厚切茄子流心蛋中心部份很幼滑，把蛋薰得很有茶香，黑魚子醬給我驚喜，酸酸甜甜的配上厚切茄子，口感一流～湯品分面，原盅燉哈蜜瓜螺頭黑毛豚肉湯湯料很足，吃到螺頭、哈蜜瓜等材料，湯底清晰，味道十分鮮甜，滋補十足。原盅燉川貝陳皮海底椰彊鱷魚湯本人有哮喘底子，會多喝鱷魚湯，這個湯就剛好適合我了。蒜香芝士焗海外蠔王果然是蠔王，很飽滿，質感也很滑。黃金秘制香辣軟殼蟹，肉身很厚，軟殼蟹炸得剛好，不會過燶，特製醬汁酸辣濃汁也調得剛好～多士很香脆，沾上這個醬汁更很惹味～茶王燻法國鵪鶉沒有過乾，肉質比較厚實，也很入味。魚湯浸有機時令蔬菜魚湯很鮮味，蔬菜也新鮮。寶貝鮑魚仔極尚金牌福建炒飯色彩繽紛賣相很吸引，飯粒也炒至每粒都入粒，夠乾身。這頓我倆都很滿意，座位很舒適，環境安靜，台與台之間夠空間，我們也閒聊了好一陣子，過得愉快～～…Read More

觀塘工廠區近年開左好多食店, 除左西餐日菜之外, 中式私房菜亦有唔少。當中位於官塘工業中心3期嘅榮哥廚房私房菜係我地最愛去嘅食店之一。😙榮哥廚房私房菜雖然位於工廈入面, 不過地點非常方便, 係觀塘站D4出口一出就到。餐廳裝修簡約平實, 店內種植左有機菜以供食用。餐廳二人私房菜套餐有3款, 我地今日食嘅係$768兩位的二人餐。精心配 2人餐 $768前菜前菜一共有4款, 賣相都好精緻, 分別係有機沙律菜伴芝麻醬, 涼伴黑木耳, 岩鹽花枝豆同茶燻流心蛋伴黑魚子醬配厚切茄子。有機沙律菜伴芝麻醬餐廳自家種植的沙律菜好清甜爽脆, 小番茄好甜, 沾上芝麻醬, 味道清新。👍涼伴黑木耳黑木耳已預先調味, 口感爽滑。岩鹽花枝豆花枝豆份量都唔少, 以岩鹽提味, 味道唔錯。茶燻流心蛋伴黑魚子醬配厚切茄子流心蛋帶有煙燻香味, 上面舖上黑魚子醬, 鮮味更濃, 厚切茄子外層香脆, 茄子沾上醬汁, 非常惹味。😋原盅燉哈密瓜螺頭黑毛豚肉湯套餐可轉配唔同款式的燉湯, 我地揀左兩款唔同share飲。哈密瓜螺頭黑毛豚肉湯非常鮮甜, 帶有果皮香味, 入口清潤。😙原盅燉川貝陳皮海底椰鱷魚肉湯海底椰鱷魚肉湯材料非常多, 味道清甜, 富有椰香。蝦球水芙蓉蝦球大隻又爽口, 蒸蛋嫩滑, 伴香濃湯汁食, 味道特別好。👍蒜香芝士焗老外蠔王焗蠔好大隻, 蠔肉飽滿, 配上焗香的蒜香芝士, 非常惹味。😍香煎北海道帶子海中寶 +$30位呢款海中寶賣相雖然好似龍蝦丸, 不過用料卻是非常高級, 海中寶底部係北海道帶子, 加上由鮮蝦打成嘅蝦滑, 啖啖都充滿海鮮鮮味。😋金銀蒜香有機時令蔬菜每晚時令蔬菜係小棠菜, 小棠菜好鮮嫩, 加上金蒜銀蒜, 味道唔錯。👍荷香蒜蓉海斑片原籠蒸鴛鴦飯原籠蒸飯份量好多, 由於之前每碟菜份量都唔少, 呢個飯我地最後都係要打包走。😆時令甜品甜品係椰汁桂花糕, 食埋甜品, 呢餐非常滿足。😋…Read More

放工和媽咪食好東西，今次我帶她來到榮哥食私房菜。餐廳位於觀塘工業大厦，鄰近港鐵站，步行約數分鐘便到達，非常方便。餐廳環境乾淨舒適，而且不會像其他酒樓般嘈吵。沙律菜非常新鮮爽脆，配上微辣的芝麻醬，格外醒胃。車里茄比外間的更清甜多汁，可能是因為有機的關係吧。枝豆咸咸的，木耳亦很爽口，不錯。流心蛋很嫩滑，茄子厚切，外層經過油炸，但一點也不覺得油膩，醬汁比較濃稠，配上本身淡味的茄子很夾。以下兩款湯都非常足料，滿滿的豚肉，蜜瓜的味道慢慢從湯中滲岀來，清甜十足；鱷魚肉滋補，海底椰川貝潤肺，燉過後鱷魚肉吃下來亦不覺得嚡口，好適合冬天飲用。皇帝蝦第一次吃，上枱的時候香噴噴，侍應貼心地提醒我們不要碰到碟邊，因為是非常熱的。蝦很大隻，大蝦中間切開，外層塗上一層蛋黃醬一起焗，蛋黃如流沙般流入蝦肉中，與蝦肉很夾，蝦肉非常新鮮彈牙，蛋黃流沙醬齒頰留香賣相很精緻。帶子大大隻，火喉剛剛好，肉質軟腍，鮮味十足。掏出後的南瓜肉再和青瓜，紅椒一起炒，爽口又清甜。炸至金黃，香脆可口，吃下還有啖啖陳皮香於口中散發蔬菜清甜又爽口，加上以蒜蓉炒，很惹味蒸飯粒粒分明，不會過硬兼過熟。加上紅糙米，增加口感。班片皮甘香可口，肉質嫩滑，非常新鮮。最後來的是薑水芝麻湯圓，湯圓軟糯，為這餐劃上完美句號。…Read More

現今一些餐廳的名字愈來愈特別，有的是人名，有的是該區的名字，又有一些是業主自己改的，多數都是差不多的形式，但總有一些會令人特別印象深刻。是日到訪的【榮哥廚房私房菜】，開業於官塘工業中心三期，不是朋友人介紹的話也較難發掘得到。工廈真的有愈檬愈多特色商店及餐廳進駐了。【榮哥廚房私房菜】門面以一般中式食肆的陳設示人，在門外用上簡潔的長條木板作牆，店內一般中菜館的格局，亦有點像舊式茶樓，簡約的裝潢予人親切的感覺！侍應安排好座位後先端上一壼茶，替我們倒茶後遞了一張今晚我所訂的菜單𥿄﹐一目了然很清清楚楚的列出當晚菜式。菜式方面，以傳統手工中菜為主。一如其他私房菜，餐單提早選定，方便師傅準備食材，保證用料新鮮。私房菜套餐賣$348/位。另外如果不想點套餐的話，榮哥做私房菜，也做散點。可以散點一些王牌食物如遠年新會陳皮骨、三蔥鮑魚、茶燻流心蛋伴魚子醬配厚切茄子、原籠荷香蒸龍躉鴛鴦飯等....『精心配伴2人餐』﹐菜式分別是：-有機沙律菜伴芝麻醬、涼伴鮑魚菇、涼伴黑木耳-茶燻流心蛋伴黑魚子醬配厚切茄子-原盅燉哈密瓜螺頭黑毛豚肉湯-蝦球水芙蓉-蒜香芝士焗老外蠔王-遠年新會陳皮骨-魚湯浸碧綠溫室菜-荷香蒜蓉海斑片原籠蒸鴛鴦飯-精心時令甜品***合共9餸1湯1甜品*** .今天的前菜小品，則是三道以爽口感為主的冷盤。有機沙律菜伴芝麻醬，一開始以為有機沙律菜是門口自家種植的哪一批，原來不是的，門口的只作觀賞，食用的是另一批。有機沙律菜相當新鮮賣相翠綠吸引，咬下去十分爽口呀。芝麻醬細味能吃得出芥末的辣感、黑醋的酸香及麻醬的惹味。這是餐廳近入口處設有一個栽種新鮮菜蔬的排架。涼伴黑木耳，外觀甚有層次感，充斥麻油香，食感酸脆開胃。岩鹽花枝豆屬普普通通。鹽味能帶起枝豆的味道。「榮哥」設計了的菜單真正上幕了:)：茶燻流心蛋伴黑魚子醬配厚切茄子  ，個個套餐都有就知呢個係招牌吸客菜吧！到的時候，光看賣相就知道這流心蛋好味道，流心蛋火喉控制甚佳，蛋汁很流心而蛋白亦毫無保留地透出絲絲茶燻香氣。不過茶燻及黑魚子的香氣較為單薄，未能帶出焦點。但我個茄子真心surprise，茄子輕輕經油泡過，外脆內嫩，夠厚身，十分juicy，吃時記得蘸伴碟的酸甜醬，好開胃！完全是屬一道細緻的菜式啊！「榮哥」！原盅燉哈密瓜螺頭黑毛豚肉湯呢個湯聽名太吸引了吧！哈密瓜湯你又試過沒有？我好像就真的未呢。螺頭、龍眼、哈密瓜等原盅燉成，甜得不得了，清甜味道毋庸置疑。湯汁敦厚火候十足，黑毛豚肉縱使經過長時間燉煮，肉質鬆軟感仍保持在可接受，食落都夠腍身，哇...好清甜夠滋陰！蝦球水芙蓉新派粵菜配以精緻賣相更要考驗廚師蒸煮功，成品結果亦沒有令人失望。細心品味，一片橙色的甘筍精華令到湯汁味道輕輕帶甜，中間蒸蛋白，好滑溜，好像豆腐花的香滑。至於蝦球，口感爽勁，但鮮甜味道不足，不及下方的水芙蓉美味。蒜香芝士焗老外蠔王原隻連殼上，蠔王厚身多肉，隻蠔有手掌咁大隻，大得不得了。最欣賞佢嘅芝士，夠多食落更加有芝味，蠔肉吃起來軟腍又多汁。完全沒有縮水啊！遠年新會陳皮骨是一味懷舊小菜，使用了遠年陳皮用來磨碎醃肉，送口品嚐，甘甜的陳皮味道源源送出，排骨用上黑豚肉，瘦中夾肥，效果鬆軟。上面的薑絲酸甜的味道來得自然，加上冰梅醬汁，可是當中最令我難忘的。魚湯浸碧綠溫室菜碧綠溫室菜點整都好味，溫室菜夠爽口，配上魚湯，飲多幾啖好清新，即時清清之前吃的濃味東西喔。荷香蒜蓉海斑片原籠蒸鴛鴦飯驚喜的主食，香噴噴的蒜蓉和蔥花之下，是啖啖肉的斑塊，海斑片選材新鮮肉厚，魚皮膠質豐富，皮黏口肉爽滑，難得是經蒸煮後仍保滑嫩，魚的鮮香與油香，都流到下面的米飯之間，飯底以白米、紅米及微量醋米混煮而成，既富口感又健康。魚汁、蒜蓉與荷香同一時間盡浸蒸飯之中不錯！薑茶湯圓甜品，係結束呢一餐咁好味既私房菜落幕，係薑茶湯圓做得一啲都唔馬虎，薑嘅味道好濃可能本身我比較喜歡薑嘅味道，湯圓皮薄餡靚，好有家的感覺啊！整張菜單用膳完畢，真係好满足，整體來說，餐廳的食品頗有水準，做到色香味俱全﹐亦可以說是手藝傳統見功夫，最重要是食材新鮮，絕不囤貨，做到不時不食！果然係香港私房菜界有挺佳的口碑。喜慶飯局、親友聚餐都好適合到「榮哥」來喔。以人均消費三百元起計，定價合理，下回可以前來再吃啊！…Read More

阿妹由外地返港，帶了多年未嘗中菜的她去一嘗私房菜風味。早一個多星期訂位點菜，讓餐廳有足夠時間預備新鮮食材。有機沙律菜伴芝麻醬自家水種菜顏色翠綠，味道較外面超市的沙律菜鮮甜，加上自家製的芝麻醬帶點柚子汁香味。涼拌黑木耳及岩鹽花枝豆黑木耳爽脆帶點麻油香，花枝豆有點咸香，簡單清新。茶熏流心蛋配黑魚子厚切茄子蛋王呈流心狀，帶點茶香及煙熏味，下面是略炸的茄子，再配上黑魚子汁，帶點甜香。原鼎海椰皇仔燉鷓鴣黑毛豚肉湯湯鮮且甜，有淡淡的椰香及螺肉鮮味，鷓鴣及豚肉香味全部都保留在湯內，十分足料。溫室南瓜北海道特級帶子迷你南瓜外觀精緻，表面是略煎至半熟的帶子，中間還帶點刺身狀，南瓜裏面是香甜的蜜瓜及青瓜，南瓜香甜又腍。招牌茶王熏雞熏雞外皮薰至茶色，外皮香脆帶茶香味及煙熏香，雞肉嫩滑，吸收了茶香味。脆雪映漾海中鮮聽個名都覺得好味又有意境，其實就要海斑湯飯再加脆米粒，湯飯以魚湯做底，加上嫩滑鮮甜的魚肉，表面灑上脆米粒及葱花，一軟一脆的組合十分特別。椰汁桂花糕表面是自家製的桂花蜜，純天然製造，清香且不太甜，帶淡淡桂花香。不得不讚就是店員殷勤有禮，主動換碟加茶水，非常醒目，有用心了解客人需要。…Read More

公司要聚餐，廿幾個人唔知食咩好老細話不如包房食私房菜本身都麻麻地中菜仲要係圍餐啲friend ，但係呢間真係令我好驚喜🌸✨唔講咁多，去相！沙律菜爽甜，塊塊都好新鮮唔會見到有一兩塊係霉嘅食完為大餐打打底🏃‍♀️呢個蛋一絕！好有茶燻味道個黃好棉好流心茄子有天婦羅嘅感覺個人唔太好茄子🍆配蛋食落又幾好喎鱷魚肉湯聽落好恐怖😱冇食肉齋飲湯，飲落唔會成嘴油食埋海底椰好滋補🤣帶子一咬落就覺得好彈牙！！唔係霉到一夾就碎嗰啲好鮮好爽口🌸✨😘入面仲有啲甜甜地嘅瓜陪襯鮑魚好新鮮爽口彈牙個人唔算太好鮑魚但係都覺得好味✨全晚亮點之一！個士多啤梨醬好甜但係又唔會搶咗豬肉個味😍😍😍豬肉咬落啖啖肉🥳唔會齋咬骨咁配米餅不得了💆‍♀️全晚真係高潮一浪接一浪😂😂😂個蟹好好味！！雖然有啲重味咸咗少少但係啲醬汁入晒啲蟹肉到蟹蓋仲有膏😱😱😱配片麵包食沾醬真係好過癮食到好飽嘅時候仲有雞！但係呢個係亮點二！個雞好有燻煮嘅味道好特別😍好少可可以食到呢種味道仲有雞皮好脆口雞肥膏好滑雖然好邪惡但係我都啪咗三四舊🤣菜都好新鮮魚湯濃郁中規中矩嘅🌸🤘食到最後有埋湯圓🤣🤣🤣🤣飽到唔想食但係老細係咁話要食😂😂😂臣不得不吃食落又幾滑！同埋薑湯幾甜好夠辣收尾都係佳品😘想講全晚侍應哥哥服務態度都好好🥳喺到畀個讚佢🤘✨唯一係去廁所唔太方便，個廁所真係唔算好乾淨，女仔嘅話唔好著長裙去啦💁‍♀️你懂的…Read More

食中菜要人多一齊食比較好，但中式私房菜就計人頭的，就算2個人都可以試到多款菜式。今晚就去了搵榮哥食私房菜。榮哥處於一座舊式的工廈當中，舊得連電梯門仍是用人手開關的。餐廳的裝修簡單，但最重要是舒服乾淨，仲要不得不讚每位waiter都好有禮貌同服務周到。 最欣賞就是門口的那個水耕菜，見到每棵菜都好新鮮。今晚有3 個前菜，涼伴黑木耳，岩鹽花枝豆及有機沙律菜伴芝麻醬。最欣賞有機沙律菜，相信是用門口自己種的那個，所以感覺特別新鮮乾淨，好像即摘即食一樣。除了食得，仲睇得，他們用心將青瓜包著沙律菜，青瓜是脆的，沙律菜又是爽脆的，再包上芝麻醬，好味，這個前菜我要給5星星。小食有茶燻流心蛋伴黑魚子醬配厚切茄子，這道菜我都要給5星星，有少少茶燻味道的流心蛋，再配上黑魚子醬，令本身淡味的雞蛋變得更香更濃味。而厚切的茄子有輕輕的炸過，令到外層有少少脆，而內面仍然軟身，好味得想再encore。湯品有原壺舞茸菇杞子螺頭黑毛豚肉湯，這個湯好像功夫茶一樣，要倒於功夫杯中逐杯飲用。打開茶壺，見到湯料很足，有齊舞茸菇，杞子，螺頭及黑毛豚肉，平常用瘦肉燉湯，燉完的瘦肉會很鞋口，但這裡是用黑毛豚肉，燉完的肉都是滑的，燉出來的湯都比較清甜，所以我同老公連湯料都食清。主菜有溫室南瓜北海道帶子，賣相精美，北海道特級帶子真的很大粒厚肉，帶子輕輕的煎過，配上三文魚子一齊食，口感更加丰富。細細個的溫室南瓜好可愛，起了南瓜肉，再放入青瓜粒，哈密瓜粒，紅椒及青椒粒，好爽甜。四品胡椒澳洲皇帝蝦王，澳洲皇帝蝦大隻，肉爽口，有少少胡椒的辣，但略為咸了少許。士多啤梨黑豚肉排骨，將士多啤梨放入中菜中，感覺有點兒格格不入。但每事都要創新，發覺食落新鮮特別，士多啤梨醬的甜甜酸甜配上排骨上，可以減少排骨的油膩感。再配上脆脆的米餅一齊食，又是另一種食法。金銀蒜香有機時令蔬菜，今晚是令是小白菜，雖然沒有之前的菜式那麼吸引，但配上金銀蒜一齊炒的小白菜，很惹味‧最後當然要湊米氣，來一個脆雪映漾海中鮮，菜式名字很吸引，其實是一個用了海斑魚粒做的湯飯，再配有芫茜蔥及爆米，芫茜蔥令魚湯更香，爆米就令米飯更有咬口。今晚這個私房菜由服務到菜式都十分滿意。…Read More

山不在高，有仙則名。水不在深，有龍則靈。所以即使榮哥廚房私房菜是在官塘工業中心內也會有人慕名而來，當時是朋友請我過來吃的，今晚我帶另外的朋友過來嘗試一下，今晚想不到全院滿座，連隔離偏廳都用上。開始是前菜有機沙律拌芝麻醬，香濃芝麻味，沙律菜伴青瓜新鮮清脆。黑木耳大片又爽口。茶熏流心蛋滑又有淡淡的熏味，恰到正好。原盅燉湯真材實料，有圖有真相，湯面油份甚少，很適合減肥人士，真材實料的湯水毫無疑問很淡香清甜。蝦球水芙蓉，配上特選的碟子，表面層好像湖水，形成一副寫意的畫面，不過味道就稍微淡了一點。新會陳皮骨熱辣辣肉香嫩，還有清香陳皮味。北海道帶子海中寶，帶子整粒，有帶子的原味，蝦切粒，吃起來整個口感是有彈性的。最後的水果拼盤也不馬虎，一個個弄成丸子呈現，來個圓滿結束。…Read More

友人在觀塘上班，特地選了觀塘的餐廳吃晚飯，卻被臨時甩底。來過一次的她，堅持把榮哥的訂座改期，下次再約亦不想改地方，讓我對餐廳更加好奇，而且私房菜一早訂好了，即日改期不是太好吧，改以老媽上陣。涼伴黑木耳/岩鹽花枝豆先來兩款前菜。黑木耳只以麻油調味，幾爽，個人喜歡少少辣，更惹味，略嫌它太單調。枝豆撒上適量的鹽，味道剛好。有機沙律菜伴芝麻醬平時吃沙律最討厭沾了醬汁的沙律菜不能原塊放入口中，醬汁沾到嘴邊又或是在過程中濺到衣服。這裡把大塊的菜捲起，用青瓜包著，吃起來十分方便，青瓜跟菜葉不同口感，也同時做成層次。茶燻流心蛋伴黑魚子醬配厚切茄子黑魚子太少，存在感低。厚稠的流心蛋蛋黃，口感尤其豐富。茶燻味特別明顥，香得久久不散，可是氣味始終不是味道，略嫌調味不足。稍為炸過的茄子，沾甜甜鹹鹹的醬，比起台灣菜涼伴茄子經常過甜或過鹹的出品好吃。原盅燉川貝陳皮海底椰鱷魚肉湯燉湯十分入味，濃郁的同時吃得出沒有味精，而且湯餡很多，可見十分足料。肉全部燉腍，肉嫩又連著脂肪，肉香加點油香，是不能錯過的湯渣。原盅燉鮮土茯苓鑽地老鼠黑毛豚肉湯湯很清甜，不過媽說地老鼠很涼，不適合我的體質，只淺嚐一口就算了。蝦球水芙蓉很大件蝦球，入口極爽，鮮味十足，上面加了幾條炸乾的瑤柱絲以其少少鹹鮮作調味。蒸蛋很薄，茨汁太多，感覺似吃羹多於吃蛋。遠年新會陳皮骨帶少少油脂的排骨軟嫩，炸得微脆。還以為像糖醋骨般有醬，看著乾身的排骨，吃著甜甜的醃製陳皮味，又幾特別，同時平衡了油炸和脂肪的微微膩。香煎北海道子海中寶以為是蝦餅，原來是把蝦膽釀在帶子上再煎。全熟的帶子爽口，沒有吃到一絲絲的，蝦膠則彈牙，不過鮮味不明顥，反而是煎得可口。用乾蔥盛著意大利黑醋的做法第一次見，又幾搞笑。吃慣大排檔蝦餅配泰式辣醬，改成黑醋多了一點生活品味，微酸有中和油膩之效。魚湯有機時令蔬菜菜爽口，不過重點是鮮甜的魚湯。米白色的魚湯真是是熬出來的，比起一般的上湯時菜有心思。荷香蒜蓉海斑片原籠蒸鴛鴦飯鴛鴦飯原來是紅米和白米，蒸得偏濕，幸好未至於腍，都算可以。喜歡它清清的荷葉香。海斑片嫩滑，鋪了蒜蓉雖香，但蓋過了魚的鮮味。時令甜品最後的甜品是西瓜，火龍果和菠蘿。雖然每款份量不多，但吃完都幾飽，水果正好幫助消化。每人大概$400吃得飽飽的，質素不錯。平日的晚上都有幾枱訂座，靜靜的，吃得舒適。…Read More

老公放工話好累，想係屋企附近食但又想食好啲我好好，即刻book台做到嘢book咗呢間係觀塘工業區（近住地鐵站，唔洗行好遠）裡面嘅「私房菜」同我darling撐檯腳。中式小菜館格局，ok 啦，冷氣有d大，不過好過唔夠冷氣。最重要都係食物同服務。私房菜有度好就係唔洗諗食乜，有人serve正1）前菜：茶燻流心蛋伴黑魚子醬配厚切茄子：暖暖的流心蛋，邊個唔鍾意！黑魚子令菜色更高檔！厚切茄子配呢個特別黑色調味汁，勁多配料係入面，有蔥蒜芹菜⋯超惹味！涼拌黑木耳：調味剛剛好，酸妹妹，好開胃岩鹽枝豆：鹹鹹地，唔會太硬，好容易取出豆豆有機沙律菜伴芝麻醬：極爽脆，芝麻醬好惹味2）原盅燉哈密瓜螺頭黑毛豚肉湯：超級熱！好香！個湯好清澈，係一盅靚燉湯！甜甜地，加埋肉味鹹香原盅燉川貝陳皮海底椰鱷魚肉湯：呢個湯濃啲，肉味同藥材balance得好好👍🏻好滋補！3）蝦球水芙蓉：個名同碟餸一樣咁靚，一人一碟唔洗爭，又唔怕夾夾吓跌咗～ 大大粒蝦球又滑又爽黃色汁配碟底的蛋白滑lulu～ 正！4）士多啤梨豚肉伴草莓：豬肉有少少肥，所以好香好諗好好味，我本身好鍾意咕嚕肉，呢個無炸，少咗油膩感，更加正！個汁都好味，所以碟餸有舊脆卜卜米通跟埋～5）蒜香極佳級PRIME牛仔柳：的確係高質牛肉，肥香，又諗，同炸到脆晒嘅蒜片係絕配！6）有機時令蔬菜：很明顯係揀過，啲菜勁嫩，完全無渣。煮得啱啱好，無菜青味或者鞋口，但又唔會油。7）荷香蒜蓉海班片原籠蒸鴛鴦飯：即係紅白米，所以好煙韌最鍾意有咬口嘅飯！蒸飯係會好一粒粒，正！淡淡荷葉香令個飯昇華咗！班片都好滑好新鮮，無腥，若果少d蒜仲好！8）甜品係時令水果盤：切好一粒粒bite size，好細心！西瓜、菠蘿、火龍果樣樣都好甜，同夠凍。完美結束飯局。餐廳服務一流，上菜速度啱啱好，食完一道又一道。侍應又會自動自覺換碟，整理檯面，細心介紹每一道菜的名。連餐牌都有book台人個名，件事好貼心，專人服務！…Read More

今天工作超忙, 真係要食返D好味東西黎補償返, 所以又黎搵榮哥啦精心配.伴二人餐($348/位)有機沙律菜伴芝麻醬, 捲起一卷容易食, 口感爽脆多汁, 配埋芝麻汁就係一道用筷子食嘅沙律!另外2款前菜有涼伴黑木耳, 口感爽口, 多食木耳都對身體有益; 岩鹽花枝豆, 外皮少少咸, 內裏豆子甜!呢客茶燻流心蛋伴黑魚子醬配厚切茄子, 不單外型靚, 流心蛋呈流心狀態, 蛋黃汁味濃; 下面個厚切茄子先油泡, 外脆內軟, 最緊要係個黑魚子醬汁, 濃味惹味, 夾無味茄子就加添好多分數!黎呢度食飯, 對於佢嘅燉湯係相當期待架今晚有2款 : 原盅燉川貝陳皮海底椰魚肉湯, 簡直岩晒呢輪係咁咳嘅我, 原盅滿滿湯料, 味道清中帶甜, 雖則有川貝, 但一D都唔苦, 正呀!原盅燉鮮土茯苓鑽地老鼠黑毛豬, 土伏苓能清熱解濕毒；鑽地老鼠能去痰火 , 岩晒呢排落雨天及夜訓嘅人飲, 飲完個人都無咁累啦, 味道一D都唔難入口, 反而飲到甜味, 又唔會油膩, 成盅清晒!呢客好似畫咁靚嘅係蝦球水芙蓉, 滑溜蒸蛋上有個爽口大蝦球, 一爽一滑, 清清地都幾好!蒜香芝士焗老外蠔王 - 老外蠔王即係來路貨, 果然品種唔同都零舍大隻, 以蒜蓉及芝士舖面原隻焗, 食落芝士味偏淡, 蠔味反而幾突出, 大大隻夠晒口感!士多啤梨豚肉伴草莓 - 厚切豚肉以米通墊底, 再淋上士多啤梨醬汁, 酸酸甜甜可中和豚肉膩感, 有心思!米王有機時令蔬菜 - 個米王湯底無論口感及味道都好似飲緊忌廉湯咁滑口, 時令蔬菜為小棠菜苗, 食落又嫩又甜!荷香蒜蓉海班片原籠蒸鴛鴦飯 - 份量絶對夠二人分享, 海班片啖啖肉食得方便, 蒜香味入晒落魚肉; 而個紅米及白米煮成嘅鴛鴦飯, 軟硬度岩我胃口, 又有少少荷香, 幾吸引!最後上埋個時令甜品 - 炎夏日子最岩就係食多D生果, 切好晒粒粒用叉"吉"住食超爽皮!呢個私房菜二人套餐, 食得人超滿足, 榮哥好嘢!!…Read More

又係觀塘食好西時間！今次試下食「榮哥廚房私房菜」，慰勞下自己！地點好方便，地鐵站天橋位一落，幾步就到。當日落大雨，因而無濕曬對腳。裝修唔算華麗奢侈，不過整潔舒適，空間感足夠，唔會太嘈太迫。叫左個二人餐，人頭$348，另有加一。坐低好快就有店員送上頭盤，祭祭五臟廟先！花枝豆唔係好識欣賞，唔腥，略帶甜味。木耳就非本人所喜，不過依碟木耳夠冰涼、又有麻香同微微酒味，爽口清脆，令我改觀。沙律就非常出色，極級鮮嫩爽口，完全無苦澀味，用青瓜綑住成為一口沙律既設計亦非常有創意同方便！黑魚子醬味道似燒汁，但味道更加提鮮，流心蛋同茄子點住醬食，非常醒胃。到盅湯上檯，燉湯可謂水準之上，湯水清澈，但鮮味十足，啖啖湯都有肉汁精華，做得好過好多高級酒家酒樓！十個讚！蝦球水芙蓉都係招牌菜，黃色芡汁味道偏淡，食唔到咩味。汁下有蒸蛋，滑溜香口。蝦球不用說，爽口彈口，非常新鮮！焗蠔都係必食！芝士唔係西式濃厚膩溜款式，但仍然香氣撲鼻，而且加左孜然粉，超級邪惡！火喉焗得剛剛好，蠔身仍有好多肉汁，口感類似桶蠔。陳皮骨都幾有驚喜，食落有濃厚香甜味，微微帶酸，同豬肉味道非常相襯。碟菜就新鮮翠綠，此外無咩特別之處，不過魚湯好鮮甜，想成碟飲曬佢！蒸飯就有驚喜，一上檯已經超香荷葉味，清香醒神，班片雖然得兩塊，但好香滑鮮甜，配埋豉油食真係多多飯都食得落！最後食埋水果就完啦，值得一讚係西瓜以粒粒咁上，容易食用又美觀。整體而言，食物色香味俱全，心思創意無懈可擊，所有食材都明顯經過挑選、新鮮可口；環境亦安靜舒適，店員都主動有禮。價錢雖然唔係廉價，但水平遠超好多酒席菜單，我就寧願咁樣食得更加精心細緻嘞！…Read More

舊同學生日當然要慶祝一番, 舊同學的生日周已經充滿西餐,自助餐,放題。所以我想比個驚喜，為佢準備私房菜作為生日飯。餐廳選了 – 榮哥廚房私房菜。自已曾經去過一次, 食物質素高及評語甚好。仲可以係OPENRICE網上訂座, 十分快捷。餐廳地點觀塘港鐵站D4出口, 一落樓梯右邊便是觀塘工業中心, 十分方便。到了餐廳,見餐牌上會有我訂座的名字, 十分被受尊重的感覺。茗茶方面點了龍井, 入口香滑。不錯不錯。以現金付款仲可以免茶芥 $15一位。2人餐私房菜價錢及菜式如下 :$348一位前菜 :有機沙律菜伴芝麻醬涼伴黑木耳岩鹽花枝豆茶燻流心蛋伴黑魚子醬配厚茄子 湯 (共有兩款)原盅燉哈密瓜螺頭黑毛豚肉湯原盅燉姬松茸淮山燉甘筍黑毛豚肉湯菜式:蝦球水芙蓉蒜香芝士焗老外蠔王遠年新會陳皮骨魚湯浸碧綠溫室菜苗荷香蒜蓉海斑片原籠蒸鴛鴦飯時令甜品 (當晚是火龍果,鮮菠蘿,西瓜粒粒)前菜絕不欺場, 有機沙律菜伴芝麻醬 – 在門內已經有自家種植的沙律菜, 十分新鮮, 與芝麻醬混在一起十分開胃。涼伴黑木耳數量很多, 黑木耳營養價值十分高, 所以不消一會已經K.O.晒 岩鹽花枝豆花枝豆本身很喜歡吃, 表面上灑了岩鹽, 增加味道。 茶燻流心蛋伴黑魚子醬配厚茄子喜歡將流心蛋沾上黑魚子醬一併食用, 流心蛋只有原味, 沾了黑魚子醬後味道倍增, 厚茄子亦煮得剛好, 十分JUICY燉湯有兩款, 我飲了原盅燉姬松茸淮山燉甘筍黑毛豚肉湯上枱時已聞到陣陣湯味, 湯味夠濃, 配料亦多。十分滋潤。好想去添多一碗, 同事飲的 [原盅燉哈密瓜螺頭黑毛豚肉湯]同樣是料多,螺頭哈密瓜有齊,各具特式。小菜也以每位奉上, 不用爭, 慢慢食。蝦球水芙蓉每碟有2隻鮮蝦,鮮蝦新鮮且甜,下層用上蒸蛋白，蛋白蒸得滑滑。蒜香芝士焗老外蠔王上枱已經見到大大隻的焗蠔了, 職員待我地影相後,細心為我地分碟,記得勿忘了食蠔殼下的薯蓉。果然係蠔王, 因為真係好大隻, 用上蒜香芝士, 給予蠔王另一種味道, 吃了一整隻,份量已很飽遠年新會陳皮骨吃了濃味蒜香芝士焗蠔後,然後便上遠年新會陳皮骨,陳皮味很重,亦帶給口腔有種清新感覺, 陳皮骨咬落去啖啖都係肉, 新鮮即炸熱辣辣。 魚湯浸碧綠溫室菜苗看見白雪雪的魚湯已經好想飲,溫室菜苗很幼嫩,浸在魚湯一齊食,味道很出。荷香蒜蓉海斑片原籠蒸鴛鴦飯還有海斑片原籠蒸鴛鴦飯, 用了紅米和白米成為鴛鴦飯, 紅米有益而且味道不硬, 海斑片鮮甜, 還有蒜蓉粒在海班片上, 好好味開心好簡單, 為舊同事安排一餐私房開心生日飯, 大家已十分滿足。…Read More

老婆訂了枱去觀塘工業中心的榮哥食飯，預訂的菜單以人頭計算，三百多元有十款菜式及燉湯，真是心物超所值。先來的小食涼拌黑木耳及岩鹽花枝豆，兩者都是用簡單食材去製作及調味，但卻很清新開胃。有機沙律菜伴芝麻醬是用水種菜，菜較清甜爽脆，加上有點柚子醋味道，酸酸甜甜甚是開胃。茶燻流心蛋伴黑魚子醬配厚切茄子，流心蛋有很香的煙燻味道，而蛋王半流心的狀態，蛋白軟滑，茄子結實，醬汁比較濃郁，令味道較淡的茄子增添不少味道。原盅燉哈密瓜螺頭黑毛豚肉湯裏面有很多湯料，整個湯較清甜，感覺很滋潤。蝦水芙蓉聽個名都已經好有意境，蝦肉新鮮又彈牙，下面的蒸蛋白嫩滑。黑松露醬炒班球肉質雪白，新鮮結實且嫩滑，還有些雜菌及西芹，西芹細心地去掉外層，食落爽脆。明梅醬炆頭腩，魚頭充滿油份，骨膠原豐富，不會太咸。而我最鍾意就係士多啤梨黑豚肉排骨，酸甜又開胃，黑豚肉入味又夠腍，下面的米通應該是自家製，非常鬆脆。幾特別的米王湯浸碧綠溫室菜苗，出面未曾見過，做法特別又健康，菜苗嫩脆。農坊獨頭糖心黑蒜炒飯蒜味不重，炒飯爽口少油，有幾款海鮮，十分豐富。最後上埋個生果拼盤，十分滿足的一餐。…Read More

觀塘區工廈多數都是以西餐為主，今日去了這間食中菜的私房菜。一早打去訂位，菜式可以自行選擇，餐廳會預備當天的食材，確保新鮮亦不會浪費。有機沙律菜伴芝麻醬沙律菜是本地有機種植，新鮮爽脆，加埋個芝麻醬及柚子汁，帶點微酸，非常開胃。涼拌黑木耳&岩鹽花枝豆黑木耳爽脆帶點麻油香，枝豆咸咸地，清新又開胃的小食。茶燻流心蛋伴黑魚子醬配厚切茄子流心蛋充滿著燻香，蛋王又香又滑，茄子略為炸過，所以結實不鬆散，茄子吸收了醬汁味道。厚盅燉姬松茸淮山燉甘筍黑毛豚肉湯姬松茸味道濃郁，湯非常鮮甜，好有住家湯感覺。蝦水芙蓉蛋白軟滑，蝦肉新鮮爽彈，是一個比較清淡的菜式。士多啤梨黑豚肉排骨有淡淡的士多啤梨果醬味，排骨肉腍且鬆，帶點酸甜味，下面的米通非常香脆，兩者配搭適宜。黑松露醬炒班球班球新鮮，肉質彈牙且嫩滑，有淡淡的黑松露香，西芹更細心的去根，咬落爽脆。明梅醬炆頭腩食完覺得自己充滿骨膠原，魚油豐富，而且完全唔腥。米王湯浸碧綠溫室菜苗菜苗色澤翠綠，而且爽脆，有淡淡的米漿味，非常健康。農坊獨頭糖心黑蒜炒飯千祈唔好比個蒜字嚇阻，炒飯完全無個種濃郁的生蒜味，反而是一種清淡的蒜香味，唔怕食完會口臭，炒飯油份不多且爽口，有些帶子粒及蝦肉，十分豐富。時令甜品火龍果手、西瓜及菠蘿，全部切開一粒粒，啱哂懶人用，而且生果清甜無浸糖水。整體味道高質，食材新鮮且量足，每樣少少去到最後炒飯都食唔哂確實是高質中菜。…Read More