眼見大大個牛logo 既牛匠石燒，價錢又唔算貴，係咁凍既天氣下，馬上又心動了，哈哈!
餐廳裝修真係令人有種去左日本既感覺，卡位亦夠晒私人空間!
嚴選封門柳定食($98)，即牛橫隔膜肌肉，每隻牛只有一條，比較罕有嫁。燒起來好快熟，肉味較濃亦都好腍，油花適中，所以唔洗點用豬油膏揸塊熱石板都夠油份。
吉列草飼牛肉眼定食($108)，燒落慢熟D，但較厚較有嚼勁，肉味亦係特別濃，而且份量十足，配埋珍珠米既大大碗白飯，好味!
我地各人都加左小食，餃子(+$15)既餡超飽滿，而且包既花紋好靚~ 鹿兒島一口牛($18)，非常纖維幼細!
定食既味增湯好飲之餘，豆腐仲切到開花既樣，好靚又夠滑。燒完牛再點配送既生薑芝麻汁或甜燒汁，非常滋味!
飲品菠蘿乳酸(+$10)同藍莓乳酸(+$10)都香甜好飲，兩杯都有真正新鮮既生果嫁!大大杯同燒牛幾襯!
令我大大加分既有幾樣野:
1) 防疫衛生做得好，餐具包仲有埋酒精紙
2) 先進 QR Code 點餐，每款食物都有晒圖，唔係好認識牛既部位但睇到相就知道點選擇!
3) 服務素質高，上餐時會教我地用油脂肪搽石板3-4下，開爐，如太多油搶火既話，配菜菇菇就可以幫手吸油!
個石燒爐真係夠晒熊熊烈火，迅速鎖住肉汁，不易烤焦，而且溫度能維持一段時間!
