Ming Bistro

三點鐘到訪，都有些懷疑是否還有提供服務。當服務員告知仍有餐點時立即興奮地揀咗張四人枱坐底。等待上菜期間便觀察了餐廳的装飾，藍色與金色的主色調搭配起來也幾令人感到賞心悅目。厚切叉燒皇率先駕臨，果然“厚”切，是一般叉燒的两倍厚。叉燒睇落幾瘦，但入口唔會覺得干同柴，叉燒汁也調得恰到好處，既唔太甜也唔覺油膩。春卷炸得好脆，最後一條隔咗一個鐘之後時也與剛炸出來一樣波波脆。魚米之鄉係我至愛，魚肉拆骨後切粒炒飯，只保留頭尾和魚鰭炸過後洒上辣辣粉作伴碟。炒飯干身香口，魚肉粒粒不會散開。是全場最佳出品。金魚餃比大公館略逊。但餃皮和內里的蝦仁都十分彈牙，只是大公館的造型更誘人，餡料內除了蝦仁還夹有芹菜，食落更香。牛雑係今次敗筆。全部都燜得唔够腍，連蘿蔔也見到有成條白色，完全唔入味，仲要價88元，實在是太令人失望。…Read More

之前係希慎食過「名館」， 覺得同一般嘅中菜餐廳好唔同， 菜式特別，選擇又多，完全超越傳統嘅中菜， 聽講中環分店有道特式甜品以麻雀13么為主題，玩味十足！☺️ 咁啱係中環做完一隻job， 就同同事去朝聖。😂 中環裝潢傳統中，又帶點玩味嘅時尚特色， 蒸籠成了牆壁上嘅裝飾， 盛載餸菜的「文青」碗， 上面還印上詩句 ，啱晒我呢個「偽文青」相機食先！😂 另一方面又有狀似避孕套嘅濕紙巾，玩味十足！ 餐廳統一供應蕎麥茶， 清清地，飲落清新解膩～ 上次食過佢嘅叉燒好好食， 所以今次要黎食過返尋味～ 厚切叉燒皇（$88） 足足有2-3cm厚嘅叉燒， 肉質軟腍，蜜味香口，非一般嘅好味！ 一客仲有6至7件，性價比高！😎 鮮肉一口小籠包（$68） 即叫即整嘅小籠包， 皮薄餡靚，肉汁豐富！💦 之前係某名中菜館食過類同嘅蝦球， 索價$200， 但「名館」嘅蜂蜜柚子蝦球（$88） 用料新鮮， 蝦球吃起來肉質爽彈， 蝦球外皮炸得香脆，粉漿又不會太厚， 而且巧妙地用上蜂蜜柚子作調味， 中和了酥炸嘅油膩感，食多幾件都唔會覺得膩！值得一試！👍🏾 天山雪蓮燉海星（$88/兩位） 用茶壺茶具逢上嘅燉湯，保溫做得相當好！ 燉湯用料十足，清甜滋潤！😌 係小編飲過嘅燉湯中，數一數二的美味！ 金銀蒜蒸娃娃菜（$68） 娃娃菜吸晒蒜蓉嘅精華，幾惹味！ 唯份量略嫌太少。🙊 造型可愛、晶瑩剔透嘅老鼠愛大米（$48） 賣相精緻，別出心裁！ 外皮係用西米做，咬起來煙煙韌韌， 裏面包着雞肉和花生，鹹甜香口， 睇得有食得！😏 麻雀詐糊（$68） 「麻雀十三么」係「名館」最有名嘅甜品，維妙維肖嘅麻將🀄️其實係椰汁糕， 牌面上嘅字樣以可食用嘅米紙呈現， 背面係桂花果凍，做工細膩～ 旁邊嘅美金和人民幣鈔票同樣係米紙製， 米紙其實係無味嘅， 主要係可以食嘅鈔票噱頭十足！ 整體嘅味道相當不錯， 絕對值得一「玩」！😂 …Read More

過了忙碌的八月，終於來到比較淡季的九月了。趁著今天沒有太多工作，決定來一個早放工，和媽媽一起到中環試一試這間名館。名館位於中環擺花街。從Google Map看起來好像十分遠，但其實從中環地鐵站沿著扶手電梯不用十分鐘便到，都尚算方便。這裏的裝修簡單，但卻一絲不苟。一碗一塊都能看出設計背後的心思。”如果愛情是一場博弈那我願和你一幹到底”， 難道這就是設計者的愛情觀？這裏的晚餐選擇尚算豐富，有點心，小菜等等。我們一行二人叫了幾樣，互相分享。 厚切叉燒皇(⭐⭐⭐⭐⭐):叉燒是厚切的，上枱時還是暖暖。吃起來肉質軟淋鬆軟，而且蜜汁香口。一份大約六至七件，兩個人分享剛剛好。老鼠愛大米(⭐⭐⭐⭐💢):賣相很可愛的三隻老鼠。外皮有點像西米糕，微甜煙靭。裏面就有肉碎，沙葛一般鹹水角的鹹料。外面甜裏面鹹的感覺十分新鮮有趣。蜂蜜柚子蝦球(⭐⭐⭐⭐⭐):這道菜用料新鮮，蝦球吃起來肉質彈牙而結實。另外，蝦球的粉漿不太厚，炸得十分香脆。而且廚師巧妙地用蜂蜜和柚子作調味，中和了酥炸的油膩，多吃幾件也不會覺得漏。私房金黃球泡飯(⭐⭐⭐⭐💢):又是一道考功夫的手工菜。廚師先把飯搓成球狀，然後油炸，令外層變成薄薄的飯焦。另外湯底也十分豐富，有蕃茄，芫茜，香蔥和肉碎等等。湯飯十分容易入口，適合炎夏消暑。另外值得一讚這個湯飯是用明火暖著的，即使久了也保住溫度，果然體貼。金銀蒜蒸娃娃菜(⭐⭐⭐⭐💢):簡單的娃娃菜配上香口的蒜蓉，吃起來十分惹味。金薯棋子酥(⭐⭐⭐⭐💢):又是一個呃like的甜品。我們兩人叫了半份，一共有六件，一半蕃薯一半紫薯。吃起來挺為鬆軟，而且不太甜，沒有太多調味，為今天的晚餐畫上完美的句號。總括而言，這間餐廳食物質素十分高，而且都是巧手的菜式，十分新穎有趣。下次有機會經過中環也必定會再來試一試。~~~~~~~~~~~~~~~~~~~~~~~~~名館中環擺花街1-7號1號廣場1樓推介菜色: 厚切叉燒皇、蜂蜜柚子蝦球👍🏻菜式新穎👍🏻加茶迅速👍🏻不用等位…Read More

去到名館就會諗起佢既「呃like菜式」，除左有Gimmick之外又煮得好味，咁先叫做有實力咖麻燕窩流沙包 $68最可愛既箭豬仔打頭陣出場！造型滿分，大家都爭住同佢影相點心師傅手工做得夠細緻，就算蒸完箭豬仔都無變型走樣。流沙餡充滿奶黃同咸蛋黃既香甜味道，賣相同味道都Very good。厚切叉燒皇 $88叉燒沾滿香甜蜜汁，燒至外層香口，半肥瘦咬落有肉地又帶油香，特厚厚度啖啖肉食落好滿足私房金黃球泡飯 $88呢個金黃球係炸過既脆米飯，將飯加到湯中依然保留到好似飯焦果種脆卜卜既口感。湯底有蕃茄、芹菜等，食落好清新。托碟中間仲有蠟燭一直熱住個湯，所以擺耐左都唔會凍冰冰。呢度既脆米湯飯係我每次黎到都必點既菜式蜜椒土豆安格斯牛柳粒 $98薯仔係預先炸過既，口感夠軟夠粉，牛柳粒亦都鬆化，又唔會食到”鬆肉粉”既感覺，再加入黑椒炒香，水準一流！自製菌皇醬蒜鮮腐竹 $68個人一向喜愛豆品，腐竹以蒸法烹調可帶出佢既豆香之餘又令質感更加軟滑，菌皇醬味道偏濃。烏龍茶湯圓 $68呢味係全晚最多人喜愛既菜式，配搭新穎有火花。烏龍茶係無加糖既純茶，濃香茶味反而襯托出湯圓既煙韌香甜，比起薑茶糖水有過之而無不及。一啖茶、一啖甜，反而中和左甜膩既感覺，食完成餐飯都唔可以Miss左呢個甜品呀！餐牌…Read More

老朋友從外國返黎出黎聚聚, 所以我專登搵左間中菜餐廳, 等佢可以回味一下中菜的味道. 由於佢家住港島區, 又好少返黎香港, 所以對九龍新界都唔熟路, 所以我搵左中環的名館! 去到餐廳已見滿座, 估唔到平日夜晚都咁旺場, 好彩有book位^^ 餐廳面積好大, 坐位闊落, 坐得舒服. 餐廳提供的蕎麥茶, 有獨特的米香, 味道清新, 正氣有益. 厚切叉燒皇個人好鐘意食叉燒, 但要食到有水準的叉燒不易, 見到隔離枱有人點, 賣相唔錯, 於是點左一碟試試. 叉燒皇不止賣相靚, 厚切口感豐富, 用上半肥瘦肉, 肉質香軟稔滑, 蜜汁的甜味令叉燒更香甜, 味道超讚!霸王辣子軟殼蟹開初見到全是辣椒, 用筷子撥開, 才發現原來有好多隻軟殼蟹在內! 軟殼蟹炸得香脆, 辣椒香味溶入於軟殼蟹中, 配上芝麻、腰果, 好惹味!蜜椒土豆安格斯牛柳粒另一道我最喜愛的菜式~ 安格斯牛柳粒肉質軟稔富肉味, 配以甜甜的蜜糖, 令牛柳粒味道更上一層樓. 土豆切成小粒, 炸得香脆, 一口一粒, 好滋味! 蜂蜜柚子蝦球蝦球炸得香脆, 粉漿夠薄, 外脆內軟,配以柚子蜜香甜中帶點青檸香味, 特別好食! 蝦球雖然炸過, 但仍食到肉質鮮嫩, 果真好味! 鮮蝦金魚餃餐廳把蝦餃造成金魚餃樣子, 賣相可愛, 朋友看到即時拿起相機! 金魚餃皮薄, 內裡的蝦很鮮, 不論賣相, 連味道都是極好! 石窩鮑魚雞粒炒飯炒飯用石窩裝著, 可以保持溫度炒飯內很多粒細鮑魚同雞粒, 炒得乾爽, 十分惹味！麻雀詐糊最令我期待的甜品終於出場！ 呢個麻雀做得似模似樣, 原來是桂花椰汁榚來, 賣相非常特別,又是拿起相機及打卡的時候了！麻雀桂花榚唔甜, 發出淡淡桂花香味, 很清新啊！麻雀下仲附有兩張紙幣, 原來是米紙, 雖然冇味, 但絕對是眾人的亮點, 打卡的好工具！開開心心又傾了一個晚上, 朋友話好滿意呢餐, 仲話下次返香港要再黎…Read More

時日收早於是約左老媽子食飯，由於老媽子偏好中式菜但我又想試下新野，經朋友介紹名館食夜晚幾好於是就決定試一試佢😘😘名館有三間分店分我就揀左中環店方便我放工過去😆😆地點唔難搵，就係正中分叉路中間👍🏻👍🏻book左7點，由於時間尚早人唔多，環境幾大夠光猛好有時尚感👍🏻👍🏻本menu同隻碗設計都好特別😆😆仲有杯玄米茶，好足料好濃味，同平時中菜館既鐵觀音好唔同，讚打開menu好多選擇，由前菜、點心、主菜、甜品全部一應俱全選擇困難症又發作，最後比老媽子揀🙈🙈先黎一個鮮蝦金魚餃😻😻外型做得好得意身型好飽滿，顏色好仔細，一食落去口感同身型一樣好飽滿好足料，好大隻蝦好爽口👍🏻厚切叉燒皇🤤真係好厚切，肥瘦適中，甜甜地又淋，太邪惡😋菌皇醬蒸鮮腐竹👍🏻清淡得黎有啲醬濃味，兩個唔同既層次撞埋一齊好清新😋蜜椒牛柳粒😍知我鍾意食牛特登叫😘牛柳粒好入味，內質唔（鞋），甜得黎帶少少微辣，帶岀牛肉既濃味，仲有炸薯仔粒個配菜，一絕👍🏻主角黃金球泡飯，好特別👍🏻👍🏻走過油既飯球浸住濃湯加上有火加熱保暖，好貼心壓散佢連湯一齊食，有食飯焦脆卜卜既口感又唔會有燶味，值得推介最後追加一個甜品，造型好得👍🏻👍🏻清清地唔太甜，最後侍應話張紙幣都食得但無味🤣🤣整體無論食物質素同環境都好好，佢仲有啲麻辣鍋咁都好多人叫，下次一於試下…Read More

香港人真的很喜歡吃也很懂吃，名館低調的坐落在樓上舖，卻坐無虛席，因為吃過之後都覺得物有所值。來明館必試的東西有兩樣，一個是它的叉燒，另外一個是它的功夫燉湯，這兩個也是 高度推介的菜式。厚切叉燒皇$88叉燒燒得剛好，而且肉質軟淋鬆化，雖然肥度不高但是入口亦有半肥瘦的感覺，而且蜜汁調較得剛好不會太甜或太鹹，一舊挺完美的叉燒。姬松茸燉花膠$98今次選了姬松茸花膠湯，松茸花膠湯在功夫壺中，倒入個小杯，像喝茶一樣，喝起來非常有特色。湯的松茸味香濃，而且內有雞件，豬肉，加埋花膠燉出來的湯汁，非常香甜好味又補身。燒魂妙齡鴿$68妙齡鴿應該是BB鴿來的，細細隻，肉很嫩又多汁，燒到皮有少少脆香，味道也剛好，有些地方會弄到很鹹，這個就不會，味道一流。老鼠愛大米$48叫了兩個呃like用的點心，一個是金魚蝦餃 ，另一個是老鼠愛大米，想不到造形可愛之餘，食落味道也不差。老鼠愛大米感覺上是把鹹水角的配料放入西米中，喜歡吃鹹水角又怕熱氣的朋友就岩食了。鮮蝦金魚餃$58  金魚餃造形頗神似，皮薄薄的，裡面包有鮮蝦，也蠻鮮味的。金銀蒜蒸勝瓜金菇$68來一個蒜蓉勝瓜金菇，整體比較精緻，勝瓜為主，金菇分量相對地比較少，蒜蓉味道很新鮮濃郁，調味適宜，一個不錯的素菜。和風櫻花蝦炒飯$118為了飽來了個櫻花蝦炒飯，炒飯帶有一點點的鹹味，不會太鹹，炒得夠乾身，不油，上面放了一大堆的乾櫻花蝦，可以帶出炒飯的香味。金薯棋子酥$68叫了一個金薯棋子酥作甜品，原來是些黃番薯及紫番薯做成的象棋棋子放在象棋棋盤上，又是一個呃like的甜品，也充滿兒時回憶，小時候沒有網上世界，玩的就是這些東西，黃薯紫薯吃到天然薯香，感覺沒什麼添加，味道也不錯。食物送來速度很有效率，但每樣餸菜感覺都是新鮮製作的，味道有星級水準，是一間我們會一吃再吃的中菜館。…Read More

中環的餐店一向要鬥質素,鬥創新,鬥環境~最近和同事發現了這間新的中菜館, 我個人感覺有點像唐宮小聚、飲茶那類型, 以環境, 創意食品取勝~ 當然, 食物質素也很好~首先餐具夠晒特別, 毛主席的茶杯有點像涮口杯 濕紙巾就好像domdom, 設計的人太有興了金魚餃其實是蝦餃, 不但外皮變成金魚色, 連"嘟嘴"的神情也有, 太可愛了心心眼呀蜂蜜柚子蝦球好食!蝦肉彈牙, 滿滿的柚子蜜汁, 柚子味好像能把油膩感覺減少整碟都夠镬氣, 重點特別是薯仔粒!!! 入晒味!! 我想要多幾粒~堅厚切, 是平時的一倍, 厚了但不會難咬開, 有肉汁~正!最普通是這個娃娃菜, 不是難食, 只是對比起其他, 娃娃菜太普通, 不過每日都要食下菜, 蒸菜又是比較健康><原來職員經常幫我斟茶是喬麥茶, 而且有售賣, 見佢寫住的功效, 早知我飲多兩杯~哈哈~我見其他人點菜也很特叮!!! 下次要再來食!! …Read More

中環身為香港的CBD，從從前覺得餐廳的價錢遙不可及，到現在小店越來越多，跟外頭的價錢差不多但可以吃得更高質，何樂而不為？這家新派中菜已有幾家分店，是晚接表姐收工吃飯，所以遷就她選址中環分店。餐廳裝潢迎合年輕人，不會令人覺得吃中菜很土，每幅牆至每個碗底也能打卡，又不失中式的風格，活潑新穎。晚上仍然用點心紙的形式下單，不只有小菜，也有點心供應，實在多元化。見這派頭，出奇地餐牌沒有很昂貴，都屬合理價錢。原來因為份量較少，但也因此可以多試不同款式，即使二人來也不會只點兩三道就飽了，免卻了少人吃中菜的規範。下單不消一會便上菜了，菜也來得非常快，很快便擺滿整個餐桌。叉燒是廣東菜的代表作，傳統的菜式在新派中菜的冠冕下絕不失色。叉燒不肥，主要是瘦肉，卻是出奇的腍滑多汁。蜜汁令外皮更鮮色，味道甜美清新。雞絲粉皮又是傳統菜，但這裡有些變奏：醬汁是日式麻醬，但加入點麻辣，十分開胃惹味；粉皮用上薯粉，較為煙韌有咬口。大量青瓜絲和雞絲令菜式更適合夏天，上面灑上花生碎加添口感。海葡萄是海藻類植物，十分健康，口感爽脆，咬下去有點爆汁，很特別。下面的沙律菜和小番茄新鮮，配以和風芝麻醬更易入口。蝦餃常常吃，有造型而又能保持水準的不容易。外形弄得像是一條金魚，還會著墨於金魚嘴，十分著重細節。內裡塞滿爽脆蝦仁，彈牙多汁，很是足料。這個賣相更討好，似是很可愛的白老鼠，名字也用上紅極一時的歌名「老鼠愛大米」，很有話題性。白老鼠可愛在於連外皮也有晶盈閃亮的凹凹凸凸，原來是用西米做的，西米下的是煙韌的糯米皮，裡面包著豐富的肉碎、冬菇和韮菜。原來這是傳統鹹水角的變奏，只是將油炸的脆外皮變成了蒸點，更為健康。炸鮮奶一向很考技巧，這裡將其變成了像是春卷的脆網卷，脆硬外皮與內裡軟綿的的奶漿形成口感的強烈對比，微甜也不錯的吃。這個用半鳥籠盛著，賣相吸引；但味道更為出色，是是晚最好吃的一道菜。柚子不是現成的韓式柚子蜜，而是有一條條的柚子肉吃，有咬口之餘味道更濃郁。蝦球輕炸過後十分彈牙，蘸著酸酸甜甜的柚子更能調起鮮味。安格斯牛柳粒很有牛味，肉質軟腍多汁。土豆輕炸過後外脆內軟，加入蜜椒，配以蜜糖黑椒汁，十分香口惹味。這個燉湯更是不得了，燉鷓鴣味道濃郁，蔘味回甘，但十分清澈，面上沒有浮半點油光，非常好喝！！！自家製的菌皇醬很有味道，難得只用素也很濃味。鮮腐竹很軟滑，浸得很完全，沒有一個硬的角落，而且十分吸味。欖角肉碎炒飯吃過，放在秋葵上蒸令菜蔬更惹味。我個人本來就很喜歡吃秋葵，倒還是第一次吃這樣的煮法，還不錯的吃。上面這麼多道菜都已經吃飽飽，還擔心會吃不下炒飯，可是好吃的炒飯還是不自覺的一口口吃下去了。 炒飯炒得非常乾身不油膩，粒粒分明，醬油下得均勻。櫻花蝦乾香氣四溢，鹹香惹味，加上粟米、香蔥，不用多複雜的材料，更顯廚師功架。這裡的甜品很有看頭，最後當然要來一客。這個賣相滿分，無論是銀紙還是麻雀都做得很像樣。有別於一般只顧造型而不顧味道的icing蛋糕，這裡的造型甜品無論是賣相或味道都很高質，不會過甜。銀紙是像威化餅的薄紙，另外在麻雀上印上的字也是用這威化紙，沒有甚麼味道，但保持得很乾身，不會容易霉口。麻雀連後面的細節也照顧好，像是家裡的金色麻雀，其實是桂花糕，而前面的雪白主體則是椰汁糕，味道剛剛好不死甜，很清新。整體來說整餐都是個滿足眼球與舌頭的盛宴，難得中菜換上新穎造型後仍不失其味道的質素，實在值得稱讚。在中環來說性價比也算高，會有再來或到其他分店的可能呢。…Read More

去中環食晚餐好多人認為係好奢侈嘅事, 因為中環嘅食店大多都係裝修豪華, 食材比較講究, 當然價錢都唔會平啦。不過位於擺花街呢間新派中菜就有所不同, 雖然裝修同都食物都走高檔次路線, 但價錢就比較貼地。爸媽好鍾意去呢間名館開餐, 除左因為性價比高之外, 閒時喜愛打麻雀嘅佢地對呢度嘅一款十三么菜式情有獨鍾, 每次黎點呢個食物都要自拍一番。😆我地未到7點已到餐廳, 客人未係好多。餐廳裝修採用嘅顏色同質料都有別於普通中菜館, 以金色, 藍色為主, 感覺新潮年輕, 當中最有特色嘅擺設首選以七彩顏色點心籠拼成嘅毛主席像, 既富中式元素, 又富有藝術氣息。👍我地4個點左10款食物, 當然包括佢地最鍾意嘅麻雀甜品, 4個人應該好夠食。😁高原野生蕎麥茶 $15位餐廳提供嘅茶唔係一段普洱或香片, 呢款高原野生蕎麥茶入口甘甜, 而且蕎麥茶有降血脂膽固醇等功效。👍老鼠愛大米 $48名館出品嘅點心每款都好精緻特別, 以咸水角餡料配上西米皮嘅老鼠愛大米造型超可愛, 外層煙韌配搭咸香餡料, 味道唔錯。😋鮮蝦金魚餃 $58金魚造型嘅蝦餃外皮富有彈性, 蝦肉爽口大隻, 每一啖都食到蝦肉嘅鮮美。天山雪蓮燉海星 $88以茶壺上的燉湯好足料, 唔會太咸, 鮮雞肉, 豬肉等配料能燉湯好鮮甜, 而且份量唔少, 4個人share都夠飲。👍紅燒嫩滑妙齡鴿 $68隻乳鴿外層好香脆, 鴿肉油脂豐富, 非常惹味。😋厚切叉燒皇 $88 爸爸最鍾意食叉燒, 呢度嘅叉燒皇肉質好軟腍, 厚切上枱, 好啱佢口味。魚米之鄉 $168雖然我本身唔太喜歡食魚, 不過呢款有滿滿嫩滑鮮魚肉嘅炒飯非常美味炒飯又夠乾身, 我都忍唔住食左三大碗。😍蜜椒土豆安格斯牛柳粒 $98土豆粒同牛柳粒味道好配, 牛柳肉鮮嫩多汁, 加上黑椒同青紅圓椒, 非常惹味, 一口一件, 食到停唔到口。😆蜂蜜柚子蝦球 $88酸酸甜甜的嘅柚子配上大大隻爽口彈牙嘅蝦球, 色彩鮮豔, 既好睇又好食。👍欖角肉鬆蒸秋葵 $68老婆好鍾意食秋葵, 秋葵口感爽滑而且營養豐富, 呢碟欖角肉鬆蒸秋葵份量好多, 佢食得好滿足。😆麻雀詐糊 $68麻雀造型甜品有整份十三么同半份的麻雀詐糊選擇, 麻雀造型神似, 由椰汁糕同桂花糕製成, 賣相同味道都相當出色, 紙幣則是用米紙製, 影相打咭精選🀄, 食埋呢個特色麻雀甜品, 呢餐非常圓滿。👍…Read More

今日同屋企人中環一晚遊～😆去左PMQ又去埋大館, 有旅行的感覺呢!難得全家出動, 一早已經book定一間全家人都岩食既:: 中菜館!!🥢位於1號廣場的1樓... 無鋪張既門面, 帶有少少神秘感覺發現呢度好多點心蒸籠既裝飾!! 好精緻💕位於擺花街上的名館.. 一共有3間分店雖然係位於較高檔地帶價錢卻意想不到地親民!😊一坐低.. 員工已經好主動為我地斟上消滯的蕎麥茶🍁環境非常新派, 極多蒸籠擺設!!☺餐牌設計也太精美了💙中國式的雕花封面 可以向兩邊打開就好似古代中國既門打開左咁 食物款式亦都係多到令人眼花繚亂🤩分類大約為:: 前菜/涼菜, 燉湯, 點心, 小菜, 京式沸騰火鍋, 粉麵飯, 蔬菜, 海鮮同鐵板燒最平既款式$48已有交易 大部分菜色都唔過$100,, 真心抵叫架$v$!!亦都因為價錢唔貴....貪心既我地叫左勁多野食🙊成日出街食...好需要補身呢度出名菜色之一:: 功夫燉湯🥣一壺夠兩位飲用~姬松茸燉花膠$98一飲已經飲得出好足料的一款湯頭好濃郁, 茶具亦都夠晒保溫☕有2片花膠,, 2-3粒姬松茸仲有排骨同雞肉! 全部材料都非常鮮甜呢~ 但雞肉難免鞋口...會想試埋其餘三種口味😋 厚切叉燒皇$88果然非常厚身,, 肉質幾淋身又唔會過肥係唔錯既一款但又唔算令人太難忘香燒嫩滑妙齡鴿$68 我真係好耐無食過乳鴿喇T____T所以覺得特別好食呀T___T炸得夠脆身 完全唔會過火同過老~ 愛乳鴿的要叫呢自製菌皇醬蒸鐵棍淮山$78淮山本身無乜味但沾埋餐廳獨有既菌皇醬就變得惹味~~淮山好健康..食多多都唔怕!!🤤私房金黃球泡飯$88非一般的泡飯🍚飯呈球狀再炸過所以外層已經變成薄薄的飯焦 固然係香脆可口🤤飯粒本身已經索晒清湯的鮮甜味而蕃茄粒同芹菜香蔥令到味道清新左呢🌿水蜜桃咕嚕肉$88呢度既咕嚕肉夠瘦底,,,唔怕膩!醬汁一樣唔過濃~ 我地都幾鐘意🧡蜂蜜柚子蝦球$88薄薄的一層炸粉 配上酸酸甜甜的柚子感覺好清新💛💚💚黑松露小籠包$88皮好薄夠多汁 小心一夾就穿😂可惜食落無乜松露味...湯包味都較清淡呀鮮蝦野菜春卷$486大件係真心大件...春卷入面既蝦都幾大隻!!🦐而且配料夠多...炸得恰到好處亦唔會太油真心抵食👍會再叫的~老鼠愛大米$48 非常可愛的造型點心!!內裡其實係咸水角餡黎~~ 雖然得三件..但其實食落都幾飽下lol最後當然要叫埋呢度超有氣勢既甜品啦::: 麻雀詐糊$68點解好地地唔揀十三么而要叫詐糊呢😆其實因該我地已經太飽...詐糊既份量係十三么既一半~~ 所以唯有試下食詐糊既滋味啦😆非常精緻同逼真既麻雀粒!!! 初時以為淨係得個樣..估唔到食落都好味呀係椰汁糕加桂花糕的合體🌼微微甜+軟淋口感作為完美結尾💛 整體黎講, 上菜時夠晒熱辣辣已經為味道生色不少~服務亦都係值得一讚, 員工總會係適當時候黎到幫你, 亦好主動加水同收碟食物款式多, 價錢相宜, 質素亦高呢係食中菜既好選擇 : >…Read More

經友人介紹，再在網上看資料，覺得這間中菜館很特別，點心賣相又精緻，見到麻雀造型，即急不及待約友人來見識一下 ^_<原來我在後門入的，難怪門面咁奇怪！一入內，地方很大，大到分不清哪處是正門 -_- 地方很闊落，裝潢簡約，座位舒適。不論裝潢，以及餐具，都很有心思！很吸引的甜品 但要點主菜先......我們點了「鮮蝦金魚餃」、「厚切叉燒皇」、「蜜椒土豆安格斯牛柳粒」、「金銀蒜蒸勝瓜金菇」及「和風櫻花蝦炒飯」。鮮蝦金魚餃，已被這得意的造型吸引 皮薄，蝦鮮味十足！厚切叉燒皇，肉質鬆軟，再配上香濃的蜜汁，好味！蜜椒土豆安格斯牛柳粒，牛柳粒肉質嫩滑，這配搭不錯，略嫌土豆太多！金銀蒜蒸勝瓜金菇，食了咁多肉，這碟清清地不錯 和風櫻花蝦炒飯，未食已聞到櫻花蝦的香味 炒得夠乾身，材料豐富，非常香口、惹味！終於到甜品喇 麻雀詐糊，其實是椰汁桂花糕，將平平無奇的椰汁桂花糕，用這設計吸引客人，實在太花心思了！如果那些紙幣都食得，會更加好 ^_<下次有機會要同父母來再見識一下「麻雀」！可以去完大館，再去名館 ^_^…Read More

難得大忙人主動約食飯，當移船就磡；選了家位於他公司附近的館子一聚。這裡走的是Casual Dining 路線，適合三三兩兩的組合。人多的話可選這些半開放式包廂。以蒸籠、瓷碗等作牆上裝飾，有夠別緻；更有彩色版本，遠看不就是人像嗎？甫坐下，侍應隨即給我們斟了杯麥香怡神的蕎麥茶，據說可降血脂、血糖及糖尿。越是物質富裕的社會，便越是對養生、無添加等食材關注。別緻的鏤空窗飾餐牌。厚切叉燒皇（$88）夠膽厚切，肉質當然有番咁上下，蜜香鬆軟，白飯；我來也！養肝參燉鷓鴣（$88）陣容非常豐富，包括：蔘鬚，豬肉，雞腳和鷓鴣，清而鮮；甘甜滋美。以鑄鐵壺存溫，飲到最後一啖，依然熱暖；用杯細意品嚐，寧舍風雅。老鼠愛大米（$48）三小鼠外層是西米大衣，入面有點似鹹水角的內涵，小耳朵用脆口的杏仁片裝成，以黑芝麻點睛，得意好吃。私房金黃球泡飯（$88）炸得金黃的飯團波波沉浸在熱湯內，索滿湯汁精華；味道與口感均很不俗。暖意窩心的設計。好味醬秋葵炒海螺片（$88）海螺片爽口入味，但秋葵卻煮得有點偏淋，還好調味出色，給挽回了點分數。七彩不切糕（$38）微凍的椰奶糯米糕沾上脆脆的的麥皮，滿載椰香且口感煙韌，一口一件剛剛好。名館地址: 1號廣場1樓電話: 21800768…Read More

為答謝P哥送贈迷你兵兵禮物，週日小肥就喺中環一間幾人氣o既「名館」度請食晏作回禮。餐店裝潢時尚，光線充裕，空間感足。二人被安排入座彩籠牆邊o既雲石散枱。埋位即有熱米茶飲。桌上自用餐具齊全，仲好衛生地早已備好套裝濕紙巾。碗底印有玄機妙句：「有時緣淺却回味深遠」。。。咁算唔算係「淺亦深時，深亦淺」？！叫餸只雖直接填寫點菜紙，簡單易明；另附上厚本彩圖餐牌供參考之用。兩口子就憑相揀選菜式。厚切叉燒皇（$88）：半肥瘦o既叉燒皮脆肉鬆爽，香甜討好。鮮蝦金魚餃（$58）：整頓午餐最精彩必選此味外形趣緻可愛o既金魚餃。三條小金魚白裡透橙、暗閃金光、飽滿結實，細佬當然係忍唔住要影多幾幅相同大家分享啦！真係估唔到金魚餃不單樣靚身材正，咬落更加係皮層軟潤，蝦心爽嫩脆口，比起早前喺兩間自稱為高級中餐廳食過嗰啲蝦餃認真好食且抵食得多！養肝參燉鷓鴣（$88）：以茶壺連茶杯上o既鷓鴣湯先由樓面姐姐斟滿兩小杯。打開壺蓋，即可見到人參下有成對雞腳、厚件豬肉及半隻鷓鴣，濟得滿滿，十分足料。以養肝參燉煮o既鷓鴣清湯參味甘香帶甜，潤而不膩，極易入口。和風櫻花蝦炒飯（$118）：真係估唔到炒飯會咁大碗同咁滿，飯面仲要舖滿金黃色o既櫻花蝦，份量絕對屬重量級。混入咗粟米粒、芹菜粒、青豆、碎蔥等炒煮o既炒飯好夠乾身，飯粒煙韌帶脆，連同頂面脆卜卜o既櫻花蝦食，當真香口惹味，飽肚非常。金薯棋子酥（$68/半份）：P哥點食o既金薯棋子酥以棋盤上，外觀實在吸睛。由於XO仔有飽飯食，甜品亦只可少試半粒。金薯棋子酥屬微甜，食落真係好有冬天食燴蕃薯嗰種感覺，食完仲好快有氣放添，呵呵呵！中環樓上食店「名館」裝潢、設備及菜式都流露出時尚o既味道，當中好睇又美味o既「鮮蝦金魚餃」實屬驚喜之作，加上服務生勤力又友善，餸菜價格合理，唔怪得知店子週末都可以咁受歡迎。…Read More

以前食過同集團的名苑，食物有一定水準。這次跟朋友可以來吃名館，一點也不怕中伏，更是滿心期待呢。中環粵菜的選擇十分多，單是鄰店已有一家米芝蓮推介餐廳，要在此地段立足的話，不乏實力之外，相信廚師和員工的壓力也不少呢。 餐廳的英文以「Bistro」為名，環境跟平時中菜廳不一樣，而是走較新潮型格的路線，就像一個海底世界的感覺，裝潢十分特別，擺設亦格外講究。 最令人注目的，莫過於那幅粉色蒸籠墻，旁邊的一個個碗就跟用餐的碗一樣有心思，有玩味。 碗上盡是有意思的句子，尤其能感受到設計者的心思。像這句「時間是一個圓，春夏秋冬又一春，過不完我對你 週而復始的思念」，很有意思，對嗎？ 先嚐一壺熱湯。對，你沒看錯，我沒打錯，這裡的湯的確是以「茶壺」送上，再倒上杯中淺嘗。 天山雪蓮燉海星 $88 這種壺與茶杯令喝湯這件事變得有趣，又增加了幾分噱頭和玩味，不喜歡喝湯的我也因此而喝了幾杯！ 湯暖暖的，不會太膩，鮮味足夠之餘，感覺亦清潤，無味精。雖然用上了海星，但湯卻沒有半點腥味，有點意外，亦難得。 厚切叉燒皇 $88這裡必吃的名物就是這個叉燒皇！你看，它絕非全瘦或偏肥，而是肥瘦均勻，每一片的厚度亦相若，未吃已經香味四溢，令人垂涎。 叉燒外層香甜帶焦脆，口感嫩軟不帶渣，蜜味濃而肉汁豐盛，吃起來啖啖肉，確是名副其實的厚切！ 海葡萄沙律菜 $58 本來我們覺得在中菜飯店吃沙律是有點奇怪的，不過，我跟朋友實在對「海葡萄」這個食物充滿好奇和疑惑，所以決定一嘗！ 沙律來到時，我們被嚇倒了，因為我倆沒想過份量是如此多的。不過，沙律菜看來十分新鮮，海葡萄吃起來十分爽口，咬下去就是像吃爆珠感覺，口感特別；不過沒甚麼味道，但不太像吃提子。我想，名字的由來是因為它樣子像提子吧？ 鮮蝦金魚餃 $58 為什麼蝦餃要是金魚的賣相，而並非蝦的樣子呢？ 金魚樣子的蝦餃十分可愛精緻，雖然我們吃的時候已不太熱，不過皮薄，蝦亦同樣鮮味十足。蝦亦很鮮味，中間加入了少許筍，口感更加鮮甜爽脆。 自製菌皇醬蒸鐵棍淮山 $78 平時甚少吃淮山，因為處理生淮山的工夫麻煩，一不小心，就會令手痕癢一整天。 看到這個蒸淮山，就想一試。淮山口感綿密帶沙，有點脆又微爽。 而配搭起店內自家製的味道濃郁的菌皇醬，有雜菌，蝦米，瑤柱等的材料的香味，鹹鹹的，挺特別。 和風櫻花蝦炒飯 $118 這個炒飯著實值得讚賞，因為炒得十分乾身，米飯粒粒分明，超有咬口。 炒飯加入了玉米和櫻花蝦等，脆卜卜，令口感提升。而炒飯滿佈櫻花蝦，吃起來，每一口都盡是蝦的鮮味，增加美味的層次！ 蜂蜜柚子蝦球 $88 這個蝦球的賣相充滿和風味道，十分吸睛。 蝦球炸得金黃，大大隻，未吃都知啖啖肉！名叫「蜂蜜柚子蝦球」，因為每隻蝦都沾上了一片柚子，味道甜甜酸酸的，十分「醒胃」！ 蝦球本來是炸過的，可能有點膩；不過，配上了柚子蜂蜜的清甜和青檸的微酸，令這道菜變得清新起來，味道層次也因而豐富多了。 烏龍茶湯圓 $68 在吃這個湯圓之前，從未想過湯圓可以這樣吃，這次真的大開眼界。 湯圓上菜時已被放在茶杯內，吃的時候，自己往杯內注入熱騰騰的烏龍茶，把湯圓回溫熱。 湯圓是黑芝麻湯圓，皮薄之餘，芝麻餡香味濃厚但不太甜。吃完，嚐一口烏龍茶，即時變得不膩且怡口。 茶位 $15 值得一提的是，這裡一個茶位是$15。頗貴吧？不過，我們後來覺得那是值得的。因為店家提供的是「蕎麥茶」，蕎麥茶十分有益，可以降血脂，血糖及糖尿，而侍應每次加注的茶是有色有味，蕎麥味超重，絕非有色無味的茶，可見真材實料。 離開時，發現這蕎麥茶也供出售，價錢也不便宜呢，早知多喝幾杯！下次可以帶媽媽去呢！…Read More