牛匠石燒 (Closed)

想不到尖沙咀鬧市也有平價的石燒餐廳，最便宜只需$98。店內裝修充滿日本的風格，使用日式石燒爐。衛性也頗講究，有一次性酒精消毒餐具包含有一片消毒紙巾，還有即棄圍巾及口罩袋提供。吉列草飼牛肉眼定食 - $108牛扒表面雖炸至金黃色，但入面依然是生的。草飼牛肉質較富嚼勁，但肉眼位置油花豐富，中間有明顯的油脂，口感軟腍，正好得到平衝。吉列牛扒切成厚塊，客人可以在鐵板上將牛肉煎至喜歡的生熟度。配前菜、白飯及味噌湯，特別一提味噌湯除了昆布外，還有兩粒半切花的玉子豆腐。一口牛肉定食 - $98牛肉粒口感豐富，油脂分佈平均，牛味濃郁，一口咬落有爽口嫩滑的口感。牛肉粒可能略為大粒，較難燒得熟透，侍應好細心幫忙剪成半粒。而每份套餐配一粒肥膏用來塗上天然油脂於爐上，多餘油脂可放那粒磨菇吸收。和風芥末脆牛舌 +$15切開五六片，份量意外的多。牛舌炸得外表香脆，入面非常綿密軟嫩。微甜的沙律醬略帶芥末醬微辛辣，底部還有些椰菜絲。日式餃子 +$15外皮薄脆焦黃，咬起來口感爽脆，裡面是新鮮的豬肉白菜餡。士多啤梨沙冰 +$15沙冰打得很綿密，伴以的士多啤梨汁成份較多，味道濃郁。上面還有層奶蓋，芝士味濃而不膩，口感超香滑

之前喺香港食過幾間石燒牛肉，印象都唔太深刻，朋友介紹之下試過一間係尖沙咀開設嘅CSL牛肉，感覺都唔錯，環境裝修好新淨，乾淨程度都好高🥸——————點解做嘅定食份量書都好大，吉列牛肉揸到啱啱好，一邊唔會好熟，等你可以之後食燒嘅時候控制生熟程度，非常貼心。二除咗吉列牛之外都附送左麵豉湯，少少嘅日本前菜同埋一大碗白飯，總括而言cp值都幾高幾抵食🥰不嬲對牛肋肉嘅印象都好好，亂畫得來又好有咬口，呢度俾晒豬銅牛牛肋肉你試，一次過滿足你兩個願望。同隔離屋定食一樣都係有咩事湯同飯，如果都唔夠仲可以叫小食，選擇都好多又有溫泉蛋，讓你夾埋牛肉一齊食真係一流🤩

近期大家都少咗出街食飯，難得今日約咗好朋友食lunch 兼聚下舊。當然要揀一間好一點的餐廳。最後選了呢間石燒餐廳，位於尖沙咀金馬倫道，一來貪佢位置交通方便；二來鍾意佢賣點係嚴選優質燒烤肉；三來見到佢係 OpenRice 預早訂枱可以享有九折優惠，咁樣又慳錢又可免除等位既煩惱。顧名思義，呢間餐廳主打牛肉，並且利用石板來燒烤，十分滋味。其實我好耐之前曾經食過石燒，所以一直念念不忘。我自己覺得呢個石燒係幾正，既可以按自己喜好調較生熟程度口味。而且一人一爐，方便又衞生。仲有就係唔知點解，食完又吾覺會成身都係燒肉味。正！雖然話食 lunch ，不過我和朋友都喜晏少少先食，諗住可以避了午市不用太多人太擠迫。所以訂咗3:00pm ，而我大概2:45到，發現嗰果時間餐廳都仍有不少食客。所以，真心建議大家最好預先訂枱較為穩陣。由於訂了枱，所以核對了資料無誤之後，便立即被安排入座了一張4人枱。因為當時冇曬卡位了。每張坐椅都加有軟墊，都一樣咁舒服。目測呢間餐廳除了有三大個卡位，每個卡位大概可以坐到6-8人，啱曬一班朋友仔食住燒肉、傾下密計。其餘仲有一些半卡位。一搬都是四人枱，大概有8-9張左右。枱與枱之間的

為解無得番家鄉之鬱 豬先生豬小姐今日尼到尖沙咀新開張嘅「牛匠石燒」懷緬一下吉列牛之味環境闊落 暗黑型格味濃 牆身有幅大大嘅牛部位圖用QR code自助落單 方便又先進 餐具同圍裙都係一次性使用嘅 衞生又放心我地叫左吉列草飼牛肉眼定食同厚切牛舌拼牛五花定食 另加左兩款小食同飲品燒牛肉之前 先係石面上用牛脂肪燒一燒 有油份就可以防止痴底 而且燒岀尼嘅牛會更香如脂肪加得太多太油 可用冬菇去吸油以上小知識都係細心店員嘅解說吉列草飼牛肉眼賣相超似吉列豬扒 肉眼厚身紅潤 肉眼包裹住薄脆嘅吉列炸粉漿 但炸漿同肉眼有啲分離 燒嘅時候容易散 可幸味道撘夠 肉質軟腍 啖啖肉因為都算厚肉 燒嘅時間相對耐少少厚切牛舌切成條狀 厚身有口感 燒至表面微焦脆身 非常爽口彈牙 好牛五花兩邊輕輕一燒就食得 快靚正相比牛舌同肉眼 牛味就連淡 豬小姐比較喜歡有質感的沾肉嘅醬汁有兩款 分別係果味燒汁同生薑芝麻汁如果你喜歡沾後肉味變甜就沾前者 如果你係重口味人士 就揀後者啦 會濃啲惹味啲麵豉湯嘅豆腐花好靚 師傅刀工技巧真好 將豆腐𠝹到花球一樣 相比起切粒嘅豆腐 豆腐花真係又靚又有口感溫泉蛋沙律夠哂凍 撈勻蛋汁拌食 好fresh

工作難得有幾日要過海，當然要揾下有咩好野食。眼見大大個牛logo 既牛匠石燒，價錢又唔算貴，係咁凍既天氣下，馬上又心動了，哈哈!餐廳裝修真係令人有種去左日本既感覺，卡位亦夠晒私人空間!嚴選封門柳定食($98)，即牛橫隔膜肌肉，每隻牛只有一條，比較罕有嫁。燒起來好快熟，肉味較濃亦都好腍，油花適中，所以唔洗點用豬油膏揸塊熱石板都夠油份。吉列草飼牛肉眼定食($108)，燒落慢熟D，但較厚較有嚼勁，肉味亦係特別濃，而且份量十足，配埋珍珠米既大大碗白飯，好味!我地各人都加左小食，餃子(+$15)既餡超飽滿，而且包既花紋好靚~ 鹿兒島一口牛($18)，非常纖維幼細!定食既味增湯好飲之餘，豆腐仲切到開花既樣，好靚又夠滑。燒完牛再點配送既生薑芝麻汁或甜燒汁，非常滋味!飲品菠蘿乳酸(+$10)同藍莓乳酸(+$10)都香甜好飲，兩杯都有真正新鮮既生果嫁!大大杯同燒牛幾襯! 令我大大加分既有幾樣野: 1) 防疫衛生做得好，餐具包仲有埋酒精紙2) 先進 QR Code 點餐，每款食物都有晒圖，唔係好認識牛既部位但睇到相就知道點選擇!3) 服務素質高，上餐時會教我地用油脂肪搽石板3-4下，開爐，如太多油搶火既話